1 أخبار 11:3 - الكتاب المقدس بالعربي الدارجي هنا تشاد

³ وَ فِي شَانْ دَا، كُلَّ شُيُوخْ بَنِي إِسْرَائِيلْ جَوْا لِدَاوُدْ فِي حِبْرُونْ وَ هُو سَوَّى مَعَاهُمْ مُعَاهَدَةْ قِدَّامْ اللّٰهْ. وَ هُمَّنْ مَسَحَوْه وَ دَرَّجَوْه مَلِكْ فِي بَنِي إِسْرَائِيلْ حَسَبْ كَلَامْ اللّٰهْ الْقَالَهْ زَمَانْ بِوَاسِطَةْ صَمُوِيلْ.

1 أخبار 11:3 Referenca të Kryqëzuara

1 صَمُوِيل 16:1

وَ اللّٰهْ قَالْ لِصَمُوِيلْ: «لِمَتَى إِنْتَ تَحْزَنْ لِشَاوُولْ، الْأَنَا أَبَيْتَهْ بَتَّانْ مَا يَمْلُكْ فِي إِسْرَائِيلْ؟ هَسَّعْ دَا، شِيلْ قَرْنَكْ وَ أَمْلَا دِهِنْ وَ تَعَالْ نِرَسِّلَكْ لِيَسَّى الْمِنْ حِلَّةْ بَيْت لَحَمْ أَشَانْ أَنَا عَزَلْت وَاحِدْ مِنْ عِيَالَهْ لِيَبْقَى مَلِكْ.»

2 صَمُوِيل 5:3

وَ كُلَّ شُيُوخْ بَنِي إِسْرَائِيلْ جَوْا لِدَاوُدْ فِي حِبْرُونْ وَ هُو سَوَّى مَعَاهُمْ مُعَاهَدَةْ قِدَّامْ اللّٰهْ. وَ هُمَّنْ مَسَحَوْه وَ دَرَّجَوْه مَلِكْ فِي بَنِي إِسْرَائِيلْ.

2 صَمُوِيل 2:4

وَ نَاسْ قَبِيلَةْ يَهُوذَا جَوْا لِدَاوُدْ مَسَحَوْه وَ دَرَّجَوْه مَلِكْ فَوْقهُمْ. وَ وَكِتْ خَبَّرَوْه كَدَرْ نَاسْ حِلَّةْ يَابِيشْ فِي تُرَابْ قِلْعَادْ سَتَرَوْا جَنَازَةْ شَاوُولْ،

1 صَمُوِيل 16:3

وَ تَعَزِمْ يَسَّى كُلَ فِي الضَّحِيَّةْ دِي. وَ أَنَا نِأَوْرِيكْ بِالشَّيّءْ التِّسَوِّيهْ. وَ تَمْسَحْ وَ تِدَرِّجَهْ لَيِّ النَّادُمْ النِّوَصِّفَهْ لَيْك.»

2 أخبار 23:3

وَ كُلَّ الْمُجْتَمَعْ لَمَّوْا وَ سَوَّوْا مُعَاهَدَةْ مَعَ الْمَلِكْ فِي بَيْت اللّٰهْ. وَ يَهُويَدَعْ قَالْ لَيْهُمْ: «دَاهُو يُوَاشْ وِلَيْد الْمَلِكْ! وَاجِبْ هُو بَسْ يَبْقَى مَلِكْ وَ دَا يِحَقِّقْ الْكَلَامْ الْاللّٰهْ قَالَهْ الْبُخُصّ ذُرِّيَّةْ دَاوُدْ.

2 مُلوك 23:30

وَ مَسَائِيلَهْ شَالَوْه فِي عَرَبَةْ وَ وَدَّوْه مِنْ مَقِدُّو لَحَدِّي مَدِينَةْ الْقُدُسْ وَ دَفَنَوْه فِي قَبُرَهْ. وَ شَعَبْ الْبَلَدْ شَالَوْه لِيَحَازْ وِلَيْد يُوشِيَّا مَسَحَوْه وَ دَرَّجَوْه مَلِكْ فِي بَدَلْ أَبُوهْ.

2 مُلوك 11:17

وَ يَهُويَدَعْ سَوَّى مُعَاهَدَةْ بَيْن اللّٰهْ وَ بَيْن الْمَلِكْ وَ شَعَبَهْ لِيَبْقَوْا شَعَبْ اللّٰهْ. وَ بَتَّانْ سَوَّى مُعَاهَدَةْ أَمْبَيْن الْمَلِكْ وَ الشَّعَبْ.

1 صَمُوِيل 28:17

أَشَانْ اللّٰهْ تَمَّ الْكَلَامْ الْقَالَهْ لَيْك بِوَاسِطَتِي أَنَا. شَالْ مِنَّكْ الْمُلُكْ وَ أَنْطَاهْ لِنَادُمْ آخَرْ قَرِيبَكْ وَ هُو دَاوُدْ.

1 صَمُوِيل 23:18

وَ خَلَاصْ، هُمَّنْ الْإِتْنَيْن جَدَّدَوْا عَلَاقِتْهُمْ قِدَّامْ اللّٰهْ. وَ بَعَدْ دَا، يُونَتَانْ قَبَّلْ بَيْتَهْ وَ دَاوُدْ قَعَدْ فِي الْغَابَةْ.

1 صَمُوِيل 15:28

وَ صَمُوِيلْ قَالْ لَيَّهْ: «الْيَوْم اللّٰهْ يَقْلَعْ مُلُكْ إِسْرَائِيلْ مِنَّكْ وَ يَنْطِيهْ لِنَادُمْ آخَرْ الْأَخَيْر مِنَّكْ.

1 صَمُوِيل 11:15

وَ خَلَاصْ، كُلَّ بَنِي إِسْرَائِيلْ مَشَوْا لِحِلَّةْ قِلْقَالْ وَ ثَبَّتَوْا الْمَلِكْ شَاوُولْ قِدَّامْ اللّٰهْ. وَ قَدَّمَوْا ضَحَايَا سَلَامَةْ لِلّٰهْ. وَ بَعَدْ دَا، شَاوُولْ وَ كُلَّ بَنِي إِسْرَائِيلْ فِرْحَوْا فَرْحَةْ شَدِيدَةْ.

قُضياء 11:11

وَ خَلَاصْ، يِفْتَاحْ مَشَى مَعَ كُبَارَاتْ قِلْعَادْ وَ الشَّعَبْ خَطَّوْه فَوْقهُمْ كَبِيرْ وَ قَايِدْ. وَ فِي حِلَّةْ مِصْفَةْ قِدَّامْ اللّٰهْ، يِفْتَاحْ ثَبَّتْ الْعَلَاقَةْ السَّوَّاهَا مَعَ كُبَارَاتْ قِلْعَادْ.

2 صَمُوِيل 5:5

وَ هُو حَكَمْ فِي بَنِي يَهُوذَا 7 سَنَةْ وَ نُصّ فِي حِبْرُونْ. وَ بَعَدْ دَا، حَكَمْ فِي كُلَّ بَنِي إِسْرَائِيلْ وَ بَنِي يَهُوذَا 33 سَنَةْ فِي أُورُشَلِيمْ.

1 أخبار 11:10

دَاهُو كُبَارَاتْ فُرَّاسْ دَاوُدْ السَّاعَدَوْه مَرَّةْ وَاحِدْ فِي كُلَّ وَكِتْ مُلْكَهْ. وَ هُمَّنْ مَعَ كُلَّ بَنِي إِسْرَائِيلْ دَرَّجَوْه مَلِكْ حَسَبْ كَلَامْ اللّٰهْ فِي بَنِي إِسْرَائِيلْ.