زَبُور 114 - الكتاب المقدس بالعربي الدارجي هنا تشاد

¹ وَكِتْ بَنِي إِسْرَائِيلْ مَرَقَوْا مِنْ بَلَدْ مَصِرْ وَ هُمَّنْ ذُرِّيَّةْ يَعْقُوبْ الْمَرَقَوْا مِنْ أُسُطْ شَعَبْ أَجْنَبِي،

² بَنِي يَهُوذَا بِقَوْا بَيْتَهْ الْمُقَدَّسْ وَ بَنِي إِسْرَائِيلْ بِقَوْا بَكَانَهْ الْحَلَالَهْ.

³ الْبَحَرْ الْأَحْمَرْ شَافْ الشَّيّءْ دَا وَ جَرَى وَ بَحَرْ الْأُرْدُنْ كَسَّ وَرَاءْ.

⁴ الْجِبَالْ نَطَّطَوْا مِثِلْ كُبْشَانْ وَ الْحُجَارْ نَطَّطَوْا مِثِلْ حُمْلَانْ.

⁵ يَا الْبَحَرْ الْأَحْمَرْ، مَالَا جَرَيْت؟ يَا بَحَرْ الْأُرْدُنْ، مَالَا كَسَّيْت؟

⁶ يَا الْجِبَالْ، مَالَا نَطَّطْتُوا مِثِلْ كُبْشَانْ؟ يَا الْحُجَارْ، مَالَا نَطَّطْتُوا مِثِلْ حُمْلَانْ؟

⁷ يَا الْأَرْض، أَرْجِفِي قِدَّامْ الرَّبّ، قِدَّامَهْ هُو إِلٰـهْ يَعْقُوبْ،

⁸ هُو السَّوَّى الْحَجَرْ رَهَدْ أَلْمِي وَ الْحَصْحَصْ، عَيْن أَلْمِي جَارِي.