زَبُور 101 - الكتاب المقدس بالعربي الدارجي هنا تشاد

مَزْمُورْ لِدَاوُدْ

¹ أَنَا نِدَوْر نِغَنِّي بِرَحْمَتَكْ وَ عَدَالْتَكْ. وَ لَيْك إِنْتَ، يَا اللّٰهْ، أَنَا نِغَنِّي.

² أَنَا نِدَوْر نَمْشِي قِدَّامَكْ بِالتَّمَامْ. مَتَى تَجِي لَيِّ؟ فِي بَيْتِي، نَعَرِفْ كِكَّيْف نَمْشِي بِقَلِبْ تَمَامْ.

³ أَبَداً مَا نُخُطّ فِي رَاسِي الْكَلَامْ الْمَا نَافِعْ وَ نَكْرَهْ حَالْ سِيَادْ الشَّرّ وَ مَا نَرْبُطْ نَفْسِي لَيْهَا.

⁴ الْقَلِبْ الْأَزْرَقْ يِبَعِّدْ مِنِّي وَ أَنَا مَا نِدَوْر نَعَرِفْ الْفَسَالَةْ.

⁵ الْيِعَيِّرْ جَارَهْ بِعَشِيرْ، أَنَا نِسَكِّتَهْ. وَ الْيِشِيفْ بِحُقْرَةْ وَ قَلْبَهْ مُتَكَبِّرْ، أَنَا مَا نَحْمَلَهْ.

⁶ عُيُونِي فِي النَّاسْ الْعِنْدُهُمْ أَمَانْ فِي الْبَلَدْ لِيَسْكُنُوا مَعَايِ وَ الْيَمْشِي عَدِيلْ يُكُونْ فِي خِدِمْتِي.

⁷ لَاكِنْ الْغَشَّاشْ مَا يَقْعُدْ فِي بَيْتِي وَ الْيُقُولْ الْكِدِبْ كُلَ مَا يَقْعُدْ قِدَّامِي.

⁸ كُلِّ فَجُرْ، أَنَا نِسَكِّتْ كُلَّ الْعَاصِيِينْ هَنَا الْبَلَدْ وَ نَطْرُدْ مِنْ مَدِينَةْ اللّٰهْ كُلَّ الْيِسَوُّوا الظُّلُمْ.