1 أخبار 9 - الكتاب المقدس بالعربي الدارجي هنا تشاد

سُكّان مدينة القدس

¹ وَ كُلَّ بَنِي إِسْرَائِيلْ حَسَبَوْهُمْ وَ سَجَّلَوْا أُسُمْهُمْ فِي كِتَابْ مُلُوكْ بَنِي إِسْرَائِيلْ. وَ نَاسْ بَنِي يَهُوذَا وَدَّوْهُمْ فِي الْغُرْبَةْ فِي بَلَدْ بَابِلْ أَشَانْ عِصَوْا اللّٰهْ.

² وَ أَوَّلْ نَاسْ الْقَبَّلَوْا مِنْ الْغُرْبَةْ وَ جَوْا فِي حِلَّالْهُمْ أَرْض وَرَثَتْهُمْ، هُمَّنْ نَاسْ مِنْ بَنِي إِسْرَائِيلْ رُجَالْ الدِّينْ اللَّاوِيِّينْ وَ الْخَدَّامِينْ هَنَا بَيْت اللّٰهْ.

³ وَ النَّاسْ الْجَوْا وَ سَكَنَوْا فِي مَدِينَةْ الْقُدُسْ، هُمَّنْ مِنْ قَبَايِلْ يَهُوذَا وَ بَنْيَامِينْ وَ أَفْرَايِمْ وَ مَنَسَّى.

⁴ وَ مِنْ قَبِيلَةْ يَهُوذَا، جَاءْ عُتَايْ وِلَيْد عَمِهُودْ وِلَيْد عُمْرِي وِلَيْد إِمْرِي وِلَيْد بَانِي مِنْ خَشُمْ بَيْت فَارِصْ وِلَيْد يَهُوذَا.

⁵ وَ مِنْ خَشُمْ بَيْت شِيلَوْه، جَاءْ عَسَايَا وِلَيْد الْبِكِرْ هَنَا عَايِلْتَهْ وَ عِيَالَهْ.

⁶ وَ مِنْ خَشُمْ بَيْت زَارَحْ، جَاءْ يَعُوِيلْ. وَ كُلَّ النَّاسْ الْمِنْ قَبِيلَةْ يَهُوذَا السَّكَنَوْا فِي مَدِينَةْ الْقُدُسْ، عَدَدْهُمْ 690.

⁷ وَ مِنْ قَبِيلَةْ بَنْيَامِينْ فِيَّهْ سَلُّو وِلَيْد مَشُلَّامْ وِلَيْد هُدَوْيَا وِلَيْد هَسْنُو

⁸ وَ يِبْنِيَا وِلَيْد يَرُوحَامْ وَ إِيلَى وِلَيْد عُزِّي وِلَيْد مِكْرِي وَ مَشُلَّامْ وِلَيْد شَفَطْيَا وِلَيْد رَعُوِيلْ وِلَيْد يِبْنِيَّا.

⁹ وَ كُلَّ النَّاسْ الْمِنْ قَبِيلَةْ بَنْيَامِينْ السَّكَنَوْا فِي مَدِينَةْ الْقُدُسْ، عَدَدْهُمْ 956. وَ كُلَّ النَّاسْ دَوْل، أَيِّ وَاحِدْ كَبِيرْ فِي عَايِلْتَهْ.

¹⁰ وَ مِنْ رُجَالْ الدِّينْ فِيَّهْ يَدَعْيَا وَ يُيَارِبْ وَ يَاكِينْ

¹¹ وَ عَزَرْيَا وِلَيْد حِلْقِيَّا وِلَيْد مَشُلَّامْ وِلَيْد صَدُوقْ وِلَيْد مَرَيُوتْ وِلَيْد أَخِطُوبْ وَ هُو مَسْؤُولْ فِي بَيْت اللّٰهْ

¹² وَ عَدَايَا وِلَيْد يَرُوحَامْ وِلَيْد فَشْحُورْ وِلَيْد مَلْكِيَّا وَ مَعَسَايْ وِلَيْد عَدِيِيلْ وِلَيْد يَحْزِيرَا وِلَيْد مَشُلَّامْ وِلَيْد مَشِلِّمُوتْ وِلَيْد إِمِّيرْ.

¹³ وَ مَعَ أَخْوَانْهُمْ رُجَالْ الدِّينْ الْآخَرِينْ، النَّاسْ دَوْل كُبَارَاتْ فِي عَايِلَاتْهُمْ وَ عَدَدْهُمْ 1 760 رُجَالْ قَادْرِينْ فِي خِدْمَةْ بَيْت اللّٰهْ.

¹⁴ وَ مِنْ اللَّاوِيِّينْ فِيَّهْ شَمَعْيَا وِلَيْد حَشُوبْ وِلَيْد عَزْرِقَامْ وِلَيْد حَشَبْيَا مِنْ ذُرِّيَّةْ مَرَارِي

¹⁵ وَ بَقْبَقَرْ وَ حَرَاشْ وَ قَلَالْ وَ مَتَّنْيَا وِلَيْد مِيكَا وِلَيْد زِكْرِي وِلَيْد أَسَافْ

¹⁶ وَ عُبَدْيَا وِلَيْد شَمَعْيَا وِلَيْد قَلَالْ وِلَيْد يَدُوتُونْ وَ بَرَكْيَا وِلَيْد آسَا وِلَيْد أَلِقَانَى. وَ أَلِقَانَى سَكَنْ فِي الْحِلَّالْ التَّابْعِينْ مَدِينَةْ نَطُوفَا.

¹⁷ وَ مِنْ حُرَّاسْ الْبِيبَانْ فِيَّهْ شَلُّومْ الْمَسْؤُولْ وَ عَقُوبْ وَ طَلْمُونْ وَ أَخِمَانْ وَ أَخْوَانْهُمْ.

¹⁸ وَ لَحَدِّي الْيَوْم كُلَ، ذُرِّيِّتْهُمْ بَسْ قَاعِدَةْ تَحْرِسْ الْبَابْ الصَّبْحَانِي هَنَا بَيْت اللّٰهْ الْبِنَادُوهْ بَابْ الْمَلِكْ. وَ جُدُودْهُمْ بَسْ الزَّمَانْ حُرَّاسْ هَنَا فُرْقَانْ اللَّاوِيِّينْ.

¹⁹ وَ شَلُّومْ هُو وِلَيْد قُورِي وِلَيْد أَبِيَاسَفْ وِلَيْد قُورَحْ. وَ هُو مَعَ أَخْوَانَهْ الْمِنْ ذُرِّيَّةْ قُورَحْ مَسْؤُولِينْ فِي خِدْمَةْ حُرَّاسْ مَدَخَلْ خَيْمَةْ الْإِجْتِمَاعْ. وَ دَا مِثِلْ جُدُودْهُمْ أَوَّلْ كُلَ حُرَّاسْ فَرِيقْ شَعَبْ اللّٰهْ.

²⁰ وَ زَمَانْ فِينْحَاسْ وِلَيْد أَلِعَازَرْ، هُو بَسْ كَبِيرْهُمْ وَ اللّٰهْ مَعَايَهْ.

²¹ وَ زَكَرِيَّا وِلَيْد مَشَلَامْيَا، هُو بَسْ الْقَاعِدْ يَحْرِسْ بَابْ خَيْمَةْ الْإِجْتِمَاعْ.

²² وَ الرُّجَالْ الْعَزَلَوْهُمْ حُرَّاسْ هَنَا الْبِيبَانْ عَدَدْهُمْ 212. هُمَّنْ سَجَّلَوْهُمْ مِنْ حِلَّالْهُمْ الْوِلْدَوْهُمْ فَوْقهُمْ. وَ دَاوُدْ وَ النَّبِي صَمُوِيلْ هُمَّنْ بَسْ الْكَلَّفَوْهُمْ بِالْخِدْمَةْ دِي دَايْماً.

²³ وَ هُمَّنْ وَ عِيَالْهُمْ حَفَضَوْا خِدْمَةْ حَفِضِينْ خَيْمَةْ الْإِجْتِمَاعْ وَ حَرَاسَةْ بِيبَانْ بَيْت اللّٰهْ.

²⁴ وَ الْحُرَّاسْ دَوْل قَاعِدِينْ فِي الْبِيبَانْ هَنَا الْأَرْبَعَةْ جِيهَةْ، صَبَاحْ وَ غَرِبْ وَ وَطِي وَ مُنْشَاقْ.

²⁵ وَ أَخْوَانْهُمْ الْقَاعِدِينْ فِي حِلَّالْهُمْ يَجُوا لَيْهُمْ فِي كُلَّ وَكِتْ أَشَانْ يِسَاعُدُوهُمْ فِي الْحَرَاسَةْ لِمُدَّةْ سَبْعَةْ يَوْم.

²⁶ وَ لَاكِنْ الْكُبَارَاتْ الْأَرْبَعَةْ هَنَا الْحُرَّاسْ يَقْعُدُوا دَايْماً. وَ اللَّاوِيِّينْ دَوْل مَسْؤُولِينْ فِي الْبُيُوتْ وَ الْمَخَازِنْ هَنَا بَيْت اللّٰهْ.

²⁷ هُمَّنْ يُنُومُوا حَوَالَيْ بَيْت اللّٰهْ أَشَانْ يَحْفَضَوْه وَ يَفْتَحَوْا الْبِيبَانْ كُلِّ صَبَاحْ.

²⁸ وَ وَاحِدِينْ مِنْ اللَّاوِيِّينْ مَسْؤُولِينْ فِي حِسَابْ مُعِدَّاتْ الْعِبَادَةْ وَكِتْ يِشِيلُوهُمْ وَ يِجِيبُوهُمْ.

²⁹ وَ وَاحِدِينْ مِنْهُمْ مَسْؤُولِينْ فِي كُلَّ الْمُعِدَّاتْ الْمُخَصَّصِينْ وَ فِي الدَّقِيقْ وَ الْخَمَرْ وَ الدِّهِنْ وَ الصَّمُغْ الْمُعَطَّرْ وَ الْعِطِرْ.

³⁰ وَ لَاكِنْ رُجَالْ الدِّينْ بَسْ يِخَلْبُطُوا الْعِطِرْ.

³¹ وَ مَتِّتْيَا، هُو وَاحِدْ مِنْ اللَّاوِيِّينْ وَ هُو بِكِرْ شَلُّومْ مِنْ ذُرِّيَّةْ قُورَحْ. هُو دَايْماً مَسْؤُولْ بِسَوِّيِّنْ الْكَعَكْ.

³² وَ وَاحِدِينْ مِنْ اللَّاوِيِّينْ الْآخَرِينْ الْهُمَّنْ مِنْ ذُرِّيَّةْ قَهَاتْ، هُمَّنْ دَوْل مَسْؤُولِينْ بِسَوِّيِّنْ الْخُبْزَةْ الْيِقَدُّمُوهَا لِلّٰهْ كُلِّ يَوْم سَبْت.

³³ وَ كُبَارَاتْ عَايِلَةْ اللَّاوِيِّينْ الْمُكَلَّفِينْ بِغِنَيْ، خَطَّوْهُمْ فِي بُيُوتْ طَرَفْ وَ مَا أَنْطَوْهُمْ خِدْمَةْ آخَرَةْ أَشَانْ هُمَّنْ قَاعِدِينْ يَخْدُمُوا لَيْل وَ نَهَارْ.

³⁴ وَ دَوْل بَسْ كُبَارَاتْ عَايِلَةْ اللَّاوِيِّينْ أَيِّ وَاحِدْ حَسَبْ ذُرِّيّتَهْ. وَ هُمَّنْ سَاكْنِينْ فِي مَدِينَةْ الْقُدُسْ.

ذُرّية شَاوُول

³⁵ وَ يَعِيِيلْ أَبُو قِبْعُونْ سَكَنْ فِي حِلَّةْ قِبْعُونْ مَعَ مَرْتَهْ الْأُسُمْهَا مَعَاكَةْ.

³⁶ وَ وِلَيْدَهْ الْبِكِرْ أُسْمَهْ عَبْدُونْ وَ أَوْلَادَهْ الْآخَرِينْ هُمَّنْ صُورْ وَ قِيشْ وَ بَعَلْ وَ نِيرْ وَ نَدَابْ

³⁷ وَ قَدُورْ وَ أَخْيُو وَ زَكَرِيَّا وَ مِقْلُوتْ.

³⁸ وَ مِقْلُوتْ وِلِدْ شِمَامْ. وَ هُمَّنْ كُلَ سَكَنَوْا فِي أُورُشَلِيمْ مَعَ أَخْوَانْهُمْ الْمِنْ خَشُمْ بَيْتهُمْ.

³⁹ وَ نِيرْ وِلِدْ قِيشْ وَ قِيشْ وِلِدْ شَاوُولْ وَ شَاوُولْ وِلِدْ يُونَتَانْ وَ مَلْكِشُوعْ وَ أَبِنَدَابْ وَ إِشْبَعَلْ.

⁴⁰ وَ يُونَتَانْ وِلِدْ مَرِيبَعَلْ وَ مَرِيبَعَلْ وِلِدْ مِيكَا.

⁴¹ وَ أَوْلَادْ مِيكَا هُمَّنْ فِيتُونْ وَ مَالِكْ وَ تَاحْرِعْ.

⁴² وَ أَحَازْ وِلِدْ يَعَرَا وَ يَعَرَا وِلِدْ عَلَمَاتْ وَ عَزْمَاوَتْ وَ زِمْرِي. وَ زِمْرِي وِلِدْ مُصَّا.

⁴³ وَ مُصَّا وِلِدْ بِنْعَا وَ بِنْعَا وِلِدْ رَفَايَا وَ رَفَايَا وِلِدْ أَلْعَاسَى وَ أَلْعَاسَى وِلِدْ أَصِيلْ.

⁴⁴ وَ أَصِيلْ وِلِدْ سِتَّةْ أَوْلَادْ وَ هُمَّنْ عَزْرِقَامْ وَ بُكْرُو وَ إِسْمَاعِيلْ وَ شَعَرْيَا وَ عُبَدْيَا وَ حَنَانْ. وَ دَوْل كُلُّهُمْ أَوْلَادْ أَصِيلْ.