1 بُطْرُس 3:10 - الكتاب المقدس بالعربي الدارجي هنا تشاد

¹⁰ وَ مَكْتُوبْ فِي الْكِتَابْ: <أَيِّ نَادُمْ الْيِدَوْر يِعِيشْ أَيَّامْ سَعِيدِينْ خَلِّي يَحْفَضْ لِسَانَهْ مِنْ الْكَلَامْ الْفَسِلْ وَ خَشْمَهْ مِنْ الْكَلَامْ الْكِدِبْ

1 بُطْرُس 3:10 Referenca të Kryqëzuara

يَعْقُوب 1:26

النَّادُمْ الْيِفَكِّرْ هُو يِتَابِعْ الدِّينْ عَدِيلْ وَ لَاكِنْ مَا يَلْزَمْ لِسَانَهْ، هُو دَا قَاعِدْ يُغُشّ نَفْسَهْ وَ دِينَهْ مَا يَنْفَعْ.

1 بُطْرُس 2:22

<هُو مَا أَذْنَبْ وَ فِي خَشْمَهْ مَا فِي غَشّ.>

1 بُطْرُس 2:1

أَشَانْ دَا، خَلُّوا مِنْكُو كُلَّ الْفَسَالَةْ وَ كُلَّ النَّجَاضَةْ وَ النِّفَاقْ وَ الْحُسُدْ وَ الْقَطِيعَةْ.

رُؤية 14:5

وَ هُمَّنْ أَبَداً مَا قَالَوْا كَلَامْ كِدِبْ وَ مَا عِنْدُهُمْ أَيِّ عَيْب.

يُوحَنَّا 1:47

وَ عِيسَى شَافْ نَتَنَايِلْ جَايِ لَيَّهْ وَ قَالْ: «دَاهُو إِسْرَائِيلِي صَحِيحْ. هُو مَا يُغُشّ أَيِّ نَادُمْ.»

يُوحَنَّا 12:25

وَ أَيِّ نَادُمْ الْيِحِبّ حَيَاتَهْ يِوَدِّرْهَا. وَ الْيَكْرَهْ حَيَاتَهْ فِي الدُّنْيَا، يَلْقَى الْحَيَاةْ الْأَبَدِيَّةْ.

أمْثال 8:35

أَشَانْ الْيَلْقَانِي، يَلْقَى الْحَيَاةْ وَ يَلْقَى رِضَى مِنْ اللّٰهْ.

أمْثال 3:2

أَشَانْ هُمَّنْ يِطَوُّلُوا عُمْرَكْ وَ سِنِينْ حَيَاتَكْ وَ بَيْهُمْ تَلْقَى السَّلَامْ.

مَتَّى 19:17

وَ عِيسَى رَدَّ لَيَّهْ وَ قَالْ: «مَالَا تَسْأَلْنِي بِالْعَمَلْ الْعَدِيلْ؟ وَاحِدْ بَسْ عَدِيلْ وَ هُو اللّٰهْ. وَ لَاكِنْ كَنْ تِدَوْر تَدْخُلْ فِي الْحَيَاةْ الْأَبَدِيَّةْ، طَبِّقْ الْوَصَايَا.»

أمْثال 4:22

الْيَلْقَاهُمْ، يَلْقَى الْحَيَاةْ وَ يَلْقَى الْعَافَيْ لِكُلَّ جِسْمَهْ.

أمْثال 3:18

الْحِكْمَةْ هِي شَدَرَةْ الْحَيَاةْ لِلْيَكْرُبْهَا وَ الْيَمْسُكْهَا يَبْقَى مُبَارَكْ.

مَرْخُوس 8:35

أَشَانْ أَيِّ نَادُمْ الْيِدَوْر يِنَجِّي نَفْسَهْ، يِوَدِّرْهَا. لَاكِنْ أَيِّ نَادُمْ الْيِوَدِّرْ نَفْسَهْ فِي شَانِي أَنَا وَ فِي شَانْ الْبِشَارَةْ، يَنْجَى.

زَبُور 49:19

لَاكِنْ هُو كُلَ يَلْحَقْ جُدُودَهْ الْبَتَّانْ مَا يِشِيفُوا النُّورْ.

زَبُور 27:13

أَيْوَى، أَكِيدْ نِشِيفْ خَيْر اللّٰهْ فِي أَرْض الْحَيِّينْ.

أيُّوب 33:28

وَ نَجَّى رُوحِي مِنْ الْقَبُرْ وَ نِشِيفْ نُورْ الْحَيَاةْ بَتَّانْ.»

أيُّوب 9:25

أَيَّامِي مَشَوْا عَجَلَةْ زِيَادَةْ مِنْ النَّادُمْ الْجَرَّايْ وَ جَرَوْا قَبُلْ مَا يِشِيفُوا الْخَيْر.

تَثْنِية 32:47

أَشَانْ الْكَلَامْ دَا، مُهِمّ لَيْكُو. وَ الْكَلَامْ دَا، هُو حَيَاتْكُو وَ يِزِيدْ عُمُرْكُو فِي الْبَلَدْ التَّمْشُوا لَيْهَا وَ تِشِيلُوهَا وَرَثَةْ بَعَدْ تَقْطَعَوْا بَحَرْ الْأُرْدُنْ.

جامِعة 2:3

وَ أَنَا قَرَّرْت نِفَرِّحْ نَفْسِي بِالْخَمَرْ. وَ نُقُودْ نَفْسِي بِالْحِكْمَةْ وَ نِنْرَبِطْ فِي الطَّمَاسَةْ كُلَ. بَيْدَا، نِشِيفْ كِكَّيْف وَاجِبْ الْإِنْسَانْ يِعِيشْ عَدِيلْ فِي تِحِتْ السَّمَاءْ، فِي كُلَّ مُدَّةْ أَيَّامْ حَيَاتَهْ.

زَبُور 106:5

وَ بَيْدَا، نِشِيفْ خَيْر النَّاسْ الْإِنْتَ عَزَلْتُهُمْ وَ نِنْبَسِطْ بِفَرَحْ أُمَّتَكْ وَ نَفْرَحْ مَعَ شَعَبَكْ الْهُمَّنْ وَرَثَتَكْ.

أيُّوب 2:4

وَ إِبْلِيسْ رَدَّ لِلّٰهْ وَ قَالْ: «أَيْوَى! النَّفِسْ عَزِيزَةْ! الْإِنْسَانْ يَنْطِي كُلَّ شَيّءْ الْعِنْدَهْ لِيِنَجِّي حَيَاتَهْ