1 بُطْرُس 2:24 - الكتاب المقدس بالعربي الدارجي هنا تشاد

²⁴ وَ فِي الصَّلِيبْ، هُو بِنَفْسَهْ حَمَلْ ذُنُوبْنَا فِي جِسْمَهْ أَشَانْ نِخَلُّوا الذُّنُوبْ مَرَّةْ وَاحِدْ وَ نِعِيشُوا بِحَالْ صَالْحَةْ. وَ بِوَاسِطَةْ جِرَاحَهْ، إِنْتُو لِقِيتُوا الشِّفَاءْ.

1 بُطْرُس 2:24 Referenca të Kryqëzuara

مَتَّى 8:17

وَ مِثِلْ دَا، الْكَلَامْ الْاللّٰهْ قَالَهْ بِخَشُمْ النَّبِي إِشَعْيَا تَمَّ. النَّبِي قَالْ: <الْمَرَضْ الْفَوْقنَا أَنِحْنَ، هُو ذَاتَهْ شَالَهْ وَ الْوَجَعْ الْفَوْقنَا، هُو بَسْ حِمْلَهْ.>

رَوْمَا 6:11

وَ بِمِثِلْ دَا، أَعَرْفُوا كَدَرْ إِنْتُو كُلَ مُتُّوا وَ أَنْفَرَقْتُوا مِنْ قُدْرَةْ الذَّنِبْ وَ بَعَثْتُوا وَ بِقِيتُوا حَيِّينْ لِلّٰهْ بِعِيسَى الْمَسِيحْ.

رُؤية 22:2

وَ الْبَحَرْ جَارِي فِي أُسُطْ شَارِعْ الْمَدِينَةْ. وَ بَتَّانْ، شَدَرَةْ الْحَيَاةْ قَاعِدَةْ فِي خَشُمْ الْبَحَرْ دَا. وَ شَدَرَةْ الْحَيَاةْ تَلْدَ عِيَالْ 12 مَرَّةْ فِي السَّنَةْ. أَيِّ شَهَرْ، تَلْدَ عِيَالْ وَ وَرْشَالْهَا كُلَ يَنْطِي الْعَافَيْ لِلْأُمَمْ.

1 يُوحَنَّا 2:29

عِرِفْتُوا إِبْن اللّٰهْ هُو صَالِحْ وَ أَشَانْ دَا، تَعَرْفُوا كَدَرْ كُلَّ النَّاسْ الْيِتَابُعُوا الْحَالْ الصَّالْحَةْ مِثْلَهْ، هُمَّنْ عِيَالْ اللّٰهْ.

يَعْقُوب 5:16

فِي شَانْ دَا، أَعْتَرُفُوا بِذُنُوبْكُو أَمْبَيْنَاتْكُو وَ أَسْأَلَوْا اللّٰهْ أَمْبَيْنَاتْكُو أَشَانْ يَشْفِيكُو. دُعَا هَنَا نَادُمْ صَالِحْ عِنْدَهْ قُدْرَةْ شَدِيدَةْ.

عِبْرَانِيِّين 9:28

وَ الْمَسِيحْ كُلَ قَدَّمْ نَفْسَهْ مَرَّةْ وَاحِدَةْ أَشَانْ يَمْحَا ذُنُوبْ هَنَا نَاسْ كَتِيرِينْ. وَ هُو يَجِي بَتَّانْ مَرَّةْ تَانِيَةْ مَا أَشَانْ يَمْحَا الذُّنُوبْ وَ لَاكِنْ أَشَانْ يِنَجِّي النَّاسْ الْقَاعِدِينْ يَرْجَوْه.

غَلاطِية 3:13

لَاكِنْ الْمَسِيحْ فَدَانَا مِنْ اللَّعَنَةْ الْجَايَةْ مِنْ التَّوْرَاةْ. هُو ذَاتَهْ بِقِي مَلْعُونْ فِي شَانَّا. أَشَانْ الْكِتَابْ بُقُولْ: <أَيِّ نَادُمْ الْمُعَلَّقْ فَوْق فِي الْحَطَبْ، هُو مَلْعُونْ.>

رَوْمَا 6:2

لَا، أَبَداً! أَنِحْنَ مُتْنَا وَ مَرَقْنَا مِنْ مُلُكْ الذَّنِبْ. كِكَّيْف نِعِيشُوا فَوْقَهْ بَتَّانْ؟

إشَعْيا 53:11

وَ بَعَدْ تَعَبَهْ، هُو يِشِيفْ نُورْ الْحَيَاةْ وَ يَشْبَعْ مِنَّهْ. وَ بِتَعَبَهْ، عَبْدِي الصَّالِحْ يِسَوِّي نَاسْ كَتِيرِينْ صَالِحِينْ أَشَانْ هُو حِمِلْ خَطَاهُمْ.

كُلُوسِي 3:3

أَشَانْ إِنْتُو مُتُّوا مَعَ الْمَسِيحْ وَ الْحَيَاةْ الْاللّٰهْ أَنْطَاهَا لَيْكُو، هِي لِسَّاعْ مَا تِنْشَافْ. هِي مَعَ الْمَسِيحْ فِي إِيدَيْن اللّٰهْ.

رَوْمَا 6:13

مَا تِسَلُّمُوا بَتَّانْ أَجْسَامْكُو لِلذَّنِبْ مِثِلْ آلَةْ الْيِسَوُّوا بَيْهَا الشَّرّ. لَاكِنْ بِالْعَكْس، إِنْتُو ذَاتْكُو سَلُّمُوا نُفُوسْكُو لِلّٰهْ مِثِلْ نَاسْ الْبَعَثَوْا مِنْ أُسْط الْمَيْتِينْ. وَ سَلُّمُوا أَجْسَامْكُو لِلّٰهْ مِثِلْ آلَةْ الْيِسَوُّوا بَيْهَا الْخَيْر.

يُوحَنَّا 1:29

وَ أَمْبَاكِرْ، يَحْيَى شَافْ عِيسَى جَايِ لَيَّهْ وَ قَالْ: «دَا بَسْ الْحَمَلْ الْاللّٰهْ رَسَّلَهْ أَشَانْ يُقُشّ ذَنِبْ نَاسْ الدُّنْيَا.

رَوْمَا 7:6

لَاكِنْ هَسَّعْ أَنِحْنَ حُرِّينْ مِنْ شُرُوطْ التَّوْرَاةْ أَشَانْ مُتْنَا مَعَ الْمَسِيحْ وَ مُتْنَا لِلْكَرَبَانَا مَسَاجِينْ. وَ بِمِثِلْ دَا، نَعَبُدُوا اللّٰهْ مَا بِالْعِبَادَةْ الْقَدِيمَةْ حَسَبْ الْكَلَامْ الْمَكْتُوبْ، لَاكِنْ بِقُدْرَةْ الرُّوحْ الْقُدُّوسْ فِي الْحَيَاةْ الْجَدِيدَةْ.

1 يُوحَنَّا 3:7

يَا عِيَالِي، مَا تِخَلُّوا نَادُمْ وَاحِدْ يُغُشُّكُو. النَّاسْ الْيِسَوُّوا عَمَلْ صَالِحْ، هُمَّنْ صَالِحِينْ مِثِلْ إِبْن اللّٰهْ هُو صَالِحْ.

زَبُور 147:3

هُو يَشْفِي الْقَلِبْهُمْ مَجْرُوحْ وَ يِعَالِجْ وَجَعْهُمْ.

رَوْمَا 6:7

أَشَانْ النَّادُمْ الْمَاتْ، هُو بِقِي حُرّ مِنْ قُدْرَةْ الذَّنِبْ.

رَوْمَا 6:16

تَعَرْفُوا عَدِيلْ كَدَرْ كَنْ تِسَلُّمُوا نُفُوسْكُو لِنَادُمْ أَشَانْ تِتَابُعُوا كَلَامَهْ مِثِلْ عَبِيدْ، خَلَاصْ إِنْتُو عَبِيدْ لِلنَّادُمْ التِّتَابُعُوا كَلَامَهْ دَا. كَنْ تَبْقَوْا عَبِيدْ لِلذَّنِبْ دَا، الذَّنِبْ يِوَدِّيكُو لِلْمَوْت وَ لَاكِنْ كَنْ تِتَابُعُوا كَلَامْ اللّٰهْ، هُو يِسَوِّيكُو صَالِحِينْ.

2 كُرُنْتُس 6:17

<أَشَانْ دَا، أَمُرْقُوا مِنْ أُسُطْهُمْ وَ أَنْفَصُلُوا مِنْهُمْ. دَا بَسْ كَلَامْ اللّٰهْ. مَا تَلْمَسَوْا شَيّءْ نِجِسْ> وَ أَنَا نَقْبَلْكُو.

أعمال الرُسُل 5:30

اللّٰهْ رَبّ جُدُودْنَا بَعَثْ عِيسَى الْإِنْتُو عَلَّقْتُوهْ فِي حَطَبْ الصَّلِيبْ وَ كَتَلْتُوهْ.

لُوقا 4:18

<رُوحْ اللّٰهْ قَاعِدْ فَوْقِي أَشَانْ اللّٰهْ مَسَحَانِي وَ خَصَّصَانِي لِنِبَشِّرْ الْمَسَاكِينْ. هُو رَسَّلَانِي أَشَانْ نَعْلِنْ بِالْحُرِّيَّةْ لِلْمَسَاجِينْ وَ نِفَتِّحْ عُيُونْ الْعَمْيَانِينْ وَ نِحَرِّرْ الْمَظْلُومِينْ

مَتَّى 5:20

وَ نُقُولْ لَيْكُو كَنْ إِنْتُو مَا بِقِيتُوا صَالِحِينْ زِيَادَةْ مِنْ الْعُلَمَاءْ وَ الْفَرِيزِيِّينْ، أَبَداً مَا تَدْخُلُوا فِي مَمْلَكَةْ اللّٰهْ.

مَلاخِـي 4:2

وَ لَاكِنْ لَيْكُو إِنْتُو الْخَايْفِينْ مِنِّي، عَدَالْتِي تَطْلَعْ لَيْكُو مِثِلْ الْحَرَّايْ وَ ضَيَّهَا يِجِيبْ الشِّفَاءْ. وَ إِنْتُو تَمُرْقُوا وَ تِنَطُّطُوا مِثِلْ عَجَّالْ مَرَقَوْا مِنْ زَرِيبِتْهُمْ.

عِبْرَانِيِّين 12:13

عَدُّلُوا الدَّرِبْ التُّرُوغُوا فَوْقَهْ أَشَانْ الرِّجِلْ الْعَرْجَةْ مَا تَمْرُقْ لَاكِنْ تَبْرَى.

أعمال الرُسُل 13:29

«وَ وَكِتْ سَوَّوْا كُلَّ شَيّءْ الْمَكْتُوبْ لَيَّهْ فِي الْكِتَابْ خَلَاصْ، نَزَّلَوْه مِنْ الْحَطَبْ وَ دَفَنَوْه فِي قَبُرْ.

أعمال الرُسُل 10:35

وَ اللّٰهْ يَقْبَلْ نَادُمْ مِنْ أَيِّ قَبِيلَةْ كَنْ يَخَافْ مِنَّهْ وَ عَمَلَهْ صَالِحْ.

عِبْرَانِيِّين 7:26

وَ بَيْدَا، عِيسَى بِقِي كَبِيرْ رُجَالْ الدِّينْ الْمُوَافِقْ لَيْنَا مَرَّةْ وَاحِدْ. هُو قُدُّوسْ وَ مَا عِنْدَهْ أَيِّ عَيْب وَ هُو دَايْماً طَاهِرْ. هُو مَعْزُولْ بَعِيدْ مِنْ الْمُذْنِبِينْ وَ مَرْفُوعْ فَوْق فِي السَّمَاوَاتْ.

كُلُوسِي 2:20

أَكِيدْ إِنْتُو مُتُّوا مَعَ الْمَسِيحْ وَ بِالْمَوْت دَا، بِقِيتُوا حُرِّينْ مِنْ شُرُوطْ عَادَاتْ الدُّنْيَا. وَ كَنْ مِثِلْ دَا، مَالَا تِدَوْرُوا تِعِيشُوا بَتَّانْ مِثِلْ إِنْتُو نَاسْ هَنَا الدُّنْيَا؟ مَالَا تِتَابُعُوا شُرُوطْهَا الْبُقُولُوا:

رَوْمَا 6:22

لَاكِنْ هَسَّعْ إِنْتُو حُرِّينْ مِنْ الذَّنِبْ وَ بِقِيتُوا عَبِيدْ اللّٰهْ. وَ النَّتِيجَةْ التَّلْقَوْهَا، هِي الْحَالْ الصَّالْحَةْ وَ هِي تِوَدِّي النَّاسْ لِلْحَيَاةْ الْأَبَدِيَّةْ.

أعمال الرُسُل 10:39

«وَ أَنِحْنَ شُهُودْ فِي كُلَّ شَيّءْ الْعِيسَى سَوَّاهْ فِي دَارْ الْيَهُودْ وَ فِي مَدِينَةْ الْقُدُسْ. وَ خَلَاصْ، عَلَّقَوْه فِي الصَّلِيبْ وَ كَتَلَوْه.

مَتَّى 27:26

وَ بِلَاطُسْ مَرَقْ لَيْهُمْ بَرَابَاسْ وَ عِيسَى جَلَدَوْه. وَ خَلَاصْ سَلَّمَهْ لِلْعَسْكَرْ أَشَانْ يَكْتُلُوهْ فِي الصَّلِيبْ.

زَبُور 38:4

أَشَانْ خَطَايِ فَاتْ رَاسِي وَ غَطَّانِي مِثِلْ حِمِلْ تَقِيلْ النَّزَلْ فَوْقِي.

لاوِيِّين 16:22

وَ التَّيْس يِشِيلْ كُلَّ خَطَايَاهُمْ فِي رَاسَهْ وَ يِوَدِّيهُمْ فِي الصَّحَرَاء. وَ بِمِثِلْ دَا بَسْ، يَطُرْدُوا التَّيْس فِي الْخَلَاءْ.

خُروج 28:38

وَ تَقْعُدْ فِي جَبْهَةْ هَارُونْ. وَ بَيْدَا، هُو يُكُونْ الْمَسْؤُولْ مِنْ الْخَطَا الْيِسَوُّوهْ بَنِي إِسْرَائِيلْ وَكِتْ يِقَدُّمُوا هَدَايَاهُمْ الْمُقَدَّسِينْ. الْحَفِيضَةْ دِي تَقْعُدْ دَايْماً فِي جَبْهَةْ هَارُونْ أَشَانْ اللّٰهْ يَرْضَى بَيْهُمْ.

أفَسُس 5:9

أَشَانْ نُورْ اللّٰهْ يِجِيبْ نَتِيجَةْ فِي قُلُوبْ النَّاسْ وَ النَّتِيجَةْ دِي، هِي الْخَيْر وَ الْعَدَالَةْ وَ الْحَقّ.

يُوحَنَّا 19:1

وَ بِلَاطُسْ وَدَّى عِيسَى دَاخَلْ وَ أَمَرْ عَسْكَرَهْ أَشَانْ يَجْلُدُوهْ.

عَدد 18:22

وَ بَيْدَا، بَنِي إِسْرَائِيلْ مَا يِقَرُّبُوا بَتَّانْ لِخَيْمَةْ الْإِجْتِمَاعْ أَشَانْ دَا ذَنِبْ الْيِجِيبْ لَيْهُمْ الْمَوْت.

لاوِيِّين 22:9

«وَ بَيْدَا، يَحْفَضَوْا وَصِيَّاتِي وَ مَا يِسَوُّوا ذَنِبْ هَنَا قِلَّةْ إِحْتِرَامْ الْيِجِيبْ لَيْهُمْ الْمَوْت. وَ أَنَا اللّٰهْ بَسْ نِخَصِّصْهُمْ.

فِلِبِّي 1:11

وَ تَبْقَوْا صَالِحِينْ وَ مَلَانِينْ بِالْخَيْر الْجَايِ مِنْ عِيسَى الْمَسِيحْ. وَ خَلَاصْ، الْمَجْد وَ الشُّكُرْ لِلّٰهْ.

مَرْخُوس 15:15

وَ بِلَاطُسْ دَوَّرْ النَّاسْ يَرْضَوْا بَيَّهْ وَ أَشَانْ دَا مَرَقْ لَيْهُمْ بَرَابَاسْ وَ عِيسَى جَلَدَوْه. وَ خَلَاصْ، سَلَّمَهْ لِلْعَسْكَرْ أَشَانْ يَكْتُلُوهْ فِي الصَّلِيبْ.

أمْثال 20:30

الْفَرِشْ دَوَاءْ لِلْفَسَالَةْ وَ الدَّقِّينْ شِفَاءْ لِلْقَلِبْ.

1 كُرُنْتُس 15:3

وَ دَاهُو الْكَلَامْ الْمُهِمّ قُبَّالْ كُلَّ شَيّءْ الْأَنَا عَلَّمْتَهْ لَيْكُو وَ أَنَا كُلَ عَلَّمَوْنِي لَيَّهْ. الْمَسِيحْ مَاتْ فِي شَانْ ذُنُوبْنَا مِثِلْ مَكْتُوبْ فِي الْكِتَابْ.

كُلُوسِي 2:14

وَ الْمَكْتُوبْ الْاللّٰهْ سَجَّلْ فَوْقَهْ كُلَّ ذُنُوبْنَا الْيِحَاسِبْنَا بَيْهُمْ حَسَبْ الشُّرُوطْ، هُو قَشَّاهْ مَرَّةْ وَاحِدْ بِمَوْت الْمَسِيحْ فِي الصَّلِيبْ.

عِبْرَانِيِّين 10:5

وَ فِي شَانْ دَا، وَكِتْ الْمَسِيحْ جَاءْ فِي الدُّنْيَا، هُو قَالْ: <إِنْتَ مَا دَوَّرْت وَ لَا ضَحِيَّةْ وَ لَا هَدِيَّةْ وَ لَاكِنْ إِنْتَ جَهَّزْت لَيِّ جِسْمِي الْإِنْسَانِي.

عِبْرَانِيِّين 10:10

وَ بِالْيِدَوْرَهْ اللّٰهْ دَا، عِيسَى الْمَسِيحْ قَدَّمْ جِسْمَهْ مَرَّةْ وَاحِدَةْ وَ نِهَائِيَّةْ وَ الضَّحِيَّةْ دِي سَوَّتْنَا خَاصِّيْن لِلّٰهْ.

تكوين 22:6

وَ إِبْرَاهِيمْ شَالْ حَطَبْ الضَّحِيَّةْ وَ أَنْطَاهْ لِوِلَيْدَهْ إِسْحَاقْ يِشِيلَهْ. وَ هُو شَالْ فِي إِيدَهْ نَارْ وَ سَكِّينْ. وَ مَشَوْا تِنَيْنِتْهُمْ سَوَا.

عَدد 7:15

وَ فِي تَوْر وَ كَبِشْ وَ خَرُوفْ وَلْد سَنَةْ لِلضَّحِيَّةْ الْمُحَرَّقَةْ