1 يُوحَنَّا 3:10 - الكتاب المقدس بالعربي الدارجي هنا تشاد

¹⁰ وَ نَعَرْفُوا يَاتُمَّنْ عِيَالْ اللّٰهْ وَ يَاتُمَّنْ عِيَالْ إِبْلِيسْ بِالشَّيّءْ الْيِسَوُّوهْ. كُلَّ النَّاسْ الْمَا يِتَابُعُوا الْحَالْ الصَّالْحَةْ، هُمَّنْ مَا عِيَالْ اللّٰهْ مِثِلْ النَّاسْ الْمَا يِحِبُّوا أَخْوَانْهُمْ.

1 يُوحَنَّا 3:10 Referenca të Kryqëzuara

1 يُوحَنَّا 4:8

أَيِّ نَادُمْ الْمَا يِحِبّ أَخْوَانَهْ مَا يَعَرِفْ اللّٰهْ أَشَانْ اللّٰهْ هُو مَحَبَّةْ.

3 يُوحَنَّا 1:11

يَا حَبِيبِي، مَا تِتَابِعْ مَثَلْ هَنَا النَّاسْ الْيِسَوُّوا الشَّرّ. تَابِعْ مَثَلْ هَنَا النَّاسْ الْيِسَوُّوا الْخَيْر. النَّادُمْ الْيِسَوِّي الْخَيْر، هُو بَسْ نَادُمْ هَنَا اللّٰهْ. وَ النَّادُمْ الْيِسَوِّي الشَّرّ مَا يَعَرِفْ اللّٰهْ.

1 يُوحَنَّا 4:21

دَاهُو الْوَصِيَّةْ الْأَنْطَاهَا لَيْنَا. النَّاسْ الْيِحِبُّوا اللّٰهْ وَاجِبْ يِحِبُّوا أَخْوَانْهُمْ كُلَ.

يُوحَنَّا 8:44

أَبُوكُو هُو إِبْلِيسْ وَ إِنْتُو عِيَالَهْ وَ تِدَوْرُوا تِسَوُّوا الشَّيّءْ الْهُو يِدَوْرَهْ. هُو كَتَّالْ دِمَمْ مِنْ الْبِدَايَةْ وَ أَبَداً مَا دَوَّرْ الْحَقّ أَشَانْ فِي قَلْبَهْ، الْحَقّ مَا فِيهْ. كَلَامْ الْكِدِبْ بِقِي لَيَّهْ لُغِّتَهْ أَشَانْ هُو كَدَّابْ وَ كُلَّ الْكَلَامْ الْكِدِبْ، هُو أَبُوهْ.

مَتَّى 13:38

وَ الزَّرَعْ يِمَثِّلْ الدُّنْيَا. وَ التَّيْرَابْ الْعَدِيلْ يِمَثِّلْ نَاسْ الْمَمْلَكَةْ وَ السِّعِدْ يِمَثِّلْ نَاسْ إِبْلِيسْ الشَّرِيرْ.

يُوحَنَّا 8:47

كَنْ نَادُمْ مِنْ اللّٰهْ، هُو يِدَوْر يَسْمَعْ كَلَامْ اللّٰهْ. لَاكِنْ إِنْتُو مَا تَسْمَعَوْا كَلَامْ اللّٰهْ أَشَانْ إِنْتُو مَا مِنَّهْ.»

لُوقا 6:35

«لَاكِنْ حِبُّوا عُدْوَانْكُو وَ سَوُّوا لَيْهُمْ الْخَيْر وَ دَيُّنُوهُمْ وَ مَا تَرْجَوْا مِنْهُمْ شَيّءْ وَ خَلَاصْ تَلْقَوْا أَجُرْ كَبِيرْ. وَ مِثِلْ دَا، تَبْقَوْا عِيَالْ اللّٰهْ الْعَالِي. هُو يِسَوِّي زَيْن لِلنَّاسْ الْفَسْلِينْ الْمَا يَشْكُرُوهْ.

1 يُوحَنَّا 4:6

أَنِحْنَ نَاسْ هَنَا اللّٰهْ. أَيِّ نَادُمْ الْيَعَرِفْ اللّٰهْ يَسْمَعْ كَلَامْنَا. وَ أَيِّ نَادُمْ الْمَا هَنَا اللّٰهْ مَا يَسْمَعْ كَلَامْنَا. وَ بَيْدَا، نَعَرْفُوا الرُّوحْ الْجَايِ بِالْكَلَامْ الصَّحِيحْ وَ الرُّوحْ الْجَايِ بِالْكَلَامْ الْكِدِبْ.

أفَسُس 5:1

إِنْتُو عِيَالْ اللّٰهْ الْيِحِبُّكُو وَ أَشَانْ دَا، خَلِّي حَالْكُو تَبْقَى مِثِلْ حَالَهْ.

1 يُوحَنَّا 5:2

وَ دَاهُو نَعَرْفُوا كَدَرْ نِحِبُّوا عِيَالْ اللّٰهْ كَنْ نِحِبُّوا اللّٰهْ وَ نِتَابُعُوا الْوَصَايَا الْهُو أَنْطَاهُمْ لَيْنَا.

1 يُوحَنَّا 2:29

عِرِفْتُوا إِبْن اللّٰهْ هُو صَالِحْ وَ أَشَانْ دَا، تَعَرْفُوا كَدَرْ كُلَّ النَّاسْ الْيِتَابُعُوا الْحَالْ الصَّالْحَةْ مِثْلَهْ، هُمَّنْ عِيَالْ اللّٰهْ.

أعمال الرُسُل 13:10

«يَا نَادُمْ الْقَلْبَكْ مَلَانْ بِالْغَشّ وَ الْفَسَالَةْ! يَا وِلَيْد إِبْلِيسْ! كُلَّ شَيّءْ صَالِحْ، إِنْتَ عَدُو لَيَّهْ. إِنْتَ دَايْماً تِدَوْر تِتَلِّفْ الدُّرُوبْ الْعَدِيلِينْ هَنَا اللّٰهْ.

1 يُوحَنَّا 5:19

وَ نَعَرْفُوا كَدَرْ أَنِحْنَ بَسْ نَاسْ هَنَا اللّٰهْ وَ كُلَّ النَّاسْ هَنَا الدُّنْيَا قَاعِدِينْ فِي إِيدَيْن إِبْلِيسْ الشَّرِيرْ.

2 صَمُوِيل 13:22

وَ كَنْ لِأَبْشَلُومْ كَمَانْ، مَا قَاعِدْ يِحَجِّي لِأَمْنُونْ وَ لَا بِخَيْر وَ لَا بِشَرّ. هُو كِرِهَهْ أَشَانْ أَمْنُونْ تَلَّفْ أَخْتَهْ تَامَارْ.

يُوحَنَّا 1:12

لَاكِنْ لِكُلَّ النَّاسْ الْقِبْلَوْه وَ آمَنَوْا بِأُسْمَهْ، هُو أَنْطَاهُمْ الْحَقّ أَشَانْ يَبْقَوْا عِيَالْ اللّٰهْ.

يُوحَنَّا 11:52

وَ دَا مَا لِأُمَّةْ الْيَهُودْ وِحَيْدهَا. دَا يَبْقَى لِكُلَّ عِيَالْ اللّٰهْ الْمُشَتَّتِينْ لِيِلِمُّوهُمْ أُمَّةْ وَاحِدَةْ.

رَوْمَا 13:8

مَا تِخَلُّوا الدَّيْن يَقْعُدْ فَوْقكُو. دَيْن وَاحِدْ بَسْ قَاعِدْ فَوْقكُو وَ هُو الْمَحَبَّةْ أَمْبَيْنَاتْكُو. وَ النَّادُمْ الْيِحِبّ أَخُوهْ، هُو طَبَّقْ شُرُوطْ التَّوْرَاةْ خَلَاصْ.

كُلُوسِي 3:14

وَ زِيدُوا لِكُلَّ الْأَشْيَاءْ دَوْل الْمَحَبَّةْ التَّرْبُطْ كُلَّ شَيّءْ تَمَامْ وَ تِجِيبْ الْوِحْدَةْ.

1 تِمُوتَاوُس 1:5

وَ أَنْطَيْتَكْ الْوَصِيَّةْ دِي أَشَانْ نِدَوْر هُمَّنْ يِعِيشُوا بِالْمَحَبَّةْ الْجَايَةْ مِنْ قَلِبْ طَاهِرْ وَ ضَمِيرْ صَافِي وَ إِيمَانْ مُخْلِصْ.

1 يُوحَنَّا 3:1

شِفْتُوا كِكَّيْف أَبُونَا يِحِبِّنَا؟ مَحَبَّةْ اللّٰهْ لَيْنَا كَبِيرَةْ بِلْحَيْن وَ بِسَبَبْهَا هُو يِنَادِينَا عِيَالَهْ. وَ صَحِيحْ بِقِينَا عِيَالْ اللّٰهْ. نَاسْ الدُّنْيَا مَا عِرْفَوْنَا أَشَانْ مَا عِرْفَوْا اللّٰهْ.

1 يُوحَنَّا 3:2

يَا الْمَحْبُوبِينْ، هَسَّعْ حَالِيّاً أَنِحْنَ عِيَالْ اللّٰهْ. وَ كِكَّيْف نُكُونُوا بَعَدَيْن دَا، اللّٰهْ لِسَّاعْ مَا بَيَّنَهْ لَيْنَا. لَاكِنْ نَعَرْفُوا كَدَرْ وَكِتْ إِبْن اللّٰهْ يِبِينْ بَتَّانْ، نِشِيفُوهْ هُو ذَاتَهْ بِنَفْسَهْ وَ أَنِحْنَ نَبْقَوْا مِثْلَهْ.