1 أخبار 7 - الكتاب المقدس بالعربي الدارجي هنا تشاد

ذُرّية يَسَّاكَر

¹ وَ يَسَّاكَرْ عِنْدَهْ أَرْبَعَةْ أَوْلَادْ وَ هُمَّنْ تُولَعْ وَ فُوَّى وَ يَشُوبْ وَ شِمْرُونْ.

² وَ أَوْلَادْ تُولَعْ هُمَّنْ عُزِّي وَ رَفَايَا وَ يَرِيِيلْ وَ يَحْمَايْ وَ يِبْسَامْ وَ صَمُوِيلْ. وَ هُمَّنْ دَوْل كُبَارَاتْ عَايِلَةْ تُولَعْ حَسَبْ ذُرِّيِّتْهُمْ. وَ فِي وَكِتْ دَاوُدْ، ذُرِّيِّتْهُمْ دِي عَدَدْهُمْ 22 600 رَاجِلْ فَارِسْ.

³ وَ وِلَيْد عُزِّي هُو يِزْرَحْيَا. وَ أَوْلَادْ يِزْرَحْيَا هُمَّنْ مِكَايِيلْ وَ عُبَدْيَا وَ يُوِيلْ وَ يِشِيَّا. هُو وَ أَوْلَادَهْ عَدَدْهُمْ خَمْسَةْ وَ كُلُّهُمْ كُبَارَاتْ.

⁴ وَ حَسَبْ ذُرِّيِّتْهُمْ عَايِلَاتْهُمْ عِنْدُهُمْ 36 000 عَسْكَرْ مُحَارِبِينْ أَشَانْ عِنْدُهُمْ عَوِينْ وَ عِيَالْ كَتِيرِينْ مَرَّةْ وَاحِدْ.

⁵ وَ أَخْوَانْهُمْ الْآخَرِينْ الْمِنْ قَبِيلَةْ يَسَّاكَرْ السَّجَّلَوْهُمْ، عَدَدْهُمْ 87 000 رَاجِلْ فَارِسْ.

ذُرّية بَنْيَامِين و نَفْتَالِي

⁶ وَ بَنْيَامِينْ جَابْ أَوْلَادْ تَلَاتَةْ وَ هُمَّنْ بَالَعْ وَ بَاكَرْ وَ يَدِيَعِيلْ.

⁷ وَ بَالَعْ جَابْ خَمْسَةْ أَوْلَادْ وَ هُمَّنْ أَصْبُونْ وَ عُزِّي وَ عُزِّيِيلْ وَ يَرِمُوتْ وَ عِيرِي، كُلُّهُمْ كَيْ كُبَارَاتْ فِي عَايِلَاتْهُمْ. وَ نَاسْهُمْ دَوْل سَجَّلَوْهُمْ وَ عَدَدْهُمْ 22 034 رَاجِلْ فَارِسْ.

⁸ وَ أَوْلَادْ بَاكَرْ هُمَّنْ زَمِيرَا وَ يُوَاشْ وَ أَلِعَازَرْ وَ أَلِيُعْنَايْ وَ عُمْرِي وَ يَرِمُوتْ وَ أَبِيَّا وَ عَنَتُوتْ وَ عَلَمَاتْ دَوْل كُلُّهُمْ كَيْ مِنْ ذُرِّيَّةْ بَاكَرْ

⁹ وَ هُمَّنْ كُبَارَاتْ فِي عَايِلَاتْهُمْ. وَ نَاسْهُمْ دَوْل سَجَّلَوْهُمْ حَسَبْ ذُرِّيِّتْهُمْ وَ عَدَدْهُمْ 20 200 رَاجِلْ فَارِسْ.

¹⁰ وَ وِلَيْد يَدِيَعِيلْ هُو بِلْهَانْ. وَ أَوْلَادْ بِلْهَانْ هُمَّنْ يَعُوشْ وَ بَنْيَامِينْ وَ إِهُودْ وَ كَنْعَانَا وَ زِيتَانْ وَ تَرْشِيشْ وَ أَخِشَاحَرْ.

¹¹ وَ دَوْل كُلُّهُمْ كَيْ مِنْ ذُرِّيَّةْ يَدِيَعِيلْ وَ هُمَّنْ كُبَارَاتْ فِي عَايِلَاتْهُمْ. وَ نَاسْهُمْ دَوْل سَجَّلَوْهُمْ وَ عَدَدْهُمْ 17 200 رُجَالْ فُرَّاسْ وَ جَاهِزِينْ لِلْحَرِبْ.

¹² وَ شُفِّمْ وَ حُفِّيمْ هُمَّنْ دَوْل عِيَالْ عِيرْ وَ حُشِيمْ هُو وِلَيْد أَحِيرْ.

¹³ وَ أَوْلَادْ نَفْتَالِي هُمَّنْ يَحْصِيِيلْ وَ قُونِي وَ يِصَرْ وَ شَلُّومْ. وَ أَمّ نَفْتَالِي أُسُمْهَا بِلْهَةْ.

ذُرّية مَنَسَّى

¹⁴ وَ أَوْلَادْ مَنَسَّى هُمَّنْ أَسْرِيِيلْ وَ مَكِيرْ الْوِلْدَتْهُمْ لَيَّهْ سِرِّيتَهْ الْأَرَامِيَّةْ. وَ مَكِيرْ دَا هُو أَبُو قِلْعَادْ.

¹⁵ وَ مَكِيرْ أَخَدْ عَوِينْ لِعِيَالَهْ حُفِّيمْ وَ شُفِّمْ. وَ أَخُتْ مَكِيرْ أُسُمْهَا مَعَاكَةْ. وَ وِلَيْدَهْ التَّانِي أُسْمَهْ صَلُوفْحَدْ. وَ صَلُوفْحَدْ دَا جَابْ إِلَّا بَنَاتْ بَسْ.

¹⁶ وَ مَرِةْ مَكِيرْ الْأُسُمْهَا مَعَاكَةْ جَابَتْ وِلَيْد وَ سَمَّتَهْ فَرَاشْ وَ أَخُوهْ أُسْمَهْ شَرَاشْ. وَ عِيَالْ شَرَاشْ هُمَّنْ أُلَامْ وَ رَاقِمْ.

¹⁷ وَ وِلَيْد أُلَامْ أُسْمَهْ بَدَانْ. وَ دَوْل ذُرِّيَّةْ قِلْعَادْ وِلَيْد مَكِيرْ وِلَيْد مَنَسَّى.

¹⁸ وَ هَمُولَكَى أَخُتْ قِلْعَادْ جَابَتْ إِشْهُودْ وَ أَبِعَازَرْ وَ مَحْلَةْ.

¹⁹ وَ أَوْلَادْ شَمِيدَعْ هُمَّنْ أَخْيَانْ وَ شَكِيمْ وَ لِقْحِي وَ أَنِعَامْ.

ذُرّية أَفْرَايِم

²⁰ وَ أَفْرَايِمْ وِلِدْ شُتَالَحْ وَ شُتَالَحْ وِلِدْ بَرَدْ وَ بَرَدْ وِلِدْ تَحَتْ وَ تَحَتْ وِلِدْ أَلِعَادَا وَ أَلِعَادَا وِلِدْ تَحَتْ

²¹ وَ تَحَتْ وِلِدْ زَبَادْ وَ زَبَادْ وِلِدْ شُتَالَحْ. وَ عِيَالْ أَفْرَايِمْ الْإِتْنَيْن عِزَارْ وَ أَلِعَادْ دَا، سُكَّانْ حِلَّةْ قَاتْ كَتَلَوْهُمْ أَشَانْ هُمَّنْ مَشَوْا لِيَقْلَعَوْا بَهَايِمْهُمْ.

²² وَ أَبُوهُمْ أَفْرَايِمْ طَوَّلْ فِي الْحِزِنْ. وَ أَخْوَانَهْ جَوْا لِبِحَنُّسُوهْ.

²³ وَ بَعَدْ دَا، أَفْرَايِمْ لَمَّ مَعَ مَرْتَهْ وَ هِي بِقَتْ غَلْبَانَةْ وَ جَابَتْ وِلَيْد. وَ سَمَّاهْ بَرِيعَا (مَعَنَاتَهْ فِي الشَّرّ) أَشَانْ الشَّرّ جَاءْ لِعَايِلْتَهْ.

²⁴ وَ أَفْرَايِمْ بَتَّانْ عِنْدَهْ بِنَيَّةْ وَاحِدَةْ أُسُمْهَا شِيرَةْ وَ هِي بَسْ الْبَنَتْ حِلَّةْ بَيْت حُرُونْ التِّحِتْ وَ بَيْت حُرُونْ الْفَوْق وَ حِلَّةْ أُزِينْ شِيرَةْ.

²⁵ وَ بَرِيعَا وِلِدْ رَافَحْ وَ رَافَحْ وِلِدْ رَاشَفْ وَ رَاشَفْ وِلِدْ تَالَحْ وَ تَالَحْ وِلِدْ تَاحَنْ

²⁶ وَ تَاحَنْ وِلِدْ لَعْدَانْ وَ لَعْدَانْ وِلِدْ عَمِهُودْ وَ عَمِهُودْ وِلِدْ أَلِشَمَعْ

²⁷ وَ أَلِشَمَعْ وِلِدْ نُونْ وَ نُونْ وِلِدْ يَشُوعْ.

²⁸ وَ ذُرِّيَّةْ أَفْرَايِمْ سَكَنَوْا فِي مُدُنْ وَرَثَتْهُمْ وَ هُمَّنْ بَيْت إِيلْ وَ نَعَرَانْ بِصَبَاحْ وَ قَازَرْ بِغَرِبْ وَ شَكِيمْ وَ أَيَّا وَ الْحِلَّالْ التَّابْعِينْ لَيْهُمْ.

²⁹ وَ ذُرِّيَّةْ مَنَسَّى كُلَ سَكَنَوْا فِي مُدُنْ وَ هُمَّنْ بَيْت شَانْ وَ تَعْنَكْ وَ مَقِدُّو وَ دُورْ وَ الْحِلَّالْ التَّابْعِينْ لَيْهُمْ. وَ فِي الْحِلَّالْ دَوْل بَسْ سَكَنَوْا ذُرِّيَّةْ يُوسُفْ وِلَيْد إِسْرَائِيلْ.

ذُرّية أَشِير

³⁰ وَ أَوْلَادْ أَشِيرْ هُمَّنْ يِمْنَى وَ يِشْوَا وَ يِشْوِي وَ بَرِيعَا وَ أَخُتْهُمْ سَارَحْ.

³¹ وَ أَوْلَادْ بَرِيعَا هُمَّنْ حَابَرْ وَ مَلْكِيِيلْ وَ مَلْكِيِيلْ دَا أَبُو بِرْزَيِتْ.

³² وَ حَابَرْ وِلِدْ يَفْلِطْ وَ شُمِيرْ وَ حُوتَامْ وَ أَخُتْهُمْ شُوعَةْ.

³³ وَ أَوْلَادْ يَفْلِطْ هُمَّنْ فَاسَكْ وَ بِمْهَالْ وَ عَشْوَاتْ.

³⁴ وَ أَوْلَادْ شَامَرْ هُمَّنْ رُهْقَا وَ يَحُبَّا وَ أَرَامْ.

³⁵ وَ أَوْلَادْ هِيلَامْ أَخُوهْ هُمَّنْ صُوفَحْ وَ يِمْنَعْ وَ شِيلَشْ وَ عَمَالْ.

³⁶ وَ أَوْلَادْ صُوفَحْ هُمَّنْ سُوحْ وَ حَرْنَفَرْ وَ شُوعَلْ وَ بِيرِي وَ يِمْرَا

³⁷ وَ بَاصَرْ وَ هُودْ وَ شَمَّا وَ شِلْشَى وَ يِتْرَانْ وَ بِيرَا.

³⁸ وَ أَوْلَادْ يَتَرْ هُمَّنْ يَفُونَى وَ فِسْفَا وَ أَرَا.

³⁹ وَ أَوْلَادْ عُلَّا هُمَّنْ آرَحْ وَ حَنِّيِيلْ وَ رِصْيَا.

⁴⁰ وَ كُلَّ النَّاسْ دَوْل هُمَّنْ مِنْ ذُرِّيَّةْ أَشِيرْ وَ كُبَارَاتْ فِي عَايِلَاتْهُمْ وَ رُجَالْ فُرَّاسْ وَ قُيَّادْ. وَ كُلَّ النَّاسْ دَوْل سَجَّلَوْهُمْ فِي الدَّيْش وَ عَدَدْهُمْ 26 000 رُجَالْ قَادْرِينْ فِي الْحَرْبَةْ.