1 يُوحَنَّا 3:21 - الكتاب المقدس بالعربي الدارجي هنا تشاد

²¹ يَا الْمَحْبُوبِينْ، كَنْ قُلُوبْنَا مَا يُلُومُونَا فِي أَيِّ شَيّءْ، أَنِحْنَ عِنْدِنَا الضَّمَانْ قِدَّامْ اللّٰهْ.

1 يُوحَنَّا 3:21 Referenca të Kryqëzuara

1 يُوحَنَّا 2:28

يَا عِيَالِي، أَقْعُدُوا ثَابْتِينْ فِي الْمَسِيحْ أَشَانْ وَكِتْ هُو يِبِينْ، قُلُوبْنَا يُكُونُوا رَاقْدِينْ وَ مَا نَلْقَوْا عَيْب فِي يَوْم جَيْتَهْ.

عِبْرَانِيِّين 4:16

وَ خَلَاصْ، خَلِّينَا نِقَرُّبُوا لِلّٰهْ الرَّحِيمْ بِأَمَانْ أَشَانْ هُو يَرْحَمْنَا. وَ نَلْقَوْا مِنَّهْ النِّعْمَةْ التِّسَاعِدْنَا وَكِتْ نِحْتَاجَوْا لَيْهَا.

2 كُرُنْتُس 1:12

وَ أَنِحْنَ فَرْحَانِينْ أَشَانْ قُلُوبْنَا قَاعِدِينْ يِأَكُّدُوا لَيْنَا كَدَرْ عِشْنَا مَعَ كُلَّ نَاسْ الدُّنْيَا وَ خَاصَّةً مَعَاكُو إِنْتُو بِقَلِبْ أَبْيَضْ وَ بِنِيَّةْ مُخْلِصَةْ الْاللّٰهْ يَرْضَى بَيْهُمْ. مَا عِشْنَا حَسَبْ فِكِرْ نَاسْ الدُّنْيَا لَاكِنْ عِشْنَا بِرَحْمَةْ اللّٰهْ.

1 يُوحَنَّا 5:14

وَ نِحَجُّوا لِلّٰهْ بِكُلَّ أَمَانْ أَشَانْ نَعَرْفُوا كَنْ نَطُلْبُوا مِنَّهْ أَيِّ شَيّءْ حَسَبْ الْهُو يِدَوْرَهْ، أَكِيدْ هُو يَسْمَعْ طَلَبْنَا.

زَبُور 101:2

أَنَا نِدَوْر نَمْشِي قِدَّامَكْ بِالتَّمَامْ. مَتَى تَجِي لَيِّ؟ فِي بَيْتِي، نَعَرِفْ كِكَّيْف نَمْشِي بِقَلِبْ تَمَامْ.

1 يُوحَنَّا 4:17

وَ بِمِثِلْ دَا، مَحَبَّةْ اللّٰهْ تَبْقَى كَامِلَةْ فَوْقنَا وَ فِي يَوْم الْحِسَابْ مَا نَخَافَوْا أَشَانْ فِي الدُّنْيَا أَنِحْنَ عِشْنَا مِثِلْ عِيسَى الْمَسِيحْ.

عِبْرَانِيِّين 10:22

أَشَانْ دَا، خَلِّي نِقَرُّبُوا لِلّٰهْ بِقَلِبْ مُخْلِصْ وَ بِإِيمَانْ كَامِلْ، بِقُلُوبْنَا الْمُطَهَّرِينْ بِدَمَّهْ وَ أَجْسَامْنَا كَمَانْ مِثِلْ نَضَّفْنَاهُمْ بِالْأَلْمِي الصَّافِي.

أيُّوب 22:26

وَ بَيْدَا، الْقَادِرْ يَبْقَى فَرْحِتَكْ وَ عَلَيْ الرَّبّ، تَرْفَعْ وِجْهَكْ بَتَّانْ.

1 كُرُنْتُس 4:4

قَلْبِي قَاعِدْ يُقُولْ أَنَا مَا عِنْدِي عَيْب لَاكِنْ دَا وِحَيْدَهْ مَا يِثَبِّتْ كَدَرْ أَنَا بَرِي. الْقَاعِدْ يِحَاسِبْنِي، هُو رَبِّنَا عِيسَى.

أيُّوب 27:6

أَنَا مُنْكَرِبْ فِي عَدَالْتِي، مَا نِخَلِّيهَا! وَ قَلْبِي مَا عِنْدَهْ شَكّ فِي كُلَّ أَيَّامْ حَيَاتِي!

1 تِمُوتَاوُس 2:8

وَ فِي كُلِّ بَكَانْ نِدَوْر كَدَرْ الرُّجَالْ الْيَعَبُدُوا اللّٰهْ يَبْقَوْا صَالِحِينْ وَ يَرْفَعَوْا إِيدَيْهُمْ قِدَّامْ اللّٰهْ بَلَا زَعَلْ وَ لَا هُرَاجْ.

رَوْمَا 14:22

الشَّيّءْ التِّآمِنْ بَيَّهْ فِي الْكَلَامْ دَا، خَلِّي يَبْقَى بَيْنَكْ وَ بَيْن اللّٰهْ. مَبْرُوكْ لِلنَّادُمْ الْقَاعِدْ يِسَوِّي الشَّيّءْ النَّفْسَهْ تَرْضَى بَيَّهْ وَ مَا يُلُومْ نَفْسَهْ بِسَبَبَهْ.

أفَسُس 3:12

وَ بِسَبَبْ عَلَاقِتْنَا مَعَ الْمَسِيحْ وَ إِيمَانَّا بَيَّهْ، عِنْدِنَا شَجَاعَةْ أَشَانْ نَعَبُدُوا اللّٰهْ بَلَا شَكَكْ.

1 يُوحَنَّا 2:7

يَا أَخْوَانِي النِّحِبُّكُو، أَنَا مَا قَاعِدْ نَكْتِبْ لَيْكُو وَصِيَّةْ جَدِيدَةْ. لَا. أَنَا نَكْتِبْ لَيْكُو الْوَصِيَّةْ الْقَاعِدَةْ مِنْ زَمَانْ وَ إِنْتُو عِرِفْتُوهَا مِنْ الْأَوَّلْ. وَ الْوَصِيَّةْ دِي، هِي الْكَلَامْ الْإِنْتُو سِمِعْتُوهْ مِنِّنَا.

1 يُوحَنَّا 3:2

يَا الْمَحْبُوبِينْ، هَسَّعْ حَالِيّاً أَنِحْنَ عِيَالْ اللّٰهْ. وَ كِكَّيْف نُكُونُوا بَعَدَيْن دَا، اللّٰهْ لِسَّاعْ مَا بَيَّنَهْ لَيْنَا. لَاكِنْ نَعَرْفُوا كَدَرْ وَكِتْ إِبْن اللّٰهْ يِبِينْ بَتَّانْ، نِشِيفُوهْ هُو ذَاتَهْ بِنَفْسَهْ وَ أَنِحْنَ نَبْقَوْا مِثْلَهْ.

1 يُوحَنَّا 3:20

كَنْ قُلُوبْنَا يُلُومُونَا فِي أَيِّ شَيّءْ، اللّٰهْ هُو أَكْبَرْ مِنْ قُلُوبْنَا وَ هُو يَعَرِفْ كُلِّ شَيّءْ.