1 بُطْرُس 1:23 - الكتاب المقدس بالعربي الدارجي هنا تشاد

²³ بِقِيتُوا مَوْلُودِينْ مِنْ جَدِيدْ وَ دَا مَا مِنْ وَالْدَيْنكُو الْيُمُوتُوا لَاكِنْ هِي مِنْ كَلَامْ اللّٰهْ وَ الْكَلَامْ دَا، أَبَداً مَا يُمُوتْ.

1 بُطْرُس 1:23 Referenca të Kryqëzuara

1 بُطْرُس 1:3

خَلِّي نَشْكُرُوا اللّٰهْ أَبُو رَبِّنَا عِيسَى الْمَسِيحْ! هُو رَحَمَانَا بِرَحْمَةْ كَبِيرَةْ الْبَيْهَا بِقِينَا مَوْلُودِينْ مِنْ جَدِيدْ بِسَبَبْ بُعَاثْ عِيسَى الْمَسِيحْ مِنْ أُسْط الْمَيْتِينْ. وَ بَيْدَا، عِنْدِنَا عَشَمْ مُؤَكَّدْ

عِبْرَانِيِّين 4:12

كَلَامْ اللّٰهْ حَيّ وَ قَادِرْ وَ طَرِينْ زِيَادَةْ مِنْ السَّيْف الْمُطَرَّقْ مِنْ جَايْ وَ جَايْ. هُو يَقْطَعْ دَاخَلْ فِي النَّادُمْ مَرَّةْ وَاحِدْ لَحَدِّي يَلْحَقْ الْبَكَانْ الْفَوْقَهْ النَّفَسْ وَ الرُّوحْ، وَ الْعُضَامْ وَ الْمُشَاشْ. كَلَامْ اللّٰهْ يِمَيِّزْ الْأَفْكَارْ وَ النِّيَّةْ فِي قَلِبْ الْإِنْسَانْ.

يُوحَنَّا 3:3

وَ عِيسَى رَدَّ لَيَّهْ وَ قَالْ: «أَسْمَعْ نُقُولْ لَيْك الْحَقّ، نَادُمْ مَا يَقْدَرْ يِشِيفْ مَمْلَكَةْ اللّٰهْ إِلَّا كَنْ هُو مَوْلُودْ مِنْ جَدِيدْ.»

يُوحَنَّا 1:13

وَ يَبْقَوْا عِيَالْ اللّٰهْ مَا بِوَالُودَةْ وَ لَا بِشَهْوَةْ النَّاسْ وَ لَا بِنِيَّةْ هَنَا أَيِّ رَاجِلْ، لَاكِنْ هُمَّنْ بِقَوْا عِيَالْ اللّٰهْ بِقُدْرَةْ اللّٰهْ.

يُوحَنَّا 6:63

رُوحْ اللّٰهْ يَنْطِي الْحَيَاةْ. وَ الْقُدْرَةْ الْإِنْسَانِيَّةْ مَا عِنْدَهَا فَايْدَةْ. الْكَلَامْ الْقُلْتَهْ لَيْكُو جَايِ مِنْ الرُّوحْ وَ يَنْطِيكُو الْحَيَاةْ.

1 يُوحَنَّا 5:18

نَعَرْفُوا كَدَرْ النَّاسْ الْاللّٰهْ سَوَّاهُمْ عِيَالَهْ مَا يَذْنُبُوا وَ إِبْن اللّٰهْ يَحْفَضْهُمْ وَ إِبْلِيسْ الشَّرِيرْ مَا يَقْدَرْ يَلْمَسْهُمْ.

يَعْقُوب 1:18

بِوَاسِطَةْ كَلَامْ الْحَقّ، اللّٰهْ أَنْطَانَا الْحَيَاةْ الْجَدِيدَةْ بِنِيّتَهْ أَشَانْ أَنِحْنَ نَبْقَوْا مُهِمِّينْ مِنْ كُلَّ مَخْلُوقِينَهْ.

يُوحَنَّا 3:5

وَ عِيسَى رَدَّ لَيَّهْ وَ قَالْ: «أَسْمَعْ نُقُولْ لَيْك الْحَقّ، نَادُمْ مَا يَقْدَرْ يَدْخُلْ فِي مَمْلَكَةْ اللّٰهْ إِلَّا بِالْوَالُودَةْ الْجَايَةْ بِأَلْمِي وَ بِرُوحْ اللّٰهْ.

مَتَّى 24:35

السَّمَاءْ وَ الْأَرْض يَبْقَوْا مَا فِيهُمْ وَ لَاكِنْ كَلَامِي يَقْعُدْ دَايْماً.

1 يُوحَنَّا 3:9

النَّاسْ الْبِقَوْا عِيَالْ اللّٰهْ مَا يَذْنُبُوا أَشَانْ طَبِيعَةْ اللّٰهْ قَاعِدَةْ فَوْقهُمْ. مَا يَقْدَرَوْا يَذْنُبُوا أَشَانْ بِقَوْا عِيَالْ اللّٰهْ.

1 بُطْرُس 1:25

لَاكِنْ كَلَامْ اللّٰهْ يَقْعُدْ إِلَى الْأَبَدْ.> وَ الْكَلَامْ دَا، هُو بِشَارَةْ الْمَسِيحْ الْبَلَّغَوْهَا لَيْكُو.

يُوحَنَّا 1:3

وَ كُلَّ شَيّءْ كَانْ بِالْكَلِمَةْ وَ مِنْ كُلَّ الْأَشْيَاءْ الْكَانَوْا، مَا فِي شَيّءْ الْكَانْ بَلَاهَا.

إرْمِيا 23:28

خَلِّي النَّبِي الْعِنْدَهْ رُؤْيَةْ يِحَجِّي بِرُؤْيِتَهْ. وَ لَاكِنْ الْعِنْدَهْ كَلَامِي أَنَا، خَلِّي يِحَجِّي كَلَامِي بِأَمَانْ. أَشَانْ الْقَشّ وَ الْقَنَادِيلْ مَا سَوَا.» وَ دَا كَلَامْ اللّٰهْ.

رَوْمَا 1:23

أَبَوْا مَا يَعَبُدُوا اللّٰهْ الْمَجِيدْ الْمَا يُمُوتْ أَبَداً. وَ قَمَّوْا يَعَبُدُوا فِي بَدَلَهْ، أَصْنَامْ فِي صُورَةْ الْإِنْسَانْ الْأَكِيدْ يُمُوتْ وَلَّا صُورَةْ طَيْر وَلَّا صُورَةْ حَيْوَانَاتْ وَلَّا صُورَةْ زَوَاحِفْ.

مَلاخِـي 2:3

وَ دَاهُو نِحَذِّرْ ذُرِّيِّتْكُو وَ نَضْرُبْكُو بِبَعَرْ فِي وُجُوهْكُو وَ دَا الْبَعَرْ هَنَا ضَحَايَا أَعْيَادْكُو. وَ يِدَفُّقُوكُو بَرَّا مَعَ الْبَعَرْ دَا!

لُوقا 8:11

«وَ نِفَسِّرْ لَيْكُو الْمَثَلْ. التَّيْرَابْ يِمَثِّلْ كَلَامْ اللّٰهْ.

لاوِيِّين 11:37

وَ لَاكِنْ كَنْ رِمَّةْ هَنَا وَاحِدْ مِنْ الْحَيْوَانَاتْ دَوْل وَقَعَتْ فِي الْحُبُوبْ هَنَا التَّيْرَابْ، الْحُبُوبْ دَوْل يُكُونُوا طَاهِرِينْ.