1 أخبار 8 - الكتاب المقدس بالعربي الدارجي هنا تشاد

ذُرّية بَنْيَامِين

¹ وَ بَنْيَامِينْ وِلِدْ بَالَعْ الْبِكِرْ وَ أَشْبِيلْ التَّانِي وَ أَخْرَخْ التَّالِتْ

² وَ نُوحَا الرَّابِعْ وَ رَافَا الْخَامِسْ.

³ وَ أَوْلَادْ بَالَعْ هُمَّنْ أَدَّارْ وَ قِيرَا وَ أَبِهُودْ

⁴ وَ أَبِشُوعْ وَ نَعَمَانْ وَ أَخُوخْ

⁵ وَ قِيرَا وَ شَفُوفَنْ وَ حُورَامْ.

⁶ وَ دَاهُو أَوْلَادْ إِهُودْ الْبِقَوْا كُبَارَاتْ الْعَايِلَاتْ السَّاكْنِينْ فِي قَبَعْ وَ وَدَّوْا نَاسْهُمْ فِي الْغُرْبَةْ فِي مَنَاحَتْ.

⁷ هُمَّنْ نَعَمَانْ وَ أَخِيَّا وَ قِيرَا. وَ قِيرَا هُو بَسْ كَبِيرْهُمْ الْوَدَّاهُمْ فِي الْغُرْبَةْ. وَ هُو وِلِدْ عُزَّى وَ أَخِحُودْ.

⁸ وَ شَحَرَايِمْ طَرَدْ عَوِينَهْ الْإِتْنَيْن حُشِيمْ وَ بَعَرَةْ، وَ بَعَدْ دَا، وِلِدْ أَوْلَادْ فِي بَلَدْ مُوَابْ

⁹ مِنْ مَرْتَهْ حُدَشْ. وَ عِيَالَهْ هُمَّنْ يُبَابْ وَ صِبْيَا وَ مِيشَا وَ مَلْكَامْ

¹⁰ وَ يَعُوصْ وَ سَاكْيَا وَ مِرْمَا. وَ دَوْل أَوْلَادْ شَحَرَايِمْ الْبِقَوْا كُبَارَاتْ الْعَايِلَاتْ.

¹¹ وَ قُبَّالْ دَا، شَحَرَايِمْ عِنْدَهْ أَوْلَادْ إِتْنَيْن وَ هُمَّنْ أَبِطُوبْ وَ أَلِفَاعَلْ مِنْ مَرْتَهْ حُشِيمْ.

¹² وَ أَوْلَادْ أَلِفَاعَلْ هُمَّنْ عِبَارْ وَ مِشْعَامْ وَ شَامِرْ. وَ شَامِرْ بَنَى حِلَّةْ أُونُو وَ حِلَّةْ لُودْ وَ الْحِلَّالْ التَّابْعِينْ لَيْهَا.

¹³ بَرِيعَا وَ شَمَعْ هُمَّنْ كُبَارَاتْ الْعَايِلَاتْ السَّاكْنِينْ فِي أَيَّلُونْ. وَ هُمَّنْ بَسْ الطَّرَدَوْا سُكَّانْ قَاتْ.

^14-16 وَ أَوْلَادْ بَرِيعَا هُمَّنْ أَخْيُو وَ شَاشَقْ وَ يَرِمُوتْ وَ زَبَدْيَا وَ عَرَادْ وَ عَدَارْ وَ مِكَايِيلْ وَ يِشْفَا وَ يُوحَا.

^17-18 وَ أَوْلَادْ أَلِفَاعَلْ هُمَّنْ زَبَدْيَا وَ مَشُلَّامْ وَ حِزْقِي وَ حَابَرْ وَ يِشْمَرَايْ وَ يِزْلِيَّا وَ يُبَابْ.

^19-21 وَ أَوْلَادْ شِمْعِي هُمَّنْ يَقِيمْ وَ زِكْرِي وَ زَبْدِي وَ أَلِعِنَايْ وَ صِلْتَايْ وَ أَلِيِيلْ وَ عَدَايَا وَ بَرَايَا وَ شِمْرَتْ.

^22-25 وَ أَوْلَادْ شَاشَقْ هُمَّنْ يِشْفَانْ وَ عِبَارْ وَ أَلِيِيلْ وَ عَبْدُونْ وَ زِكْرِي وَ حَنَانْ وَ حَنَنْيَا وَ عِلَامْ وَ عَنْتُوتِيَا وَ يِفَدْيَا وَ فَنُوِيلْ.

^26-27 وَ أَوْلَادْ يَرُوحَامْ هُمَّنْ شَمَشْرَايْ وَ شَحَرْيَا وَ عَتَلْيَا وَ يَعْرَشْيَا وَ إِيلِيَّا وَ زِكْرِي.

²⁸ وَ كُلُّهُمْ كُبَارَاتْ الْعَايِلَاتْ وَ أَيِّ وَاحِدْ بِقِي كَبِيرْ حَسَبْ ذُرِّيّتَهْ. وَ هُمَّنْ سَاكْنِينْ فِي أُورُشَلِيمْ.

²⁹ وَ أَبُو قِبْعُونْ سَكَنْ فِي حِلَّةْ قِبْعُونْ مَعَ مَرْتَهْ الْأُسُمْهَا مَعَاكَةْ.

³⁰ وَ وِلَيْدَهْ الْبِكِرْ أُسْمَهْ عَبْدُونْ وَ أَوْلَادَهْ الْآخَرِينْ هُمَّنْ صُورْ وَ قِيشْ وَ بَعَلْ وَ نِيرْ وَ نَدَابْ

³¹ وَ قَدُورْ وَ أَخْيُو وَ زَاكَرْ.

³² وَ مِقْلُوتْ وِلِدْ شِمَا. وَ هُمَّنْ كُلَ سَكَنَوْا فِي أُورُشَلِيمْ مَعَ أَخْوَانْهُمْ الْمِنْ خَشُمْ بَيْتهُمْ.

ذُرّية شَاوُول

³³ وَ نِيرْ وِلِدْ قِيشْ وَ قِيشْ وِلِدْ شَاوُولْ وَ شَاوُولْ وِلِدْ يُونَتَانْ وَ مَلْكِشُوعْ وَ أَبِنَدَابْ وَ إِشْبَعَلْ.

³⁴ وَ يُونَتَانْ وِلِدْ مَرِيبَعَلْ وَ مَرِيبَعَلْ وِلِدْ مِيكَا.

³⁵ وَ أَوْلَادْ مِيكَا هُمَّنْ فِيتُونْ وَ مَالِكْ وَ تَارَعْ وَ أَحَازْ.

³⁶ وَ أَحَازْ وِلِدْ يَهُعَادَا وَ يَهُعَادَا وِلِدْ عَلَمَاتْ وَ عَزْمَاوَتْ وَ زِمْرِي. وَ زِمْرِي وِلِدْ مُصَّا.

³⁷ وَ مُصَّا وِلِدْ بِنْعَا وَ بِنْعَا وِلِدْ رَافَا وَ رَافَا وِلِدْ أَلْعَاسَى وَ أَلْعَاسَى وِلِدْ أَصِيلْ.

³⁸ وَ أَصِيلْ وِلِدْ سِتَّةْ أَوْلَادْ وَ هُمَّنْ عَزْرِقَامْ وَ بُكْرُو وَ إِسْمَاعِيلْ وَ شَعَرْيَا وَ عُبَدْيَا وَ حَنَانْ. وَ دَوْل كُلُّهُمْ أَوْلَادْ أَصِيلْ.

³⁹ وَ أَوْلَادْ عِيشَقْ أَخُو أَصِيلْ هُمَّنْ أُلَامْ الْبِكِرْ وَ يَعُوشْ التَّانِي وَ أَلِفَالَطْ التَّالِتْ.

⁴⁰ وَ أَوْلَادْ أُلَامْ هُمَّنْ رُجَالْ فُرَّاسْ وَ يَعَرْفُوا يَزُرْقُوا النُّشَّابْ. وَ هُمَّنْ عِنْدُهُمْ عِيَالْ وَ عِيَالْ الْعِيَالْ كَتِيرْ، فِي الْجُمْلَةْ 150. وَ هُمَّنْ دَوْل كُلُّهُمْ كَيْ مِنْ ذُرِّيَّةْ بَنْيَامِينْ.