1 يُوحَنَّا 2:8 - الكتاب المقدس بالعربي الدارجي هنا تشاد

⁸ وَ لَاكِنْ صَحِيحْ أَنَا نَكْتِبْ لَيْكُو وَصِيَّةْ جَدِيدَةْ وَ حَقِيقِتْهَا قَاعِدَةْ تِنْشَافْ فِي عِيسَى الْمَسِيحْ وَ تِنْشَافْ فِيكُو إِنْتُو أَشَانْ الضَّلَامْ بَدَا يُفُوتْ وَ النُّورْ الصَّحِيحْ بَدَا يِضَوِّي.

1 يُوحَنَّا 2:8 Referenca të Kryqëzuara

أفَسُس 5:8

أَوَّلْ، إِنْتُو بَسْ الضَّلَامْ وَ لَاكِنْ هَسَّعْ، بِقِيتُوا نُورْ بِعَلَاقِتْكُو مَعَ الرَّبّ. عِيشُوا بِالْحَالْ الْوَاجْبَةْ لِأَهَلْ النُّورْ.

رَوْمَا 13:12

اللَّيْل قَرِيبْ يِكَمِّلْ وَ النَّهَارْ جَايِ قَرِيبْ. خَلَاصْ، وَاجِبْ نِخَلُّوا مِنِّنَا كُلَّ فِعِلْ الضَّلَامْ وَ نِجَهُّزُوا نُفُوسْنَا أَشَانْ نِعِيشُوا فِي النُّورْ.

يُوحَنَّا 13:34

وَ نَنْطِيكُو وَصِيَّةْ جَدِيدَةْ وَ الْوَصِيَّةْ هِي أَرَّايَدَوْا أَمْبَيْنَاتْكُو. أَرَّايَدَوْا مِثِلْ أَنَا نِرِيدْكُو.

يُوحَنَّا 8:12

وَ بَتَّانْ عِيسَى حَجَّى لِلنَّاسْ وَ قَالْ: «أَنَا نُورْ الْعَالَمْ. أَيِّ نَادُمْ الْيِتَابِعْنِي أَبَداً مَا يَقْعُدْ فِي الضَّلَامْ. هُو يِعِيشْ فِي النُّورْ الْيَنْطِيهْ الْحَيَاةْ.»

يُوحَنَّا 1:9

وَ النُّورْ الصَّحِيحْ جَاءْ فِي الدُّنْيَا لِيِنَوِّرْ كُلَّ النَّاسْ.

يُوحَنَّا 12:46

أَنَا جِيتْ فِي الدُّنْيَا مِثِلْ نُورْ أَشَانْ أَيِّ نَادُمْ الْيِآمِنْ بَيِّ مَا يَقْعُدْ فِي الضَّلَامْ.

1 يُوحَنَّا 4:21

دَاهُو الْوَصِيَّةْ الْأَنْطَاهَا لَيْنَا. النَّاسْ الْيِحِبُّوا اللّٰهْ وَاجِبْ يِحِبُّوا أَخْوَانْهُمْ كُلَ.

مَلاخِـي 4:2

وَ لَاكِنْ لَيْكُو إِنْتُو الْخَايْفِينْ مِنِّي، عَدَالْتِي تَطْلَعْ لَيْكُو مِثِلْ الْحَرَّايْ وَ ضَيَّهَا يِجِيبْ الشِّفَاءْ. وَ إِنْتُو تَمُرْقُوا وَ تِنَطُّطُوا مِثِلْ عَجَّالْ مَرَقَوْا مِنْ زَرِيبِتْهُمْ.

1 يُوحَنَّا 4:11

يَا الْمَحْبُوبِينْ، اللّٰهْ يِحِبِّنَا بِلْحَيْن وَ أَشَانْ دَا، وَاجِبْ نِرَّايَدَوْا أَمْبَيْنَاتْنَا.

2 تِمُوتَاوُس 1:10

وَ هَسَّعْ فِي الزَّمَنْ الْحَاضِرْ، هُو بَيَّنْ رَحْمَتَهْ بِجَيَّةْ النَّادُمْ الْيِنَجِّينَا وَ هُو الْمَسِيحْ عِيسَى. الْمَسِيحْ بَطَّلْ قُدْرَةْ الْمَوْت وَ فِي بِشَارْتَهْ وَصَّفْ لَيْنَا الْحَيَاةْ الْأَبَدِيَّةْ.

2 كُرُنْتُس 8:9

أَشَانْ رَحْمَةْ رَبِّنَا عِيسَى الْمَسِيحْ تَعَرْفُوهَا. هُو غَنِيْ وَ لَاكِنْ فِي شَانْكُو إِنْتُو، هُو بِقِي فَقْرِي أَشَانْ بِفَقْرَهْ دَا، إِنْتُو تَبْقَوْا غَنِيِّينْ.

أعمال الرُسُل 26:18

لِتَفْتَحْ عُيُونْهُمْ أَشَانْ يَمُرْقُوا مِنْ الضَّلَامْ وَ يَدْخُلُوا فِي النُّورْ وَ يَمُرْقُوا مِنْ حُكُمْ إِبْلِيسْ وَ يُتُوبُوا لِلّٰهْ. وَ اللّٰهْ يَغْفِرْ لَيْهُمْ ذُنُوبْهُمْ وَ هُمَّنْ يَوْرُثُوا بَكَانْ فِي لُبّ النَّاسْ الْخَاصِّيْن بِسَبَبْ إِيمَانْهُمْ بَيِّ.›

أعمال الرُسُل 17:30

«اللّٰهْ مَا حَاسَبْ النَّاسْ فِي زَمَنْ الْجَهَلْ وَ لَاكِنْ هَسَّعْ اللّٰهْ يِنَادِي كُلَّ النَّاسْ فِي أَيِّ بَكَانْ أَشَانْ يُتُوبُوا مِنْ ذُنُوبْهُمْ.

لُوقا 1:79

وَ يِنَوِّرْ لِلنَّاسْ الْقَاعِدِينْ فِي الضَّلَامْ وَ الْخَايْفِينْ مِنْ الْمَوْت وَ خَلَاصْ يُقُودْنَا فِي دَرِبْ السَّلَامْ.»

زَبُور 36:9

أَشَانْ مَعَاكْ، عَيْن أَلْمِي الْحَيَاةْ وَ بِنُورَكْ، نِشِيفُوا النُّورْ.

زَبُور 27:1

اللّٰهْ هُو نُورِي وَ نَجَاتِي، أَنَا نَخَافْ مِنْ يَاتُو؟ اللّٰهْ هُو مَلْجَأْ لِحَيَاتِي، قِدَّامْ يَاتُو أَنَا نَرْجِفْ؟

يُوحَنَّا 12:35

وَ عِيسَى قَالْ لَيْهُمْ: «النُّورْ يَقْعُدْ مَعَاكُو وَكِتْ شِيَّةْ بَسْ. رُوغُوا فِي النُّورْ أَشَانْ الضَّلَامْ مَا يِنَّصِرْ فَوْقكُو. النَّادُمْ الْيُرُوغْ فِي الضَّلَامْ مَا يَعَرِفْ الْبَكَانْ الْهُو مَاشِي لَيَّهْ.

مَتَّى 4:16

هِنَاكْ الشَّعَبْ الْقَاعِدِينْ فِي الضَّلَامْ شَافَوْا نُورْ عَظِيمْ وَ السَّاكْنِينْ فِي بَلَدْ الضَّلَامْ الْهَالِكْ، نُورْ طَلَعْ لَيْهُمْ.>

إشَعْيا 9:2

الشَّعَبْ الْمَاشِينْ فِي الضَّلَامْ يِشِيفُوا نُورْ عَظِيمْ. أَيْوَى، السَّاكْنِينْ فِي بَلَدْ الضَّلَامْ الْهَالِكْ، نُورْ يِبِينْ لَيْهُمْ.

زَبُور 84:11

أَيْوَى، اللّٰهْ الرَّبّ مِثِلْ حَرَّايْ وَ مِثِلْ دَرَقَةْ، هُو يَنْطِي الرَّحْمَةْ وَ الشَّرَفْ. هُو مَا يَمْنَعْ الْخَيْر لِلْيَمْشُوا فِي الطَّرِيقْ الْعَدِيلْ.

1 بُطْرُس 1:21

وَ بِسَبَبْ الْمَسِيحْ، إِنْتُو آمَنْتُوا بِاللّٰهْ الْبَعَثَهْ مِنْ أُسْط الْمَيْتِينْ وَ أَنْطَاهْ الْمَجْد. وَ خَلَاصْ إِيمَانْكُو وَ عَشَمْكُو ثَابْتِينْ فِي اللّٰهْ.

1 يُوحَنَّا 3:23

وَ دِي هِي وَصِيّتَهْ، وَاجِبْ نِآمُنُوا بِأُسُمْ إِبْنَهْ عِيسَى الْمَسِيحْ وَ نِرَّايَدَوْا أَمْبَيْنَاتْنَا مِثِلْ هُو أَمَرَانَا بَيَّهْ.