1 بُطْرُس 2:12 - الكتاب المقدس بالعربي الدارجي هنا تشاد

¹² خَلِّي حَالْكُو فِي أُسْط النَّاسْ الْمَا مُؤمِنِينْ تَبْقَى عَدِيلَةْ. وَ بِمِثِلْ دَا، كَنْ يَكْدُبُوا فِيكُو وَ يُقُولُوا إِنْتُو نَاسْ فَسْلِينْ كُلَ، يِشِيفُوا عَمَلْكُو السَّمَحْ وَ فِي الأَخِيرْ، يِمَجُّدُوا اللّٰهْ فِي يَوْم الْفَرَجْ.

1 بُطْرُس 2:12 Referenca të Kryqëzuara

1 بُطْرُس 3:16

لَاكِنْ حَجُّوا لَيَّهْ بِنَفَسْ بَارِدْ وَ إِحْتِرَامْ. سَوُّوا كُلَّ شَيّءْ بِنِيَّةْ مُخْلِصَةْ. وَ بَيْدَا، الْعَيْب يِسَوِّيهُمْ لِلنَّاسْ الْيَتْهَمَوْكُو وَ يِعَيُّرُوكُو فِي شَانْ الْخَيْر التِّسَوُّوهْ فِي دَرِبْ الْمَسِيحْ.

مَتَّى 5:16

وَ مِثِلْ دَا، خَلُّوا نُورْكُو يِضَوِّي قِدَّامْ النَّاسْ. وَ خَلُّوهُمْ يِشِيفُوا خِدْمِتْكُو السَّمْحَةْ وَ يَشْكُرُوا أَبُوكُو اللّٰهْ الْقَاعِدْ فِي السَّمَاوَاتْ.

2 كُرُنْتُس 8:21

وَ شِلْنَا نِيَّةْ لِنِسَوُّوا الْعَدِيلْ قِدَّامْ اللّٰهْ وَ قِدَّامْ النَّاسْ كُلَ.

1 تَسَلونِيكِي 4:12

كَنْ إِنْتُو قَاعِدِينْ تِسَوُّوا مِثِلْ دَا، النَّاسْ الْمَا مُؤمِنِينْ يِكَرُّمُوكُو وَ إِنْتُو مَا تِحْتَاجَوْا لِشَيّءْ مِنْ أَيِّ نَادُمْ.

1 تِمُوتَاوُس 4:12

مَا تِخَلِّي نَادُمْ يَحْقِرَكْ بِسَبَبْ إِنْتَ صَغَيَّرْ فِي الْعُمُرْ. سَوِّي نَفْسَكْ مَثَلْ لِلْمُؤمِنِينْ فِي كَلَامَكْ وَ حَالَكْ. خَلِّي يِشِيفُوا فَوْقَكْ الْمَحَبَّةْ وَ الْإِيمَانْ وَ الطِّهَارَةْ.

يَعْقُوب 3:13

يَاتُو مِنْكُو حَكِيمْ وَ فَاهِمْ؟ خَلِّي يِوَصِّفْ عَمَلَهْ بِحَالَهْ السَّمْحَةْ بِنَفَسْ بَارِدْ وَ حِكْمَةْ.

فِلِبِّي 1:27

لَاكِنْ خَلِّي تِعِيشُوا بِالْحَالْ الْمُوَافْقَةْ لِبِشَارَةْ الْمَسِيحْ. وَ مِثِلْ دَا، كَنْ نَجِي نِشِيفْكُو وَلَّا كَنْ أَنَا بَعِيدْ مِنْكُو كُلَ، خَلَاصْ نَسْمَعْ كَلَامْ فِيكُو الْيُقُولْ إِنْتُو ثَابْتِينْ بِفِكِرْ وَاحِدْ وَ هَدَفْ وَاحِدْ وَ إِنْتُو قَاعِدِينْ تِحَارُبُوا سَوَا فِي شَانْ الْإِيمَانْ اللِّقِيتُوهْ مِنْ بِشَارَةْ الْمَسِيحْ.

2 كُرُنْتُس 1:12

وَ أَنِحْنَ فَرْحَانِينْ أَشَانْ قُلُوبْنَا قَاعِدِينْ يِأَكُّدُوا لَيْنَا كَدَرْ عِشْنَا مَعَ كُلَّ نَاسْ الدُّنْيَا وَ خَاصَّةً مَعَاكُو إِنْتُو بِقَلِبْ أَبْيَضْ وَ بِنِيَّةْ مُخْلِصَةْ الْاللّٰهْ يَرْضَى بَيْهُمْ. مَا عِشْنَا حَسَبْ فِكِرْ نَاسْ الدُّنْيَا لَاكِنْ عِشْنَا بِرَحْمَةْ اللّٰهْ.

2 بُطْرُس 3:11

وَ كَنْ كُلَّ شَيّءْ يِدَّمَّرْ مِثِلْ دَا، إِنْتُو وَاجِبْ تِسَوُّوا شُنُو؟ وَاجِبْ تِعِيشُوا بِتَقْوَى وَ حَالْ صَالْحَةْ.

رَوْمَا 13:13

خَلِّي حَالْنَا تُكُونْ حَالْ هَنَا عِيَالْ النُّورْ. وَ خَلِّي مَا نَمْشُوا فِي السَّفَاهَةْ وَ السَّكَرْ، وَ لَا فِي الزِّنَى وَ الْفَسَادْ، وَ لَا فِي الدُّوَاسْ وَ الْحُسُدْ.

رَوْمَا 12:17

كَنْ نَادُمْ سَوَّى فَوْقكُو شَيّءْ فَسِلْ، مَا تِسَوُّوا فَوْقَهْ شَيّءْ فَسِلْ. فَكُّرُوا وَ سَوُّوا الشَّيّءْ الْكُلَّ النَّاسْ يَرْضَوْا بَيَّهْ.

عِبْرَانِيِّين 13:18

أَسْأَلَوْا اللّٰهْ لَيْنَا. أَنِحْنَ مُؤَكِّدِينْ كَدَرْ نِيِّتْنَا مُخْلِصَةْ وَ نِدَوْرُوا نِتَابُعُوا حَالْ عَدِيلَةْ فِي كُلَّ شَيّءْ.

1 تِمُوتَاوُس 2:2

خَلِّي يَسْأَلَوْا اللّٰهْ فِي شَانْ الرُّؤَسَاءْ وَ كُلَّ الْكُبَارَاتْ أَشَانْ نِعِيشُوا فِي حَالَةْ هَادِيَةْ وَ بِالسَّلَامْ وَ بِتَقْوَى وَ إِحْتِرَامْ فِي كُلِّ شَيّءْ.

فِلِبِّي 4:8

يَا أَخْوَانِي، دِي هِي آخِرْ وَصِيَّةْ النَّنْطِيهَا لَيْكُو. فَكُّرُوا فِي أَيِّ شَيّءْ الصَّحِيحْ وَ الشَّرِيفْ وَ الْعَادِلْ وَ الطَّاهِرْ وَ الْمَحْبُوبْ وَ الْكَرِيمْ وَ الْأَفْضَلْ وَ الْوَاجِبْ لَيَّهْ الشُّكُرْ. وَ كُلَّ شَيّءْ الْمِثِلْ دَا، خُطُّوا أَفْكَارْكُو فَوْقَهْ ثَابْتِينْ.

أفَسُس 4:22

فِي الشَّيّءْ الْبُخُصّ الْحَالْ الْإِنْتُو أَوَّلْ عَايْشِينْ بَيْهَا، وَاجِبْ تِخَلُّوهَا مِنْكُو مَرَّةْ وَاحِدْ وَ مَا تِتَابُعُوا بَتَّانْ حَالْكُو الْقَدِيمَةْ. أَوَّلْ حَالْكُو دِي غَشَّتْكُو وَ وَدَّرَتْكُو.

زَبُور 50:23

الْيِقَدِّمْ ضَحِيَّةْ الشُّكُرْ يِمَجِّدْنِي وَ الْيِفَكِّرْ فِي دَرْبَهْ، نِشَوِّفَهْ نَجَاتِي أَنَا الرَّبّ.

عِبْرَانِيِّين 13:5

أَنْقَرْعُوا مِنْ حُبّ الْمَالْ وَ أَبْقَوْا رَضْيَانِينْ بِالْعِنْدُكُو أَشَانْ اللّٰهْ قَالْ: <أَبَداً مَا نَابَاكْ وَ لَا نِخَلِّيكْ.>

رَوْمَا 15:9

وَ جَاءْ أَشَانْ النَّاسْ الْمَا يَهُودْ كُلَ يَشْكُرُوا اللّٰهْ فِي شَانْ رَحْمَتَهْ. مَكْتُوبْ فِي الْكِتَابْ: <بِسَبَبْ دَا، يَا اللّٰهْ، فِي أُسْط الْأُمَمْ نَشْكُرَكْ وَ بِغِنَيْ، نَمْدَحْ أُسْمَكْ.>

لُوقا 19:44

وَ يِدَمُّرُوكِ مَعَ نَاسْكِ الْفِي لُبِّكِ. وَ مَا يِخَلُّوا حَجَرْ يَقْعُدْ فَوْق حَجَرْ. وَ دَا يَبْقَى أَشَانْ إِنْتِ مَا عِرِفْتِ الْوَكِتْ الْاللّٰهْ جَاءْ فَوْقَهْ لِيِنَجِّيكِ.»

مَتَّى 10:25

وَ التِّلْمِيذْ رَضْيَانْ كَنْ يَبْقَى مِثِلْ سَيِّدَهْ وَ الْعَبِدْ رَضْيَانْ كَنْ يَبْقَى مِثِلْ سِيدَهْ. وَ كَنْ يُقُولُوا سِيدْ الْبَيْت: ‹هُو إِبْلِيسْ›، أَكِيدْ يُقُولُوا نَفْس الشَّيّءْ زِيَادَةْ فِي نَاسْ بَيْتَهْ.

مَتَّى 5:11

«مَبْرُوكْ لَيْكُو إِنْتُو وَكِتْ النَّاسْ يِعَيُّرُوكُو وَ يَطُرْدُوكُو وَ بِالْكِدِبْ يُخُطُّوا فَوْقكُو كَلَامْ شَيْن أَشَانْ إِنْتُو تَلَامِيذِي.

1 بُطْرُس 4:11

مَثَلاً، أَيِّ نَادُمْ الْيِكَلِّمْ لِلْأَخْوَانْ فِي الْمَلَمَّةْ، خَلِّي يِكَلِّمْ لَيْهُمْ بِكَلَامْ اللّٰهْ. وَ أَيِّ نَادُمْ الْيَخْدِمْ لِلْأَخْوَانْ، خَلِّي يَخْدِمْ بِالْقُدْرَةْ الْاللّٰهْ أَنْطَاهَا لَيَّهْ. أَشَانْ كُلَّ شَيّءْ التِّسَوُّوهْ يِمَجِّدْ اللّٰهْ بِوَاسِطَةْ عِيسَى الْمَسِيحْ. وَ لَيَّهْ هُو الْمَجْد وَ الْمُلُكْ دَايْماً وَ إِلَى الْأَبَدْ. آمِينْ.

إشَعْيا 10:3

إِنْتُو تِسَوُّوا شُنُو فِي يَوْم الْعِقَابْ، وَكِتْ الْهَلَاكْ يَجِي لَيْكُو مِنْ بَعِيدْ؟ لِيَاتُو تَجْرُوا وَ مِنْ يَاتُو تَلْقَوْا الْفَزَعْ؟ وَ وَيْن تُضُمُّوا غُنَاكُو؟

زَبُور 37:14

الْعَاصِيِينْ يَرْفَعَوْا السَّيْف وَ يَجْبُدُوا النُّبَّالْ لِيَرْمُوا الْمَظْلُومْ وَ الْمِسْكِينْ، لِيَدْبَحَوْا الْمَاشِينْ فِي الدَّرِبْ الْعَدِيلْ.

أفَسُس 2:3

وَ أَوَّلْ كُلِّنَا مِنْهُمْ وَ نِتَابُعُوا شَهْوَاتْ الْإِنْسَانْ وَ نِسَوُّوا الشَّيّءْ الْجِسِمْنَا وَ أَفْكَارْنَا يِدَوْرُوهْ. أَوَّلْ أَنِحْنَ ذَاتْنَا وَاجِبْ لَيْنَا غَضَبْ اللّٰهْ مِثِلْ النَّاسْ الْآخَرِينْ.

2 كُرُنْتُس 13:7

وَ نَسْأَلَوْا اللّٰهْ أَشَانْ إِنْتُو مَا تِسَوُّوا أَيِّ خَطَا. وَ سُؤَالْنَا دَا، مَا أَشَانْ النَّاسْ يِشِيفُوا نَجَاحْنَا لَاكِنْ أَشَانْ إِنْتُو تِسَوُّوا الْخَيْر، حَتَّى كَانْ نَاسْ وَاحِدِينْ يُقُولُوا أَنِحْنَ فَشَلْنَا كُلَ.

1 كُرُنْتُس 14:25

وَ الذُّنُوبْ اللَّبَّدَاهُمْ فِي قَلْبَهْ يِنْكَشْفُوا وَ أَشَانْ دَا، عَجَلَةْ كَيْ يَسْجُدْ وَ يَعَبُدْ اللّٰهْ. وَ يَشْهَدْ وَ يُقُولْ: «بِالصَّحِيحْ، اللّٰهْ قَاعِدْ فِي أُسُطْكُو.»

أعمال الرُسُل 24:13

وَ هُمَّنْ مَا يَقْدَرَوْا يِثَبُّتُوا الْكَلَامْ التَّهَمَوْنِي بَيَّهْ.

أعمال الرُسُل 15:14

سِمْعَانْ أَوْرَاكُو بِكِكَّيْف اللّٰهْ أَوَّلْ وَصَّفْ خَيْرَهْ لِلنَّاسْ الْمَا يَهُودْ وَ بَدَا يَعَزِلْ مِنْهُمْ أَشَانْ يَبْقَوْا لَيَّهْ شَعَبَهْ.

لُوقا 6:22

مَبْرُوكْ لَيْكُو إِنْتُو كَنْ النَّاسْ يَكْرَهَوْكُو وَ يَابَوْكُو وَ يِعَيُّرُوكُو وَ يِتَلُّفُوا أُسُمْكُو بِسَبَبِي أَنَا، إِبْن الْإِنْسَانْ.

لُوقا 1:68

«بَارَكْ اللّٰهْ رَبّ بَنِي إِسْرَائِيلْ أَشَانْ هُو أَنْطَى نِعْمَةْ لِشَعَبَهْ وَ فَدَاهُمْ!

مَتَّى 9:8

وَكِتْ النَّاسْ شَافَوْه، خَافَوْا بِلْحَيْن وَ شَكَرَوْا اللّٰهْ أَشَانْ هُو أَنْطَى سُلْطَةْ مِثِلْ دِي لِلنَّاسْ.

أعمال الرُسُل 25:7

وَ وَكِتْ بُولُسْ جَاءْ، الْيَهُودْ الْجَوْا مِنْ مَدِينَةْ الْقُدُسْ حَوَّقَوْه وَ قَمَّوْا يُخُطُّوا فَوْقَهْ جَرَايِمْ شَيْنِينْ وَ كَتِيرِينْ الْمَا قِدْرَوْا يِثَبُّتُوهُمْ.

دَنْيال 6:4

وَ خَلَاصْ، الْوُزَرَاء وَ الْمُوَكَّلِينْ قَمَّوْا يِفَتُّشُوا عَيْب فِي خِدِمْتَهْ هَنَا الْمَمْلَكَةْ لِيِعَيُّبُوا بَيَّهْ دَنْيَالْ. لَاكِنْ مَا لِقَوْا فَوْقَهْ أَيِّ عَيْب وَ لَا خَطَا أَشَانْ هُو أَمِينْ وَ يِرَاقِبْ عَدِيلْ وَ خَطَا كُلَ مَا سَوَّاهْ.

يُوحَنَّا 13:31

وَ وَكِتْ يَهُوذَا مَرَقْ خَلَاصْ، عِيسَى حَجَّى لَيْهُمْ وَ قَالْ: «هَسَّعْ مَجْد إِبْن الْإِنْسَانْ يِبِينْ. وَ بَيَّهْ هُو، مَجْد اللّٰهْ يِبِينْ.

أعمال الرُسُل 28:22

لَاكِنْ نِدَوْرُوا نَسْمَعَوْا كَلَامَكْ وَ نَعَرْفُوا فِكْرَكْ. وَ كَنْ لِمَجْمُوعِتْكُو دِي، نَعَرْفُوا كَدَرْ فِي كُلِّ بَكَانْ النَّاسْ قَاعِدِينْ يَشْكُوا مِنْهَا.»

رَوْمَا 14:18

النَّادُمْ الْيِتَابِعْ الْمَسِيحْ مِثِلْ دَا، اللّٰهْ يَرْضَى بَيَّهْ وَ النَّاسْ كُلَ يِكَرُّمُوهْ.

1 تِمُوتَاوُس 5:10

وَ كَنْ هِي مَعْرُوفَةْ بِالْعَمَلْ الصَّالِحْ. وَاجِبْ تَبْقَى مَرَةْ الرَّبَّتْ عِيَالْهَا عَدِيلْ وَ كَرِيمَةْ لِلضِّيفَانْ وَ سَلَّمَتْ نَفِسْهَا أَشَانْ تَخْدِمْ لِلنَّاسْ الصَّالِحِينْ وَ سَاعَدَتْ التَّعْبَانِينْ وَ مِثِلْ دَا هِي أَنْكَرَبَتْ فِي كُلَّ عَمَلْ الْخَيْر.

1 بُطْرُس 2:15

وَ دَا الْيِدَوْرَهْ اللّٰهْ لَيْكُو. بِالْخَيْر التِّسَوُّوهْ، تِوَقُّفُوا الْكَلَامْ الْبَاطِلْ الْيُقُولُوهْ فَوْقكُو النَّاسْ الْجُهَّالْ.

رَعُوث 3:14

وَ رَعُوثْ نَامَتْ عَدَلْ رِجِلَيْنَهْ لَحَدِّي الْفَجُرْ. لَاكِنْ هِي قَمَّتْ فَجُرْ بَدْرِي قُبَّالْ الشَّقَاقْ أَشَانْ نَادُمْ مَا يِشِيفْهَا. وَ بُعَازْ كُلَ مَا يِدَوْر النَّاسْ يَعَرْفُوا كَدَرْ الْمَرَةْ دِي جَاتْ فِي الْمَدَقّ.