1 يُوحَنَّا 3:5 - الكتاب المقدس بالعربي الدارجي هنا تشاد

⁵ عِرِفْتُوا كَدَرْ إِبْن اللّٰهْ بَانْ أَشَانْ يَمْحَا ذُنُوبْنَا. وَ فَوْقَهْ هُو، ذَنِبْ مَا فِيهْ أَبَداً.

1 يُوحَنَّا 3:5 Referenca të Kryqëzuara

2 كُرُنْتُس 5:21

وَ الْمَسِيحْ الْأَبَداً مَا أَذْنَبْ، اللّٰهْ جَعَلَهْ ضَحِيَّةْ فِي شَانْ ذُنُوبْنَا أَشَانْ أَنِحْنَ نَبْقَوْا بَيَّهْ شَعَبْ اللّٰهْ الصَّالِحِينْ.

عِبْرَانِيِّين 9:28

وَ الْمَسِيحْ كُلَ قَدَّمْ نَفْسَهْ مَرَّةْ وَاحِدَةْ أَشَانْ يَمْحَا ذُنُوبْ هَنَا نَاسْ كَتِيرِينْ. وَ هُو يَجِي بَتَّانْ مَرَّةْ تَانِيَةْ مَا أَشَانْ يَمْحَا الذُّنُوبْ وَ لَاكِنْ أَشَانْ يِنَجِّي النَّاسْ الْقَاعِدِينْ يَرْجَوْه.

1 بُطْرُس 3:18

وَ الْمَسِيحْ كُلَ تِعِبْ تَعَبْ وَاحِدْ وَ نِهَائِي فِي شَانْ ذُنُوبْ النَّاسْ. الصَّالِحْ مَاتْ فِي شَانْ الْمُذْنِبِينْ وَ بَيْدَا، يِوَدِّيكُو كُلُّكُو فِي حَضَرَةْ اللّٰهْ. هُو كَتَلَوْه وَ مَاتْ مِثِلْ مَوْت النَّاسْ وَ اللّٰهْ حَيَّاهْ بِالرُّوحْ الْقُدُّوسْ.

1 بُطْرُس 2:24

وَ فِي الصَّلِيبْ، هُو بِنَفْسَهْ حَمَلْ ذُنُوبْنَا فِي جِسْمَهْ أَشَانْ نِخَلُّوا الذُّنُوبْ مَرَّةْ وَاحِدْ وَ نِعِيشُوا بِحَالْ صَالْحَةْ. وَ بِوَاسِطَةْ جِرَاحَهْ، إِنْتُو لِقِيتُوا الشِّفَاءْ.

عِبْرَانِيِّين 9:26

كَنْ يَبْقَى مِثِلْ دَا، وَاجِبْ يَتْعَبْ عِدَّةْ مَرَّاتْ مِنْ بِدَايَةْ الدُّنْيَا. لَاكِنْ هُو جَاءْ مَرَّةْ وَاحِدَةْ بَسْ فِي آخِرْ الزَّمَنْ أَشَانْ يِقَدِّمْ نَفْسَهْ مِثِلْ ضَحِيَّةْ الْبَيْهَا يَمْحَا الذُّنُوبْ.

يُوحَنَّا 1:29

وَ أَمْبَاكِرْ، يَحْيَى شَافْ عِيسَى جَايِ لَيَّهْ وَ قَالْ: «دَا بَسْ الْحَمَلْ الْاللّٰهْ رَسَّلَهْ أَشَانْ يُقُشّ ذَنِبْ نَاسْ الدُّنْيَا.

رُؤية 1:5

وَ مِنْ عِيسَى الْمَسِيحْ الشَّاهِدْ الصَّادِقْ وَ هُو أَوَّلْ نَادُمْ الْبَعَثْ مِنْ أُسْط الْمَيْتِينْ وَ هُو مَلِكْ فِي كُلَّ مُلُوكْ الْأَرْض. وَ دَاهُو الْقَاعِدْ يِحِبِّنَا وَ فَدَانَا مِنْ ذُنُوبْنَا بِدَمَّهْ الدَّفَّقْ فِي شَانَّا.

1 يُوحَنَّا 1:7

وَ لَاكِنْ كَنْ أَنِحْنَ مَاشِينْ فِي النُّورْ مِثِلْ هُو ذَاتَهْ فِي النُّورْ، نِأَكُّدُوا الْعَلَاقَةْ الْعِنْدِنَا أَمْبَيْنَاتْنَا وَ دَمّ عِيسَى إِبْنَهْ يِطَهِّرْنَا مِنْ كُلَّ الذُّنُوبْ.

1 يُوحَنَّا 1:2

الْحَيَاةْ بَانَتْ وَ شِفْنَاهَا وَ شَهَدْنَا لَيْهَا. وَ نِبَلُّغُوا لَيْكُو الْحَيَاةْ الْأَبَدِيَّةْ الْأَوَّلْ قَاعِدَةْ مَعَ أَبُونَا اللّٰهْ وَ بَانَتْ لَيْنَا.

تِيطُس 2:14

هُو أَنْطَى نَفْسَهْ ضَحِيَّةْ لِيَفْدَانَا مِنْ كُلَّ الْفَسَالَةْ وَ يِطَهِّرْ قُلُوبْنَا أَشَانْ نَبْقَوْا لَيَّهْ شَعَبَهْ حَلَالَهْ مُنْكَرِبِينْ فِي عَمَلْ الْخَيْر.

1 بُطْرُس 2:22

<هُو مَا أَذْنَبْ وَ فِي خَشْمَهْ مَا فِي غَشّ.>

عِبْرَانِيِّين 1:3

وَ إِبْن اللّٰهْ هُو نُورْ اللّٰهْ الْمَجِيدْ وَ صُورَةْ طَبِيعْتَهْ وَ هُو يَحْفَضْ كُلَّ شَيّءْ بِقُدْرَةْ كَلَامَهْ. وَ وَكِتْ هُو طَهَّرْ النَّاسْ مِنْ ذُنُوبْهُمْ خَلَاصْ، هُو طَلَعْ فِي الْبَكَانْ الْعَالِي وَ قَاعِدْ جَنْب اللّٰهْ الْعَظِيمْ فِي نُصَّهْ الزَّيْنَايْ.

1 تِمُوتَاوُس 1:15

نُقُولُوا الْمَسِيحْ عِيسَى جَاءْ فِي الدُّنْيَا أَشَانْ يِنَجِّي الْمُذْنِبِينْ وَ الْكَلَامْ دَا حَقّ وَ وَاجِبْ لِكُلَّ النَّاسْ يِصَدُّقُوا بَيَّهْ. وَ أَنَا أَذْنَبْت فَوْقَهْ زِيَادَةْ مِنْ كُلَّ النَّاسْ.

مَتَّى 1:21

وَ هِي تَلْدَ وِلَيْد وَ إِنْتَ تِسَمِّيهْ عِيسَى أَشَانْ هُو بَسْ النَّادُمْ الْيِنَجِّي شَعَبَهْ مِنْ ذُنُوبْهُمْ.»

1 يُوحَنَّا 2:1

يَا عِيَالِي، أَنَا قَاعِدْ نَكْتِبْ لَيْكُو الْكَلَامْ دَا أَشَانْ مَا تَذْنُبُوا. لَاكِنْ كَنْ أَيِّ نَادُمْ مِنْكُو يَذْنِبْ، عِنْدِنَا نَادُمْ وَاحِدْ يِدَافِعْ لَيْنَا قِدَّامْ اللّٰهْ أَبُونَا وَ هُو عِيسَى الْمَسِيحْ وَ هُو بَسْ الصَّالِحْ.

1 بُطْرُس 1:20

وَ قُبَّالْ بِدَايَةْ الدُّنْيَا، اللّٰهْ قَدَّرْ لِلْمَسِيحْ يَبْقَى ضَحِيَّةْ. وَ خَلَاصْ اللّٰهْ بَيَّنَهْ فِي شَانْكُو إِنْتُو، فِي الْوَكِتْ الْأَخِيرْ.

عِبْرَانِيِّين 4:15

رَاجِلْ الدِّينْ هَنَانَا دَا يَعَرِفْ ضُعُفْنَا أَشَانْ هُو كُلَ، جَرَّبَوْه بِكُلَّ التَّجْرِبَةْ مِثِلْنَا لَاكِنْ هُو أَبَداً مَا سَوَّى ذَنِبْ.

عِبْرَانِيِّين 7:26

وَ بَيْدَا، عِيسَى بِقِي كَبِيرْ رُجَالْ الدِّينْ الْمُوَافِقْ لَيْنَا مَرَّةْ وَاحِدْ. هُو قُدُّوسْ وَ مَا عِنْدَهْ أَيِّ عَيْب وَ هُو دَايْماً طَاهِرْ. هُو مَعْزُولْ بَعِيدْ مِنْ الْمُذْنِبِينْ وَ مَرْفُوعْ فَوْق فِي السَّمَاوَاتْ.

1 تِمُوتَاوُس 3:16

وَ بَلَا شَكَكْ، دَرِبْ التَّقْوَى الْاللّٰهْ بَيَّنَهْ لَيْنَا، هُو عَظِيمْ. الْمَسِيحْ بِقِي إِنْسَانْ وَ بَانْ فِي الدُّنْيَا وَ الرُّوحْ الْقُدُّوسْ شَهَدْ لَيَّهْ. الْمَلَائِكَةْ شَافَوْه فِي السَّمَاءْ وَ نَاسَهْ بَشَّرَوْا بَيَّهْ الْأُمَمْ. نَاسْ آمَنَوْا بَيَّهْ فِي الدُّنْيَا وَ اللّٰهْ رَفَعَهْ فَوْق فِي مَجْدَهْ.

يُوحَنَّا 14:30

«وَ نِحَجِّي مَعَاكُو شِيَّةْ بَسْ أَشَانْ إِبْلِيسْ سُلْطَانْ الدُّنْيَا جَايِ. هُو مَا يَقْدَرْ يِسَوِّي لَيِّ شَيّءْ،

يُوحَنَّا 8:46

تُقُولُوا أَنَا مُذْنِبْ لَاكِنْ أَبَداً مَا تِثَبُّتُوا تُهْمِتْكُو. كَنْ أَنَا نُقُولْ لَيْكُو الْحَقّ، مَالْكُو مَا تِآمُنُوا بَيِّ؟

يُوحَنَّا 1:31

أَوَّلْ أَنَا مَا عِرِفْتَهْ. لَاكِنْ أَنَا جِيتْ نِغَطِّسْ النَّاسْ أَشَانْ نِوَصِّفَهْ لِبَنِي إِسْرَائِيلْ.»

لُوقا 23:47

وَ كَبِيرْ الْعَسْكَرْ شَافْ الشَّيّءْ الْبِقِي وَ مَجَّدْ اللّٰهْ وَ قَالْ: «أَكِيدْ، الرَّاجِلْ دَا صَالِحْ!»

لُوقا 23:41

وَ أَنِحْنَ، حَكَمَوْنَا بِالْحَقّ أَشَانْ الْعَذَابْ الْيِسَوُّوهْ فَوْقنَا وَاجِبْ لَيْنَا بِسَبَبْ عَمَلْنَا. لَاكِنْ النَّادُمْ دَا مَا سَوَّى شَيّءْ فَسِلْ.»

هُوشَع 14:2

جَهُّزُوا كَلَامْكُو وَ قَبُّلُوا لِلّٰهْ قُولُوا: «أَغْفِرْ كُلَّ خَطَانَا وَ فِي بَدَلْ ضَحَايَا التِّيرَانْ، أَقْبَلْ كَلَامْ خُشُومْنَا.

1 بُطْرُس 1:18

تَعَرْفُوا اللّٰهْ فَدَاكُو أَشَانْ تَمُرْقُوا مِنْ الْحَيَاةْ الْبَاطْلَةْ الْوَرَثْتُوهَا مِنْ جُدُودْكُو. وَ هُو مَا فَدَاكُو بِالْأَشْيَاءْ الْبَعَدَيْن يِدَّمَّرَوْا مِثِلْ الْفُضَّةْ وَ الدَّهَبْ.

1 يُوحَنَّا 2:2

دَا هُو الْقَدَّمْ نَفْسَهْ ضَحِيَّةْ أَشَانْ يَمْحَا ذُنُوبْنَا. وَ ضَحِيّتَهْ مَا لِذُنُوبْنَا أَنِحْنَ بَسْ لَاكِنْ لِذُنُوبْ هَنَا كُلَّ نَاسْ الدُّنْيَا.

1 يُوحَنَّا 2:29

عِرِفْتُوا إِبْن اللّٰهْ هُو صَالِحْ وَ أَشَانْ دَا، تَعَرْفُوا كَدَرْ كُلَّ النَّاسْ الْيِتَابُعُوا الْحَالْ الصَّالْحَةْ مِثْلَهْ، هُمَّنْ عِيَالْ اللّٰهْ.

1 يُوحَنَّا 3:8

وَ أَيِّ نَادُمْ الْقَاعِدْ يِسَوِّي ذَنِبْ، هُو هَنَا إِبْلِيسْ أَشَانْ إِبْلِيسْ قَاعِدْ يَذْنِبْ مِنْ الْبِدَايَةْ. وَ خَلَاصْ إِبْن اللّٰهْ جَاءْ فِي الدُّنْيَا أَشَانْ يَخْرِبْ عَمَلْ إِبْلِيسْ كُلَّ كَيْ.