1 بُطْرُس 1:6 - الكتاب المقدس بالعربي الدارجي هنا تشاد

⁶ وَ أَشَانْ دَا، تَفْرَحَوْا فَرْحَةْ كَبِيرَةْ، حَتَّى كَانْ إِنْتُو قَاعِدِينْ تَتْعَبَوْا لِمُدَّةْ قِصَيْرَةْ كُلَ وَ تَحْزَنَوْا بِسَبَبْ الصُّعُوبَاتْ الشِّقْ شِقْ.

1 بُطْرُس 1:6 Referenca të Kryqëzuara

يَعْقُوب 1:2

يَا أَخْوَانِي، أَفْرَحَوْا فِي أَيِّ تَعَبْ الْيَجِيكُو

1 بُطْرُس 5:10

تَعَبْكُو يَقْعُدْ بَتَّانْ وَكِتْ شِيَّةْ. وَ لَاكِنْ اللّٰهْ عِنْدَهْ رَحْمَةْ كَبِيرَةْ وَ هُو نَادَاكُو أَشَانْ تِشَارُكُوا فِي مَجْدَهْ الْأَبَدِي بِعَلَاقِتْكُو مَعَ عِيسَى الْمَسِيحْ. وَ اللّٰهْ هُو ذَاتَهْ يِثَبِّتْكُو وَ يِقَوِّيكُو وَ يَنْطِيكُو قُدْرَةْ وَ مَا تَقَعَوْا بَتَّانْ.

رَوْمَا 12:12

أَفْرَحَوْا أَشَانْ عِنْدُكُو عَشَمْ فِي رَبِّنَا. أَصْبُرُوا فِي التَّعَبْ وَ صَلُّوا دَايْماً بَلَا كَسَلْ.

رَوْمَا 5:2

وَ بِالْمَسِيحْ بَسْ، قِدِرْنَا دَخَلْنَا فِي النِّعْمَةْ دِي بِالْإِيمَانْ الْأَنِحْنَ ثَابْتِينْ فَوْقهَا. وَ نَفْرَحَوْا بِالْعَشَمْ الْعِنْدِنَا أَشَانْ نَلْقَوْا مَجْد اللّٰهْ.

مَتَّى 5:12

أَفْرَحَوْا وَ أَنْبَسْطُوا زِيَادَةْ أَشَانْ أَجُرْكُو فِي السَّمَاءْ يَبْقَى كَتِيرْ بِلْحَيْن. أَشَانْ أَوَّلْ النَّاسْ تَعَّبَوْا الْأَنْبِيَاء الْجَوْا قُبَّالْكُو. وَ خَلَاصْ إِنْتُو كُلَ تَبْقَوْا مِثِلْهُمْ.

إشَعْيا 61:3

هُو رَسَّلَانِي لِنَاسْ صَهْيُون الْقَاعِدِينْ فِي الْحِزِنْ أَشَانْ نَنْطِيهُمْ كَدْمُولْ جَمِيلْ بَدَلْ الرُّمَادْ الْفِي رَاسْهُمْ وَ دِهِنْ السُّرُورْ بَدَلْ الْحِزِنْ وَ لُبَاسْ الشُّكُرْ بَدَلْ الرُّوحْ الضَّعِيفَةْ. وَ يِسَمُّوهُمْ شَدَرْ الْعَدَالَةْ الْاللّٰهْ مَقَنَهْ لِيِوَصِّفْ مَجْدَهْ.

يُوحَنَّا 16:33

أَنَا قُلْت لَيْكُو كُلَّ الْكَلَامْ دَا، أَشَانْ تَلْقَوْا السَّلَامْ بَيِّ أَنَا. أَكِيدْ، فِي الدُّنْيَا إِنْتُو تَتْعَبَوْا. لَاكِنْ شِدُّوا حَيْلكُو أَشَانْ أَنَا أَنَّصَرْت فِي الدُّنْيَا.»

يُوحَنَّا 16:22

وَ يَبْقَى لَيْكُو مِثِلْ دَا. هَسَّعْ تَتْعَبَوْا لَاكِنْ أَنَا نِقَبِّلْ بَتَّانْ نِشِيفْكُو وَ إِنْتُو تَفْرَحَوْا فَرْحَةْ شَدِيدَةْ وَ مَا فِي نَادُمْ يِشِيلْ مِنْكُو الْفَرْحَةْ دِي.

زَبُور 34:19

الصَّالِحْ يَوَاجِهْ بَلَاءْ كَتِيرْ وَ مِنْ كُلِّ وَاحِدْ، اللّٰهْ يِنَجِّيهْ.

زَبُور 119:28

دُمُوعِي جَرَوْا مِنْ الْحِزِنْ، قَوِّمْنِي حَسَبْ كَلَامَكْ.

مَتَّى 11:28

«تَعَالُوا لَيِّ إِنْتُو كُلُّكُو التَّعْبَانِينْ مِنْ التَّقَلَةْ الشَّايْلِينْهَا فِي رَاسْكُو وَ أَنَا نَنْطِيكُو جُمَّةْ.

رَوْمَا 5:11

وَ زِيَادَةْ مِنْ دَا، هَسَّعْ أَنِحْنَ قَاعِدِينْ نَفْرَحَوْا بِالْعَلَاقَةْ الْعِنْدِنَا مَعَ اللّٰهْ بِرَبِّنَا عِيسَى الْمَسِيحْ. أَشَانْ بِالْمَسِيحْ بَسْ، أَنِحْنَ لِقِينَا الصُّلُحْ.

أعمال الرُسُل 14:22

وَ فِي كُلَّ الْحِلَّالْ دَوْل، شَجَّعَوْا التَّلَامِيذ وَ وَصَّوْهُمْ أَشَانْ يَقْعُدُوا ثَابْتِينْ فِي الْإِيمَانْ. وَ قَالَوْا لَيْهُمْ: «أَكِيدْ، تَعَبْ كَتِيرْ يَجِي فَوْقنَا كُلِّنَا فِي الدَّرِبْ الْيِوَدِّينَا فِي مَمْلَكَةْ اللّٰهْ.»

لُوقا 10:20

صَحِيحْ، الشَّوَاطِينْ سِمْعَوْا كَلَامْكُو لَاكِنْ مَا تَفْرَحَوْا بِالْكَلَامْ دَا. أَخَيْر تَفْرَحَوْا كَدَرْ اللّٰهْ سَجَّلْ أَسَامَيْكُو فِي كِتَابَهْ فِي السَّمَاءْ.»

1 بُطْرُس 4:7

كُمَالَةْ كُلَّ شَيّءْ قَرِيبْ. أَشَانْ دَا، خُطُّوا بَالْكُو وَ أَقْعُدُوا ثَابْتِينْ دَايْماً أَشَانْ تَقْدَرَوْا تِصَلُّوا فِي أَيِّ وَكِتْ.

زَبُور 95:1

تَعَالُوا نِغَنُّوا بِفَرَحْ لِلّٰهْ وَ نَمْدَحَوْا مَلْجَئْنَا وَ مُنَجِّينَا.

يَعْقُوب 4:9

أَبْقَوْا حَزْنَانِينْ فِي شَانْ ذُنُوبْكُو وَ أَصْرَخَوْا وَ أَبْكُوا بَكِي شَدِيدْ. بَتَّانْ مَا تَضْحَكَوْا، أَخَيْر تَبْكُوا. مَا تَفْرَحَوْا، أَخَيْر تَحْزَنَوْا.

2 كُرُنْتُس 4:17

وَ التَّعَبْ الْعِنْدِنَا هَسَّعْ دَا، هُو خَفِيفْ وَ مَا يِطَوِّلْ. لَاكِنْ التَّعَبْ دَا يِجَهِّزْنَا لِلْمَجْد الْعَظِيمْ الْأَبَداً مَا يِكَمِّلْ.

يَعْقُوب 1:9

الْأَخُو الْمُؤمِنْ الْمِسْكِينْ، خَلِّي يَفْرَحْ أَشَانْ اللّٰهْ دَرَّجَهْ.

1 صَمُوِيل 2:1

وَ حِنَّةْ صَلَّتْ وَ قَالَتْ: «نِعْمَةْ اللّٰهْ مَلَتْ قَلْبِي بِالْفَرَحْ، اللّٰهْ رَفَعْ رَاسِي وَ أَنْطَانِي قُدْرَةْ. قِدَّامْ عُدْوَانِي، ضِحِكْت بِحِسّ عَالِي وَ بِنَجَاتَكْ أَنَا فِرِحْت، يَا رَبِّي.

فِلِبِّي 3:3

يُقُولُوا هُمَّنْ الْمُطَهَّرِينْ. لَاكِنْ أَنِحْنَ بَسْ النَّاسْ الْمُطَهَّرِينْ بِالصَّحِيحْ، أَنِحْنَ النَّعَبُدُوا اللّٰهْ بِقُدْرَةْ الرُّوحْ الْقُدُّوسْ. وَ نِفَاشُرُوا بِالْمَسِيحْ عِيسَى وَ أَبَداً مَا نِنْتَكْلُوا عَلَيْ جِلِدْنَا.

2 كُرُنْتُس 6:10

عِنْدِنَا حِزِنْ وَ لَاكِنْ نَفْرَحَوْا دَايْماً. أَنِحْنَ مَسَاكِينْ وَ لَاكِنْ نِجِيبُوا لِكَتِيرْ مِنْ النَّاسْ بَرَكَةْ كَتِيرَةْ. مَا عِنْدِنَا شَيّءْ وَ لَاكِنْ كُلَّ شَيّءْ هَنَانَا.

1 تَسَلونِيكِي 1:6

وَ إِنْتُو شِلْتُوا مَثَلْنَا وَ حَالْكُو بِقَتْ مِثِلْ حَالْنَا وَ مِثِلْ حَالْ هَنَا رَبِّنَا عِيسَى. وَكِتْ النَّاسْ قَاعِدِينْ يِتَعُّبُوكُو بِلْحَيْن كُلَ، إِنْتُو قِبِلْتُوا الْكَلَامْ بِفَرَحْ الْجَايِ مِنْ الرُّوحْ الْقُدُّوسْ.

فِلِبِّي 4:4

أَفْرَحَوْا بِرَبِّنَا عِيسَى دَايْماً وَ بَتَّانْ نُقُولْ لَيْكُو، أَفْرَحَوْا!

غَلاطِية 5:22

لَاكِنْ مِثِلْ الشَّدَرْ يَلْدَ عِيَالْ، دَاهُو عِيَالْ الرُّوحْ الْقُدُّوسْ هُمَّنْ الْمَحَبَّةْ وَ الْفَرَحْ وَ السَّلَامْ وَ الصَّبُرْ وَ الْقَلِبْ الْأَبْيَضْ وَ الْخَيْر وَ الْأَمَانْ

رَوْمَا 9:2

أَنَا حَزْنَانْ بِلْحَيْن وَ قَلْبِي دَايْماً بَوْجَعْنِي.

زَبُور 119:75

يَا اللّٰهْ، أَنَا نَعَرِفْ كَدَرْ شَرِيعْتَكْ عَادِلَةْ وَ بِأَمَانَكْ، إِنْتَ دَسَّيْتنِي فِي الْإِهَانَةْ.

زَبُور 69:20

الْمُعْيَارْ شَقَّ قَلْبِي وَ أَنَا بِقِيتْ مَرْضَانْ. وَ قُلْت أَكُونْ نَلْقَى مِنْهُمْ مَحَنَّةْ لَاكِنْ مَا شِفْت شَيّءْ. وَ الْيِصَبُّرُونِي كُلَ، أَنَا مَا لِقِيتْهُمْ.

زَبُور 35:10

وَ فِي نَفْسِي نُقُولْ: «يَا اللّٰهْ، يَاتُو مِثْلَكْ؟ إِنْتَ تِنَجِّي الْمِسْكِينْ مِنْ الْقَوِي مِنَّهْ وَ تِنَجِّي الْمِسْكِينْ وَ الضَّعِيفْ مِنْ الْيَقْلَعْ مِنْهُمْ.»

زَبُور 9:14

أَشَانْ نِحَجِّي بِكُلَّ شُكْرَكْ فِي بِيبَانْ صَهْيُون الْمِثِلْ بِنَيَّةْ وَ نَفْرَحْ بِسَبَبْ نَجَاتَكْ.

فِلِبِّي 2:26

لَاكِنْ هُو قَاعِدْ يَقْرَمْ لَيْكُو كُلُّكُو وَ بِقِي لَيَّهْ قَاسِي أَشَانْ إِنْتُو سِمِعْتُوا خَبَرْ هَنَا مَرَضَهْ.

لُوقا 2:10

وَ الْمَلَكْ حَجَّى لَيْهُمْ وَ قَالْ: «مَا تَخَافَوْا. أَسْمَعَوْا، نَنْطِيكُو خَبَرْ حَلُو هَنَا فَرْحَةْ كَبِيرَةْ التَّبْقَى لِكُلَّ النَّاسْ.

لُوقا 1:47

وَ نَفْرَحْ بِلْحَيْن بِاللّٰهْ الْيِنَجِّينِي.

مَتَّى 26:37

وَ شَالْ مَعَايَهْ بُطْرُسْ وَ أَوْلَادْ زَبَدِي الْإِتْنَيْن وَ بِقِي حَزْنَانْ وَ بَدَا يَتْعَبْ بِلْحَيْن.

إشَعْيا 61:10

أَيْوَى، أَنَا نَفْرَحْ زِيَادَةْ بِاللّٰهْ وَ نَفْسِي تَفْرَحْ بِإِلٰـهِي. أَشَانْ هُو لَبَّسَانِي خُلْقَانْ النَّجَاةْ وَ كَسَانِي بِجَلَّابِيَّةْ الْعَدَالَةْ. هُو جَمَّلَانِي بِكَدْمُولْ مِثِلْ عَرِيسْ أَيْوَى، مِثِلْ كَدْمُولْ رَاجِلْ الدِّينْ وَ مِثِلْ الْعَرُوسْ الْمُجَمَّلَةْ بِزِينِتْهَا.

1 بُطْرُس 3:17

وَ كَنْ اللّٰهْ يَنْطِي إِذِنْ لِلنَّاسْ أَشَانْ يِتَعُّبُوكُو، أَخَيْر يِتَعُّبُوكُو بِسَبَبْ الْخَيْر الْإِنْتُو سَوَّيْتُوهْ مِنْ يِتَعُّبُوكُو بِسَبَبْ إِنْتُو سَوَّيْتُوا فَسَالَةْ.