1 بُطْرُس 1:4 - الكتاب المقدس بالعربي الدارجي هنا تشاد

⁴ وَ وَرَثَتْنَا أَبَداً مَا تِدَّمَّرْ وَ لَا تَتْلَفْ وَ لَا تِوَدِّرْ. وَ اللّٰهْ دَمَّهَا لَيْكُو فِي السَّمَاوَاتْ.

1 بُطْرُس 1:4 Referenca të Kryqëzuara

رُؤية 21:27

وَ أَيِّ شَيّءْ الْمَا طَاهِرْ وَلَّا أَيِّ نَادُمْ الْيِسَوِّي الْمُحَرَّمَاتْ وَلَّا أَيِّ كَدَّابْ مَا يَدْخُلُوا فَوْقهَا. الْيَدْخُلُوا فِي الْمَدِينَةْ دِي، إِلَّا النَّاسْ الْأَسَامَيْهُمْ مَكْتُوبِينْ فِي كِتَابْ الْحَيَاةْ هَنَا الْحَمَلْ.

عِبْرَانِيِّين 9:15

وَ فِي شَانْ دَا، الْمَسِيحْ هُو وَسِيطْ هَنَا الْمُعَاهَدَةْ الْجَدِيدَةْ الْبَيْهَا النَّاسْ الْاللّٰهْ نَادَاهُمْ يَلْقَوْا الْوَرَثَةْ الْأَبَدِيَّةْ الْهُو وَاعَدْ بَيْهَا. أَشَانْ الْمَسِيحْ مَاتْ لِيَفْدَى النَّاسْ مِنْ خَطَايَاهُمْ السَّوَّوْهُمْ فِي وَكِتْ الْمُعَاهَدَةْ الْأَوَّلْ.

1 بُطْرُس 5:4

وَ وَكِتْ الْمَسِيحْ كَبِيرْ الرُّعْيَانْ يِبِينْ، هُو يَنْطِيكُو التَّاجْ الْمَجِيدْ الْجَمَالَهْ أَبَداً مَا يِكَمِّلْ.

2 تِمُوتَاوُس 4:8

وَ هَسَّعْ الْجَائِزَةْ الْيَنْطُوهَا لِلْغَالِبْ تَرْجَانِي. وَ هِي التَّاجْ الرَّبِّنَا يُخُطَّهْ فِي رَاسْ النَّادُمْ الصَّالِحْ. وَ رَبِّنَا الْحَاكِمْ الْعَادِلْ يَنْطِينِي الطَّاقِيَّةْ دِي فِي الْيَوْم الْأَخِيرْ. وَ مَا يَنْطِيهَا لَيِّ أَنَا وِحَيْدِي لَاكِنْ يَنْطِيهَا لِكُلَّ النَّاسْ الْقَرْمَانِينْ لِيَوْم جَيْتَهْ.

كُلُوسِي 1:5

وَ إِنْتُو ثَابْتِينْ فِي إِيمَانْكُو وَ مَحَبِّتْكُو أَشَانْ إِنْتُو قَاعِدِينْ تَرْجَوْا بِعَشَمْ الْبَرَكَةْ الْاللّٰهْ حَفَضَاهَا لَيْكُو فِي السَّمَاءْ. وَ سِمِعْتُوا بَيْهَا فِي كَلَامْ الْحَقّ وَ هُو بِشَارَةْ الْمَسِيحْ الْبَلَّغَوْهَا لَيْكُو مِنْ أَوَّلْ.

مَتَّى 25:34

«وَ الْمَلِكْ يِحَجِّي لِلنَّاسْ الْقَاعِدِينْ فِي نُصَّهْ الزَّيْنَايْ وَ يُقُولْ: ‹أَبُويِ بَارَكَاكُو. تَعَالُوا، شِيلُوا وَرَثَتْكُو وَ هِي الْمَمْلَكَةْ الْاللّٰهْ جَهَّزَاهَا لَيْكُو مِنْ هُو خَلَقْ الدُّنْيَا.

أفَسُس 1:18

خَلِّي نُورْ اللّٰهْ يَدْخُلْ فِي قُلُوبْكُو أَشَانْ تَفْهَمَوْا تَمَامْ الْعَشَمْ الْاللّٰهْ نَادَاكُو لِتَلْقَوْه وَ بَتَّانْ تَفْهَمَوْا كُبُرْ الْوَرَثَةْ الْمَجِيدَةْ الْقَاعِدَةْ فِي أُسْط الصَّالِحِينْ.

حِزْقِيال 47:12

وَ فِي خَشُمْ الْوَادِي جَايْ وَ جَايْ، يُقُمّ نَفَرْ كَتِيرْ هَنَا شَدَرْ الْعِنْدُهُمْ عِيَالْ. وَرْشَالْهُمْ أَبَداً مَا يَيْبَسْ وَ عِيَالْهُمْ مَا يِكَمُّلُوا. وَ هُمَّنْ يَلْدَوْا فِي أَيِّ شَهَرْ أَشَانْ الْأَلْمِي دَا مَارِقْ مِنْ الْبَيْت الْمُقَدَّسْ. وَ عِيَالْهُمْ، يَاكُلُوهُمْ وَ وَرْشَالْهُمْ يَنْطِي الْعَافَيْ.»

أفَسُس 1:14

وَ الرُّوحْ الْقُدُّوسْ يِأَكِّدْ لَيْنَا كَدَرْ نَلْقَوْا قِسِمْنَا مِنْ الْوَرَثَةْ الْوَاعَدْ بَيْهَا شَعَبَهْ. وَ هُو يِأَكِّدْ لَيْنَا كَدَرْ نَلْقَوْا الْوَرَثَةْ دِي وَكِتْ نَجَاتْنَا بِقَتْ كَامِلَةْ. وَ أَشَانْ دَا، خَلِّي نِمَجُّدُوا عَظَمَةْ اللّٰهْ.

أفَسُس 1:11

وَ بِعَلَاقِتْنَا مَعَ الْمَسِيحْ، اللّٰهْ جَعَلَانَا شَعَبَهْ الْيَلْقَوْا الْوَرَثَةْ. اللّٰهْ عَزَلَانَا مِنْ أَوَّلْ حَسَبْ نِظَامَهْ. هُو يِسَوِّي كُلَّ شَيّءْ حَسَبْ نِيّتَهْ وَ مُرَادْتَهْ.

رَوْمَا 8:17

وَ كَنْ أَنِحْنَ عِيَالَهْ، أَنِحْنَ كُلَ مِثِلْ وُرَّاثَهْ. أَنِحْنَ وُرَّاثْ اللّٰهْ، أَيْوَى، وُرَّاثَهْ مَعَ الْمَسِيحْ. أَشَانْ كَنْ نَتْعَبَوْا مَعَ الْمَسِيحْ، نَدْخُلُوا مَعَ الْمَسِيحْ فِي مَجْدَهْ كُلَ.

أعمال الرُسُل 26:18

لِتَفْتَحْ عُيُونْهُمْ أَشَانْ يَمُرْقُوا مِنْ الضَّلَامْ وَ يَدْخُلُوا فِي النُّورْ وَ يَمُرْقُوا مِنْ حُكُمْ إِبْلِيسْ وَ يُتُوبُوا لِلّٰهْ. وَ اللّٰهْ يَغْفِرْ لَيْهُمْ ذُنُوبْهُمْ وَ هُمَّنْ يَوْرُثُوا بَكَانْ فِي لُبّ النَّاسْ الْخَاصِّيْن بِسَبَبْ إِيمَانْهُمْ بَيِّ.›

أعمال الرُسُل 20:32

«وَ هَسَّعْ نِأَمِّنْكُو لِلّٰهْ وَ لِكَلَامْ نِعْمَتَهْ الْكَلَّمْتُكُو بَيْهَا. أَشَانْ الْكَلَامْ دَا يَقْدَرْ يِقَوِّي إِيمَانْكُو. وَ بِالْكَلَامْ دَا، تَلْقَوْا الْوَرَثَةْ الْاللّٰهْ يَنْطِيهَا لِكُلَّ النَّاسْ الْخَاصِّيْن لَيَّهْ.

زَبُور 31:19

يَا اللّٰهْ! خَيْرَكْ كَتِيرْ الْحَفَضْتَهْ لِلنَّاسْ الْيَخَافَوْا مِنَّكْ. وَ تَنْطِيهْ لِلْيَلْجَأَوْا لَيْك قِدَّامْ كُلَّ النَّاسْ.

يَعْقُوب 1:11

كَنْ الْحَرَّايْ طَلَعَتْ وَ بِقَتْ حَامِيَةْ بِلْحَيْن، هِي تُطُقّ الْقَشّ وَ الْقَشّ دَا يَبْقَى أَصْفَرْ وَ يَيْبَسْ وَ يُمُوتْ. وَ مِثِلْ دَا بَسْ، سِيدْ الْمَالْ كُلَ يُمُوتْ فِي أُسُطْ خِدِمْتَهْ وَ يَبْقَى مَا فِيهْ.

كُلُوسِي 1:12

وَ تَشْكُرُوا دَايْماً اللّٰهْ أَبُوكُو الْجَعَلَاكُو جَاهِزِينْ لِتِشَارُكُوا فِي وَرَثَةْ الصَّالِحِينْ فِي مَمْلَكَةْ النُّورْ.

غَلاطِية 3:18

أَشَانْ كَنْ النَّاسْ مَا لِقَوْا الْبَرَكَةْ الْاللّٰهْ وَاعَدْ بَيْهَا إِبْرَاهِيمْ إِلَّا كَنْ يِتَابُعُوا شُرُوطْ التَّوْرَاةْ، الْبَرَكَةْ مَا تَجِي بِسَبَبْ الْوَعَدْ. لَاكِنْ أَنِحْنَ نَعَرْفُوا كَدَرْ هُو أَنْطَاهَا لِإِبْرَاهِيمْ بِوَعَدْ بَسْ.

1 كُرُنْتُس 9:25

وَ نَعَرْفُوا كَنْ نَادُمْ رِيَاضِي، هُو يِثَبِّتْ نَفْسَهْ فِي أَيِّ حَالْ وَ يِجَاهِدْ. وَ الْجَائِزَةْ الْهُو يِدَوْر يَلْقَاهَا دِي، هِي تَتْلَفْ عَجَلَةْ. لَاكِنْ أَنِحْنَ نِجَاهُدُوا أَشَانْ نَلْقَوْا الْجَائِزَةْ الْأَبَداً مَا تَتْلَفْ.

1 بُطْرُس 3:9

كَنْ النَّاسْ يِسَوُّوا فَوْقكُو شُغُلْ فَسِلْ، مَا تُرُدُّوا لَيْهُمْ بِشُغُلْ فَسِلْ. وَ كَنْ يِعَيُّرُوكُو، مَا تُرُدُّوا لَيْهُمْ بِمُعْيَارْ. لَاكِنْ بَارُكُوهُمْ، أَشَانْ اللّٰهْ نَادَاكُو فِي دَرْبَهْ لِتِبَارُكُوا النَّاسْ وَ تَوْرُثُوا بَرَكَةْ مِنْ اللّٰهْ.

زَبُور 47:4

هُو عَزَلْ لَيْنَا وَرَثَةْ، فَرْحَةْ يَعْقُوبْ مَحْبُوبَهْ. وَقْفَةْ.

إشَعْيا 66:22

وَ دَاهُو كَلَامْ اللّٰهْ: «مِثِلْ السَّمَاءْ الْجَدِيدْ وَ الْأَرْض الْجَدِيدَةْ الْأَنَا سَوَّيْتهُمْ قَاعِدِينْ قَوِيِّينْ قِدَّامِي، مِثِلْ دَا، ذُرِّيِّتْكُو وَ أُسُمْكُو كُلَ يَقْعُدُوا ثَابْتِينْ قِدَّامِي.

مَرْخُوس 10:17

وَكِتْ عِيسَى قَمَّ مَاشِي فِي دَرْبَهْ، نَادُمْ وَاحِدْ جَرَى لَيَّهْ وَ سَجَدْ قِدَّامَهْ وَ سَأَلَهْ وَ قَالْ: «يَا الْمُعَلِّمْ الْعَدِيلْ! وَاجِبْ نِسَوِّي شُنُو أَشَانْ نَلْقَى الْحَيَاةْ الْأَبَدِيَّةْ؟»

كُلُوسِي 3:24

أَعَرْفُوا كَدَرْ تَلْقَوْا وَرَثَةْ مِنْ الرَّبّ وَ دِي بَسْ أُجْرِتْكُو. إِنْتُو قَاعِدِينْ تَخْدُمُوا لِرَبِّنَا الْمَسِيحْ.

عِبْرَانِيِّين 10:34

وَ إِنْتُو حَنَّيْتُوا لِلْمَسَاجِينْ. وَ وَكِتْ النَّاسْ نَهَبَوْا مَالْكُو، إِنْتُو فَرْحَانِينْ أَشَانْ عِرِفْتُوا كَدَرْ عِنْدُكُو مَالْ أَخَيْر مِنَّهْ قَاعِدْ قِدَّامْكُو وَ الْمَالْ دَا يَقْعُدْ دَايْماً.