1 يُوحَنَّا 2:1 - الكتاب المقدس بالعربي الدارجي هنا تشاد

¹ يَا عِيَالِي، أَنَا قَاعِدْ نَكْتِبْ لَيْكُو الْكَلَامْ دَا أَشَانْ مَا تَذْنُبُوا. لَاكِنْ كَنْ أَيِّ نَادُمْ مِنْكُو يَذْنِبْ، عِنْدِنَا نَادُمْ وَاحِدْ يِدَافِعْ لَيْنَا قِدَّامْ اللّٰهْ أَبُونَا وَ هُو عِيسَى الْمَسِيحْ وَ هُو بَسْ الصَّالِحْ.

1 يُوحَنَّا 2:1 Referenca të Kryqëzuara

1 تِمُوتَاوُس 2:5

وَ دَاهُو الْحَقّ، اللّٰهْ وَاحِدْ وَ الْوَسِيطْ الْبَيْن اللّٰهْ وَ بَيْن النَّاسْ كُلَ وَاحِدْ وَ هُو الْإِنْسَانْ عِيسَى الْمَسِيحْ

رَوْمَا 8:34

يَاتُو الْيِعَاقِبْهُمْ؟ مَا فِي! الْمَسِيحْ عِيسَى مَا يِعَاقِبْهُمْ. بِالْعَكْس، هُو بَسْ الْمَاتْ فِي شَانَّا. وَ زِيَادَةْ مِنْ دَا، هُو بَعَثْ وَ قَاعِدْ جَنْب اللّٰهْ فِي نُصَّهْ الزَّيْنَايْ وَ بِقِي لَيْنَا وَسِيطْ.

يُوحَنَّا 14:6

وَ عِيسَى رَدَّ لَيَّهْ وَ قَالْ: «أَنَا بَسْ الدَّرِبْ وَ الْحَقّ وَ الْحَيَاةْ. مَا فِي نَادُمْ يَمْشِي لِلّٰهْ إِلَّا بَيِّ أَنَا.

2 كُرُنْتُس 5:21

وَ الْمَسِيحْ الْأَبَداً مَا أَذْنَبْ، اللّٰهْ جَعَلَهْ ضَحِيَّةْ فِي شَانْ ذُنُوبْنَا أَشَانْ أَنِحْنَ نَبْقَوْا بَيَّهْ شَعَبْ اللّٰهْ الصَّالِحِينْ.

1 يُوحَنَّا 4:4

يَا عِيَالِي، إِنْتُو نَاسْ هَنَا اللّٰهْ وَ غَلَبْتُوا الْأَنْبِيَاء الْكَدَّابِينْ دَوْل خَلَاصْ، أَشَانْ هُو الْقَاعِدْ فِيكُو أَكْبَرْ مِنْ الْقَاعِدْ فِي الدُّنْيَا.

1 يُوحَنَّا 3:18

يَا عِيَالِي، خَلِّي مَا نِرَّايَدَوْا بِكَلَامْ خُشُومْنَا بَسْ لَاكِنْ خَلِّي نِرَّايَدَوْا بِالْفِعِلْ وَ بِالْمَحَبَّةْ الصَّحِيحَةْ.

1 يُوحَنَّا 3:7

يَا عِيَالِي، مَا تِخَلُّوا نَادُمْ وَاحِدْ يُغُشُّكُو. النَّاسْ الْيِسَوُّوا عَمَلْ صَالِحْ، هُمَّنْ صَالِحِينْ مِثِلْ إِبْن اللّٰهْ هُو صَالِحْ.

يُوحَنَّا 8:11

وَ هِي قَالَتْ: «لَا، يَا السَّيِّدْ. نَادُمْ مَا فِيهْ.» وَ عِيسَى قَالْ لَيْهَا: «أَنَا كُلَ مَا نِعَاقِبْكِ. خَلَاصْ، أَمْشِي. وَ مِنْ الْيَوْم مَا تَذْنِبِي بَتَّانْ.»

عِبْرَانِيِّين 9:24

وَ الْبَكَانْ الْمُقَدَّسْ الْعِيسَى الْمَسِيحْ دَخَلْ فَوْقَهْ، دَا مَا الْبَكَانْ الْبَنَاهْ الْإِنْسَانْ. الْبَكَانْ دَا صُورَةْ بَسْ هَنَا الْبَكَانْ الصَّحِيحْ. لَاكِنْ هُو دَخَلْ فِي السَّمَاءْ ذَاتَهْ أَشَانْ يَحْضَرْ قِدَّامْ اللّٰهْ فِي شَانَّا فِي الزَّمَنْ الْحَالِي.

1 يُوحَنَّا 3:5

عِرِفْتُوا كَدَرْ إِبْن اللّٰهْ بَانْ أَشَانْ يَمْحَا ذُنُوبْنَا. وَ فَوْقَهْ هُو، ذَنِبْ مَا فِيهْ أَبَداً.

أفَسُس 2:18

وَ خَلَاصْ بِالْمَسِيحْ، أَنِحْنَ كُلِّنَا نَقْدَرَوْا نِقَرُّبُوا لِلّٰهْ أَبُونَا بِالرُّوحْ الْقُدُّوسْ الْوَاحِدْ.

يُوحَنَّا 6:27

مَا تِجَاهُدُوا أَشَانْ تَلْقَوْا الْأَكِلْ الْيَتْلَفْ وَ لَاكِنْ جَاهُدُوا أَشَانْ تَلْقَوْا الْأَكِلْ الْمَا يَتْلَفْ وَ يَنْطِيكُو الْحَيَاةْ الْأَبَدِيَّةْ. دَا بَسْ الْأَكِلْ الْإِبْن الْإِنْسَانْ يَنْطِيهْ لَيْكُو. هُو النَّادُمْ الْاللّٰهْ أَبُوهْ شَهَدْ لَيَّهْ وَ أَكَّدْ هُو رَضْيَانْ بَيَّهْ خَلَاصْ.»

حِزْقِيال 3:21

وَ بِالْعَكْس، كَنْ إِنْتَ حَذَّرْت نَادُمْ صَالِحْ لِمَا يَذْنِبْ وَ النَّادُمْ دَا مَا أَذْنَبْ، خَلَاصْ هُو يِعِيشْ أَشَانْ إِنْتَ حَذَّرْتَهْ. وَ إِنْتَ كُلَ نَجَّيْت نَفْسَكْ.»

1 بُطْرُس 3:18

وَ الْمَسِيحْ كُلَ تِعِبْ تَعَبْ وَاحِدْ وَ نِهَائِي فِي شَانْ ذُنُوبْ النَّاسْ. الصَّالِحْ مَاتْ فِي شَانْ الْمُذْنِبِينْ وَ بَيْدَا، يِوَدِّيكُو كُلُّكُو فِي حَضَرَةْ اللّٰهْ. هُو كَتَلَوْه وَ مَاتْ مِثِلْ مَوْت النَّاسْ وَ اللّٰهْ حَيَّاهْ بِالرُّوحْ الْقُدُّوسْ.

أفَسُس 4:26

كَنْ زِعِلْتُوا، مَا تَذْنُبُوا. خَلُّوا زَعَلْكُو قَبُلْ الْحَرَّايْ مَا تَقَعْ

غَلاطِية 4:19

يَا عِيَالِي النِّحِبُّكُو، أَنَا بِقِيتْ مِثِلْ أَمُّكُو الْقَاعِدَةْ نَلْدَاكُو مَرَّةْ تَانِيَةْ. أَنَا قَاعِدْ نَتْعَبْ فِي الطَّلَقَةْ لَحَدِّي تَبْقَوْا ثَابْتِينْ فِي الْمَسِيحْ.

يُوحَنَّا 10:15

مِثِلْ أَبُويِ يَعَرِفْنِي وَ أَنَا نَعَرِفْ أَبُويِ. وَ أَنَا نَفْدَى الْغَنَمْ بِحَيَاتِي.

يُوحَنَّا 5:36

لَاكِنْ فِي شَاهِدْ آخَرْ يَشْهَدْ لَيِّ وَ شَهَادْتَهْ أَكْبَرْ مِنْ شَهَادَةْ يَحْيَى. الْأَعْمَالْ الْأَبُويِ اللّٰهْ أَنْطَاهُمْ لَيِّ وَ أَنَا قَاعِدْ نِسَوِّيهُمْ لَحَدِّي نِكَمِّلْهُمْ، دَوْل بَسْ يَشْهَدَوْا لَيِّ أَشَانْ تَعَرْفُوا بِالصَّحِيحْ اللّٰهْ رَسَّلَانِي.

لُوقا 10:22

أَبُويِ اللّٰهْ وَكَّلَانِي بِكُلَّ شَيّءْ. مَا فِي نَادُمْ الْيَعَرِفْ إِبْن اللّٰهْ. إِلَّا أَبُوهْ يَعَرْفَهْ. وَ مَا فِي نَادُمْ الْيَعَرِفْ اللّٰهْ إِلَّا إِبْن اللّٰهْ وَ النَّادُمْ الْإِبْن اللّٰهْ يِدَوْر يِوَصِّفْ لَيَّهْ أَبُوهْ.»

1 بُطْرُس 2:22

<هُو مَا أَذْنَبْ وَ فِي خَشْمَهْ مَا فِي غَشّ.>

1 كُرُنْتُس 15:34

قَبُّلُوا فِي الدَّرِبْ الْعَدِيلْ التَّعَرْفُوهْ وَ خَلُّوا مِنْكُو الذُّنُوبْ. قُلْت الْكَلَامْ دَا أَشَانْ نَاسْ وَاحِدِينْ مِنْكُو مَا يَعَرْفُوا اللّٰهْ. وَ دَا عَيْب لَيْكُو.

يُوحَنَّا 5:14

وَ بَعَدَيْن، عِيسَى لِقِيهْ فِي فَضَايَةْ بَيْت اللّٰهْ. وَ حَجَّى لَيَّهْ وَ قَالْ: «خَلَاصْ، إِنْتَ لِقِيتْ الْعَافَيْ. خَلِّي مِنَّكْ ذُنُوبَكْ أَشَانْ شَيّءْ قَاسِي مِنْ دَا مَا يَجِي فَوْقَكْ.»

زَكَرِيَّا 9:9

«يَا صَهْيُون الْمِثِلْ بِنَيَّةْ، أَفْرَحَيْ زِيَادَةْ! عِيطِي بِفَرَحْ، يَا مَدِينَةْ الْقُدُسْ الْمِثِلْ بِنَيَّةْ! دَاهُو مَلِكِّ جَايِ لَيْكِ. هُو عَادِلْ وَ مُنَّصِرْ. هُو مِسْكِينْ وَ رَاكِبْ فِي حُمَارْ، فِي دَحَشْ وِلَيْد حُمَارَةْ.

يَعْقُوب 1:27

دَاهُو الدِّينْ الصَّافِي الْمَا عِنْدَهْ عَيْب قِدَّامْ أَبُونَا اللّٰهْ. عَاوُنُوا الْأَتَامَا وَ الْعَوِينْ الْأَرَامِلْ الْقَاعِدِينْ فِي التَّعَبْ. وَ أَقِيفُوا بَعِيدْ مِنْ الْأَشْيَاءْ الْيِنَجُّسُوا نَاسْ الدُّنْيَا.

زَبُور 4:4

أَزْعَلَوْا لَاكِنْ مَا تَذْنُبُوا وَ وَكِتْ تَرُقْدُوا فِي سَرَايِرْكُو، فَكُّرُوا عَدِيلْ وَ خَلَاصْ، أَسْكُتُوا. وَقْفَةْ.

1 يُوحَنَّا 5:21

يَا عِيَالِي، أَنْقَرْعُوا مِنْ الْأَصْنَامْ.

يَعْقُوب 3:9

بَيَّهْ هُو، نَشْكُرُوا اللّٰهْ أَبُونَا وَ بَيَّهْ هُو بَتَّانْ، نَلْعَنَوْا النَّاسْ الْاللّٰهْ خَلَقَاهُمْ فِي صُورْتَهْ.

رَوْمَا 6:15

وَ دَا كِكَّيْف؟ هَلْ نَذْنُبُوا أَشَانْ أَنِحْنَ عَايْشِينْ تِحِتْ رَحْمَةْ اللّٰهْ وَ مَا تِحِتْ شُرُوطْ التَّوْرَاةْ وَلَّا؟ لَا، أَبَداً.

يُوحَنَّا 13:33

«يَا عِيَالِي، أَنَا نَقْعُدْ مَعَاكُو وَكِتْ شِيَّةْ بَسْ. إِنْتُو تِفَتُّشُونِي وَ لَاكِنْ نُقُولْ لَيْكُو نَفْس الْكَلَامْ الْقُلْتَهْ لِلْيَهُودْ. الْبَكَانْ النَّمْشِي لَيَّهْ إِنْتُو مَا تَقْدَرَوْا تَمْشُوا لَيَّهْ.

1 تِمُوتَاوُس 3:14

نِدَوْر نَجِيكْ قَرِيبْ لَاكِنْ كَتَبْت لَيْك الْوَصَايَا دَوْل أَشَانْ

يُوحَنَّا 21:5

وَ عِيسَى سَأَلَاهُمْ وَ قَالْ: «يَا الْأَوْلَادْ، كَرَبْتُوا حُوتْ وَلَّا؟» وَ رَدَّوْا لَيَّهْ وَ قَالَوْا: «لَا، مَا كَرَبْنَا.»

يُوحَنَّا 14:16

وَ أَنَا نَسْأَلْ أَبُويِ وَ هُو يَنْطِيكُو مُعَاوِنْ آخَرْ فِي بَدَلِي. وَ الْمُعَاوِنْ يَقْعُدْ مَعَاكُو دَايْماً.

أعمال الرُسُل 7:52

وَيْن النَّبِي الْجُدُودْكُو مَا تَعَّبَوْه؟ هُمَّنْ كَتَلَوْا الْأَنْبِيَاء الْبَلَّغَوْا لَيْهُمْ بِجَيَّةْ عَبْدَهْ الصَّالِحْ الْمَسِيحْ وَ وَكِتْ الْمَسِيحْ جَاءْ خَلَاصْ، إِنْتُو خُنْتُوهْ وَ كَتَلْتُوهْ!

رَوْمَا 5:10

وَ وَكِتْ أَنِحْنَ لِسَّاعْنَا عُدْوَانْ اللّٰهْ، مَوْت إِبْنَهْ صَالَحَانَا مَعَايَهْ. وَ بِمِثِلْ دَا، كَنْ عِنْدِنَا صُلُحْ مَعَايَهْ بِمَوْت إِبْنَهْ، أَكِيدْ نَنْجَوْا بِحَيَاةْ إِبْنَهْ.

1 يُوحَنَّا 5:17

أَيِّ خَطَا هُو ذَنِبْ لَاكِنْ فِي ذُنُوبْ مَا يِوَدُّوا النَّاسْ لِلْمَوْت.

3 يُوحَنَّا 1:4

مَا فِي شَيّءْ يِفَرِّحْنِي زِيَادَةْ مِنْ الْخَبَرْ الْبُقُولْ عِيَالِي قَاعِدِينْ يِتَابُعُوا الْحَقّ.