1 بُطْرُس 3:13 - الكتاب المقدس بالعربي الدارجي هنا تشاد

¹³ وَ يَاتُو الْيِسَوِّي لَيْكُو شَيّءْ فَسِلْ، كَنْ إِنْتُو مُنْكَرِبِينْ فِي الْخَيْر؟

1 بُطْرُس 3:13 Referenca të Kryqëzuara

أمْثال 16:7

وَكِتْ اللّٰهْ يَرْضَى بِعَمَلْ الْإِنْسَانْ، يِسَهِّلْ لَيَّهْ السَّلَامْ مَعَ الْعُدْوَانْ.

1 تَسَلونِيكِي 5:15

أَنْقَرْعُوا، نَادُمْ مِنْكُو مَا يِسَوِّي شَيّءْ فَسِلْ لِلنَّاسْ السَّوَّوْا لَيَّهْ شَيّءْ فَسِلْ. شِيلُوا نِيَّةْ أَشَانْ تِسَوُّوا دَايْماً الْخَيْر أَمْبَيْنَاتْكُو وَ لِكُلَّ النَّاسْ.

رَوْمَا 8:28

وَ نَعَرْفُوا كَدَرْ فِي كُلَّ شَيّءْ، اللّٰهْ يِسَوِّي الْخَيْر لِلنَّاسْ الْيِحِبُّوهْ وَ هُمَّنْ النَّاسْ الْاللّٰهْ نَادَاهُمْ فِي دَرْبَهْ لِيِطَبُّقُوا خِطِّتَهْ.

3 يُوحَنَّا 1:11

يَا حَبِيبِي، مَا تِتَابِعْ مَثَلْ هَنَا النَّاسْ الْيِسَوُّوا الشَّرّ. تَابِعْ مَثَلْ هَنَا النَّاسْ الْيِسَوُّوا الْخَيْر. النَّادُمْ الْيِسَوِّي الْخَيْر، هُو بَسْ نَادُمْ هَنَا اللّٰهْ. وَ النَّادُمْ الْيِسَوِّي الشَّرّ مَا يَعَرِفْ اللّٰهْ.

زَبُور 38:20

وَ الْيِسَوُّوا لَيِّ الشَّرّ فِي بَدَلْ الْخَيْر يَتْهَمَوْنِي فِي شَانْ الزَّيْن الْأَنَا نِفَتِّشَهْ.

1 تِمُوتَاوُس 5:10

وَ كَنْ هِي مَعْرُوفَةْ بِالْعَمَلْ الصَّالِحْ. وَاجِبْ تَبْقَى مَرَةْ الرَّبَّتْ عِيَالْهَا عَدِيلْ وَ كَرِيمَةْ لِلضِّيفَانْ وَ سَلَّمَتْ نَفِسْهَا أَشَانْ تَخْدِمْ لِلنَّاسْ الصَّالِحِينْ وَ سَاعَدَتْ التَّعْبَانِينْ وَ مِثِلْ دَا هِي أَنْكَرَبَتْ فِي كُلَّ عَمَلْ الْخَيْر.

1 كُرُنْتُس 14:1

أَشَانْ دَا، أَنْكَرْبُوا فِي الْمَحَبَّةْ وَ بَتَّانْ أَتْمَنَّوْا بِنِيَّةْ وَاحِدَةْ أَشَانْ تَلْقَوْا بَرَكَاتْ الرُّوحْ الْقُدُّوسْ. وَ مِنْ الْبَرَكَاتْ دَوْل، أَتْمَنَّوْا زِيَادَةْ أَشَانْ تِتْنَبَّأَوْا.

رَوْمَا 13:3

أَشَانْ النَّادُمْ الْحَالَهْ عَدِيلَةْ مَا يَخَافْ مِنْ الْحُكَّامْ إِلَّا النَّادُمْ الْحَالَهْ فَسْلَةْ، هُو يَخَافْ مِنْهُمْ. كَنْ تِدَوْر مَا تَخَافْ مِنْ الْحَاكِمْ، خَلَاصْ سَوِّي الْخَيْر وَ الْحَاكِمْ يَشْكُرَكْ.

أمْثال 15:9

دَرِبْ الْعَاصِيِينْ، اللّٰهْ حَرَّمَهْ وَ الْيِرِيدْ الْعَدَالَةْ، اللّٰهْ يِحِبَّهْ.

أفَسُس 5:1

إِنْتُو عِيَالْ اللّٰهْ الْيِحِبُّكُو وَ أَشَانْ دَا، خَلِّي حَالْكُو تَبْقَى مِثِلْ حَالَهْ.

أمْثال 12:21

الصَّالِحْ مَا يَقَعْ فِي أَيِّ شَرّ وَ لَاكِنْ الْعَاصِي يَقَعْ فِي الْمَصَايِبْ.

إرْمِيا 39:12

«شِيلْ إِرْمِيَا دَا مَعَاكْ وَ فَكِّرْ فَوْقَهْ عَدِيلْ. مَا تِسَوِّي لَيَّهْ أَيِّ شَيّءْ فَسِلْ وَ سَوِّي لَيَّهْ الْيِدَوْرَهْ.»

تِيطُس 2:14

هُو أَنْطَى نَفْسَهْ ضَحِيَّةْ لِيَفْدَانَا مِنْ كُلَّ الْفَسَالَةْ وَ يِطَهِّرْ قُلُوبْنَا أَشَانْ نَبْقَوْا لَيَّهْ شَعَبَهْ حَلَالَهْ مُنْكَرِبِينْ فِي عَمَلْ الْخَيْر.