1 بُطْرُس 2:19 - الكتاب المقدس بالعربي الدارجي هنا تشاد

¹⁹ وَ أَعَرْفُوا أَيِّ نَادُمْ الْيَحْمَلْ التَّعَبْ بِصَبُرْ فِي شَانْ اللّٰهْ وَكِتْ النَّاسْ يَظُلْمُوهْ، النَّادُمْ دَا اللّٰهْ يِبَارِكَهْ.

1 بُطْرُس 2:19 Referenca të Kryqëzuara

1 بُطْرُس 2:20

وَ كَنْ تِسَوُّوا خَطَا وَ بِسَبَبَهْ يُدُقُّوكُو وَ إِنْتُو تَحْمَلَوْه بِصَبُرْ، شُنُو الْفَايْدَةْ؟ لَاكِنْ كَنْ إِنْتُو تِسَوُّوا الْخَيْر وَ يِتَعُّبُوكُو بِسَبَبَهْ وَ إِنْتُو تَحْمَلَوْه بِصَبُرْ، خَلَاصْ اللّٰهْ يِبَارِكُّو.

1 كُرُنْتُس 15:10

لَاكِنْ هَسَّعْ، أَنَا رَسُولْ بِرَحْمَةْ اللّٰهْ وَ رَحْمَتَهْ مَا فَشَلَتْ. بِالْعَكْس، أَنَا خَدَمْت خِدْمَةْ زِيَادَةْ مِنْهُمْ كُلُّهُمْ. وَ بِالصَّحِيحْ، الْخَدَمْ عَدِيلْ مَا أَنَا لَاكِنْ رَحْمَةْ اللّٰهْ الْقَاعِدَةْ فَوْقِي.

لُوقا 6:32

«وَ كَنْ تِحِبُّوا النَّاسْ الْيِحِبُّوكُو بَسْ، وَيْن الْخَيْر السَّوَّيْتُوهْ؟ الْمُذْنِبِينْ ذَاتْهُمْ يِحِبُّوا الْيِحِبُّوهُمْ.

رَوْمَا 13:5

فِي شَانْ دَا، وَاجِبْ تَسْمَعَوْا كَلَامْ الْحَكُومَةْ. وَ دَا مَا لِتَخَافَوْا مِنْ غَضَبْ اللّٰهْ بَسْ لَاكِنْ لِتَلْقَوْا نِيَّةْ مُخْلِصَةْ.

يُوحَنَّا 15:21

يِتَعُّبُوكُو إِنْتُو بِسَبَبْ أُسْمِي أَشَانْ مَا عِرْفَوْا اللّٰهْ الرَّسَّلَانِي.

2 تِمُوتَاوُس 1:12

وَ أَشَانْ دَا بَسْ، أَنَا قَاعِدْ نَتْعَبْ مِثِلْ دَا. لَاكِنْ الْعَيْب أَبَداً مَا سَوَّانِي أَشَانْ هُو الْأَنَا آمَنْت بَيَّهْ نَعَرْفَهْ تَمَامْ. وَ أَنَا مُؤَكِّدْ كَدَرْ هُو قَادِرْ وَ يَحْفَضْ الْأَمَانَةْ الْأَنْطَيْتهَا لَيَّهْ لَحَدِّي الْيَوْم الْأَخِيرْ.

2 كُرُنْتُس 8:1

يَا أَخْوَانِي، نِدَوْر نِأَوْرِيكُو بِالرَّحْمَةْ الْاللّٰهْ أَنْطَاهَا لِجَمَاعَاتْ الْمُؤمِنِينْ الْقَاعِدِينْ هِنِي فِي بَلَدْ مَقِدُونِيَةْ.

2 كُرُنْتُس 1:12

وَ أَنِحْنَ فَرْحَانِينْ أَشَانْ قُلُوبْنَا قَاعِدِينْ يِأَكُّدُوا لَيْنَا كَدَرْ عِشْنَا مَعَ كُلَّ نَاسْ الدُّنْيَا وَ خَاصَّةً مَعَاكُو إِنْتُو بِقَلِبْ أَبْيَضْ وَ بِنِيَّةْ مُخْلِصَةْ الْاللّٰهْ يَرْضَى بَيْهُمْ. مَا عِشْنَا حَسَبْ فِكِرْ نَاسْ الدُّنْيَا لَاكِنْ عِشْنَا بِرَحْمَةْ اللّٰهْ.

زَبُور 119:86

كُلَّ قَوَانِينَكْ صِدِقْ. أَفْزَعْنِي! هُمَّنْ يِطَارُدُونِي بِكِدِبْ.

زَبُور 69:4

الْيَكْرَهَوْنِي بَلَا سَبَبْ، هُمَّنْ أَكْتَرْ مِنْ صُوفْ رَاسِي. وَ الْيِدَوْرُوا يِدَمُّرُونِي، هُمَّنْ شُدَادْ. وَ بَلَا سَبَبْ بِقَوْا عُدْوَانِي. وَ الشَّيّءْ الْأَنَا مَا سِرِقْتَهْ، نَقْدَرْ نِقَبِّلَهْ وَلَّا؟

زَبُور 38:19

عُدْوَانِي حَيِّينْ وَ شُدَادْ وَ كَتِيرِينْ الْيَكْرَهَوْنِي بَلَا سَبَبْ.

زَبُور 35:19

هُمَّنْ الْبِقَوْا عُدْوَانِي بَلَا جَنِيَّةْ، خَلِّي مَا يَفْرَحَوْا بِسَبَبِي. هُمَّنْ الْيَكْرَهَوْنِي بَلَا جَنِيَّةْ، خَلِّي مَا يُكُجُّوا عُيُونْهُمْ لِيِعَيُّرُونِي!

أيُّوب 21:27

أَيْوَى! أَنَا نَعَرِفْ خِطِّتْكُو إِنْتُو وَ نِيِّتْكُو وَ مُؤآمَرَتْكُو ضِدِّي!

أعمال الرُسُل 11:23

وَ بَرْنَابَا وِصِلْ فِي أَنْطَاكِيَةْ وَ شَافْ الْبَرَكَةْ الْاللّٰهْ أَنْطَاهُمْ. وَ هُو فَرْحَانْ مِنْهُمْ وَ شَجَّعَاهُمْ كُلُّهُمْ أَشَانْ يَقْعُدُوا ثَابْتِينْ فِي الرَّبّ بِنِيَّةْ وَاحِدَةْ.

عِبْرَانِيِّين 10:2

وَ كَنْ صَحِيحْ الضَّحَايَا دَوْل يِطَهُّرُوا النَّاسْ، أَكِيدْ قَدِّمِينْهُمْ يَقِيفْ لَاكِنْ مَا وَقَفْ. أَشَانْ كَنْ النَّاسْ الْيَعَبُدُوا اللّٰهْ لِقَوْا الطِّهَارَةْ الْكَامِلَةْ خَلَاصْ، هُمَّنْ مَا يِفَكُّرُوا بَتَّانْ فِي ذُنُوبْهُمْ.

1 بُطْرُس 4:15

وَ خَلِّي نَادُمْ مِنْكُو أَبَداً مَا يِتَعُّبُوهْ بِسَبَبْ كَتِلِينْ دِمَّةْ وَلَّا سِرْقَةْ وَلَّا جَرِيمَةْ وَلَّا دَخِلِينْ فِي شُؤُونْ النَّاسْ.