1 بُطْرُس 1:15 - الكتاب المقدس بالعربي الدارجي هنا تشاد

¹⁵ لَاكِنْ، مِثِلْ اللّٰهْ النَّادَاكُو هُو قُدُّوسْ، إِنْتُو كُلَ أَبْقَوْا خَاصِّيْن فِي كُلَّ شَيّءْ التِّسَوُّوهْ.

1 بُطْرُس 1:15 Referenca të Kryqëzuara

مَتَّى 5:48

خَلَاصْ، أَبْقَوْا نَاسْ كَامِلِينْ مِثِلْ اللّٰهْ أَبُوكُو فِي السَّمَاءْ كَامِلْ.»

2 كُرُنْتُس 7:1

يَا أَخْوَانِي النِّحِبُّكُو، خَلِّي نِفَكُّرُوا فِي وَعَدْ اللّٰهْ دَا. وَ خَلِّي نِطَهُّرُوا جِسِمْنَا وَ قُلُوبْنَا مِنْ أَيِّ شَيّءْ الْيِنَجِّسْنَا. لَحَدِّي نِعِيشُوا بِحَالْ صَالْحَةْ وَ خَوْف اللّٰهْ.

عِبْرَانِيِّين 12:14

سَوُّوا جُهُدْ أَشَانْ تِعِيشُوا بِالسَّلَامْ مَعَ كُلَّ النَّاسْ وَ عِيشُوا بِحَالْ صَالْحَةْ الْبَلَاهَا مَا فِي نَادُمْ يِشِيفْ رَبِّنَا.

يَعْقُوب 3:13

يَاتُو مِنْكُو حَكِيمْ وَ فَاهِمْ؟ خَلِّي يِوَصِّفْ عَمَلَهْ بِحَالَهْ السَّمْحَةْ بِنَفَسْ بَارِدْ وَ حِكْمَةْ.

1 يُوحَنَّا 3:3

وَ أَيِّ نَادُمْ الْعِنْدَهْ عَشَمْ مِثِلْ دَا فِي الْمَسِيحْ، يِطَهِّرْ قَلْبَهْ تَمَامْ مِثِلْ إِبْن اللّٰهْ هُو طَاهِرْ.

1 بُطْرُس 2:12

خَلِّي حَالْكُو فِي أُسْط النَّاسْ الْمَا مُؤمِنِينْ تَبْقَى عَدِيلَةْ. وَ بِمِثِلْ دَا، كَنْ يَكْدُبُوا فِيكُو وَ يُقُولُوا إِنْتُو نَاسْ فَسْلِينْ كُلَ، يِشِيفُوا عَمَلْكُو السَّمَحْ وَ فِي الأَخِيرْ، يِمَجُّدُوا اللّٰهْ فِي يَوْم الْفَرَجْ.

فِلِبِّي 1:27

لَاكِنْ خَلِّي تِعِيشُوا بِالْحَالْ الْمُوَافْقَةْ لِبِشَارَةْ الْمَسِيحْ. وَ مِثِلْ دَا، كَنْ نَجِي نِشِيفْكُو وَلَّا كَنْ أَنَا بَعِيدْ مِنْكُو كُلَ، خَلَاصْ نَسْمَعْ كَلَامْ فِيكُو الْيُقُولْ إِنْتُو ثَابْتِينْ بِفِكِرْ وَاحِدْ وَ هَدَفْ وَاحِدْ وَ إِنْتُو قَاعِدِينْ تِحَارُبُوا سَوَا فِي شَانْ الْإِيمَانْ اللِّقِيتُوهْ مِنْ بِشَارَةْ الْمَسِيحْ.

1 بُطْرُس 2:9

لَاكِنْ كَنْ لَيْكُو إِنْتُو، بِقِيتُوا الْقَبِيلَةْ الْاللّٰهْ عَزَلَاهَا وَ رُجَالْ دِينْ هَنَا الْمَلِكْ الْكَبِيرْ وَ أُمَّةْ مُخَصَّصَةْ لِلّٰهْ وَ شَعَبْ اللّٰهْ ذَاتَهْ. هُو نَادَاكُو أَشَانْ تَمُرْقُوا مِنْ الضَّلَامْ وَ تَدْخُلُوا فِي نُورَهْ الْعَجِيبْ وَ خَلَاصْ تِبَلُّغُوا خَبَرْ هَنَا أَعْمَالْ اللّٰهْ الْكُبَارْ.

عِبْرَانِيِّين 13:5

أَنْقَرْعُوا مِنْ حُبّ الْمَالْ وَ أَبْقَوْا رَضْيَانِينْ بِالْعِنْدُكُو أَشَانْ اللّٰهْ قَالْ: <أَبَداً مَا نَابَاكْ وَ لَا نِخَلِّيكْ.>

تِيطُس 3:14

وَ خَلِّي كُلَّ أَخْوَانَّا يَعَرْفُوا كِكَّيْف يِنْكَرْبُوا فِي عَمَلْ الْخَيْر أَشَانْ يِسَاعُدُوا النَّاسْ الْحَوْجَانِينْ بِالصَّحِيحْ. وَ مِثِلْ دَا أَخْوَانَّا مَا يَبْقَوْا نَاسْ الْحَيَاتْهُمْ مَا عِنْدَهَا فَايْدَةْ.

إشَعْيا 6:3

وَ الْوَاحِدْ يِنَادِي الْآخَرْ وَ يُقُولْ: «قُدُّوسْ! قُدُّوسْ! قُدُّوسْ! اللّٰهْ الْقَادِرْ! مَجْدَهْ يَمْلَا كُلَّ الْأَرْض.»

رُؤية 3:7

«وَ أَكْتِبْ كَلَامِي لِلْمَلَكْ هَنَا جَمَاعَةْ الْمُؤمِنِينْ الْفِي حِلَّةْ فِلَدَلْفِيَةْ. دَاهُو كَلَامِي، أَنَا الْقُدُّوسْ وَ الصَّحِيحْ. عِنْدِي مُفْتَاحْ هَنَا الْمَلِكْ دَاوُدْ. وَ كَنْ أَنَا نَفْتَحْ الْبَابْ، مَا فِي نَادُمْ الْيَقْدَرْ يِسِدَّهْ وَ كَنْ أَنَا نِسِدّ الْبَابْ، مَا فِي نَادُمْ الْيَقْدَرْ يَفْتَحَهْ.

2 تِمُوتَاوُس 1:9

هُو نَجَّانَا وَ نَادَانَا أَشَانْ نَبْقَوْا نَاسْ خَاصِّينْ لَيَّهْ. وَ دَا مَا بِسَبَبْ أَيِّ عَمَلْ صَالِحْ الْأَنِحْنَ سَوَّيْنَاهْ لَاكِنْ بِسَبَبْ نِيّتَهْ وَ رَحْمَتَهْ. قُبَّالْ الدُّنْيَا مَا بَدَتْ، هُو عِنْدَهْ نِيَّةْ أَشَانْ يَنْطِينَا النِّعْمَةْ دِي فِي الْمَسِيحْ عِيسَى.

1 تِمُوتَاوُس 4:12

مَا تِخَلِّي نَادُمْ يَحْقِرَكْ بِسَبَبْ إِنْتَ صَغَيَّرْ فِي الْعُمُرْ. سَوِّي نَفْسَكْ مَثَلْ لِلْمُؤمِنِينْ فِي كَلَامَكْ وَ حَالَكْ. خَلِّي يِشِيفُوا فَوْقَكْ الْمَحَبَّةْ وَ الْإِيمَانْ وَ الطِّهَارَةْ.

فِلِبِّي 3:20

لَاكِنْ جِنْسِيِّتْنَا أَنِحْنَ، هِي الْجِنْسِيَّةْ السَّمَاوِيَّةْ. وَ أَنِحْنَ نَرْجَوْا مُنَجِّينَا الْيَجِي مِنْ السَّمَاءْ وَ خَاطِّينْ بَالْنَا فِي جَيْتَهْ وَ هُو رَبِّنَا عِيسَى الْمَسِيحْ.

فِلِبِّي 3:14

وَ نِجَاهِدْ أَشَانْ نِتَمِّمْ الْمَقْصُودْ وَ نَلْقَى الْجَائِزَةْ وَ هِي الْبَرَكَةْ الْاللّٰهْ يِدَوْر يَنْطِيهَا لِلنَّاسْ النَّادَاهُمْ فِي مَجْدَهْ بِالْمَسِيحْ عِيسَى.

رُؤية 6:10

وَ صَرَخَوْا بِحِسّ شَدِيدْ وَ قَالَوْا: «يَا رَبِّنَا الْحَقّ وَ الْقُدُّوسْ. نَرْجَوْا كَمْ يَوْم حَتَّى إِنْتَ تِعَاقِبْ وَ تِشِيلْ لَيْنَا التَّارْ فِي سُكَّانْ الْأَرْض الدَّفَّقَوْا دَمِّنَا؟»

1 بُطْرُس 5:10

تَعَبْكُو يَقْعُدْ بَتَّانْ وَكِتْ شِيَّةْ. وَ لَاكِنْ اللّٰهْ عِنْدَهْ رَحْمَةْ كَبِيرَةْ وَ هُو نَادَاكُو أَشَانْ تِشَارُكُوا فِي مَجْدَهْ الْأَبَدِي بِعَلَاقِتْكُو مَعَ عِيسَى الْمَسِيحْ. وَ اللّٰهْ هُو ذَاتَهْ يِثَبِّتْكُو وَ يِقَوِّيكُو وَ يَنْطِيكُو قُدْرَةْ وَ مَا تَقَعَوْا بَتَّانْ.

1 بُطْرُس 3:16

لَاكِنْ حَجُّوا لَيَّهْ بِنَفَسْ بَارِدْ وَ إِحْتِرَامْ. سَوُّوا كُلَّ شَيّءْ بِنِيَّةْ مُخْلِصَةْ. وَ بَيْدَا، الْعَيْب يِسَوِّيهُمْ لِلنَّاسْ الْيَتْهَمَوْكُو وَ يِعَيُّرُوكُو فِي شَانْ الْخَيْر التِّسَوُّوهْ فِي دَرِبْ الْمَسِيحْ.

تِيطُس 3:8

وَ الْكَلَامْ دَا حَقّ. وَ نِدَوْر كَدَرْ إِنْتَ تِفَسِّرْ لَيْهُمْ كُلَّ الْكَلَامْ دَا أَشَانْ النَّاسْ الْآمَنَوْا بِاللّٰهْ يِنْكَرْبُوا بِنِيَّةْ وَاحِدَةْ فِي عَمَلْ الْخَيْر. كُلَّ الْكَلَامْ دَا سَمَحْ بِلْحَيْن وَ عِنْدَهْ فَايْدَةْ لِكُلَّ النَّاسْ.

1 تَسَلونِيكِي 2:12

وَ أَنِحْنَ دَايْماً شَجَّعْنَاكُو وَ صَبَّرْنَاكُو وَ وَصَّيْنَاكُو بِشِدَّةْ أَشَانْ تِعِيشُوا بِالْحَالْ الْوَاجْبَةْ لِلنَّاسْ الْاللّٰهْ نَادَاهُمْ لِيَدْخُلُوا فِي مَمْلَكَتَهْ وَ مَجْدَهْ.

رُؤية 4:8

وَ أَيِّ وَاحِدْ مِنْ الْأَرْبَعَةْ مَخْلُوقِينْ السَّمَاوِيِّينْ دَوْل عِنْدَهْ سِتَّةْ جَنَاحَيْ مَلَانِينْ بِعُيُونْ مِنْ فَوْق وَ مِنْ تِحِتْ. وَ قَاعِدِينْ يِغَنُّوا دَايْماً لَيْل وَ نَهَارْ وَ أَبَداً مَا خَلَّوْا غِنَيْهُمْ. وَ قَاعِدِينْ يُقُولُوا: «قُدُّوسْ، قُدُّوسْ، قُدُّوسْ اللّٰهْ الرَّبّ الْقَادِرْ الْقَاعِدْ فِي الْوَكِتْ الْفَاتْ وَ فِي الْوَكِتْ الْحَاضِرْ وَ فِي الْوَكِتْ الْجَايِ.»

رَوْمَا 9:24

وَ دَوْل أَنِحْنَ الْاللّٰهْ نَادَانَا، مَا مِنْ أُسْط الْيَهُودْ بَسْ لَاكِنْ مِنْ كُلَّ الْأُمَمْ.

إشَعْيا 35:8

وَ فِي الْبَكَانْ دَا، يِسَوُّوا دَرِبْ وَ يِسَمُّوهْ الدَّرِبْ الْخَاصّ. الْمَا طَاهِرْ مَا يِعَدِّي بَيَّهْ وَ الْمُنَافِقِينْ مَا يِوَدُّرُوا فَوْقَهْ أَشَانْ الدَّرِبْ دَا لِشَعَبْ اللّٰهْ بَسْ.