تكوين 5 - الكتاب المقدس بالعربي الدارجي هنا تشاد

الذُرّية من آدَم لحدي نُوح

¹ دَاهُو كِتَابْ ذُرِّيَّةْ آدَمْ. يَوْم الرَّبّ خَلَقْ الْإِنْسَانْ، هُو خَلَقَهْ فِي صُورْتَهْ.

² رَاجِلْ وَ مَرَةْ، هُو خَلَقَاهُمْ وَ بَارَكَاهُمْ وَ سَمَّاهُمْ إِنْسَانْ مِنْ يَوْم الْهُو خَلَقَاهُمْ.

³ وَكِتْ آدَمْ عِنْدَهْ 130 سَنَةْ، وِلِدْ وِلَيْد الْيِشَابِهَهْ وَ فِي صُورْتَهْ. وَ سَمَّاهْ شِيتْ.

⁴ بَعَدْ وَالُودَةْ شِيتْ، آدَمْ عَاشْ بَتَّانْ 800 سَنَةْ وَ وِلِدْ أَوْلَادْ وَ بَنَاتْ آخَرِينْ.

⁵ وَ مَاتْ فِي عُمُرْ هَنَا 930 سَنَةْ.

⁶ وَكِتْ شِيتْ عِنْدَهْ 105 سَنَةْ، وِلِدْ أَنُوشْ.

⁷ وَ بَعَدْ وَالُودَةْ أَنُوشْ، شِيتْ عَاشْ بَتَّانْ 807 سَنَةْ وَ وِلِدْ أَوْلَادْ وَ بَنَاتْ آخَرِينْ.

⁸ وَ مَاتْ فِي عُمُرْ هَنَا 912 سَنَةْ.

⁹ وَكِتْ أَنُوشْ عِنْدَهْ 90 سَنَةْ، وِلِدْ قِنَانْ.

¹⁰ وَ بَعَدْ وَالُودَةْ قِنَانْ، أَنُوشْ عَاشْ بَتَّانْ 815 سَنَةْ وَ وِلِدْ أَوْلَادْ وَ بَنَاتْ آخَرِينْ.

¹¹ وَ مَاتْ فِي عُمُرْ هَنَا 905 سَنَةْ.

¹² وَكِتْ قِنَانْ عِنْدَهْ 70 سَنَةْ، وِلِدْ مَهْلَلِيلْ.

¹³ وَ بَعَدْ وَالُودَةْ مَهْلَلِيلْ، قِنَانْ عَاشْ بَتَّانْ 840 سَنَةْ وَ وِلِدْ أَوْلَادْ وَ بَنَاتْ آخَرِينْ.

¹⁴ وَ مَاتْ فِي عُمُرْ هَنَا 910 سَنَةْ.

¹⁵ وَكِتْ مَهْلَلِيلْ عِنْدَهْ 65 سَنَةْ، وِلِدْ يَارَدْ.

¹⁶ وَ بَعَدْ وَالُودَةْ يَارَدْ، مَهْلَلِيلْ عَاشْ بَتَّانْ 830 سَنَةْ وَ وِلِدْ أَوْلَادْ وَ بَنَاتْ آخَرِينْ.

¹⁷ وَ مَاتْ فِي عُمُرْ هَنَا 895 سَنَةْ.

¹⁸ وَكِتْ يَارَدْ عِنْدَهْ 162 سَنَةْ، وِلِدْ أَخْنُوخْ.

¹⁹ وَ بَعَدْ وَالُودَةْ أَخْنُوخْ، يَارَدْ عَاشْ بَتَّانْ 800 سَنَةْ وَ وِلِدْ أَوْلَادْ وَ بَنَاتْ آخَرِينْ.

²⁰ وَ مَاتْ فِي عُمُرْ هَنَا 962 سَنَةْ.

²¹ وَكِتْ أَخْنُوخْ عِنْدَهْ 65 سَنَةْ، وِلِدْ مَتُوشَلَحْ.

²² وَ بَعَدْ وَالُودَةْ مَتُوشَلَحْ كُلَ، أَخْنُوخْ قَاعِدْ يِتَابِعْ دَرِبْ الرَّبّ لَحَدِّي 300 سَنَةْ وَ وِلِدْ أَوْلَادْ وَ بَنَاتْ آخَرِينْ.

²³ وَ أَخْنُوخْ عَاشْ 365 سَنَةْ.

²⁴ وَ أَخْنُوخْ تَابَعْ دَرِبْ الرَّبّ وَ بَعَدْ دَا، بِقِي مَا فِيهْ أَشَانْ الرَّبّ رَفَعَهْ.

²⁵ وَكِتْ مَتُوشَلَحْ عِنْدَهْ 187 سَنَةْ، وِلِدْ لَامَكْ.

²⁶ بَعَدْ وَالُودَةْ لَامَكْ، مَتُوشَلَحْ عَاشْ بَتَّانْ 782 سَنَةْ وَ وِلِدْ أَوْلَادْ وَ بَنَاتْ آخَرِينْ.

²⁷ وَ مَاتْ فِي عُمُرْ هَنَا 969 سَنَةْ.

²⁸ وَكِتْ لَامَكْ عِنْدَهْ 182 سَنَةْ، وِلِدْ وِلَيْد.

²⁹ وَ سَمَّاهْ نُوحْ وَ قَالْ: «دَا الْوِلَيْد الْيِصَبِّرْنَا مِنْ تَعَبْ الْخِدْمَةْ اللِّحِقْنَا مِنْ يَوْم اللّٰهْ لَعَنْ التُّرَابْ.»

³⁰ وَ بَعَدْ وَالُودَةْ نُوحْ، لَامَكْ عَاشْ بَتَّانْ 595 سَنَةْ وَ وِلِدْ أَوْلَادْ وَ بَنَاتْ آخَرِينْ.

³¹ وَ مَاتْ فِي عُمُرْ هَنَا 777 سَنَةْ.

³² وَكِتْ نُوحْ عِنْدَهْ 500 سَنَةْ، هُو وِلِدْ تَلَاتَةْ أَوْلَادْ وَ هُمَّنْ سَامْ وَ حَامْ وَ يَافَثْ.