1 بُطْرُس 2:7 - الكتاب المقدس بالعربي الدارجي هنا تشاد

⁷ وَ لَيْكُو إِنْتُو الْمُؤمِنِينْ، الْمَسِيحْ هُو الْحَجَرْ الْعِنْدَهْ قِيمَةْ كَبِيرَةْ. وَ لَاكِنْ لِلنَّاسْ الْمَا مُؤمِنِينْ، هُو بِقِي مِثِلْ الْكَلَامْ الْمَكْتُوبْ فِي الْكِتَابْ الْبُقُولْ: <الْحَجَرْ الْبَنَّايِينْ الْبَيْت أَوَّلْ مَا دَوَّرَوْه بِقِي الْحَجَرْ الْمُهِمّ فِي بُنَى الْبَيْت.>

1 بُطْرُس 2:7 Referenca të Kryqëzuara

مَتَّى 21:42

وَ عِيسَى قَالْ لَيْهُمْ: «أَكِيدْ قَرَيْتُوا الْكَلَامْ الْمَكْتُوبْ فِي الْكِتَابْ الْيُقُولْ: <الْحَجَرْ الْبَنَّايِينْ الْبَيْت أَوَّلْ مَا دَوَّرَوْه بِقِي الْحَجَرْ الْمُهِمّ فِي بُنَى الْبَيْت. وَ الشَّيّءْ دَا جَايِ مِنْ اللّٰهْ وَ شِفْنَاهْ عَجِيبْ!>

1 بُطْرُس 2:8

وَ بَتَّانْ بُقُولْ: <أَسْمَعَوْا، أَنَا نُخُطّ حَجَرْ فِي صَهْيُون. بِسَبَبَهْ، النَّاسْ يِنْطَقَّوْا وَ يَقَعَوْا.> وَ يِنْطَقَّوْا فَوْقَهْ أَشَانْ أَبَوْا مَا يِتَابُعُوا كَلَامْ اللّٰهْ وَ دَا مُقَدَّرْ لَيْهُمْ.

1 بُطْرُس 1:8

وَ الْمَسِيحْ دَا، إِنْتُو تِحِبُّوهْ حَتَّى كَانْ مَا شِفْتُوهْ كُلَ. وَ كَنْ إِنْتُو مَا قَاعِدِينْ تِشِيفُوهْ كُلَ، إِنْتُو مُؤمِنِينْ بَيَّهْ وَ تَفْرَحَوْا بَيَّهْ بِفَرْحَةْ مَجِيدَةْ وَ كَبِيرَةْ الْأَبَداً مَا تِلْوَصَّفْ.

عِبْرَانِيِّين 11:31

وَ بِالْإِيمَانْ، الشَّرْمُوطَةْ رَاحَابْ مَا هِلْكَتْ مَعَ الْعَاصِيِينْ أَشَانْ هِي ضَيَّفَتْ النَّاسْ الْجَوْا رَاغَوْا الْبَلَدْ.

عِبْرَانِيِّين 4:11

وَ خَلَاصْ، خَلِّي نِجَاهُدُوا لِنَدْخُلُوا فِي الرَّاحَةْ دِي، أَشَانْ نَادُمْ مِنِّنَا مَا يِوَدِّرْ بِسَبَبْ الْعِصْيَانْ مِثِلْ جُدُودْنَا.

تِيطُس 3:3

خَلِّي مَا نَنْسَوْا كَدَرْ أَوَّلْ أَنِحْنَ كُلَ مِثِلْهُمْ، جُهَّالْ وَ عَاصِيِينْ. أَوَّلْ أَنِحْنَ مُوَدِّرِينْ وَ شَهْوَاتْنَا مَلَكَوْنَا وَ قُلُوبْنَا مَرْبُوطِينْ فِي حَلَاتْ الدُّنْيَا. أَوَّلْ أَنِحْنَ عَايْشِينْ بِالْفَسَالَةْ وَ الْحُسُدْ، وَ قَاعِدِينْ نَكْرَهَوْا النَّاسْ وَ النَّاسْ يَكْرَهَوْنَا.

كُلُوسِي 2:10

وَ بِعَلَاقِتْكُو مَعَ الْمَسِيحْ عِنْدُكُو كُلَّ بَرَكَاتَهْ. هُو بَسْ رَئِيسْ فِي كُلَّ شَيّءْ الْعِنْدَهْ حُكُمْ وَلَّا سُلْطَةْ.

2 كُرُنْتُس 2:16

وَ لِلنَّاسْ الْيَهْلَكَوْا، هِي رِيحَةْ الْمَوْت التِّوَدِّيهُمْ لِلْمَوْت. وَ لِلنَّاسْ الْيَنْجَوْا، هِي رِيحَةْ الْحَيَاةْ التِّوَدِّيهُمْ فِي الْحَيَاةْ. وَ مَا فِي إِنْسَانْ يَقْدَرْ لِلْخِدْمَةْ الْمِثِلْ دِي.

رَوْمَا 15:31

أَسْأَلَوْا لَيِّ اللّٰهْ أَشَانْ يَفْزَعْنِي مِنْ الْيَهُودْ الْمَا مَسِيحِيِّينْ فِي دَارْ الْيَهُودِيَّةْ. وَ أَسْأَلَوْا أَشَانْ الصَّالِحِينْ الْفِي مَدِينَةْ الْقُدُسْ يَرْضَوْا بِالْمُسَاعَدَةْ النِّجِيبْهَا لَيْهُمْ.

رَوْمَا 10:21

لَاكِنْ فِي بَنِي إِسْرَائِيلْ، هُو قَالْ: <كُلَّ يَوْم أَنَا مَدَّيْت إِيدَيْنِي لِشَعَبْ عَاصِيِينْ وَ رَاسْهُمْ قَوِي.>

أعمال الرُسُل 26:19

«وَ خَلَاصْ، يَا الْمَلِكْ أَغْرِيبَاسْ، أَنَا مَا أَبَيْت كَلَامْ الرُّؤْيَةْ الْجَاتْ مِنْ اللّٰهْ.

يُوحَنَّا 4:42

وَ حَجَّوْا لِلْمَرَةْ وَ قَالَوْا: «أَنِحْنَ نِآمُنُوا. مَا أَشَانْ سِمِعْنَا كَلَامْكِ بَسْ. لَاكِنْ أَنِحْنَ ذَاتْنَا سِمِعْنَا كَلَامَهْ وَ نَعَرْفُوا أَكِيدْ هُو بَسْ النَّادُمْ الْيِنَجِّي كُلَّ النَّاسْ.»

لُوقا 20:17

وَ عِيسَى شَافَاهُمْ عَدِيلْ وَ قَالْ: «وَ كَنْ دَا مَا يَبْقَى، شُنُو مَعَنَى هَنَا الْكَلَامْ الْمَكْتُوبْ فِي الْكِتَابْ الْيُقُولْ: <الْحَجَرْ الْبَنَّايِينْ الْبَيْت أَوَّلْ مَا دَوَّرَوْه بِقِي الْحَجَرْ الْمُهِمّ فِي بُنَى الْبَيْت.>

لُوقا 2:32

أَيْوَى، هُو النُّورْ الْيِوَصِّفْ دَرِبْ اللّٰهْ لِلْأُمَمْ وَ يِجِيبْ شُكُرْ كَتِيرْ لِشَعَبَكْ بَنِي إِسْرَائِيلْ.»

زَكَرِيَّا 4:7

إِنْتَ تَحْسِبْ نَفْسَكْ كَبِيرْ، يَا الْجَبَلْ؟ قِدَّامْ زَرُبَابِلْ تَقَعْ وَ تَبْقَى سَهَلَةْ بَسْ. وَ كَنْ زَرُبَابِلْ يِجِيبْ آخِرْ حَجَرْ لِيَبْنُوا بَيْتِي، النَّاسْ يِعِيطُوا وَ يُقُولُوا: ”مَبْرُوكْ! مَبْرُوكْ لِلْحَجَرْ!“›»

حَقَّاي 2:7

أَنَا نِرَجِّفْ كُلَّ الْأُمَمْ وَ الْغُنَى هَنَا كُلَّ الْأُمَمْ تَجِي فِي الْبَكَانْ دَا وَ أَنَا نَمْلَا كُلَّ الْبَيْت دَا بِالْمَجْد. وَ دَا، اللّٰهْ الْقَادِرْ بَسْ قَالَهْ.

إشَعْيا 28:5

وَ فِي الْيَوْم دَا، اللّٰهْ الْقَادِرْ يَبْقَى مِثِلْ تَاجْ جَمِيلْ وَ كَدْمُولْ هَنَا شَرَفْ لِلْفَضَّلَوْا مِنْ شَعَبَهْ.

لُوقا 2:34

وَ سَمْعَانْ بَارَكَاهُمْ وَ كَلَّمْ لِمَرْيَمْ أَمّ عِيسَى وَ قَالْ: «أَكِيدْ مُقَدَّرْ لِلْوِلَيْد دَا، هُو يَبْقَى سَبَبْ هَلَاكْ لِنَاسْ كَتِيرِينْ مِنْ بَنِي إِسْرَائِيلْ وَ لِكَتِيرِينْ مِنْهُمْ يَبْقَى سَبَبْ نَجَاةْ. وَ هُو يَبْقَى لَيْهُمْ عَلَامَةْ وَ كَتِيرِينْ يَابَوْهَا.

1 بُطْرُس 2:4

قَرُّبُوا لَيَّهْ. هُو بَسْ الْحَجَرْ الْحَيّ الْاللّٰهْ عَزَلَهْ الْمُهِمّ بِلْحَيْن لَاكِنْ النَّاسْ مَا دَوَّرَوْه.