يَشُوع 19 - الكتاب المقدس بالعربي الدارجي هنا تشاد

القِسِم الأنْطوه لقبيلة شِمْعُون

¹ وَ الْقِسِمْ التَّانِي أَنْطَوْه لِقَبِيلَةْ شِمْعُونْ حَسَبْ خُشُومْ بُيُوتْهُمْ. وَ أَرْض وَرَثَتْهُمْ قَاعِدَةْ فِي أُسُطْ أَرْض وَرَثَةْ قَبِيلَةْ يَهُوذَا.

² وَ التُّرَابْ اللِّقَوْه وَرَثَةْ عِنْدَهْ مُدُنْ بِيرْ سَبْعَةْ وَ شَبَعْ وَ مُلَادَةْ

³ وَ حَصَرْ شُوعَلْ وَ بَالَةْ وَ عَصَمْ

⁴ وَ أَلِتُولَدْ وَ بَطُولْ وَ حُرْمَةْ

⁵ وَ صِقْلَاقْ وَ بَيْت مَرْكَبُوتْ وَ حَصَرْ سُوسَةْ

⁶ وَ بَيْت لَبَوُوتْ وَ شَرُوحَيْن. وَ بِالْجُمْلَةْ 13 مُدُنْ وَ حِلَّالْهُمْ التَّابْعِينْ لَيْهُمْ.

⁷ وَ عَيْن وَ رِمُّونْ وَ عَاتَرْ وَ عَشَنْ. وَ بِالْجُمْلَةْ 4 مُدُنْ وَ حِلَّالْهُمْ التَّابْعِينْ لَيْهُمْ

⁸ وَ بَتَّانْ كُلَّ الْحِلَّالْ الْمُحَوِّقِينْ الْمُدُنْ دَوْل لَحَدِّي بَعَلَةْ بِيرْ يَعْنِي رَامَة الْجُنُوبْ. وَ دِي بَسْ أَرْض وَرَثَةْ هِنْت قَبِيلَةْ شِمْعُونْ حَسَبْ خُشُومْ بُيُوتْهُمْ.

⁹ وَ قِسِمْ هَنَا قَبِيلَةْ شِمْعُونْ شَالَوْه مِنْ أَرْض وَرَثَةْ هِنْت قَبِيلَةْ يَهُوذَا. أَشَانْ قِسِمْ هَنَا قَبِيلَةْ يَهُوذَا كَبِيرْ لَيْهُمْ زِيَادَةْ وَ بِمِثِلْ دَا بَسْ، قَبِيلَةْ شِمْعُونْ لِقَوْا أَرْضُهُمْ فِي أُسُطْ أَرْض وَرَثَةْ قَبِيلَةْ يَهُوذَا.

القِسِم الأنْطوه لقبيلة زَبُلُون

¹⁰ وَ الْقِسِمْ التَّالِتْ أَنْطَوْه لِقَبِيلَةْ زَبُلُونْ حَسَبْ خُشُومْ بُيُوتْهُمْ. وَ حُدُودْ أَرْض وَرَثَتْهُمْ يَمْشُوا لَحَدِّي سَارِيدْ.

¹¹ مِنْ هِنَاكْ، حُدُودْهُمْ يَطْلَعَوْا عَلَيْ الْغَرِبْ لَحَدِّي مَرْعَلَةْ وَ يَلْحَقَوْا دَبَّاشَةْ وَ الْوَادِي الْمُقَابِلْ يَقْنَعَامْ.

¹² وَ مِنْ سَارِيدْ، الْحُدُودْ يِقَبُّلُوا عَلَيْ الصَّبَاحْ لَحَدِّي تُرَابْ كِسْلُوتْ تَابُورْ وَ يَمْشُوا عَلَيْ دَبْرَةْ وَ يَطْلَعَوْا لَحَدِّي يَفِيعَ.

¹³ وَ مِنْ الْبَكَانْ دَا، الْحُدُودْ يَمْشُوا صَبَاحْ لَحَدِّي قَاتْ حِيفَرْ وَ عِتِّ قَاصِينْ. وَ مِنْهَا يَمْشُوا عَلَيْ رِمُّونْ وَ يِقَبُّلُوا عَلَيْ نِيْعَةْ.

¹⁴ وَ مِنْ الْمُنْشَاقْ، الْحُدُودْ يِحَوُّقُوا حَنَّاتُونْ وَ يَمْشُوا لَحَدِّي وَادِي يِفْتَحِيلْ.

¹⁵ وَ هُمَّنْ لِقَوْا الْمُدُنْ قَطَّاتْ وَ نَحْلَالْ وَ شِمْرُونْ وَ يِدَالَةْ وَ بَيْت لَحَمْ. وَ بِالْجُمْلَةْ 12 مُدُنْ وَ الْحِلَّالْ التَّابْعِينْ لَيْهُمْ.

¹⁶ وَ دَوْل بَسْ الْمُدُنْ وَ حِلَّالْهُمْ التَّابْعِينْ لَيْهُمْ اللِّقَوْهُمْ وَرَثَةْ قَبِيلَةْ زَبُلُونْ حَسَبْ خُشُومْ بُيُوتْهُمْ.

القِسِم الأنْطوه لقبيلة يَسَّاكَر

¹⁷ وَ الْقِسِمْ الرَّابِعْ أَنْطَوْه لِقَبِيلَةْ يَسَّاكَرْ حَسَبْ خُشُومْ بُيُوتْهُمْ.

¹⁸ وَ حُدُودْهُمْ يَمْشُوا عَلَيْ يَزْرَعِيلْ وَ كَسُلُوتْ وَ شُونَمْ

¹⁹ وَ حَفَرَايِمْ وَ شِيُونْ وَ أَنَحَرَتْ

²⁰ وَ رَبِّيتْ وَ قِشْيُونْ وَ أَبِيسْ

²¹ وَ رَامَة وَ عَيْن قَنِّيمْ وَ عَيْن حَدَّةْ وَ بَيْت فَصِيصْ.

²² وَ الْحُدُودْ يِوَصُّلُوا عَلَيْ تَابُورْ وَ شَحْصِيمَةْ وَ بَيْت شَمْس وَ يَمْشُوا لَحَدِّي بَحَرْ الْأُرْدُنْ. وَ بِالْجُمْلَةْ 16 مُدُنْ وَ حِلَّالْهُمْ التَّابْعِينْ لَيْهُمْ.

²³ وَ دَوْل بَسْ الْمُدُنْ وَ حِلَّالْهُمْ التَّابْعِينْ لَيْهُمْ اللِّقَوْهُمْ وَرَثَةْ قَبِيلَةْ يَسَّاكَرْ حَسَبْ خُشُومْ بُيُوتْهُمْ.

القِسِم الأنْطوه لقبيلة أَشِير

²⁴ وَ الْقِسِمْ الْخَامِسْ أَنْطَوْه لِقَبِيلَةْ أَشِيرْ حَسَبْ خُشُومْ بُيُوتْهُمْ.

²⁵ وَ حُدُودْهُمْ فِي حَلْقَةْ وَ حَلِي وَ بَاطَنْ وَ أَكْشَافْ

²⁶ وَ أَلَّمَلِكْ وَ عَمْعَادْ وَ مِشَالْ. فِي الْغَرِبْ، يَمْشُوا مِنْ جَبَلْ الْكَرْمَلْ لَحَدِّي شِيحُورْ لِبْنَةْ

²⁷ وَ يِقَبُّلُوا صَبَاحْ عَلَيْ بَيْت دَقُون وَ يَمْشُوا عَلَيْ حُدُودْ قَبِيلَةْ زَبُلُونْ وَ وَادِي يِفْتَحِيلْ مُنْشَاقْ لِبَيْت عِمَقْ وَ نَعِيلْ. وَ يَمْشُوا عَلَيْ جِيهَةْ كَابُولْ

²⁸ وَ عَلَيْ عَبْدُونْ وَ رَحُوبْ وَ حَمُّونْ وَ قَانَةْ لَحَدِّي صَيْدَا الْكَبِيرَةْ.

²⁹ وَ الْحُدُودْ يِقَبُّلُوا عَلَيْ الرَّامَةْ وَ لَحَدِّي مَدِينَةْ صُورْ الْقَوِيَّةْ. وَ الْحُدُودْ يِقَبُّلُوا لَحَدِّي حُوسَا وَ الْبَحَرْ الْأَبْيَضْ وَ يُفُوتُوا بِمَحْلَبْ وَ أَكْزِيبْ

³⁰ وَ أُمَّةْ وَ أَفِيقْ وَ رَحُوبْ. وَ بِالْجُمْلَةْ 22 مُدُنْ وَ حِلَّالْهُمْ التَّابْعِينْ لَيْهُمْ.

³¹ وَ دَوْل بَسْ الْمُدُنْ وَ حِلَّالْهُمْ التَّابْعِينْ لَيْهُمْ اللِّقَوْهُمْ أَرْض وَرَثَةْ قَبِيلَةْ أَشِيرْ حَسَبْ خُشُومْ بُيُوتْهُمْ كُلَّ.

القِسِم الأنْطوه لقبيلة نَفْتَالِي

³² وَ الْقِسِمْ السَّادِسْ أَنْطَوْه لِقَبِيلَةْ نَفْتَالِي حَسَبْ خُشُومْ بُيُوتْهُمْ.

³³ وَ حُدُودْهُمْ يَمْشُوا مِنْ حِيلَفْ وَ الشَّدَرْ الْكُبَارْ هَنَا صَعْنَنِيمْ وَ أَدَامِي نَقَبْ وَ يَبْنِيِيلْ لَحَدِّي لَقُومْ وَ يَقِيفُوا فِي بَحَرْ الْأُرْدُنْ.

³⁴ وَ مِنْ الْغَرِبْ، الْحُدُودْ يِقَبُّلُوا لَحَدِّي أَزْنُوتْ تَابُورْ وَ مِنْهَا يَمْشُوا لَحَدِّي حُوقُقْ وَ لَحَدِّي تُرَابْ قَبِيلَةْ زَبُلُونْ فِي الْجُنُوبْ وَ لَحَدِّي تُرَابْ قَبِيلَةْ أَشِيرْ فِي الْغَرِبْ وَ يَهُوذَا قَرِيبْ لِبَحَرْ الْأُرْدُنْ عَلَيْ صَبَاحْ.

³⁵ وَ الْمُدُنْ الْقَوِيِّينْ هُمَّنْ سِدِّيمْ وَ سِيرْ وَ حَمَّتْ وَ رَقَتْ وَ كِنَارَتْ

³⁶ وَ أَدَمَةْ وَ الرَّامَةْ وَ حَاصُورْ

³⁷ وَ قَدَشْ وَ إِدْرَعِي وَ عَيْن حَاصُورْ

³⁸ وَ يِرْوُون وَ مِقْدَلِيلْ وَ حُورِيمْ وَ بَيْت عَنَاةْ وَ بَيْت شَمْس. وَ بِالْجُمْلَةْ 19 مُدُنْ وَ حِلَّالْهُمْ التَّابْعِينْ لَيْهُمْ.

³⁹ وَ دَوْل بَسْ الْمُدُنْ وَ حِلَّالْهُمْ التَّابْعِينْ لَيْهُمْ اللِّقَوْهُمْ وَرَثَةْ قَبِيلَةْ نَفْتَالِي حَسَبْ خُشُومْ بُيُوتْهُمْ.

القِسِم الأنْطوه لقبيلة دَان

⁴⁰ وَ الْقِسِمْ السَّابِعْ أَنْطَوْه لِقَبِيلَةْ دَانْ حَسَبْ خُشُومْ بُيُوتْهُمْ.

⁴¹ وَ حُدُودْ أَرْض وَرَثَتْهُمْ صَرْعَةْ وَ أَشْتَوُولْ وَ عِيرْ شَمْس

⁴² وَ شَعَلْبِينْ وَ أَيَّلُونْ وَ يِتْلَةْ

⁴³ وَ إِيلُونْ وَ تِمْنَةْ وَ عَقْرُونْ

⁴⁴ وَ إِلِتَقَى وَ قِبَّتُونْ وَ بَعَلَةْ

⁴⁵ وَ يِهُودْ وَ بَنِي بَرَقْ وَ قَاتْ رِمُّونْ

⁴⁶ وَ أَلْمِي يَرْقُونْ وَ رَقُونْ وَ التُّرَابْ الْمُقَابِلْ يَافَا.

⁴⁷ وَ لَاكِنْ قَبِيلَةْ دَانْ مَا قِدْرَوْا يَلْقَوْا تُرَابْهُمْ. وَ فِي شَانْ دَا، هُمَّنْ قَمَّوْا ضِدّ سُكَّانْ لَشَمْ حَارَبَوْهُمْ وَ كَتَلَوْهُمْ بِالْسَّيْف وَ شَالَوْا حِلِّتْهُمْ مِنْهُمْ. وَ قَعَدَوْا فَوْقهَا وَ سَمَّوْهَا دَانْ بِأُسُمْ جِدُّهُمْ.

⁴⁸ وَ دَوْل بَسْ الْمُدُنْ وَ حِلَّالْهُمْ التَّابْعِينْ لَيْهُمْ اللِّقَوْهُمْ وَرَثَةْ قَبِيلَةْ دَانْ حَسَبْ خُشُومْ بُيُوتْهُمْ.

القِسِم الأنْطوه ليَشُوع

⁴⁹ وَ بَعَدْ قَسَّمَوْا أَرْض وَرَثَتْهُمْ بِكُلَّ حُدُودْهَا، بَنِي إِسْرَائِيلْ أَنْطَوْا أَرْض لِيَشُوعْ وِلَيْد نُونْ فِي أُسُطْهُمْ.

⁵⁰ وَ حَسَبْ كَلَامْ اللّٰهْ، هُمَّنْ أَنْطَوْه الْمَدِينَةْ الْهُو دَوَّرَاهَا يَعْنِي تِمْنَةْ سَارَحْ فِي جِبَالْ أَفْرَايِمْ. وَ هُو بَنَاهَا وَ سَكَنْ فَوْقهَا.

⁵¹ وَ دَا بَسْ قِسِمْ الْأَرْض السَّوَّوْه رَاجِلْ الدِّينْ أَلِعَازَرْ وَ يَشُوعْ وِلَيْد نُونْ وَ شُيُوخْ عَايِلَاتْ قَبَايِلْ بَنِي إِسْرَائِيلْ بِأَمْ عِيَيْدَاتْ. سَوَّوْه بِأَمْ عِيَيْدَاتْ قِدَّامْ اللّٰهْ فِي شِيلَوْه فِي مَدَخَلْ خَيْمَةْ الْإِجْتِمَاعْ. وَ بِمِثِلْ دَا، هُمَّنْ قَسَّمَوْا الْبَلَدْ.