1 بُطْرُس 2:4 - الكتاب المقدس بالعربي الدارجي هنا تشاد

⁴ قَرُّبُوا لَيَّهْ. هُو بَسْ الْحَجَرْ الْحَيّ الْاللّٰهْ عَزَلَهْ الْمُهِمّ بِلْحَيْن لَاكِنْ النَّاسْ مَا دَوَّرَوْه.

1 بُطْرُس 2:4 Referenca të Kryqëzuara

1 بُطْرُس 2:7

وَ لَيْكُو إِنْتُو الْمُؤمِنِينْ، الْمَسِيحْ هُو الْحَجَرْ الْعِنْدَهْ قِيمَةْ كَبِيرَةْ. وَ لَاكِنْ لِلنَّاسْ الْمَا مُؤمِنِينْ، هُو بِقِي مِثِلْ الْكَلَامْ الْمَكْتُوبْ فِي الْكِتَابْ الْبُقُولْ: <الْحَجَرْ الْبَنَّايِينْ الْبَيْت أَوَّلْ مَا دَوَّرَوْه بِقِي الْحَجَرْ الْمُهِمّ فِي بُنَى الْبَيْت.>

إشَعْيا 28:16

وَ فِي شَانْ دَا، دَاهُو اللّٰهْ الرَّبّ قَالْ: أَنَا خَطَّيْت حَجَرْ فِي صَهْيُون وَ دَا حَجَرْ زَاوِيَةْ غَالِي وَ مُجَرَّبْ لِيِسَوِّي الْأَسَاسْ قَوِي. وَ أَيِّ نَادُمْ الْيِآمِنْ بَيَّهْ أَبَداً مَا يَقَعْ.

كُلُوسِي 3:4

الْمَسِيحْ بِقِي لَيْكُو الْحَيَاةْ وَ وَكِتْ هُو يَجِي بَتَّانْ، إِنْتُو تِبِينُوا مَعَايَهْ فِي مَجْدَهْ.

زَكَرِيَّا 3:9

شِيفُوا الْحَجَرْ الْغَالِي الْخَطَّيْتَهْ قِدَّامْ يَشُوعْ. وَ فِي الْحَجَرْ، فِي سَبْعَةْ عُيُونْ. وَ دَاهُو أَنَا ذَاتِي نَنْقُشْ فَوْقَهْ نَقِشْ. وَ فِي يَوْم وَاحِدْ بَسْ، نُقُشّ خَطَا الْبَلَدْ دِي. وَ دَا كَلَامْ اللّٰهْ الْقَادِرْ.

دَنْيال 2:34

وَ وَكِتْ إِنْتَ قَاعِدْ تِشِيفْ فَوْقَهْ كَيْ بَسْ، حَجَرْ وَاحِدْ مَرَقْ مِنْ الْجَبَلْ بَلَا مَا لِمْسَتَهْ إِيدْ وَ وَقَعْ فِي رِجْلَيْ الصَّنَمْ الْمِنْ حَدِيدْ وَ طِينَةْ مُخَلْبَطِينْ وَ رِحِكَاهُمْ.

إشَعْيا 42:1

«دَاهُو عَبْدِي الْأَنَا قَاعِدْ نِسَاعِدَهْ وَ هُو بَسْ الْأَنَا إِخْتِرْتَهْ وَ فِرِحْت بَيَّهْ. أَنَا خَطَّيْت رُوحِي فَوْقَهْ وَ هُو يِبَيِّنْ الْعَدَالَةْ لِلْأُمَمْ.

2 بُطْرُس 1:4

وَ بَيْدَا، هُو أَنْطَانَا بَرَكَتَهْ الْقِيمِتْهَا كَبِيرَةْ بِلْحَيْن الْأَوَّلْ وَاعَدْ بَيْهَا. أَشَانْ بِالْبَرَكَةْ دِي، إِنْتُو تِشَارُكُوا فِي الطَّبِيعَةْ الْإِلٰـهِيَّةْ وَ تَمُرْقُوا مِنْ الْفَسَادْ الْمَوْجُودْ فِي الدُّنْيَا بِسَبَبْ الشَّهْوَةْ.

2 بُطْرُس 1:1

جَوَابْ مِنِّي أَنَا سِمْعَانْ بُطْرُسْ عَبِدْ عِيسَى الْمَسِيحْ وَ رَسُولَهْ. وَ نَكْتِبْ لَيْكُو إِنْتُو النَّاسْ اللِّقِيتُوا الْإِيمَانْ بِسَبَبْ عَدَالَةْ عِيسَى الْمَسِيحْ إِلٰـهْنَا وَ مُنَجِّينَا. وَ إِيمَانْكُو عِنْدَهْ نَفْس الْقِيمَةْ مِثِلْ إِيمَانَّا.

1 بُطْرُس 1:19

هُو فَدَاكُو بِدَمّ الْحَمَلْ الْمَا عِنْدَهْ عَيْب وَ لَا خَطَا وَ هُو دَمّ الْمَسِيحْ الْعِنْدَهْ قِيمَةْ زِيَادَةْ.

1 بُطْرُس 1:7

نَعَرْفُوا كَدَرْ الدَّهَبْ الْبَعَدَيْن يِدَّمَّرْ، يَكْشُفُوهْ بِالنَّارْ. وَ مِثِلْ دَا، إِيمَانْكُو الْقِيمْتَهْ زِيَادَةْ مِنْ الدَّهَبْ، كُلَ يِجَرُّبُوهْ أَشَانْ ثَبَاتَهْ يِنْشَافْ. وَ بَيْدَا، تَلْقَوْا شُكُرْ وَ مَجْد وَ شَرَفْ فِي الْيَوْم الْعِيسَى الْمَسِيحْ يِبِينْ فَوْقَهْ.

رَوْمَا 5:10

وَ وَكِتْ أَنِحْنَ لِسَّاعْنَا عُدْوَانْ اللّٰهْ، مَوْت إِبْنَهْ صَالَحَانَا مَعَايَهْ. وَ بِمِثِلْ دَا، كَنْ عِنْدِنَا صُلُحْ مَعَايَهْ بِمَوْت إِبْنَهْ، أَكِيدْ نَنْجَوْا بِحَيَاةْ إِبْنَهْ.

يُوحَنَّا 14:19

بَعَدْ وَكِتْ شِيَّةْ بَسْ، نَاسْ الدُّنْيَا مَا يِشِيفُونِي بَتَّانْ. لَاكِنْ إِنْتُو تِشِيفُونِي. أَنَا نَحْيَى وَ أَشَانْ دَا، إِنْتُو كُلَ تَحْيَوْا.

يُوحَنَّا 14:6

وَ عِيسَى رَدَّ لَيَّهْ وَ قَالْ: «أَنَا بَسْ الدَّرِبْ وَ الْحَقّ وَ الْحَيَاةْ. مَا فِي نَادُمْ يَمْشِي لِلّٰهْ إِلَّا بَيِّ أَنَا.

يُوحَنَّا 6:57

أَبُويِ الرَّسَّلَانِي عِنْدَهْ الْحَيَاةْ وَ أَنَا كُلَ عِنْدِي الْحَيَاةْ مِنْ أَبُويِ. وَ بِمِثِلْ دَا، أَيِّ نَادُمْ الْيَاكُلْ مِنْ لَحَمِي يَحْيَى أَشَانْ أَنَا نَنْطِيهْ الْحَيَاةْ.

يُوحَنَّا 6:37

كُلَّ النَّاسْ الْأَبُويِ يِكَلِّفْنِي بَيْهُمْ، يَجُوا لَيِّ وَ أَيِّ نَادُمْ الْيَجِي لَيِّ، أَنَا أَبَداً مَا نَطُرْدَهْ.

يُوحَنَّا 5:40

لَاكِنْ إِنْتُو أَبَيْتُوا مَا تَجُوا لَيِّ أَشَانْ تَلْقَوْا مِنِّي الْحَيَاةْ.

يُوحَنَّا 5:26

وَ مِثِلْ اللّٰهْ هُو ذَاتَهْ بَسْ يَنْطِي الْحَيَاةْ، هُو أَنْطَى إِذِنْ لِإِبْنَهْ كُلَ يَنْطِي الْحَيَاةْ مِثْلَهْ.

مَتَّى 21:42

وَ عِيسَى قَالْ لَيْهُمْ: «أَكِيدْ قَرَيْتُوا الْكَلَامْ الْمَكْتُوبْ فِي الْكِتَابْ الْيُقُولْ: <الْحَجَرْ الْبَنَّايِينْ الْبَيْت أَوَّلْ مَا دَوَّرَوْه بِقِي الْحَجَرْ الْمُهِمّ فِي بُنَى الْبَيْت. وَ الشَّيّءْ دَا جَايِ مِنْ اللّٰهْ وَ شِفْنَاهْ عَجِيبْ!>

مَتَّى 12:18

وَ إِشَعْيَا قَالْ: <دَاهُو عَبْدِي الْأَنَا عَزَلْتَهْ وَ النِّحِبَّهْ وَ أَنَا فِرِحْت بَيَّهْ. أَنَا نُخُطّ رُوحِي فَوْقَهْ وَ هُو يِبَلِّغْ عَدَالَةْ اللّٰهْ لِكُلَّ الْأُمَمْ.

مَتَّى 11:28

«تَعَالُوا لَيِّ إِنْتُو كُلُّكُو التَّعْبَانِينْ مِنْ التَّقَلَةْ الشَّايْلِينْهَا فِي رَاسْكُو وَ أَنَا نَنْطِيكُو جُمَّةْ.

زَكَرِيَّا 4:7

إِنْتَ تَحْسِبْ نَفْسَكْ كَبِيرْ، يَا الْجَبَلْ؟ قِدَّامْ زَرُبَابِلْ تَقَعْ وَ تَبْقَى سَهَلَةْ بَسْ. وَ كَنْ زَرُبَابِلْ يِجِيبْ آخِرْ حَجَرْ لِيَبْنُوا بَيْتِي، النَّاسْ يِعِيطُوا وَ يُقُولُوا: ”مَبْرُوكْ! مَبْرُوكْ لِلْحَجَرْ!“›»

دَنْيال 2:45

وَ إِنْتَ شِفْت حَجَرْ الْمَرَقْ مِنْ الْجَبَلْ بَلَا مَا لِمْسَتَهْ إِيدْ. وَ الْحَجَرْ دَا رِحِكْ الْحَدِيدْ وَ النَّحَاسْ وَ الطِّينَةْ وَ الْفُضَّةْ وَ الدَّهَبْ. وَ اللّٰهْ الْقَادِرْ وَصَّفْ لِلْمَلِكْ الشَّيّءْ الْيُكُونْ فِي الْمُسْتَقْبَلْ. وَ الرُّؤْيَةْ دِي أَكِيدَةْ وَ تَفْسِيرْهَا كُلَ صَحِيحْ.»

إشَعْيا 55:3

تَعَالُوا لَيِّ وَ خُطُّوا أَدَانْكُو، أَسْمَعَوْنِي وَ تَحْيَوْا. وَ نِسَوِّي مَعَاكُو مُعَاهَدَةْ دَايْمَةْ. أَكِيدْ نَنْطِيكُو رَحْمَتِي الْوَاعَدْت بَيْهَا دَاوُدْ.

إرْمِيا 3:22

قَبُّلُوا لَيِّ، يَا عِيَالْ الْكُفَّارْ، وَ أَنَا نَشْفِيكُو مَرَّةْ وَاحِدْ مِنْ كُفُرْكُو.» وَ هُمَّنْ قَالَوْا: «أَيْوَى، دَاهُو أَنِحْنَ جَايِينْ لَيْك أَشَانْ إِنْتَ بَسْ اللّٰهْ إِلٰـهْنَا.

1 كُرُنْتُس 3:11

نَادُمْ مَا يَقْدَرْ يُخُطّ أَسَاسْ آخَرْ مِنْ الْأَسَاسْ الْقَاعِدْ خَلَاصْ وَ الْأَسَاسْ دَا هُو عِيسَى الْمَسِيحْ.