1 بُطْرُس 1:22 - الكتاب المقدس بالعربي الدارجي هنا تشاد

²² وَ إِنْتُو طَهَّرْتُوا نُفُوسْكُو وَكِتْ تَابَعْتُوا كَلَامْ الْحَقّ وَ لِقِيتُوا مَحَبَّةْ أَخَوِيَّةْ بَلَا نِفَاقْ. وَ خَلَاصْ، أَرَّايَدَوْا أَمْبَيْنَاتْكُو بِشِدَّةْ وَ بِقَلِبْ وَاحِدْ.

1 بُطْرُس 1:22 Referenca të Kryqëzuara

1 تِمُوتَاوُس 1:5

وَ أَنْطَيْتَكْ الْوَصِيَّةْ دِي أَشَانْ نِدَوْر هُمَّنْ يِعِيشُوا بِالْمَحَبَّةْ الْجَايَةْ مِنْ قَلِبْ طَاهِرْ وَ ضَمِيرْ صَافِي وَ إِيمَانْ مُخْلِصْ.

عِبْرَانِيِّين 13:1

أَقْعُدُوا ثَابْتِينْ فِي الْمَحَبَّةْ الْأَخَوِيَّةْ.

1 يُوحَنَّا 4:12

أَبَداً مَا فِي أَيِّ نَادُمْ الشَّافْ اللّٰهْ. لَاكِنْ كَنْ أَنِحْنَ قَاعِدِينْ نِرَّايَدَوْا أَمْبَيْنَاتْنَا، اللّٰهْ قَاعِدْ مَعَانَا وَ مَحَبِّتَهْ تَبْقَى كَامِلَةْ فَوْقنَا.

1 يُوحَنَّا 4:7

يَا الْمَحْبُوبِينْ، خَلِّي نِرَّايَدَوْا أَمْبَيْنَاتْنَا أَشَانْ الْمَحَبَّةْ هِي مِنْ اللّٰهْ. كُلَّ النَّاسْ الْيِحِبُّوا أَخْوَانْهُمْ هُمَّنْ النَّاسْ الْبِقَوْا عِيَالْ اللّٰهْ وَ يَعَرْفُوا اللّٰهْ.

1 بُطْرُس 3:8

وَ آخِرْ شَيّءْ نُقُولَهْ لَيْكُو كُلُّكُو، خَلِّي قَلِبْكُو يَبْقَى وَاحِدْ وَ خَلِّي رُوحْكُو تَبْقَى طَوِيلَةْ. أَرَّايَدَوْا أَمْبَيْنَاتْكُو بِمَحَبَّةْ أَخَوِيَّةْ وَ بِقَلِبْ حَنُونْ وَ مَسْكُنُوا نُفُوسْكُو.

يَعْقُوب 4:8

تَعَالُوا قَرُّبُوا لِلّٰهْ وَ اللّٰهْ يِقَرِّبْ لَيْكُو. إِنْتُو الْمُذْنِبِينْ، نَضُّفُوا إِيدَيْكُو مِنْ الذَّنِبْ. إِنْتُو الْقَلِبْكُو إِتْنَيْن، طَهُّرُوا نُفُوسْكُو.

1 يُوحَنَّا 3:23

وَ دِي هِي وَصِيّتَهْ، وَاجِبْ نِآمُنُوا بِأُسُمْ إِبْنَهْ عِيسَى الْمَسِيحْ وَ نِرَّايَدَوْا أَمْبَيْنَاتْنَا مِثِلْ هُو أَمَرَانَا بَيَّهْ.

2 تَسَلونِيكِي 1:3

يَا أَخْوَانِي، وَاجِبْ نَشْكُرُوا اللّٰهْ دَايْماً فِي شَانْكُو. وَ دَا وَاجِبْ لَيْنَا أَشَانْ قُدْرَةْ إِيمَانْكُو قَاعِدَةْ تِزِيدْ كَتِيرْ وَ الْمَحَبَّةْ الْكُلُّكُو تِرَّايَدَوْا بَيْهَا قَاعِدَةْ تِزِيدْ بِلْحَيْن.

1 تَسَلونِيكِي 3:12

وَ لَيْكُو إِنْتُو، خَلِّي الرَّبّ يِزِيدْ مَحَبِّتْكُو وَ يِكَتِّرْهَا أَشَانْ تِرَّايَدَوْا أَمْبَيْنَاتْكُو بِزِيَادَةْ وَ تِحِبُّوا كُلَّ النَّاسْ مِثِلْ أَنِحْنَ نِحِبُّوكُو.

1 يُوحَنَّا 4:20

أَيِّ نَادُمْ الْيُقُولْ: «أَنَا نِحِبّ اللّٰهْ» وَ لَاكِنْ يَكْرَهْ أَخُوهْ، هُو دَا كَدَّابْ أَشَانْ كَنْ مَا يِحِبّ أَخُوهْ الْقَاعِدْ يِشِيفَهْ، مَا مُمْكِنْ يِحِبّ اللّٰهْ الْمَا شَافَهْ.

1 بُطْرُس 2:17

كَرُّمُوا كُلَّ النَّاسْ. حِبُّوا كُلَّ أَخْوَانْكُو الْمُؤمِنِينْ. أَخَافَوْا اللّٰهْ. كَرُّمُوا الْمَلِكْ.

أعمال الرُسُل 15:9

اللّٰهْ سَوَّى لَيْهُمْ هُمَّنْ وَ لَيْنَا أَنِحْنَ نَفْس الشَّيّءْ. وَ بِسَبَبْ إِيمَانْهُمْ، هُو طَهَّرْ قُلُوبْهُمْ.

1 يُوحَنَّا 3:11

دَاهُو الْكَلَامْ السِّمِعْتُوهْ مِنْ الْبِدَايَةْ. وَاجِبْ نِرَّايَدَوْا أَمْبَيْنَاتْنَا.

2 بُطْرُس 1:7

وَ تِزِيدُوا فِي التَّقْوَى، الْخُوَّةْ. وَ تِزِيدُوا فِي الْخُوَّةْ، الْمَحَبَّةْ.

فِلِبِّي 1:9

وَ أَنَا قَاعِدْ نَسْأَلْ اللّٰهْ أَشَانْ هُو يِزِيدْ مَحَبِّتْكُو وَ يِكَتِّرْهَا لَيْكُو بِزِيَادَةْ. وَ خَلِّي يَنْطِيكُو مَعَاهَا عِلِمْ وَ فِهِمْ تَمَامْ

أفَسُس 4:3

الرُّوحْ الْقُدُّوسْ جَعَلَاكُو شَعَبْ وَاحِدْ. جَاهُدُوا أَشَانْ الْوِحْدَةْ مَا تَتْلَفْ وَ أَحْفَضَوْا الْوِحْدَةْ دِي بِالسَّلَامْ.

غَلاطِية 5:5

لَاكِنْ بِقُدْرَةْ الرُّوحْ الْقُدُّوسْ، أَنِحْنَ نُخُطُّوا عَشَمْنَا فِي اللّٰهْ الْيِسَوِّينَا صَالِحِينْ بِسَبَبْ إِيمَانَّا الْقَاعِدِينْ نِتْمَنَّوْه بِزِيَادَةْ.

رُؤية 2:4

لَاكِنْ أَنَا لِقِيتْ فَوْقَكْ شَيّءْ وَاحِدْ مَا عَدِيلْ. إِنْتَ خَلَّيْت مِنَّكْ مَحَبِّتَكْ الْقَوِيَّةْ الْأَوَّلْ عِنْدَكْ.

1 بُطْرُس 4:17

أَشَانْ الْوَكِتْ تَمَّ وَ الْحِسَابْ يَبْدَا. وَ أَكِيدْ يَبْدَا بِنَاسْ بَيْت اللّٰهْ. وَ كَنْ الْحِسَابْ يَبْدَا بَيْنَا أَنِحْنَ الْمُؤمِنِينْ، يَبْقَى كِكَّيْف لِلنَّاسْ الْأَبَوْا مَا تَابَعَوْا بِشَارَةْ اللّٰهْ؟

1 بُطْرُس 4:8

قُبَّالْ كُلَّ شَيّءْ، أَرَّايَدَوْا أَمْبَيْنَاتْكُو بِمَحَبَّةْ شَدِيدَةْ أَشَانْ الْعِنْدَهْ مَحَبَّةْ يِسَامِحْ زِيَادَةْ لِلنَّاسْ الْيَخْطَوْا فَوْقَهْ.

عِبْرَانِيِّين 11:8

وَ بِالْإِيمَانْ، إِبْرَاهِيمْ سِمِعْ كَلَامْ اللّٰهْ وَ قَمَّ مَشَى فِي الْبَكَانْ الْبَعَدَيْن يَبْقَى وَرَثَتَهْ. وَ هُو مَشَى قُبَّالْ مَا يَعَرِفْ الْبَكَانْ الْوَاجِبْ يَمْشِي لَيَّهْ.

عِبْرَانِيِّين 9:14

لَاكِنْ دَمّ الْمَسِيحْ عِنْدَهْ قُدْرَةْ زِيَادَةْ. الْمَسِيحْ مَا عِنْدَهْ عَيْب وَ هُو قَدَّمْ نَفْسَهْ لِلّٰهْ بِقُدْرَةْ الرُّوحْ الْأَبَدِي. وَ أَكِيدْ دَمَّهْ يِطَهِّرْ قُلُوبْنَا مِنْ الْأَعْمَالْ الْيِوَدُّوا النَّاسْ لِلْمَوْت وَ يِجَهِّزْنَا لِنَعَبُدُوا اللّٰهْ الْحَيّ.

عِبْرَانِيِّين 6:10

أَشَانْ اللّٰهْ مَا ظَالِمْ لِيَنْسَى خِدْمِتْكُو فِي شَانْ أُسْمَهْ وَ الْمَحَبَّةْ الْوَصَّفْتُوهَا لَيَّهْ بِمُسَاعَدَتْكُو لِأَخْوَانْكُو الصَّالِحِينْ. وَ يَا هَسَّعْ إِنْتُو قَاعِدِينْ تِسَاعُدُوهُمْ.

2 كُرُنْتُس 6:6

وَ وَصَّفْنَا كَدَرْ أَنِحْنَ خَدَّامِينْ اللّٰهْ بِحَالْنَا الْمُخْلِصَةْ وَ عِلِمْنَا وَ صَبُرْنَا وَ قَلِبْنَا الْأَبْيَضْ وَ الرُّوحْ الْقُدُّوسْ الْقَاعِدْ فَوْقنَا وَ مَحَبِّتْنَا الْمُخْلِصَةْ.

يُوحَنَّا 15:17

وَ دِي هِي الْوَصِيَّةْ النَّنْطِيهَا لَيْكُو. أَرَّايَدَوْا أَمْبَيْنَاتْكُو.

1 بُطْرُس 3:1

وَ لَيْكَنْ إِنْتَنْ الْعَوِينْ كُلَ، خَلِّي أَيِّ مَرَةْ تَسْمَعْ عَدِيلْ كَلَامْ رَاجِلْهَا. وَ كَنْ فِيَّهْ رُجَالْ الْمَا قَاعِدِينْ يِتَابُعُوا كَلَامْ اللّٰهْ، أَكُونْ الْحَالْ الْعَدِيلَةْ هَنَا عَوِينْهُمْ تِجِيبْهُمْ فِي دَرِبْ اللّٰهْ. وَ دَا مَا بِكَلَامْ

عِبْرَانِيِّين 5:9

وَ خَلَاصْ، هُو بِقِي الْمُنَجِّي الْكَامِلْ وَ بِقِي دَرِبْ النَّجَاةْ الْأَبَدِيَّةْ لِكُلَّ النَّاسْ الْيِتَابُعُوا كَلَامَهْ.

2 تِمُوتَاوُس 1:14

كَلَامْ الْحَقّ، هُو أَمَانَةْ مِنْ اللّٰهْ. أَحْفَضَهْ بِقُدْرَةْ الرُّوحْ الْقُدُّوسْ الْقَاعِدْ فِي أُسُطْنَا.

1 تِمُوتَاوُس 5:2

وَ حَجِّي لِكُلِّ عَجُوزْ مِثِلْ هِي أَمَّكْ. وَ حَجِّي لِكُلِّ بِنَيَّةْ بِكَلَامْ وَاضِحْ مِثِلْ هِي أَخْتَكْ.

1 تِمُوتَاوُس 4:12

مَا تِخَلِّي نَادُمْ يَحْقِرَكْ بِسَبَبْ إِنْتَ صَغَيَّرْ فِي الْعُمُرْ. سَوِّي نَفْسَكْ مَثَلْ لِلْمُؤمِنِينْ فِي كَلَامَكْ وَ حَالَكْ. خَلِّي يِشِيفُوا فَوْقَكْ الْمَحَبَّةْ وَ الْإِيمَانْ وَ الطِّهَارَةْ.

1 تِمُوتَاوُس 1:3

نُقُولْ لَيْك نَفْس الْكَلَامْ الْقُلْتَهْ لَيْك وَكِتْ خَلَّيْتَكْ وَ سَافَرْت لِبَلَدْ مَقِدُونِيَةْ. وَاجِبْ تَقْعُدْ فِي حِلَّةْ أَفَسُسْ أَشَانْ تِوَصِّيهُمْ لِلنَّاسْ الْقَاعِدِينْ يِشَتُّتُوا التَّعْلِيمْ الْمَا صَحِيحْ. آمُرْهُمْ أَشَانْ يِخَلُّوا مِنْهُمْ الْكَلَامْ دَا.

2 تَسَلونِيكِي 2:13

لَاكِنْ، يَا أَخْوَانِي الرَّبِّنَا يِحِبُّكُو، وَاجِبْ نَشْكُرُوا اللّٰهْ دَايْماً فِي شَانْكُو إِنْتُو. اللّٰهْ عَزَلَاكُو مِنْ الْأَوَّلْ أَشَانْ يِنَجِّيكُو وَ يِسَوِّيكُو صَالِحِينْ بِعَمَلْ الرُّوحْ الْقُدُّوسْ. وَ دَا يَبْقَى أَشَانْ إِنْتُو آمَنْتُوا بِالْحَقّ.

غَلاطِية 3:1

يَا نَاسْ غَلَاطِيَةْ الْمَطَامِيسْ! بِكَلَامْ وَاضِحْ بِلْحَيْن فَسَّرْنَا لَيْكُو مَوْت عِيسَى الْمَسِيحْ فِي الصَّلِيبْ. وَ هَسَّعْ نَادُمْ سَوَّى لَيْكُو سِحِرْ وَلَّا؟

غَلاطِية 5:7

بَدَيْتُوا عَدِيلْ فِي دَرِبْ الْمَسِيحْ. كِكَّيْف خَلَّيْتُوا نَادُمْ يَمْرُقْكُو مِنْ الدَّرِبْ الصَّحِيحْ دَا؟

رَوْمَا 8:13

كَنْ تِعِيشُوا بِقُدْرَةْ الْإِنْسَانْ، تُمُوتُوا. لَاكِنْ كَنْ تَحْيَوْا بِقُدْرَةْ الرُّوحْ الْقُدُّوسْ، تَكْتُلُوا الذُّنُوبْ الْفِي أَجْسَامْكُو.

رَوْمَا 2:8

لَاكِنْ النَّاسْ الْعَاصِيِينْ الْيَابَوْا الْحَقّ وَ يِتَابُعُوا الْفَسَالَةْ، زَعَلْ اللّٰهْ وَ غَضَبَهْ يَنْزُلُوا فَوْقهُمْ.

رَوْمَا 1:5

وَ بَيَّهْ هُو وَ فِي شَانْ أُسْمَهْ، اللّٰهْ أَنْطَانِي نِعْمَةْ وَ سَوَّانِي رَسُولْ أَشَانْ نِنَادِي كُلَّ الْأُمَمْ لِيِآمُنُوا بَيَّهْ وَ يِتَابُعُوا كَلَامَهْ.

يُوحَنَّا 17:17

خَلِّي الْحَقّ يِسَوِّيهُمْ خَاصِّينْ لَيْك. كَلَامَكْ بَسْ الْحَقّ.

يُوحَنَّا 15:3

وَ إِنْتُو بِقِيتُوا نُضَافْ خَلَاصْ بِقُدْرَةْ الْكَلَامْ الْأَنَا قُلْتَهْ لَيْكُو.

أعمال الرُسُل 6:7

وَ نَاسْ زِيَادَةْ سِمْعَوْا كَلَامْ اللّٰهْ وَ عَدَدْ التَّلَامِيذ زَادْ فِي مَدِينَةْ الْقُدُسْ. وَ كَتِيرِينْ مِنْ رُجَالْ الدِّينْ آمَنَوْا بِعِيسَى الْمَسِيحْ.

يُوحَنَّا 17:19

وَ فِي شَانْهُمْ أَنَا نِخَصِّصْ نَفْسِي أَشَانْ هُمَّنْ كُلَ يَبْقَوْا خَاصِّينْ لَيْك بِالصَّحِيحْ.

يَعْقُوب 1:21

أَشَانْ دَا، خَلُّوا مِنْكُو كُلَّ شَيّءْ الْيِنَجِّسْكُو وَ كُلَّ شَيّءْ الْفَسِلْ وَ أَقْبَلَوْا بِمَسْكَنَةْ الْكَلَامْ الْاللّٰهْ خَطَّاهْ فِي قُلُوبْكُو. الْكَلَامْ دَا عِنْدَهْ قُدْرَةْ أَشَانْ يِنَجِّيكُو.

1 بُطْرُس 1:2

اللّٰهْ أَبُوكُو عَزَلَاكُو حَسَبْ النِّظَامْ الْعِنْدَهْ مِنْ زَمَانْ. وَ إِنْتُو بِقِيتُوا النَّاسْ الْخَاصِّيْن لَيَّهْ بِقُدْرَةْ الرُّوحْ الْقُدُّوسْ. وَ دَا، لِتِتَابُعُوا عِيسَى الْمَسِيحْ وَ تَبْقَوْا طَاهِرِينْ بِدَمَّهْ الدَّفَّقْ فِي شَانْكُو. عَلَيْكُمْ السَّلَامْ وَ الرَّحْمَةْ بِكَتَرَةْ.

1 بُطْرُس 3:20

زَمَانْ، الْأَرْوَاحْ دَوْل أَبَوْا مَا تَابَعَوْا كَلَامْ اللّٰهْ وَكِتْ اللّٰهْ الصَّبُورْ قَاعِدْ يَرْجَى لَحَدِّي نُوحْ يِكَمِّلْ السَّفِينَةْ. وَ نَاسْ شِيَّةْ بَسْ رِكْبَوْا فِي السَّفِينَةْ وَ عَدَدْهُمْ تَمَانَةْ وَ هُمَّنْ دَوْل نِجَوْا بِسَبَبْ الْأَلْمِي الرَّفَعْ السَّفِينَةْ.