عَدد 7 - الكتاب المقدس بالعربي الدارجي هنا تشاد

الشُيوخ جابوا هداياهم

¹ وَ وَكِتْ مُوسَى كَمَّلْ مِنْ بَنِي خَيْمَةْ الْعِبَادَةْ، مَسَحَاهَا وَ خَصَّصَاهَا هِي وَ كُلَّ مُعِدَّاتْهَا. وَ الْمَدْبَحْ وَ كُلَّ مُعِدَّاتَهْ كُلَ مَسَحَهْ وَ خَصَّصَهْ.

² وَ خَلَاصْ، شُيُوخْ بَنِي إِسْرَائِيلْ قَدَّمَوْا هَدَايَا. وَ هُمَّنْ بَسْ الشُّيُوخْ هَنَا الْعَايِلَاتْ وَ الْقَبَايِلْ الْقَمَّوْا بِالْحَسَابَةْ.

³ وَ هُمَّنْ لَمَّوْا هَدَايَاهُمْ سَوَا وَ قَدَّمَوْهُمْ لِلّٰهْ. وَ جَابَوْا سِتَّةْ كَارَّوْ مُغَطَّيِينْ وَ 12 تَوْر يَعْنِي كُلِّ شُيُوخْ إِتْنَيْن جَابَوْا كَارَّوْ وَاحِدْ وَ أَيِّ وَاحِدْ جَابْ تَوْر. وَ هُمَّنْ جَابَوْهُمْ قِدَّامْ خَيْمَةْ الْعِبَادَةْ.

⁴ وَ اللّٰهْ حَجَّى لِمُوسَى وَ قَالْ:

⁵ «أَقْبَلْ الْهَدَايَا الْجَابَوْهُمْ لَيْك وَ أَسْتَعْمَلْهُمْ لِنَقِلِينْ خَيْمَةْ الْإِجْتِمَاعْ. أَنْطِيهُمْ لِعِيَالْ لَاوِي. أَيِّ وَاحِدْ أَنْطِيهْ حَسَبْ الشَّيّءْ الْوَاجِبْ لَيَّهْ فِي خِدِمْتَهْ.»

⁶ مُوسَى شَالْ مِنْهُمْ الْكَارَّوْيَاتْ وَ التِّيرَانْ وَ أَنْطَاهُمْ لِعِيَالْ لَاوِي.

⁷ هُو أَنْطَى إِتْنَيْن كَارَّوْ وَ أَرْبَعَةْ تِيرَانْ لِذُرِّيَّةْ قِرْشُونْ حَسَبْ الشَّيّءْ الْوَاجِبْ لَيْهُمْ فِي خِدْمِتْهُمْ.

⁸ وَ الْأَرْبَعَةْ كَارَّوْ وَ التَّمَانَةْ تِيرَانْ الْفَضَّلَوْا، أَنْطَاهُمْ لِذُرِّيَّةْ مَرَارِي حَسَبْ الشَّيّءْ الْوَاجِبْ لَيْهُمْ فِي خِدْمِتْهُمْ تِحِتْ مُرَاقَبَةْ إِتَمَارْ وِلَيْد هَارُونْ رَاجِلْ الدِّينْ.

⁹ وَ لَاكِنْ مَا أَنْطَى شَيّءْ لِذُرِّيَّةْ قَهَاتْ أَشَانْ هُمَّنْ خِدْمِتْهُمْ يَنْقُلُوا الْمُعِدَّاتْ الْمُقَدَّسِينْ فِي كَتَافَيْهُمْ.

هدايا ليفْتحوا المدْبح

¹⁰ وَ يَوْم مَسَحَوْا الْمَدْبَحْ لِيَفْتَحَوْه، الشُّيُوخْ قَدَّمَوْا هَدَايَا. وَ هُمَّنْ جَابَوْا هَدَايَاهُمْ قِدَّامْ الْمَدْبَحْ.

¹¹ وَ اللّٰهْ قَالْ لِمُوسَى: «خَلِّي أَيِّ شَيْخ يَجِي فِي يَوْم وَاحِدْ يِقَدِّمْ هَدِيّتَهْ لِفَتِحِينْ الْمَدْبَحْ. وَ مِثِلْ دَا، الْوَاحِدْ يَجِي بَعَدْ الْآخَرْ.»

¹² وَ فِي الْيَوْم الْأَوَّلْ، نَحْشُونْ وِلَيْد عَمِنَدَابْ شَيْخ قَبِيلَةْ يَهُوذَا جَاءْ قَدَّمْ هَدِيّتَهْ.

¹³ وَ فِي الْهَدِيَّةْ دِي، فِي صُفْرَةْ هَنَا فُضَّةْ وَزِنْهَا 50 حَجَرْ وَ كَاسْ هَنَا فُضَّةْ الْيَوْزِنْ 30 حَجَرْ وَ دَا حَسَبْ الْوَزِنْ الرَّسْمِي هَنَا الْبَكَانْ الْمُقَدَّسْ. وَ الْمَوَاعِينْ الْإِتْنَيْن دَوْل مَلَوْهُمْ دَقِيقْ مُخَلْبَطْ بِدِهِنْ وَ قَدَّمَوْهُمْ هَدِيَّةْ.

¹⁴ وَ فِي بَتَّانْ طَاسَةْ صَغَيْرَةْ هَنَا دَهَبْ التَّوْزِنْ 14 جِنَيْه وَ سِيسِي مَلَانَةْ بَخُورْ.

¹⁵ وَ فِي تَوْر وَ كَبِشْ وَ خَرُوفْ وَلْد سَنَةْ لِلضَّحِيَّةْ الْمُحَرَّقَةْ

¹⁶ وَ تَيْس ضَحِيَّةْ لِكَفَّارَةْ الذَّنِبْ.

¹⁷ وَ لِضَحِيَّةْ السَّلَامَةْ كَمَانْ فِي تِيرَانْ إِتْنَيْن وَ خَمْسَةْ كَبِشْ وَ خَمْسَةْ تَيْس وَ خَمْسَةْ خَرُوفْ أَيِّ وَاحِدْ وَلْد سَنَةْ. وَ دِي الْهَدِيَّةْ الْقَدَّمَاهَا نَحْشُونْ وِلَيْد عَمِنَدَابْ.

¹⁸ وَ فِي الْيَوْم التَّانِي، نَتَنِيلْ وِلَيْد صُوعَرْ شَيْخ قَبِيلَةْ يَسَّاكَرْ جَاءْ قَدَّمْ هَدِيّتَهْ.

¹⁹ وَ فِي الْهَدِيَّةْ دِي فِي صُفْرَةْ هَنَا فُضَّةْ وَزِنْهَا 50 حَجَرْ وَ كَاسْ هَنَا فُضَّةْ الْيَوْزِنْ 30 حَجَرْ وَ دَا حَسَبْ الْوَزِنْ الرَّسْمِي هَنَا الْبَكَانْ الْمُقَدَّسْ. وَ الْمَوَاعِينْ الْإِتْنَيْن دَوْل مَلَوْهُمْ دَقِيقْ مُخَلْبَطْ بِدِهِنْ وَ قَدَّمَوْهُمْ هَدِيَّةْ.

²⁰ وَ فِي الْهَدِيَّةْ دِي فِي بَتَّانْ طَاسَةْ صَغَيْرَةْ هَنَا دَهَبْ التَّوْزِنْ 14 جِنَيْه وَ سِيسِي مَلَانَةْ بَخُورْ.

²¹ وَ فِي تَوْر وَ كَبِشْ وَ خَرُوفْ وَلْد سَنَةْ لِلضَّحِيَّةْ الْمُحَرَّقَةْ

²² وَ تَيْس ضَحِيَّةْ لِكَفَّارَةْ الذَّنِبْ.

²³ وَ لِضَحِيَّةْ السَّلَامَةْ كَمَانْ فِي تِيرَانْ إِتْنَيْن وَ خَمْسَةْ كَبِشْ وَ خَمْسَةْ تَيْس وَ خَمْسَةْ خَرُوفْ أَيِّ وَاحِدْ وَلْد سَنَةْ. وَ دِي الْهَدِيَّةْ الْقَدَّمَاهَا نَتَنِيلْ وِلَيْد صُوعَرْ.

²⁴ وَ فِي الْيَوْم التَّالِتْ، أَلِيَابْ وِلَيْد حِيلُونْ شَيْخ قَبِيلَةْ زَبُلُونْ جَاءْ قَدَّمْ هَدِيّتَهْ.

²⁵ وَ فِي الْهَدِيَّةْ دِي فِي صُفْرَةْ هَنَا فُضَّةْ وَزِنْهَا 50 حَجَرْ وَ كَاسْ هَنَا فُضَّةْ الْيَوْزِنْ 30 حَجَرْ وَ دَا حَسَبْ الْوَزِنْ الرَّسْمِي هَنَا الْبَكَانْ الْمُقَدَّسْ. وَ الْمَوَاعِينْ الْإِتْنَيْن دَوْل مَلَوْهُمْ دَقِيقْ مُخَلْبَطْ بِدِهِنْ وَ قَدَّمَوْهُمْ هَدِيَّةْ.

²⁶ وَ فِي الْهَدِيَّةْ دِي فِي بَتَّانْ طَاسَةْ صَغَيْرَةْ هَنَا دَهَبْ التَّوْزِنْ 14 جِنَيْه وَ سِيسِي مَلَانَةْ بَخُورْ.

²⁷ وَ فِي تَوْر وَ كَبِشْ وَ خَرُوفْ وَلْد سَنَةْ لِلضَّحِيَّةْ الْمُحَرَّقَةْ

²⁸ وَ تَيْس ضَحِيَّةْ لِكَفَّارَةْ الذَّنِبْ.

²⁹ وَ لِضَحِيَّةْ السَّلَامَةْ كَمَانْ فِي تِيرَانْ إِتْنَيْن وَ خَمْسَةْ كَبِشْ وَ خَمْسَةْ تَيْس وَ خَمْسَةْ خَرُوفْ أَيِّ وَاحِدْ وَلْد سَنَةْ. وَ دِي الْهَدِيَّةْ الْقَدَّمَاهَا أَلِيَابْ وِلَيْد حِيلُونْ.

³⁰ وَ فِي الْيَوْم الرَّابِعْ، أَلِصُورْ وِلَيْد شَدَيُورْ شَيْخ قَبِيلَةْ رَأُوبِينْ جَاءْ قَدَّمْ هَدِيّتَهْ.

³¹ وَ فِي الْهَدِيَّةْ دِي فِي صُفْرَةْ هَنَا فُضَّةْ وَزِنْهَا 50 حَجَرْ وَ كَاسْ هَنَا فُضَّةْ الْيَوْزِنْ 30 حَجَرْ وَ دَا حَسَبْ الْوَزِنْ الرَّسْمِي هَنَا الْبَكَانْ الْمُقَدَّسْ. وَ الْمَوَاعِينْ الْإِتْنَيْن دَوْل مَلَوْهُمْ دَقِيقْ مُخَلْبَطْ بِدِهِنْ وَ قَدَّمَوْهُمْ هَدِيَّةْ.

³² وَ فِي الْهَدِيَّةْ دِي فِي بَتَّانْ طَاسَةْ صَغَيْرَةْ هَنَا دَهَبْ التَّوْزِنْ 14 جِنَيْه وَ سِيسِي مَلَانَةْ بَخُورْ.

³³ وَ فِي تَوْر وَ كَبِشْ وَ خَرُوفْ وَلْد سَنَةْ لِلضَّحِيَّةْ الْمُحَرَّقَةْ

³⁴ وَ تَيْس ضَحِيَّةْ لِكَفَّارَةْ الذَّنِبْ.

³⁵ وَ لِضَحِيَّةْ السَّلَامَةْ كَمَانْ فِي تِيرَانْ إِتْنَيْن وَ خَمْسَةْ كَبِشْ وَ خَمْسَةْ تَيْس وَ خَمْسَةْ خَرُوفْ أَيِّ وَاحِدْ وَلْد سَنَةْ. وَ دِي الْهَدِيَّةْ الْقَدَّمَاهَا أَلِصُورْ وِلَيْد شَدَيُورْ.

³⁶ وَ فِي الْيَوْم الْخَامِسْ، شَلُمِيِيلْ وِلَيْد صُرِشَدَايْ شَيْخ قَبِيلَةْ شِمْعُونْ جَاءْ قَدَّمْ هَدِيّتَهْ.

³⁷ وَ فِي الْهَدِيَّةْ دِي فِي صُفْرَةْ هَنَا فُضَّةْ وَزِنْهَا 50 حَجَرْ وَ كَاسْ هَنَا فُضَّةْ الْيَوْزِنْ 30 حَجَرْ وَ دَا حَسَبْ الْوَزِنْ الرَّسْمِي هَنَا الْبَكَانْ الْمُقَدَّسْ. وَ الْمَوَاعِينْ الْإِتْنَيْن دَوْل مَلَوْهُمْ دَقِيقْ مُخَلْبَطْ بِدِهِنْ وَ قَدَّمَوْهُمْ هَدِيَّةْ.

³⁸ وَ فِي الْهَدِيَّةْ دِي فِي بَتَّانْ طَاسَةْ صَغَيْرَةْ هَنَا دَهَبْ التَّوْزِنْ 14 جِنَيْه وَ سِيسِي مَلَانَةْ بَخُورْ.

³⁹ وَ فِي تَوْر وَ كَبِشْ وَ خَرُوفْ وَلْد سَنَةْ لِلضَّحِيَّةْ الْمُحَرَّقَةْ

⁴⁰ وَ تَيْس ضَحِيَّةْ لِكَفَّارَةْ الذَّنِبْ.

⁴¹ وَ لِضَحِيَّةْ السَّلَامَةْ كَمَانْ فِي تِيرَانْ إِتْنَيْن وَ خَمْسَةْ كَبِشْ وَ خَمْسَةْ تَيْس وَ خَمْسَةْ خَرُوفْ أَيِّ وَاحِدْ وَلْد سَنَةْ. وَ دِي الْهَدِيَّةْ الْقَدَّمَاهَا شَلُمِيِيلْ وِلَيْد صُرِشَدَايْ.

⁴² وَ فِي الْيَوْم السَّادِسْ، أَلِيَاسَفْ وِلَيْد دَعُوِيلْ شَيْخ قَبِيلَةْ قَادْ جَاءْ قَدَّمْ هَدِيّتَهْ.

⁴³ وَ فِي الْهَدِيَّةْ دِي فِي صُفْرَةْ هَنَا فُضَّةْ وَزِنْهَا 50 حَجَرْ وَ كَاسْ هَنَا فُضَّةْ الْيَوْزِنْ 30 حَجَرْ وَ دَا حَسَبْ الْوَزِنْ الرَّسْمِي هَنَا الْبَكَانْ الْمُقَدَّسْ. وَ الْمَوَاعِينْ الْإِتْنَيْن دَوْل مَلَوْهُمْ دَقِيقْ مُخَلْبَطْ بِدِهِنْ وَ قَدَّمَوْهُمْ هَدِيَّةْ.

⁴⁴ وَ فِي الْهَدِيَّةْ دِي فِي بَتَّانْ طَاسَةْ صَغَيْرَةْ هَنَا دَهَبْ التَّوْزِنْ 14 جِنَيْه وَ سِيسِي مَلَانَةْ بَخُورْ.

⁴⁵ وَ فِي تَوْر وَ كَبِشْ وَ خَرُوفْ وَلْد سَنَةْ لِلضَّحِيَّةْ الْمُحَرَّقَةْ

⁴⁶ وَ تَيْس ضَحِيَّةْ لِكَفَّارَةْ الذَّنِبْ.

⁴⁷ وَ لِضَحِيَّةْ السَّلَامَةْ كَمَانْ فِي تِيرَانْ إِتْنَيْن وَ خَمْسَةْ كَبِشْ وَ خَمْسَةْ تَيْس وَ خَمْسَةْ خَرُوفْ أَيِّ وَاحِدْ وَلْد سَنَةْ. وَ دِي الْهَدِيَّةْ الْقَدَّمَاهَا أَلِيَاسَفْ وِلَيْد دَعُوِيلْ.

⁴⁸ وَ فِي الْيَوْم السَّابِعْ، أَلِشَمَعْ وِلَيْد عَمِهُودْ شَيْخ قَبِيلَةْ أَفْرَايِمْ جَاءْ قَدَّمْ هَدِيّتَهْ.

⁴⁹ وَ فِي الْهَدِيَّةْ دِي فِي صُفْرَةْ هَنَا فُضَّةْ وَزِنْهَا 50 حَجَرْ وَ كَاسْ هَنَا فُضَّةْ الْيَوْزِنْ 30 حَجَرْ وَ دَا حَسَبْ الْوَزِنْ الرَّسْمِي هَنَا الْبَكَانْ الْمُقَدَّسْ. وَ الْمَوَاعِينْ الْإِتْنَيْن دَوْل مَلَوْهُمْ دَقِيقْ مُخَلْبَطْ بِدِهِنْ وَ قَدَّمَوْهُمْ هَدِيَّةْ.

⁵⁰ وَ فِي الْهَدِيَّةْ دِي فِي بَتَّانْ طَاسَةْ صَغَيْرَةْ هَنَا دَهَبْ التَّوْزِنْ 14 جِنَيْه وَ سِيسِي مَلَانَةْ بَخُورْ.

⁵¹ وَ فِي تَوْر وَ كَبِشْ وَ خَرُوفْ وَلْد سَنَةْ لِلضَّحِيَّةْ الْمُحَرَّقَةْ

⁵² وَ تَيْس ضَحِيَّةْ لِكَفَّارَةْ الذَّنِبْ.

⁵³ وَ لِضَحِيَّةْ السَّلَامَةْ كَمَانْ فِي تِيرَانْ إِتْنَيْن وَ خَمْسَةْ كَبِشْ وَ خَمْسَةْ تَيْس وَ خَمْسَةْ خَرُوفْ أَيِّ وَاحِدْ وَلْد سَنَةْ. وَ دِي الْهَدِيَّةْ الْقَدَّمَاهَا أَلِشَمَعْ وِلَيْد عَمِهُودْ.

⁵⁴ وَ فِي الْيَوْم التَّامِنْ، قَمَلِيِيلْ وِلَيْد فَدَهْصُورْ شَيْخ قَبِيلَةْ مَنَسَّى جَاءْ قَدَّمْ هَدِيّتَهْ.

⁵⁵ وَ فِي الْهَدِيَّةْ دِي فِي صُفْرَةْ هَنَا فُضَّةْ وَزِنْهَا 50 حَجَرْ وَ كَاسْ هَنَا فُضَّةْ الْيَوْزِنْ 30 حَجَرْ وَ دَا حَسَبْ الْوَزِنْ الرَّسْمِي هَنَا الْبَكَانْ الْمُقَدَّسْ. وَ الْمَوَاعِينْ الْإِتْنَيْن دَوْل مَلَوْهُمْ دَقِيقْ مُخَلْبَطْ بِدِهِنْ وَ قَدَّمَوْهُمْ هَدِيَّةْ.

⁵⁶ وَ فِي الْهَدِيَّةْ دِي فِي بَتَّانْ طَاسَةْ صَغَيْرَةْ هَنَا دَهَبْ التَّوْزِنْ 14 جِنَيْه وَ سِيسِي مَلَانَةْ بَخُورْ.

⁵⁷ وَ فِي تَوْر وَ كَبِشْ وَ خَرُوفْ وَلْد سَنَةْ لِلضَّحِيَّةْ الْمُحَرَّقَةْ

⁵⁸ وَ تَيْس ضَحِيَّةْ لِكَفَّارَةْ الذَّنِبْ.

⁵⁹ وَ لِضَحِيَّةْ السَّلَامَةْ كَمَانْ فِي تِيرَانْ إِتْنَيْن وَ خَمْسَةْ كَبِشْ وَ خَمْسَةْ تَيْس وَ خَمْسَةْ خَرُوفْ أَيِّ وَاحِدْ وَلْد سَنَةْ. وَ دِي الْهَدِيَّةْ الْقَدَّمَاهَا قَمَلِيِيلْ وِلَيْد فَدَهْصُورْ.

⁶⁰ وَ فِي الْيَوْم التَّاسِعْ، أَبِدَانْ وِلَيْد قِدْعُونِي شَيْخ قَبِيلَةْ بَنْيَامِينْ جَاءْ قَدَّمْ هَدِيّتَهْ.

⁶¹ وَ فِي الْهَدِيَّةْ دِي فِي صُفْرَةْ هَنَا فُضَّةْ وَزِنْهَا 50 حَجَرْ وَ كَاسْ هَنَا فُضَّةْ الْيَوْزِنْ 30 حَجَرْ وَ دَا حَسَبْ الْوَزِنْ الرَّسْمِي هَنَا الْبَكَانْ الْمُقَدَّسْ. وَ الْمَوَاعِينْ الْإِتْنَيْن دَوْل مَلَوْهُمْ دَقِيقْ مُخَلْبَطْ بِدِهِنْ وَ قَدَّمَوْهُمْ هَدِيَّةْ.

⁶² وَ فِي الْهَدِيَّةْ دِي فِي بَتَّانْ طَاسَةْ صَغَيْرَةْ هَنَا دَهَبْ التَّوْزِنْ 14 جِنَيْه وَ سِيسِي مَلَانَةْ بَخُورْ.

⁶³ وَ فِي تَوْر وَ كَبِشْ وَ خَرُوفْ وَلْد سَنَةْ لِلضَّحِيَّةْ الْمُحَرَّقَةْ

⁶⁴ وَ تَيْس ضَحِيَّةْ لِكَفَّارَةْ الذَّنِبْ.

⁶⁵ وَ لِضَحِيَّةْ السَّلَامَةْ كَمَانْ فِي تِيرَانْ إِتْنَيْن وَ خَمْسَةْ كَبِشْ وَ خَمْسَةْ تَيْس وَ خَمْسَةْ خَرُوفْ أَيِّ وَاحِدْ وَلْد سَنَةْ. وَ دِي الْهَدِيَّةْ الْقَدَّمَاهَا أَبِدَانْ وِلَيْد قِدْعُونِي.

⁶⁶ وَ فِي الْيَوْم الْعَاشِرْ، أَخِعَازَرْ وِلَيْد عَمِشَدَايْ شَيْخ قَبِيلَةْ دَانْ جَاءْ قَدَّمْ هَدِيّتَهْ.

⁶⁷ وَ فِي الْهَدِيَّةْ دِي فِي صُفْرَةْ هَنَا فُضَّةْ وَزِنْهَا 50 حَجَرْ وَ كَاسْ هَنَا فُضَّةْ الْيَوْزِنْ 30 حَجَرْ وَ دَا حَسَبْ الْوَزِنْ الرَّسْمِي هَنَا الْبَكَانْ الْمُقَدَّسْ. وَ الْمَوَاعِينْ الْإِتْنَيْن دَوْل مَلَوْهُمْ دَقِيقْ مُخَلْبَطْ بِدِهِنْ وَ قَدَّمَوْهُمْ هَدِيَّةْ.

⁶⁸ وَ فِي الْهَدِيَّةْ دِي فِي بَتَّانْ طَاسَةْ صَغَيْرَةْ هَنَا دَهَبْ التَّوْزِنْ 14 جِنَيْه وَ سِيسِي مَلَانَةْ بَخُورْ.

⁶⁹ وَ فِي تَوْر وَ كَبِشْ وَ خَرُوفْ وَلْد سَنَةْ لِلضَّحِيَّةْ الْمُحَرَّقَةْ

⁷⁰ وَ تَيْس ضَحِيَّةْ لِكَفَّارَةْ الذَّنِبْ.

⁷¹ وَ لِضَحِيَّةْ السَّلَامَةْ كَمَانْ فِي تِيرَانْ إِتْنَيْن وَ خَمْسَةْ كَبِشْ وَ خَمْسَةْ تَيْس وَ خَمْسَةْ خَرُوفْ أَيِّ وَاحِدْ وَلْد سَنَةْ. وَ دِي الْهَدِيَّةْ الْقَدَّمَاهَا أَخِعَازَرْ وِلَيْد عَمِشَدَايْ.

⁷² وَ فِي يَوْم 11، فَقْعِيِيلْ وِلَيْد عُكْرَنْ شَيْخ قَبِيلَةْ أَشِيرْ جَاءْ قَدَّمْ هَدِيّتَهْ.

⁷³ وَ فِي الْهَدِيَّةْ دِي فِي صُفْرَةْ هَنَا فُضَّةْ وَزِنْهَا 50 حَجَرْ وَ كَاسْ هَنَا فُضَّةْ الْيَوْزِنْ 30 حَجَرْ وَ دَا حَسَبْ الْوَزِنْ الرَّسْمِي هَنَا الْبَكَانْ الْمُقَدَّسْ. وَ الْمَوَاعِينْ الْإِتْنَيْن دَوْل مَلَوْهُمْ دَقِيقْ مُخَلْبَطْ بِدِهِنْ وَ قَدَّمَوْهُمْ هَدِيَّةْ.

⁷⁴ وَ فِي الْهَدِيَّةْ دِي فِي بَتَّانْ طَاسَةْ صَغَيْرَةْ هَنَا دَهَبْ التَّوْزِنْ 14 جِنَيْه وَ سِيسِي مَلَانَةْ بَخُورْ.

⁷⁵ وَ فِي تَوْر وَ كَبِشْ وَ خَرُوفْ وَلْد سَنَةْ لِلضَّحِيَّةْ الْمُحَرَّقَةْ

⁷⁶ وَ تَيْس ضَحِيَّةْ لِكَفَّارَةْ الذَّنِبْ.

⁷⁷ وَ لِضَحِيَّةْ السَّلَامَةْ كَمَانْ فِي تِيرَانْ إِتْنَيْن وَ خَمْسَةْ كَبِشْ وَ خَمْسَةْ تَيْس وَ خَمْسَةْ خَرُوفْ أَيِّ وَاحِدْ وَلْد سَنَةْ. وَ دِي الْهَدِيَّةْ الْقَدَّمَاهَا فَقْعِيِيلْ وِلَيْد عُكْرَنْ.

⁷⁸ وَ فِي يَوْم 12، أَخِيرَعْ وِلَيْد عِنَانْ شَيْخ قَبِيلَةْ نَفْتَالِي جَاءْ قَدَّمْ هَدِيّتَهْ.

⁷⁹ وَ فِي الْهَدِيَّةْ دِي فِي صُفْرَةْ هَنَا فُضَّةْ وَزِنْهَا 50 حَجَرْ وَ كَاسْ هَنَا فُضَّةْ الْيَوْزِنْ 30 حَجَرْ وَ دَا حَسَبْ الْوَزِنْ الرَّسْمِي هَنَا الْبَكَانْ الْمُقَدَّسْ. وَ الْمَوَاعِينْ الْإِتْنَيْن دَوْل مَلَوْهُمْ دَقِيقْ مُخَلْبَطْ بِدِهِنْ وَ قَدَّمَوْهُمْ هَدِيَّةْ.

⁸⁰ وَ فِي الْهَدِيَّةْ دِي فِي بَتَّانْ طَاسَةْ صَغَيْرَةْ هَنَا دَهَبْ التَّوْزِنْ 14 جِنَيْه وَ سِيسِي مَلَانَةْ بَخُورْ.

⁸¹ وَ فِي تَوْر وَ كَبِشْ وَ خَرُوفْ وَلْد سَنَةْ لِلضَّحِيَّةْ الْمُحَرَّقَةْ

⁸² وَ تَيْس ضَحِيَّةْ لِكَفَّارَةْ الذَّنِبْ.

⁸³ وَ لِضَحِيَّةْ السَّلَامَةْ كَمَانْ فِي تِيرَانْ إِتْنَيْن وَ خَمْسَةْ كَبِشْ وَ خَمْسَةْ تَيْس وَ خَمْسَةْ خَرُوفْ أَيِّ وَاحِدْ وَلْد سَنَةْ. وَ دِي الْهَدِيَّةْ الْقَدَّمَاهَا أَخِيرَعْ وِلَيْد عِنَانْ.

⁸⁴ وَ دَوْل الْهَدَايَا الْجَابَوْهُمْ شُيُوخْ بَنِي إِسْرَائِيلْ وَكِتْ مَسَحَوْا الْمَدْبَحْ وَ فَتَحَوْه. هُمَّنْ جَابَوْا 12 صُفْرَةْ هَنَا فُضَّةْ وَ 12 كَاسْ هَنَا فُضَّةْ وَ 12 طَاسَةْ صَغَيْرَةْ هَنَا دَهَبْ.

⁸⁵ وَ أَيِّ صُفْرَةْ هَنَا فُضَّةْ وَزِنْهَا 50 حَجَرْ وَ أَيِّ كَاسْ هَنَا فُضَّةْ وَزْنَهْ 30 حَجَرْ وَ كُلَّ مَوَاعِينْ الْفُضَّةْ دَوْل وَزِنْهُمْ 985 حَجَرْ وَ دَا حَسَبْ الْوَزِنْ الرَّسْمِي هَنَا الْبَكَانْ الْمُقَدَّسْ.

⁸⁶ وَ الْأَتْنَا عَشَرْ طَاسَةْ صَغَيْرَةْ هَنَا دَهَبْ مَلَانَةْ بَخُورْ أَيِّ وَاحِدَةْ تَوْزِنْ 14 جِنَيْه وَ سِيسِي. وَ الطَّاسَاتْ الصُّغَارْ هَنَا الدَّهَبْ دَوْل كُلُّهُمْ كَيْ يَوْزُنُوا 174 جِنَيْه وَ دَا حَسَبْ الْوَزِنْ الرَّسْمِي هَنَا الْبَكَانْ الْمُقَدَّسْ.

⁸⁷ وَ بِالْجُمْلَةْ جَابَوْا لِلضَّحَايَا الْمُحَرَّقِينْ 12 تَوْر وَ 12 كَبِشْ وَ 12 خَرُوفْ أَيِّ وَاحِدْ وَلْد سَنَةْ وَ جَابَوْا مَعَاهُمْ هَدِيَّةْ هَنَا دَقِيقْ. وَ جَابَوْا 12 تَيْس ضَحَايَا لِكَفَّارَةْ الذَّنِبْ.

⁸⁸ وَ بِالْجُمْلَةْ جَابَوْا لِضَحَايَا السَّلَامَةْ 24 تَوْر وَ 60 كَبِشْ وَ 60 تَيْس وَ 60 خَرُوفْ أَيِّ وَاحِدْ وَلْد سَنَةْ. وَ دَوْل الْهَدَايَا الْقَدَّمَوْهُمْ لِفَتِحِينْ الْمَدْبَحْ بَعَدْ مَسَحَوْه.

مُوسَى يكلِّم مع اللّه

⁸⁹ وَ وَكِتْ مُوسَى يَدْخُلْ فِي خَيْمَةْ الْإِجْتِمَاعْ لِيِكَلِّمْ مَعَ اللّٰهْ، هُو يَسْمَعْ حِسَّهْ يَجِي لَيَّهْ مِنْ فَوْق لِسِدَادَةْ صَنْدُوقْ الْفَوْقَهْ لِيحَانْ الْمُعَاهَدَةْ أَمْبَيْن الْمَخْلُوقِينْ السَّمَاوِيِّينْ الْإِتْنَيْن الْمَصْنُوعِينْ فِي ضَهَرْ السِّدَادَةْ. وَ يِكَلِّمْ مَعَايَهْ.