1 أخبار 3:2 - الكتاب المقدس بالعربي الدارجي هنا تشاد

² وَ التَّالِتْ أَبْشَلُومْ وَ أَمَّهْ أُسُمْهَا مَعَاكَةْ بِنَيَّةْ تَلْمَايْ مَلِكْ بَلَدْ قَشُورْ. وَ الرَّابِعْ أَدُنِيَّا وَ أَمَّهْ أُسُمْهَا حَقِّيتْ.

1 أخبار 3:2 Referenca të Kryqëzuara

1 أخبار 2:23

وَ لَاكِنْ الْقَشُورِيِّينْ وَ الْأَرَامِيَّيْن شَالَوْا فُرْقَانْ يَيِيرْ وَ مَدِينَةْ قَنَاتْ وَ الْحِلَّالْ التَّابْعِينْهَا وَ كُلُّهُمْ كَيْ عَدَدْهُمْ 60. وَ كُلَّ النَّاسْ السَّاكْنِينْ فِي الْبَكَانْ دَا، هُمَّنْ مِنْ ذُرِّيَّةْ مَكِيرْ أَبُو قِلْعَادْ.

1 مُلوك 1:5

وَ فِي نَفْس الْوَكِتْ دَا، أَدُنِيَّا وِلَيْد دَاوُدْ وِلَيْدهَا لِحَقِّيتْ قَمَّ يُقُولْ: «أَنَا بَسْ نَمْلُكْ.» وَ هُو لِقِي عَرَبَةْ هِنْت حَرِبْ وَ سِيَادْ خَيْل وَ 50 رُجَالْ الْيَمْشُوا قِدَّامْ عَرَبَتَهْ.

2 صَمُوِيل 18:33

وَ خَلَاصْ، الْمَلِكْ بَرْجَلْ وَ طَلَعْ فِي الْقَصِرْ الْقَاعِدْ فِي خَشُمْ بَابْ الْحِلَّةْ وَ دَخَلْ فِي غُرْفَةْ وَ قَمَّ يَبْكِي. وَ يُرُوغْ وَ يُقُولْ: «يَا وِلَيْدِي أَبْشَلُومْ! هَايْ وِلَيْدِي! يَا وِلَيْدِي أَبْشَلُومْ، مَالَا أَنَا مَا مُتّْ فِي بَدَلَكْ! هَايْ وِلَيْدِي أَبْشَلُومْ، يَا وِلَيْدِي!»

2 صَمُوِيل 18:18

وَ فِي حَيَاتَهْ، أَبْشَلُومْ غَزَّ حَجَرْ الْيِذَّكَّرَوْا بَيَّهْ فِي وَادِي الْمَلِكْ وَ قَالْ: «أَنَا مَا عِنْدِي وِلَيْد الْيِشِيلْ أُسْمِي.» وَ سَمَّى الْحَجَرْ دَا بِأُسْمَهْ. وَ لَحَدِّي الْيَوْم، بِنَادُوهْ حَجَرْ أَبْشَلُومْ.

2 صَمُوِيل 18:14

وَ يُوَابْ قَالْ: «أَنَا مَا نِأَخِّرْ وَكْتِي مَعَاكْ.» وَ خَلَاصْ، يُوَابْ شَالْ تَلَاتَةْ كَوْكَابْ وَ غَزَّاهُمْ فِي قَلِبْ أَبْشَلُومْ وَكِتْ هُو لِسَّاعْ حَيّ وَ مُعَلَّقْ فِي الشَّدَرَةْ.

2 صَمُوِيل 15:8

أَشَانْ وَكِتْ أَنَا عَبْدَكْ سَاكِنْ فِي قَشُورْ فِي بَلَدْ أَرَامْ، سَوَّيْت نَذِرْ وَ قُلْت: ‹كَنْ قَبَّلْت بِعَافَيْ فِي أُورُشَلِيمْ، نَعَبُدْ اللّٰهْ.›»

2 صَمُوِيل 14:32

وَ أَبْشَلُومْ قَالْ لِيُوَابْ: «أَشَانْ أَنَا رَسَّلْت لَيْك تَجِي لَيِّ وَ إِنْتَ أَبَيْت. أَنَا دَوَّرْت نِرَسِّلَكْ بَكَانْ الْمَلِكْ تُقُولْ لَيَّهْ: ‹مَالَا أَنَا جِيتْ مِنْ قَشُورْ؟ أَخَيْر لَيِّ نِقَبِّلْ بَتَّانْ هِنَاكْ.› وَ هَسَّعْ، نِدَوْر نِقَابِلْ الْمَلِكْ. وَ كَنْ أَنَا خَاطِي كَمَانْ، خَلِّي يَكْتُلْنِي.»

2 صَمُوِيل 14:23

وَ يُوَابْ قَمَّ وَ مَشَى قَشُورْ قَبَّلَهْ لِأَبْشَلُومْ فِي أُورُشَلِيمْ.

2 صَمُوِيل 13:38

وَ أَبْشَلُومْ الْعَرَّدْ وَ مَشَى حِلَّةْ قَشُورْ دَا، قَعَدْ تَلَاتَةْ سَنَةْ هِنَاكْ.

2 صَمُوِيل 13:1

وَ بَعَدْ دَا، دَاهُو الشَّيّءْ الْكَانْ. أَبْشَلُومْ وِلَيْد دَاوُدْ عِنْدَهْ أَخُتْ وَاحِدَةْ جَمِيلَةْ أُسُمْهَا تَامَارْ. وَ أَمْنُونْ وِلَيْد دَاوُدْ الْآخَرْ حَبَّاهَا لِتَامَارْ.

2 صَمُوِيل 3:4

وَ الرَّابِعْ أَدُنِيَّا وَ أَمَّهْ أُسُمْهَا حَقِّيتْ. وَ الْخَامِسْ شَفَطْيَا وَ أَمَّهْ أُسُمْهَا أَبِطَالْ.

يَشُوع 13:13

وَ لَاكِنْ بَنِي إِسْرَائِيلْ مَا شَالَوْا أَرْض الْقَشُورِيِّينْ وَ لَا الْمَعَاكِيِّينْ وَ بَيْدَا، هُمَّنْ سَاكْنِينْ فِي أُسْط بَنِي إِسْرَائِيلْ لَحَدِّي الْيَوْم.

2 صَمُوِيل 3:3

وَ التَّانِي كِلَابْ وَ أَمَّهْ أُسُمْهَا أَبِقَايِلْ الْأَوَّلْ مَرِةْ نَابَالْ مِنْ حِلَّةْ كَرْمَلْ. وَ التَّالِتْ أَبْشَلُومْ وَ أَمَّهْ أُسُمْهَا مَعَاكَةْ بِنَيَّةْ تَلْمَايْ مَلِكْ بَلَدْ قَشُورْ.

1 مُلوك 2:22

وَ الْمَلِكْ سُلَيْمَانْ رَدَّ لِأَمَّهْ وَ قَالْ: «مَالَا تَطُلْبِي أَبِشَاقْ الْمِنْ حِلَّةْ شُونَمْ لِأَدُنِيَّا؟ هُو أَخُويِ الْكَبِيرْ. وَ مِثِلْ دَا، أَطُلْبِي الْمُلُكْ لَيَّهْ هُو وَ لِأَبِيَاتَرْ رَاجِلْ الدِّينْ وَ لِيُوَابْ وِلَيْدهَا لِصَرُويَةْ كُلَ!»

1 أخبار 3:1

وَ دَاهُو أَوْلَادْ دَاوُدْ الْوِلْدَوْهُمْ لَيَّهْ فِي حِبْرُونْ. أَمْنُونْ الْبِكِرْ وَ أَمَّهْ أُسُمْهَا أَخِنُوعَمُ مِنْ حِلَّةْ يَزْرَعِيلْ. وَ التَّانِي أُسْمَهْ دَنْيَالْ وَ أَمَّهْ أُسُمْهَا أَبِقَايِلْ مِنْ حِلَّةْ كَرْمَلْ.

1 أخبار 3:3

وَ الْخَامِسْ شَفَطْيَا وَ أَمَّهْ أُسُمْهَا أَبِطَالْ. وَ السَّادِسْ يِتْرَعَامْ وَ أَمَّهْ أُسُمْهَا عَقْلَةْ مَرِةْ دَاوُدْ.

1 مُلوك 1:6

وَ أَدُنِيَّا هُو جَمِيلْ مَرَّةْ وَاحِدْ وَ وِلْدَوْه بَعَدْ أَبْشَلُومْ. وَ أَبَداً أَبُوهْ فِي كُلَّ حَيَاتَهْ مَا كَشَّرْ لَيَّهْ وَ قَالْ: «مَالَا تِسَوِّي شَيّءْ مِثِلْ دَا؟»