1 بُطْرُس 2:2 - الكتاب المقدس بالعربي الدارجي هنا تشاد

² وَ مِثِلْ الصَّغِيرْ الْيِتْمَنَّى لَبَنْ أَمَّهْ، إِنْتُو كُلَ أَتْمَنَّوْا كَلَامْ اللّٰهْ الْمِثِلْ لَبَنْ صَافِي. وَ بِالْكَلَامْ دَا، تَكْبُرُوا وَ تَلْقَوْا النَّجَاةْ.

1 بُطْرُس 2:2 Referenca të Kryqëzuara

أفَسُس 4:15

أَخَيْر نِبَلُّغُوا الْحَقّ بِمَحَبَّةْ وَ مِثِلْ دَا، نَكْبُرُوا وَ نَبْقَوْا عَاقْلِينْ فِي كُلَّ شَيّءْ بِعَلَاقِتْنَا مَعَ الْمَسِيحْ. هُو بَسْ رَاسْنَا

2 بُطْرُس 3:18

لَاكِنْ أَبْقَوْا قَوِيِّينْ فِي نِعْمَةْ رَبِّنَا عِيسَى الْمَسِيحْ مُنَجِّينَا وَ بِعِرْفِتْكُو لَيَّهْ. وَ الْمَسِيحْ، خَلِّي يِمَجُّدُوهْ فِي الْوَكِتْ الْحَاضِرْ وَ إِلَى الْأَبَدْ. آمِينْ.

مَرْخُوس 10:15

وَ نُقُولْ لَيْكُو الْحَقّ، نَادُمْ أَبَداً مَا يَدْخُلْ فِي مَمْلَكَةْ اللّٰهْ كَنْ مَا يَقْبَلْهَا مِثِلْ وِلَيْد صَغَيَّرْ.»

1 كُرُنْتُس 14:20

يَا أَخْوَانِي، خَلِّي فِكِرْكُو مَا يَبْقَى مِثِلْ فِكِرْ هَنَا الْعِيَالْ الدُّقَاقْ. خَلِّي أَيِّ نَادُمْ يَبْقَى بَرِي مِثِلْ الطِّفِلْ فِي الشَّيّءْ الْبُخُصّ الشَّرّ. لَاكِنْ خَلِّي فِكِرْكُو يَبْقَى فِكِرْ هَنَا النَّادُمْ الْعَاقِلْ.

أمْثال 4:18

طَرِيقْ الصَّالِحِينْ مِثِلْ ضَيّ الصَّبَاحْ وَ نُورَهْ يِزِيدْ لَحَدِّي الْحَرَّايْ تَطْلَعْ.

أيُّوب 17:9

الصَّالِحْ يَثْبِتْ فِي دَرْبَهْ وَ الْإِيدَيْنَهْ نَضِيفْينْ يَلْقَى قُدْرَةْ زِيَادَةْ.

2 تَسَلونِيكِي 1:3

يَا أَخْوَانِي، وَاجِبْ نَشْكُرُوا اللّٰهْ دَايْماً فِي شَانْكُو. وَ دَا وَاجِبْ لَيْنَا أَشَانْ قُدْرَةْ إِيمَانْكُو قَاعِدَةْ تِزِيدْ كَتِيرْ وَ الْمَحَبَّةْ الْكُلُّكُو تِرَّايَدَوْا بَيْهَا قَاعِدَةْ تِزِيدْ بِلْحَيْن.

مَتَّى 18:3

وَ عِيسَى قَالْ: «نُقُولْ لَيْكُو الْحَقّ، كَنْ إِنْتُو مَا تِبَدُّلُوا فِكِرْكُو وَ كَنْ مَا تَبْقَوْا مِثِلْ عِيَالْ دُقَاقْ، مَا تَدْخُلُوا فِي مَمْلَكَةْ اللّٰهْ.

أفَسُس 2:21

بِعَلَاقِتْنَا مَعَ الْمَسِيحْ بَسْ، كُلِّنَا أَنْرَبَطْنَا سَوَا وَ بِقِينَا مِثِلْ بَيْت وَاحِدْ الْقَاعِدْ يَكْبُرْ لَحَدِّي يَبْقَى بَيْت مُقَدَّسْ وَ مَسْكَنْ خَاصّ لِلرَّبّ.

رَوْمَا 6:4

وَكِتْ غَطَّسَوْنَا، أَنِحْنَ مُتْنَا مَعَ الْمَسِيحْ وَ دَفَنَوْنَا مَعَايَهْ. وَ مِثِلْ أَبُونَا اللّٰهْ بَعَثْ الْمَسِيحْ بِقُدُرْتَهْ الْمَجِيدَةْ، أَنِحْنَ كُلَ نَحْيَوْا مَعَايَهْ بِحَيَاةْ جَدِيدَةْ.

هُوشَع 6:3

خَلِّي نِتَابُعُوا اللّٰهْ لِنَعَرْفُوهْ. جَيْتَهْ مُؤَكَّدَةْ مِثِلْ نُورْ الصَّبَاحْ وَ هُو يَجِينَا مِثِلْ مَطَرْ، مِثِلْ مَطَرْ الرِّشَاشْ الْيَزْقِي الْأَرْض.»

1 بُطْرُس 1:23

بِقِيتُوا مَوْلُودِينْ مِنْ جَدِيدْ وَ دَا مَا مِنْ وَالْدَيْنكُو الْيُمُوتُوا لَاكِنْ هِي مِنْ كَلَامْ اللّٰهْ وَ الْكَلَامْ دَا، أَبَداً مَا يُمُوتْ.

2 صَمُوِيل 23:5

«وَ دَاهُو الشَّيّءْ الرَّبّ سَوَّاهْ مَعَايِ أَنَا وَ مَعَ ذُرِّيّتِي، هُو سَوَّى مَعَايِ مُعَاهَدَةْ دَايْمَةْ وَ كَامِلَةْ وَ مَضْمُونَةْ. وَ فِي أَيِّ شَيّءْ، هُو يِنَجِّينِي وَ يِحَقِّقْ مُنَى قَلْبِي.

هُوشَع 14:7

وَ بَنِي إِسْرَائِيلْ يِقَبُّلُوا لَيِّ وَ يَقْعُدُوا فِي ضُلِّي. يِتَيْرُبُوا الْقَمَحْ وَ يِنَوُّرُوا مِثِلْ الْعِنَبْ. وَ نَاسْ يِحَجُّوا بَيْهُمْ مِثِلْ الْخَمَرْ اللَّذِيذْ هَنَا لُبْنَانْ.

هُوشَع 14:5

أَنَا نَبْقَى مِثِلْ مَطَرْ لِبَنِي إِسْرَائِيلْ وَ هُمَّنْ يِنَوُّرُوا مِثِلْ السِّتَّيْب. يِدِسُّوا عُرُوقْهُمْ مِثِلْ شَدَرْ لُبْنَانْ

مَلاخِـي 4:2

وَ لَاكِنْ لَيْكُو إِنْتُو الْخَايْفِينْ مِنِّي، عَدَالْتِي تَطْلَعْ لَيْكُو مِثِلْ الْحَرَّايْ وَ ضَيَّهَا يِجِيبْ الشِّفَاءْ. وَ إِنْتُو تَمُرْقُوا وَ تِنَطُّطُوا مِثِلْ عَجَّالْ مَرَقَوْا مِنْ زَرِيبِتْهُمْ.

مَتَّى 19:14

وَ لَاكِنْ عِيسَى قَالْ: «خَلُّوا الْعِيَالْ يَجُوا لَيِّ وَ مَا تَدْحَرَوْهُمْ أَشَانْ مَمْلَكَةْ اللّٰهْ هَنَا النَّاسْ الْمِثِلْهُمْ.»

لُوقا 18:17

وَ نُقُولْ لَيْكُو الْحَقّ، نَادُمْ أَبَداً مَا يَدْخُلْ فِي مَمْلَكَةْ اللّٰهْ كَنْ مَا يَقْبَلْهَا مِثِلْ وِلَيْد صَغَيَّرْ.»