1 بُطْرُس 2:23 - الكتاب المقدس بالعربي الدارجي هنا تشاد

²³ وَكِتْ عَيَّرَوْه، هُو مَا رَدَّ لَيْهُمْ بِمُعْيَارْ. وَكِتْ تَعَّبَوْه، هُو مَا هَدَّدَاهُمْ. فِي بَدَلَهْ، هُو أَتْوَكَّلْ عَلَيْ اللّٰهْ الْيِحَاسِبْ بِالْحَقّ.

1 بُطْرُس 2:23 Referenca të Kryqëzuara

إشَعْيا 53:7

هُو عَذَّبَوْه وَ أَهَانَوْه وَ مَا فَكَّ خَشْمَهْ. مِثِلْ حَمَلْ الْيِوَدُّوهْ لِلدَّبِحْ وَ مِثِلْ نَعَجَةْ سَاكْتَةْ وَكِتْ يِقَصُّصُوا صُوفْهَا، هُو كُلَ مَا فَكَّ خَشْمَهْ.

1 بُطْرُس 4:19

وَ بِمِثِلْ دَا، خَلِّي النَّاسْ الْيَتْعَبَوْا حَسَبْ الْاللّٰهْ يِدَوْرَهْ يِسَوُّوا دَايْماً الْخَيْر وَ يِتْوَكَّلَوْا عَلَيْ خَالِقْهُمْ الصَّادِقْ.

عِبْرَانِيِّين 12:3

فَكُّرُوا فَوْقَهْ هُو، الْحِمِلْ الْبُغُضْ الشَّدِيدْ هَنَا الْمُذْنِبِينْ. فَكُّرُوا فَوْقَهْ أَشَانْ إِنْتُو مَا تَبْقَوْا كَسْلَانِينْ وَ لَا خَوَّافِينْ.

زَبُور 37:5

وَجِّهْ خَطْوَاتَكْ عَلَيْ اللّٰهْ وَ أَتْوَكَّلْ عَلَيَّهْ وَ هُو يِسَوِّي لَيْك كُلَّ شَيّءْ.

أعمال الرُسُل 4:29

يَا اللّٰهْ، هَسَّعْ شِيفْ هُمَّنْ قَاعِدِينْ يِهَدُّدُونَا. أَنْطِينَا أَنِحْنَ عَبِيدَكْ قُدْرَةْ أَشَانْ نِبَلُّغُوا كَلَامَكْ بَلَا خَوْف.

2 تِمُوتَاوُس 4:8

وَ هَسَّعْ الْجَائِزَةْ الْيَنْطُوهَا لِلْغَالِبْ تَرْجَانِي. وَ هِي التَّاجْ الرَّبِّنَا يُخُطَّهْ فِي رَاسْ النَّادُمْ الصَّالِحْ. وَ رَبِّنَا الْحَاكِمْ الْعَادِلْ يَنْطِينِي الطَّاقِيَّةْ دِي فِي الْيَوْم الْأَخِيرْ. وَ مَا يَنْطِيهَا لَيِّ أَنَا وِحَيْدِي لَاكِنْ يَنْطِيهَا لِكُلَّ النَّاسْ الْقَرْمَانِينْ لِيَوْم جَيْتَهْ.

2 تِمُوتَاوُس 1:12

وَ أَشَانْ دَا بَسْ، أَنَا قَاعِدْ نَتْعَبْ مِثِلْ دَا. لَاكِنْ الْعَيْب أَبَداً مَا سَوَّانِي أَشَانْ هُو الْأَنَا آمَنْت بَيَّهْ نَعَرْفَهْ تَمَامْ. وَ أَنَا مُؤَكِّدْ كَدَرْ هُو قَادِرْ وَ يَحْفَضْ الْأَمَانَةْ الْأَنْطَيْتهَا لَيَّهْ لَحَدِّي الْيَوْم الْأَخِيرْ.

لُوقا 23:46

وَ عِيسَى عَاطْ بِحِسّ شَدِيدْ وَ قَالْ: «يَا أَبُويِ، رُوحِي نَنْطِيهَا لَيْك فِي إِيدَكْ.» وَ بَعَدْ قَالْ الْكَلَامْ دَا، خَلَاصْ مَاتْ.

زَبُور 31:5

وَ رُوحِي نَنْطِيهَا لَيْك فِي إِيدَكْ. يَا اللّٰهْ إِلٰـهْ الْحَقّ، إِنْتَ فَدَيْتنِي.

زَبُور 10:14

وَ لَاكِنْ، يَا رَبّ، إِنْتَ شِفْت وَ قَاعِدْ تِشِيفْ التَّعْبَانِينْ وَ الْحَزْنَانِينْ لِتِدَافِعْ لَيْهُمْ. الضَّعِيفْ يِتْوَكَّلْ عَلَيْك وَ إِنْتَ بَسْ التَّفْزَعْ الْأَتِيمْ.

رُؤية 19:11

وَ فِي الْبَكَانْ دَا، أَنَا شِفْت السَّمَاءْ فَاتِحْ. وَ شِفْت جُوَادْ أَبْيَضْ. وَ الرَّاكِبْ فَوْقَهْ أُسْمَهْ الْأَمِينْ وَ الصَّادِقْ وَ هُو يِحَارِبْ عَدُوهْ وَ يَحْكِمْ النَّاسْ بِحَالْ صَالْحَةْ.

1 بُطْرُس 3:9

كَنْ النَّاسْ يِسَوُّوا فَوْقكُو شُغُلْ فَسِلْ، مَا تُرُدُّوا لَيْهُمْ بِشُغُلْ فَسِلْ. وَ كَنْ يِعَيُّرُوكُو، مَا تُرُدُّوا لَيْهُمْ بِمُعْيَارْ. لَاكِنْ بَارُكُوهُمْ، أَشَانْ اللّٰهْ نَادَاكُو فِي دَرْبَهْ لِتِبَارُكُوا النَّاسْ وَ تَوْرُثُوا بَرَكَةْ مِنْ اللّٰهْ.

2 تَسَلونِيكِي 1:5

وَ دَا كُلَّ كَيْ يِوَصِّفْ كَدَرْ اللّٰهْ يَحْكِمْ بِالْعَدِلْ. وَ بِالتَّعَبْ دَا، اللّٰهْ يِجَهِّزْكُو أَشَانْ تَدْخُلُوا فِي مَمْلَكَتَهْ الْإِنْتُو قَاعِدِينْ تَتْعَبَوْا فِي شَانْهَا.

أفَسُس 6:9

أَسْمَعَوْا، يَا سِيَادْ الْعَبِيدْ، طَبُّقُوا نَفْس التَّعْلِيمْ. وَ مَا تِهَدُّدُوا عَبِيدْكُو. مَا تَنْسَوْا كَدَرْ إِنْتُو وَ عَبِيدْكُو كُلُّكُو عَبِيدْ هَنَا سِيدْ وَاحِدْ. وَ هُو الْقَاعِدْ فِي السَّمَاوَاتْ وَ مَا يِشِيفْ نَادُمْ أَخَيْر مِنْ نَادُمْ.

رَوْمَا 2:5

لَاكِنْ رَاسَكْ قَوِي وَ فِي قَلْبَكْ مَا تِدَوْر تُتُوبْ. وَ بَيْدَا، إِنْتَ قَاعِدْ تِزِيدْ الْعِقَابْ الْيَجِي فَوْقَكْ فِي يَوْم غَضَبْ اللّٰهْ. وَ دَا الْيَوْم الْاللّٰهْ يِحَاسِبْ فَوْقَهْ النَّاسْ بِالْحَقّ.

أعمال الرُسُل 17:31

وَ اللّٰهْ قَطَعْ لَيْنَا يَوْم أَشَانْ يِحَاسِبْ فَوْقَهْ كُلَّ نَاسْ الدُّنْيَا بِالْعَدَالَةْ. وَ اللّٰهْ كَلَّفْ الْحِسَابْ دَا لِلرَّاجِلْ الْهُو عَزَلَهْ. وَ الرَّاجِلْ دَا، اللّٰهْ بَعَثَهْ مِنْ أُسْط الْمَيْتِينْ أَشَانْ كُلَّ النَّاسْ يَعَرْفُوا دَا بَسْ الرَّاجِلْ الْهُو عَزَلَهْ.»

أعمال الرُسُل 9:1

وَ لَاكِنْ شَاوُولْ لِسَّاعَهْ زَعْلَانْ وَ قَاعِدْ يِهَدِّدْهُمْ بِالْكَتِلْ لِتَلَامِيذ الرَّبّ عِيسَى. وَ مَشَى لِكَبِيرْ رُجَالْ الدِّينْ

لُوقا 23:9

وَ أَشَانْ دَا، سَأَلَهْ سُؤَالْ كَتِيرْ لَاكِنْ عِيسَى مَا رَدَّ لَيَّهْ كَلَامْ.

زَبُور 96:13

قِدَّامْ اللّٰهْ. أَشَانْ اللّٰهْ جَايِ، هُو جَايِ يَحْكِمْ الْأَرْض. هُو يَحْكِمْ الْعَالَمْ بِالْعَدَالَةْ وَ الشُّعُوبْ بِالْحَقّ.

زَبُور 7:11

اللّٰهْ الرَّبّ هُو قَاضِي صَادِقْ وَ يِوَصِّفْ غَضَبَهْ كُلَّ يَوْم.

تكوين 18:25

أَبَداً مَا تَقْدَرْ تِسَوِّيهْ، يَا رَبّ! إِنْتَ مَا تِدَمِّرْ الْعَدِيلِينْ مَعَ الْفَسْلِينْ! أَشَانْ النَّاسْ الْعَدِيلِينْ مَا مِثِلْ النَّاسْ الْفَسْلِينْ! هَلْ الْحَاكِمْ هَنَا كُلَّ الْأَرْض مَا يِسَوِّي الْعَدَالَةْ وَلَّا؟»

أعمال الرُسُل 7:59

وَ وَكِتْ قَاعِدِينْ يَرْجُمُوهْ، إِسْتِفَانْ دَعَى وَ قَالْ: «يَا رَبِّنَا عِيسَى، شِيلْ رُوحِي.»

لُوقا 23:41

وَ أَنِحْنَ، حَكَمَوْنَا بِالْحَقّ أَشَانْ الْعَذَابْ الْيِسَوُّوهْ فَوْقنَا وَاجِبْ لَيْنَا بِسَبَبْ عَمَلْنَا. لَاكِنْ النَّادُمْ دَا مَا سَوَّى شَيّءْ فَسِلْ.»