1 يُوحَنَّا 1:3 - الكتاب المقدس بالعربي الدارجي هنا تشاد

³ وَ الشَّيّءْ الشِّفْنَاهْ وَ سِمِعْنَاهْ أَنِحْنَ نِبَلُّغُوهْ لَيْكُو أَشَانْ نِدَوْرُوا إِنْتُو كُلَ تُكُونُوا مَعَانَا فِي الْعَلَاقَةْ. وَ الْعَلَاقَةْ الْعِنْدِنَا دِي، هِي عَلَاقَةْ مَعَ أَبُونَا اللّٰهْ وَ مَعَ إِبْنَهْ عِيسَى الْمَسِيحْ.

1 يُوحَنَّا 1:3 Referenca të Kryqëzuara

1 كُرُنْتُس 1:9

اللّٰهْ هُو صَادِقْ فِي وَعَدَهْ. وَ هُو بَسْ النَّادَاكُو أَشَانْ تَدْخُلُوا فِي الْعَلَاقَةْ الْعِنْدُكُو مَعَ إِبْنَهْ عِيسَى الْمَسِيحْ رَبِّنَا.

يُوحَنَّا 17:3

وَ الْحَيَاةْ الْأَبَدِيَّةْ هِي، يَعَرْفُوكْ إِنْتَ اللّٰهْ الْوَاحِدْ الصَّحِيحْ وَ يَعَرْفُوا عِيسَى الْمَسِيحْ الْإِنْتَ رَسَّلْتَهْ.

أعمال الرُسُل 4:20

وَ أَنِحْنَ مَا نَقْدَرَوْا نَقْعُدُوا سَاكِتْ. وَاجِبْ نِحَجُّوا بِالشَّيّءْ الشِّفْنَاهْ وَ بِالْكَلَامْ السِّمِعْنَاهْ.»

يُوحَنَّا 17:21

يَا أَبُويِ، أَنَا قَاعِدْ نَسْأَلَكْ لَيْهُمْ أَشَانْ كُلُّهُمْ يَبْقَوْا وَاحِدْ مِثِلْ إِنْتَ فِيِي وَ أَنَا فِيكْ. خَلِّي هُمَّنْ كُلَ يَبْقَوْا وَاحِدْ مَعَانَا أَشَانْ كُلَّ نَاسْ الدُّنْيَا يِآمُنُوا كَدَرْ إِنْتَ رَسَّلْتِنِي.

فِلِبِّي 2:1

هَلْ لِقِيتُوا شَجَاعَةْ بِعَلَاقِتْكُو مَعَ الْمَسِيحْ وَلَّا؟ وَ مَحَبِّتَهْ رَقَّدَتْ قُلُوبْكُو وَلَّا؟ وَ شَارَكْتُوا سَوَا فِي قُدْرَةْ الرُّوحْ الْقُدُّوسْ وَلَّا؟ وَ لِقِيتُوا مِنْ الْمَسِيحْ مَحَنَّةْ كَتِيرَةْ وَلَّا؟

2 كُرُنْتُس 13:14

خَلِّي رَحْمَةْ رَبِّنَا عِيسَى الْمَسِيحْ وَ مَحَبَّةْ اللّٰهْ وَ الْخُوَّةْ الْجَايَةْ مِنْ الرُّوحْ الْقُدُّوسْ يَقْعُدُوا ثَابْتِينْ فَوْقكُو كُلُّكُو.

1 يُوحَنَّا 1:7

وَ لَاكِنْ كَنْ أَنِحْنَ مَاشِينْ فِي النُّورْ مِثِلْ هُو ذَاتَهْ فِي النُّورْ، نِأَكُّدُوا الْعَلَاقَةْ الْعِنْدِنَا أَمْبَيْنَاتْنَا وَ دَمّ عِيسَى إِبْنَهْ يِطَهِّرْنَا مِنْ كُلَّ الذُّنُوبْ.

1 يُوحَنَّا 1:1

الْكَلَامْ النِّبَلُّغُوهْ لَيْكُو قَاعِدْ مِنْ الْبِدَايَةْ وَ أَنِحْنَ سِمِعْنَاهْ وَ شِفْنَاهْ بِعُيُونَّا لَحَدِّي عِرِفْنَاهْ عَدِيلْ كَيْ وَ لَمَّسْنَاهْ بِإِيدَيْنَّا وَ هُو كَلَامْ الْحَيَاةْ.

عِبْرَانِيِّين 3:14

أَشَانْ كُلِّنَا بِقِينَا مُشَارِكِينْ فِي الْمَسِيحْ كَنْ صَحِيحْ نِتَابُعُوا الْإِيمَانْ الْعِنْدِنَا مِنْ الْبِدَايَةْ وَ نَقْعُدُوا ثَابْتِينْ فَوْقَهْ لَحَدِّي النِّهَايَةْ.

فِلِبِّي 3:10

وَ نِجَاهِدْ أَشَانْ نَعَرِفْ الْمَسِيحْ تَمَامْ وَ نِعِيشْ بِقُدْرَةْ بُعَاثَهْ وَ نِشَارِكْ مَعَايَهْ فِي تَعَبَهْ. وَ نِدَوْر نَبْقَى مِثِلْ هُو بِقِي فِي مَوْتَهْ

1 بُطْرُس 5:1

وَ نِدَوْر نِوَصِّي كُبَارَاتْ جَمَاعَةْ الْمُؤمِنِينْ الْمَعَاكُو. أَنَا كُلَ كَبِيرْ مِثِلْهُمْ. وَ أَنَا شَاهِدْ لِتَعَبْ الْمَسِيحْ وَ بَتَّانْ مُشَارِكْ فِي قُدْرَةْ الْمَسِيحْ الْمَجِيدَةْ التِّبِينْ قَرِيبْ.

عِبْرَانِيِّين 3:1

أَشَانْ دَا، يَا أَخْوَانِي الصَّالِحِينْ الْاللّٰهْ نَادَاكُو كُلُّكُو لِتَدْخُلُوا فِي دَرْبَهْ، فَكُّرُوا فِي عِيسَى. هُو رَسُولْ اللّٰهْ وَ كَبِيرْ رُجَالْ الدِّينْ الْأَنِحْنَ مُؤمِنِينْ بَيَّهْ وَ نَشْهَدَوْا لَيَّهْ.

كُلُوسِي 1:13

أَيْوَى، اللّٰهْ فَزَعَانَا وَ مَرَقَانَا مِنْ مُلُكْ الضَّلَامْ وَ وَدَّانَا فِي مَمْلَكَةْ إِبْنَهْ الْيِرِيدَهْ.

أعمال الرُسُل 20:27

أَنَا بَلَّغْت لَيْكُو هَدَفْ اللّٰهْ كُلَّ كَيْ وَ مَا لَبَّدْت مِنْكُو شَيّءْ وَاحِدْ.

1 يُوحَنَّا 1:5

دَاهُو الْخَبَرْ السِّمِعْنَاهْ مِنَّهْ وَ نِبَلُّغُوهْ لَيْكُو. اللّٰهْ هُو نُورْ وَ فِي اللّٰهْ أَبَداً مَا فِي ضَلَامْ.

عِبْرَانِيِّين 2:12

هُو بُقُولْ: <أَنَا نِبَلِّغْ بِأُسْمَكْ لِأَخْوَانِي وَ نَحْمُدَكْ فِي أُسْط الْجَمَاعَةْ.>

1 تِمُوتَاوُس 6:2

خَلِّي الْعَبِيدْ السِّيَادْهُمْ مُؤمِنِينْ مَا يُقُولُوا: «هُمَّنْ أَخْوَانَّا. مَا وَاجِبْ نِطِيعُوهُمْ مِثِلْ أَوَّلْ.» أَخَيْر يَخْدُمُوا لَيْهُمْ بِزِيَادَةْ أَشَانْ النَّاسْ الْيَلْقَوْا فَايْدَةْ مِنْ خِدْمِتْهُمْ السَّمْحَةْ دِي، هُمَّنْ مُؤمِنِينْ وَ مَحْبُوبِينْ. عَلِّمْ الْأَخْوَانْ الْوَصَايَا دَوْل وَ شَجِّعْهُمْ أَشَانْ يِتَابُعُوهُمْ.

فِلِبِّي 1:7

وَ وَاجِبْ لَيِّ نِحِسّ بَيْكُو كُلُّكُو مِثِلْ دَا أَشَانْ قَلْبِي دَايْماً مَعَاكُو. وَ نِحِبُّكُو أَشَانْ إِنْتُو كُلُّكُو مُشَارِكِينْ مَعَايِ فِي نِعْمَةْ اللّٰهْ. وَ إِنْتُو دَايْماً مُشَارِكِينْ مَعَايِ وَكِتْ أَنَا قَاعِدْ مُجَنْزَرْ فِي السِّجِنْ وَ وَكِتْ أَنَا قَاعِدْ نِدَافِعْ لِبِشَارَةْ الْمَسِيحْ وَ نِثَبِّتْهَا لِلنَّاسْ.

أفَسُس 3:6

وَ دَاهُو سِرّ اللّٰهْ. بِبِشَارَةْ الْمَسِيحْ، الْأُمَمْ يَبْقَوْا وُرَّاثْ سَوَا مَعَ الْيَهُودْ. يَبْقَوْا أُمَّةْ وَاحِدَةْ الْهِي جِسِمْ الْمَسِيحْ. وَ خَلَاصْ بِعِيسَى الْمَسِيحْ، هُمَّنْ يِشَارُكُوا فِي وَعَدْ اللّٰهْ.

1 كُرُنْتُس 1:30

وَ اللّٰهْ بَسْ الْأَنْطَاكُو الْعَلَاقَةْ الْعِنْدُكُو مَعَ الْمَسِيحْ عِيسَى. وَ بِالْمَسِيحْ بَسْ، نَلْقَوْا حِكْمَةْ اللّٰهْ. وَ بِالْمَسِيحْ بَسْ، اللّٰهْ جَعَلَانَا صَالِحِينْ وَ خَصَّصَانَا وَ فَدَانَا.

1 تَسَلونِيكِي 1:10

وَ تَرْجَوْا إِبْنَهْ الْيِقَبِّلْ مِنْ السَّمَاوَاتْ وَ هُو عِيسَى الْاللّٰهْ بَعَثَهْ مِنْ أُسْط الْمَيْتِينْ وَ يَفْزَعْنَا مِنْ الْغَضَبْ الْجَايِ.

1 كُرُنْتُس 15:1

يَا أَخْوَانِي، نِدَوْر نِذَكِّرْكُو بِبِشَارَةْ الْمَسِيحْ الْبَلَّغْتَهَا لَيْكُو. الْبِشَارَةْ دِي، إِنْتُو قِبِلْتُوهَا وَ بِسَبَبْهَا بَسْ، إِنْتُو مُؤمِنِينْ.

رَوْمَا 15:27

وَ شَالَوْا النِّيَّةْ دِي بِفَرَحْ. وَ دَا مِثِلْ دَيْن فَوْقهُمْ أَشَانْ أَوَّلْ الْيَهُودْ قَسَّمَوْا بَرَكَاتْهُمْ اللِّقَوْهُمْ مِنْ اللّٰهْ مَعَ الْمَا يَهُودْ. وَ هَسَّعْ الْمَا يَهُودْ وَاجِبْ لَيْهُمْ يِسَاعُدُوا الْيَهُودْ بِالْبَرَكَاتْ الْأَرْضِيَّةْ اللِّقَوْهُمْ.

أعمال الرُسُل 13:41

الْكِتَابْ بُقُولْ: <يَا الشَّمَّاتِينْ، شِيفُوا. أَلْعَجَّبَوْا وَ أَهْلَكَوْا مَرَّةْ وَاحِدْ. أَشَانْ فِي وَكِتْكُو دَا، أَنَا نِسَوِّي شَيّءْ وَ كَنْ حَجَّوْكُو بَيَّهْ، مَا تِصَدُّقُوهْ.>»

أعمال الرُسُل 13:32

«وَ هَسَّعْ أَنِحْنَ نِبَلُّغُوا لَيْكُو الْبِشَارَةْ. الشَّيّءْ الْاللّٰهْ وَاعَدْ بَيَّهْ جُدُودْنَا،

أعمال الرُسُل 2:42

وَ بِنِيَّةْ وَاحِدَةْ كُلَّ الْمُؤمِنِينْ قَمَّوْا يِنْكَرْبُوا فِي تَعْلِيمْ الرُّسُلْ وَ الْحَيَاةْ الْأَخَوِيَّةْ وَ عَشَاءْ الْمَسِيحْ وَ الصَّلَاوَاتْ.

يُوحَنَّا 17:25

يَا أَبُويِ الْعَادِلْ، نَاسْ الدُّنْيَا مَا عِرْفَوْك. لَاكِنْ أَنَا عِرِفْتَكْ وَ النَّاسْ دَوْل يَعَرْفُوا كَدَرْ إِنْتَ رَسَّلْتِنِي.

يُوحَنَّا 17:11

أَنَا مَا نَقْعُدْ فِي الدُّنْيَا لَاكِنْ هُمَّنْ قَاعِدِينْ فِي الدُّنْيَا وَ أَنَا نَمْشِي لَيْك. يَا أَبُويِ الْقُدُّوسْ، أَحْفَضْهُمْ بِأُسْمَكْ الْأَنْطَيْتنِي، أَشَانْ هُمَّنْ يَبْقَوْا وَاحِدْ مِثِلْ إِنْتَ وَ أَنَا وَاحِدْ.

زَبُور 22:22

أَشَانْ دَا، أَنَا نِكَلِّمْ بِأُسْمَكْ لِنَاسِي وَ نَحْمُدَكْ فِي أُسْط الْمُجْتَمَعْ.

إشَعْيا 66:19

وَ نُخُطّ فِي لُبُّهُمْ عَلَامَةْ. وَ مِنْ الْفَضَّلَوْا، نِرَسِّلْ نَاسْ وَاحِدِينْ لِلْأُمَمْ الْيَعَرْفُوا يِسْتَعْمَلَوْا النُّشَّابْ يَعْنِي فِي تَرْشِيشْ وَ فُولْ وَ لُودْ. وَ نِرَسِّلْهُمْ بَتَّانْ لِنَاسْ تُوبَلْ وَ بَلَدْ يَوَانْ وَ بَعِيدْ فِي الْجَزَايِرْ فِي بَكَانْ الْفَوْقَهْ أَبَداً مَا سِمْعَوْا بَيِّ وَ لَا شَافَوْا مَجْدِي. وَ هِنَاكْ يِعَرُّفُوا مَجْدِي لِلْأُمَمْ دَوْل.»

زَبُور 2:7

وَ نِبَلِّغْ قَرَارْ اللّٰهْ الْبُقُولْ: «إِنْتَ إِبْنِي وَ الْيَوْم، أَنَا بِقِيتْ أَبُوكْ.

يُوحَنَّا 19:35

الشَّافَهْ بِعَيْنَهْ شَاهِدْ لَيَّهْ وَ شَهَادْتَهْ صَحِيحَةْ وَ هُو يَعَرِفْ كَلَامَهْ صَحِيحْ وَ هُو يَشْهَدْ أَشَانْ إِنْتُو كُلَ تِآمُنُوا.

2 بُطْرُس 1:16

وَ الْكَلَامْ الْبَلَّغْنَاهْ لَيْكُو الْبُخُصّ قُدْرَةْ رَبِّنَا عِيسَى الْمَسِيحْ وَ جَيْتَهْ، دَا مَا حِجَيْ سَاكِتْ مِثِلْ الْحِجَيْ الطُّوَالْ الْيِحَجُّوهْ النَّاسْ. بِالْعَكْس، أَنِحْنَ شِفْنَا عَظَمَتَهْ بِعُيُونَّا وَ شَهَدْنَا لَيَّهْ.

عَدد 10:32

وَ كَنْ مَشَيْت مَعَانَا نَنْطُوكْ مِنْ الْخَيْر الْاللّٰهْ يَنْطِينَا.»

أيُّوب 13:1

دَاهُو كُلَّ الشَّافَتَهْ عَيْنِي وَ سِمْعَتَهْ أَدَانِي وَ أَنَا فِهِمْتَهْ.