1 يُوحَنَّا 5:6 - الكتاب المقدس بالعربي الدارجي هنا تشاد

⁶ عِيسَى هُو الْمَسِيحْ الْغَطَّسَوْه فِي أَلْمِي وَ هُو الْمَسِيحْ الْكَتَلَوْه وَ دَمَّهْ دَفَّقْ. هُو مَا الْغَطَّسَوْه فِي الْأَلْمِي بَسْ لَاكِنْ هُو الْكَتَلَوْه كُلَ وَ دَمَّهْ دَفَّقْ. وَ الرُّوحْ الْقُدُّوسْ قَاعِدْ يَشْهَدْ لَيَّهْ أَشَانْ الرُّوحْ الْقُدُّوسْ هُو الْحَقّ.

1 يُوحَنَّا 5:6 Referenca të Kryqëzuara

عِبْرَانِيِّين 9:14

لَاكِنْ دَمّ الْمَسِيحْ عِنْدَهْ قُدْرَةْ زِيَادَةْ. الْمَسِيحْ مَا عِنْدَهْ عَيْب وَ هُو قَدَّمْ نَفْسَهْ لِلّٰهْ بِقُدْرَةْ الرُّوحْ الْأَبَدِي. وَ أَكِيدْ دَمَّهْ يِطَهِّرْ قُلُوبْنَا مِنْ الْأَعْمَالْ الْيِوَدُّوا النَّاسْ لِلْمَوْت وَ يِجَهِّزْنَا لِنَعَبُدُوا اللّٰهْ الْحَيّ.

يُوحَنَّا 15:26

«لَاكِنْ الْمُعَاوِنْ يَجِي. أَنَا نِرَسِّلَهْ لَيْكُو مِنْ بَكَانْ أَبُويِ وَ هُو رُوحْ الْحَقّ النَّازِلْ مِنْ اللّٰهْ. وَ وَكِتْ هُو يَجِي، هُو يَشْهَدْ لَيِّ

يُوحَنَّا 16:13

وَكِتْ رُوحْ الْحَقّ يَجِيكُو، هُو يُقُودْكُو فِي الْحَقّ الْكَامِلْ. الْكَلَامْ الْيُقُولَهْ مَا جَايِ مِنَّهْ بَسْ لَاكِنْ هُو يُقُولْ كُلَّ شَيّءْ الْيَسْمَعَهْ وَ يِأَوْرِيكُو بِالشَّيّءْ اللِّسَّاعْ مَا بِقِي.

عِبْرَانِيِّين 12:24

وَ جِيتُوا قِدَّامْ عِيسَى وَسِيطْ هَنَا الْمُعَاهَدَةْ الْجَدِيدَةْ وَ قِدَّامْ دَمَّهْ الْمَرْشُوشْ الْيَشْهَدْ لَيْنَا بِشَهَادَةْ أَخَيْر مِنْ شَهَادَةْ دَمّ هَابِيلْ.

مَرْخُوس 14:24

وَ عِيسَى قَالْ لَيْهُمْ: «دَا دَمِّي هَنَا الْمُعَاهَدَةْ الْجَدِيدَةْ الْيِدَفِّقْ فِي شَانْ نَاسْ كَتِيرِينْ.

يُوحَنَّا 14:17

وَ هُو رُوحْ الْحَقّ. نَاسْ الدُّنْيَا مَا يَقْدَرَوْا يَقْبَلَوْه أَشَانْ هُمَّنْ مَا يِشِيفُوهْ وَ مَا يَعَرْفُوهْ. وَ لَاكِنْ إِنْتُو تَعَرْفُوهْ أَشَانْ هُو قَاعِدْ مَعَاكُو وَ بَعَدَيْن يَقْعُدْ فِيكُو.

رُؤية 7:14

وَ رَدَّيْت لَيَّهْ وَ قُلْت: «يَا السَّيِّدْ، إِنْتَ بَسْ تَعَرْفَهْ.» وَ هُو قَالْ: «دَوْل النَّاسْ الْقَعَدَوْا ثَابْتِينْ وَ مَرَقَوْا مِنْ الضِّيقَةْ الْكَبِيرَةْ. هُمَّنْ النَّاسْ الْغَسَّلَوْا خُلْقَانْهُمْ بِدَمّ الْحَمَلْ وَ مِثِلْ دَا، سَوَّوْا خُلْقَانْهُمْ بُيُضْ.

رُؤية 5:9

وَ غَنَّوْا غِنَيْ جَدِيدْ وَ دَاهُو غِنَيْهُمْ. «إِنْتَ بَسْ الْوَاجِبْ تِشِيلْ الْمَكْتُوبْ وَ تُفُكّ خِتْمَهْ أَشَانْ إِنْتَ دَبَحَوْك وَ بِدَمَّكْ، فَدَيْت النَّاسْ وَ قَدَّمْتُهُمْ لِلّٰهْ مِنْ أَيِّ قَبِيلَةْ وَ أَيِّ لُغَّةْ وَ مِنْ أَيِّ شَعَبْ وَ أَيِّ أُمَّةْ.

1 بُطْرُس 1:2

اللّٰهْ أَبُوكُو عَزَلَاكُو حَسَبْ النِّظَامْ الْعِنْدَهْ مِنْ زَمَانْ. وَ إِنْتُو بِقِيتُوا النَّاسْ الْخَاصِّيْن لَيَّهْ بِقُدْرَةْ الرُّوحْ الْقُدُّوسْ. وَ دَا، لِتِتَابُعُوا عِيسَى الْمَسِيحْ وَ تَبْقَوْا طَاهِرِينْ بِدَمَّهْ الدَّفَّقْ فِي شَانْكُو. عَلَيْكُمْ السَّلَامْ وَ الرَّحْمَةْ بِكَتَرَةْ.

عِبْرَانِيِّين 13:20

وَ خَلَاصْ، اللّٰهْ رَبّ السَّلَامْ بَعَثْ مِنْ أُسْط الْمَيْتِينْ رَبِّنَا عِيسَى الْبِقِي رَاعِي كَبِيرْ هَنَا غَنَمْ اللّٰهْ بِسَبَبْ دَمّ الْمُعَاهَدَةْ الْأَبَدِيَّةْ.

يُوحَنَّا 4:14

لَاكِنْ أَيِّ نَادُمْ الْيَشْرَبْ مِنْ الْأَلْمِي الْأَنَا نَنْطِيهْ أَبَداً كَيْ الْعَطَشْ مَا يَكُرْبَهْ. الْأَلْمِي الْأَنَا نَنْطِيهْ يَبْقَى فِي قَلْبَهْ مِثِلْ عَيْن هَنَا أَلْمِي جَارِي وَ يَنْطِيهْ الْحَيَاةْ الْأَبَدِيَّةْ.»

لُوقا 22:20

وَ بَعَدْ الْعَشَاءْ، هُو سَوَّى نَفْس الشَّيّءْ بِالْكَاسْ. هُو شَالَهْ وَ قَالْ: «الْكَاسْ دَا يِوَصِّفْ الْمُعَاهَدَةْ الْجَدِيدَةْ النِّسَوِّيهَا مَعَاكُو بِدَمِّي الْيِدَفِّقْ فِي شَانْكُو.

مَتَّى 26:28

دَا دَمِّي هَنَا الْمُعَاهَدَةْ الْجَدِيدَةْ الْيِدَفِّقْ فِي شَانْ نَاسْ كَتِيرِينْ أَشَانْ اللّٰهْ يَغْفِرْ لَيْهُمْ ذُنُوبْهُمْ.

حِزْقِيال 36:25

وَ أَنَا نُرُشُّكُو بِأَلْمِي طَاهِرْ وَ تَبْقَوْا طَاهِرِينْ وَ نِطَهِّرْكُو مِنْ كُلَّ نَجَاسِتْكُو وَ مِنْ كُلَّ أَصْنَامْكُو.

لاوِيِّين 17:11

أَشَانْ حَيَاةْ الْمَخْلُوقْ قَاعِدَةْ فِي الدَّمّ. وَ أَنَا أَنْطَيْتكُو الدَّمّ دَا لِتِسَوُّوا بَيَّهْ كَفَّارَةْ لِحَيَاتْكُو فِي الْمَدْبَحْ. أَشَانْ الدَّمّ يَبْقَى كَفَّارَةْ لِلْحَيَاةْ.

1 يُوحَنَّا 1:7

وَ لَاكِنْ كَنْ أَنِحْنَ مَاشِينْ فِي النُّورْ مِثِلْ هُو ذَاتَهْ فِي النُّورْ، نِأَكُّدُوا الْعَلَاقَةْ الْعِنْدِنَا أَمْبَيْنَاتْنَا وَ دَمّ عِيسَى إِبْنَهْ يِطَهِّرْنَا مِنْ كُلَّ الذُّنُوبْ.

تِيطُس 3:5

هُو نَجَّانَا. وَ دَا مَا بِسَبَبْ أَيِّ عَمَلْ صَالِحْ السَّوَّيْنَاهْ لَاكِنْ بِسَبَبْ رَحْمَتَهْ هُو. وَ هُو غَسَّلَانَا بِالْوَالُودَةْ التَّانِيَةْ وَ أَنْطَانَا حَيَاةْ جَدِيدَةْ بِالرُّوحْ الْقُدُّوسْ

أفَسُس 1:7

إِبْنَهْ فَدَانَا بِدَمَّهْ وَ بَيَّهْ هُو، اللّٰهْ غَفَرْ لَيْنَا خَطَايَانَا. دِي بَسْ نِعْمَتَهْ الْعَظِيمَةْ

يُوحَنَّا 6:55

أَشَانْ لَحَمِي هُو أَكِلْ صَحِيحْ وَ دَمِّي شَرَابْ صَحِيحْ.

يُوحَنَّا 4:10

وَ عِيسَى رَدَّ لَيْهَا وَ قَالْ: «كَنْ أَوَّلْ عِرِفْتِ عَطِيَّةْ اللّٰهْ وَ يَاتُو النَّادُمْ الْقَاعِدْ يَسْأَلْكِ أَلْمِي، إِنْتِ تَسْأَلَيْه وَ هُو يَنْطِيكِ أَلْمِي الْحَيَاةْ.»

يُوحَنَّا 3:5

وَ عِيسَى رَدَّ لَيَّهْ وَ قَالْ: «أَسْمَعْ نُقُولْ لَيْك الْحَقّ، نَادُمْ مَا يَقْدَرْ يَدْخُلْ فِي مَمْلَكَةْ اللّٰهْ إِلَّا بِالْوَالُودَةْ الْجَايَةْ بِأَلْمِي وَ بِرُوحْ اللّٰهْ.

زَكَرِيَّا 9:11

وَ اللّٰهْ قَالْ: «بِسَبَبْ مُعَاهَدَتِي السَّوَّيْتهَا مَعَاكُو بِدَمّ الضَّحَايَا، أَنَا نَمْرُقْ مَسَاجِينْكُو مِنْ السِّجِنْ الْبِقِي لَيْهُمْ مِثِلْ نُقْرَةْ بَلَا أَلْمِي.

رُؤية 1:5

وَ مِنْ عِيسَى الْمَسِيحْ الشَّاهِدْ الصَّادِقْ وَ هُو أَوَّلْ نَادُمْ الْبَعَثْ مِنْ أُسْط الْمَيْتِينْ وَ هُو مَلِكْ فِي كُلَّ مُلُوكْ الْأَرْض. وَ دَاهُو الْقَاعِدْ يِحِبِّنَا وَ فَدَانَا مِنْ ذُنُوبْنَا بِدَمَّهْ الدَّفَّقْ فِي شَانَّا.

1 بُطْرُس 3:21

وَ دَا مَثَلْ هَنَا الْغَطِّسِينْ الْهَسَّعْ يِنَجِّيكُو. وَ الْمُهِمّ فِي الْغَطِّسِينْ مَا غَسُولْ الْجِلِدْ مِنْ الْوَسَخْ لَاكِنْ هُو الْعَهَدْ التِّسَوُّوهْ مَعَ اللّٰهْ بِنِيَّةْ مُخْلِصَةْ. وَ الْغَطِّسِينْ يِنَجِّيكُو بِسَبَبْ بُعَاثْ عِيسَى الْمَسِيحْ.

عِبْرَانِيِّين 10:29

هَايْ! فَكُّرُوا فِي الْعِقَابْ الْوَاجِبْ لِلنَّادُمْ الْخَلَّى دَرِبْ الْمَسِيحْ! هُو حَقَرْ إِبْن اللّٰهْ حُقْرَةْ شَدِيدَةْ. دَمّ الْمُعَاهَدَةْ الْبَيَّهْ هُو بِقِي خَاصّ لِلّٰهْ، هُو جَعَلَهْ مَا عِنْدَهْ قِيمَةْ. وَ عَيَّرْ الرُّوحْ الْأَنْطَاهْ الرَّحْمَةْ.

عِبْرَانِيِّين 9:7

لَاكِنْ كَبِيرْ رُجَالْ الدِّينْ بَسْ يَدْخُلْ فِي نُصَّهَا الدَّخْلَانِي. وَ هُو مَا يَدْخُلْ إِلَّا مَرَّةْ وَاحِدَةْ بَسْ فِي السَّنَةْ. وَ هُو مَا يَدْخُلْ إِلَّا هُو شَايِلْ الدَّمّ الْيِقَدِّمَهْ لِلّٰهْ كَفَّارَةْ لِنَفْسَهْ هُو وَ لِخَطَايَا الشَّعَبْ السَّوَّوْهُمْ بَلَا رَايْهُمْ.

كُلُوسِي 1:4

أَشَانْ سِمِعْنَا بِإِيمَانْكُو فِي الْمَسِيحْ عِيسَى وَ سِمِعْنَا بِحُبُّكُو لِكُلَّ الصَّالِحِينْ.

رَوْمَا 3:25

اللّٰهْ قَدَّمْ الْمَسِيحْ مِثِلْ ضَحِيَّةْ أَشَانْ دَمَّهْ يَمْحَا ذُنُوبْ النَّاسْ الْيِآمُنُوا بَيَّهْ. وَ بِمِثِلْ دَا، اللّٰهْ وَصَّفْ كَدَرْ هُو دَايْماً عَادِلْ. فِي الزَّمَنْ الْفَاتْ، اللّٰهْ مَا حَاسَبْ الْمُذْنِبِينْ بِسَبَبْ صَبْرَهْ الْعَظِيمْ.

أعمال الرُسُل 8:36

وَ وَكِتْ هُمَّنْ مَاشِينْ فِي الدَّرِبْ، وِصْلَوْا فِي بَكَانْ عِنْدَهْ أَلْمِي وَ الْحَبَشِي قَالْ: «شِيفْ، دَاهُو أَلْمِي. شُنُو الْيَدْحَرْنِي مَا تِغَطِّسْنِي؟»

يُوحَنَّا 14:6

وَ عِيسَى رَدَّ لَيَّهْ وَ قَالْ: «أَنَا بَسْ الدَّرِبْ وَ الْحَقّ وَ الْحَيَاةْ. مَا فِي نَادُمْ يَمْشِي لِلّٰهْ إِلَّا بَيِّ أَنَا.

1 يُوحَنَّا 4:10

وَ دِي هِي الْمَحَبَّةْ الصَّحِيحَةْ، هِي مَا الْمَحَبَّةْ الْأَنِحْنَ نِحِبُّوا بَيْهَا اللّٰهْ. لَا. هِي الْمَحَبَّةْ الْاللّٰهْ حَبَّانَا بَيْهَا لَحَدِّي رَسَّلْ إِبْنَهْ لِيَمْحَا ذُنُوبْنَا.

1 تِمُوتَاوُس 3:16

وَ بَلَا شَكَكْ، دَرِبْ التَّقْوَى الْاللّٰهْ بَيَّنَهْ لَيْنَا، هُو عَظِيمْ. الْمَسِيحْ بِقِي إِنْسَانْ وَ بَانْ فِي الدُّنْيَا وَ الرُّوحْ الْقُدُّوسْ شَهَدْ لَيَّهْ. الْمَلَائِكَةْ شَافَوْه فِي السَّمَاءْ وَ نَاسَهْ بَشَّرَوْا بَيَّهْ الْأُمَمْ. نَاسْ آمَنَوْا بَيَّهْ فِي الدُّنْيَا وَ اللّٰهْ رَفَعَهْ فَوْق فِي مَجْدَهْ.

مَتَّى 3:16

وَ وَكِتْ غَطَّسَهْ خَلَاصْ، عِيسَى قَمَّ مِنْ الْأَلْمِي وَ طَوَّالِي السَّمَاوَاتْ أَنْفَتَحَوْا وَ شَافْ رُوحْ اللّٰهْ جَايِ مِنْ السَّمَاءْ وَ نَزَلْ فَوْقَهْ مِثِلْ حَمَامَةْ.