1 أخبار 6 - الكتاب المقدس بالعربي الدارجي هنا تشاد

ذُرّية لَاوِي

¹ وَ أَوْلَادْ لَاوِي هُمَّنْ قِرْشُونْ وَ قَهَاتْ وَ مَرَارِي.

² وَ أَوْلَادْ قَهَاتْ هُمَّنْ عَمْرَامْ وَ يِصْهَارْ وَ حَبْرُونْ وَ عُزِّيِيلْ.

³ وَ أَوْلَادْ عَمْرَامْ هُمَّنْ هَارُونْ وَ مُوسَى وَ مَرْيَمْ. وَ أَوْلَادْ هَارُونْ هُمَّنْ نَدَابْ وَ أَبِيهُو وَ أَلِعَازَرْ وَ إِتَمَارْ.

⁴ وَ أَلِعَازَرْ وِلِدْ فِينْحَاسْ وَ فِينْحَاسْ وِلِدْ أَبِشُوعْ

⁵ وَ أَبِشُوعْ وِلِدْ بُقِي وَ بُقِي وِلِدْ عُزِّي

⁶ وَ عُزِّي وِلِدْ زَرَحْيَا وَ زَرَحْيَا وِلِدْ مَرَيُوتْ

⁷ وَ مَرَيُوتْ وِلِدْ أَمَرْيَا وَ أَمَرْيَا وِلِدْ أَخِطُوبْ

⁸ وَ أَخِطُوبْ وِلِدْ صَدُوقْ وَ صَدُوقْ وِلِدْ أَخِمَاعَصْ

⁹ وَ أَخِمَاعَصْ وِلِدْ عَزَرْيَا وَ عَزَرْيَا وِلِدْ يُوحَنَانْ

¹⁰ وَ يُوحَنَانْ وِلِدْ عَزَرْيَا. وَ عَزَرْيَا هُو بَسْ الْبِقِي رَاجِلْ دِينْ فِي بَيْت اللّٰهْ الْبَنَاهْ سُلَيْمَانْ فِي أُورُشَلِيمْ.

¹¹ وَ عَزَرْيَا وِلِدْ أَمَرْيَا وَ أَمَرْيَا وِلِدْ أَخِطُوبْ

¹² وَ أَخِطُوبْ وِلِدْ صَدُوقْ وَ صَدُوقْ وِلِدْ شَلُّومْ

¹³ وَ شَلُّومْ وِلِدْ حِلْقِيَّا وَ حِلْقِيَّا وِلِدْ عَزَرْيَا

¹⁴ وَ عَزَرْيَا وِلِدْ سَرَايَا وَ سَرَايَا وِلِدْ يُوصَادِقْ.

¹⁵ وَ يُوصَادِقْ كُلَ وَدَّوْه وَكِتْ اللّٰهْ وَدَّى نَاسْ بَلَدْ يَهُوذَا وَ سُكَّانْ مَدِينَةْ الْقُدُسْ فِي الْغُرْبَةْ بِإِيدْ نَبُوخَدْنَصَرْ مَلِكْ بَابِلْ.

ذُرّية لَاوِي الآخرين

¹⁶ وَ أَوْلَادْ لَاوِي هُمَّنْ قِرْشُونْ وَ قَهَاتْ وَ مَرَارِي.

¹⁷ وَ دَاهُو أَسَامَيْ أَوْلَادْ قِرْشُونْ، هُمَّنْ لِبْنِي وَ شِمْعِي.

¹⁸ وَ أَوْلَادْ قَهَاتْ هُمَّنْ عَمْرَامْ وَ يِصْهَارْ وَ حَبْرُونْ وَ عُزِّيِيلْ.

¹⁹ وَ أَوْلَادْ مَرَارِي هُمَّنْ مَحْلِي وَ مُوشِي. وَ دَوْل بَسْ الْجُدُودْ الْأَنْطَوْا أَسَامَيْهُمْ لِخُشُومْ بُيُوتْ اللَّاوِيِّينْ.

²⁰ وَ قِرْشُونْ وِلِدْ لِبْنِي وَ لِبْنِي وِلِدْ يَحَتْ وَ يَحَتْ وِلِدْ زِمَّا

²¹ وَ زِمَّا وِلِدْ يُوَاخْ وَ يُوَاخْ وِلِدْ عِدُّو وَ عِدُّو وِلِدْ زَارَحْ وَ زَارَحْ وِلِدْ يَاتْرَايْ.

²² وَ قَهَاتْ وِلِدْ عَمِنَدَابْ وَ عَمِنَدَابْ وِلِدْ قُورَحْ وَ قُورَحْ وِلِدْ أَسِّيرْ

²³ وَ أَسِّيرْ وِلِدْ أَلِقَانَى وَ أَلِقَانَى وِلِدْ أَبِيَاسَفْ وَ أَبِيَاسَفْ وِلِدْ أَسِّيرْ

²⁴ وَ أَسِّيرْ وِلِدْ تَحَتْ وَ تَحَتْ وِلِدْ أُرِيِيلْ وَ أُرِيِيلْ وِلِدْ عُزِّيَّا وَ عُزِّيَّا وِلِدْ شَاوُولْ.

²⁵ وَ أَوْلَادْ أَلِقَانَى هُمَّنْ عَمَاسَايْ وَ أَخِمُوتْ.

²⁶ وَ أَخِمُوتْ وِلِدْ أَلِقَانَى وَ أَلِقَانَى وِلِدْ صُوفَايْ وَ صُوفَايْ وِلِدْ نَحَتْ

²⁷ وَ نَحَتْ وِلِدْ أَلِيَابْ وَ أَلِيَابْ وِلِدْ يَرُوحَامْ وَ يَرُوحَامْ وِلِدْ أَلِقَانَى.

²⁸ وَ أَوْلَادْ صَمُوِيلْ هُمَّنْ يُوِيلْ الْبِكِرْ وَ أَبِيَّا التَّانِي.

²⁹ وَ مَرَارِي وِلِدْ مَحْلِي وَ مَحْلِي وِلِدْ لِبْنِي وَ لِبْنِي وِلِدْ شِمْعِي وَ شِمْعِي وِلِدْ عُزَّى

³⁰ وَ عُزَّى وِلِدْ شِمْعَى وَ شِمْعَى وِلِدْ حَقِّيَّا وَ حَقِّيَّا وِلِدْ عَسَايَا.

الغنّايين في وكت دَاوُد

³¹ وَ بَعَدْ خَطَّوْا الصَّنْدُوقْ فِي خَيْمَةْ اللّٰهْ، دَاوُدْ أَنْطَى الْمَسْؤُولِيَّةْ هِنْت الْغِنَيْ لِنَاسْ ذُرِّيَّةْ لَاوِي.

³² قُبَّالْ سُلَيْمَانْ مَا بَنَى بَيْت اللّٰهْ فِي أُورُشَلِيمْ، النَّاسْ دَوْل قَاعِدِينْ يِسَوُّوا خِدْمِتْهُمْ هَنَا الْغِنَيْ قِدَّامْ الْخَيْمَةْ وَ هِي خَيْمَةْ الْإِجْتِمَاعْ. وَ هُمَّنْ سَوَّوْا خِدْمِتْهُمْ حَسَبْ الشُّرُوطْ.

³³ وَ النَّاسْ دَوْل مَعَ عِيَالْهُمْ قَاعِدِينْ يِسَوُّوا الْخِدْمَةْ دِي. وَ مِنْ ذُرِّيَّةْ قَهَاتْ، هَيْمَانْ كَبِيرْ الْغَنَّايِينْ. وَ هَيْمَانْ دَا وِلَيْد يُوِيلْ وَ يُوِيلْ وِلَيْد صَمُوِيلْ

³⁴ وَ صَمُوِيلْ وِلَيْد أَلِقَانَى وَ أَلِقَانَى وِلَيْد يَرُوحَامْ وَ يَرُوحَامْ وِلَيْد أَلِيِيلْ وَ أَلِيِيلْ وِلَيْد تُوحْ

³⁵ وَ تُوحْ وِلَيْد صُوفْ وَ صُوفْ وِلَيْد أَلِقَانَى وَ أَلِقَانَى وِلَيْد مَحَتْ وَ مَحَتْ وِلَيْد عَمَاسَايْ

³⁶ وَ عَمَاسَايْ وِلَيْد أَلِقَانَى وَ أَلِقَانَى وِلَيْد يُوِيلْ وَ يُوِيلْ وِلَيْد عَزَرْيَا وَ عَزَرْيَا وِلَيْد صَفَنْيَا

³⁷ وَ صَفَنْيَا وِلَيْد تَحَتْ وَ تَحَتْ وِلَيْد أَسِّيرْ وَ أَسِّيرْ وِلَيْد أَبِيَاسَفْ وَ أَبِيَاسَفْ وِلَيْد قُورَحْ

³⁸ وَ قُورَحْ وِلَيْد يِصْهَارْ وَ يِصْهَارْ وِلَيْد قَهَاتْ وَ قَهَاتْ وِلَيْد لَاوِي وَ لَاوِي وِلَيْد إِسْرَائِيلْ.

³⁹ وَ بِالنُّصّ الزَّيْنَايْ هَنَا هَيْمَانْ، وَاقِفْ رَفِيقَهْ أَسَافْ. وَ أَسَافْ دَا وِلَيْد بَرَكْيَا وَ بَرَكْيَا وِلَيْد شِمْعَى

⁴⁰ وَ شِمْعَى وِلَيْد مِكَايِيلْ وَ مِكَايِيلْ وِلَيْد بَعَسِيَّا وَ بَعَسِيَّا وِلَيْد مَلْكِيَّا

⁴¹ وَ مَلْكِيَّا وِلَيْد أَتْنِي وَ أَتْنِي وِلَيْد زَارَحْ وَ زَارَحْ وِلَيْد عَدَايَا

⁴² وَ عَدَايَا وِلَيْد إِتَانْ وَ إِتَانْ وِلَيْد زِمَّا وَ زِمَّا وِلَيْد شِمْعِي

⁴³ وَ شِمْعِي وِلَيْد يَحَتْ وَ يَحَتْ وِلَيْد قِرْشُونْ وَ قِرْشُونْ وِلَيْد لَاوِي.

⁴⁴ وَ بِالنُّصّ الْإِسْرَايْ هَنَا هَيْمَانْ، وَاقِفْ إِتَانْ مِنْ ذُرِّيَّةْ مَرَارِي. وَ إِتَانْ دَا وِلَيْد قِيشِي وَ قِيشِي وِلَيْد عَبْدِي وَ عَبْدِي وِلَيْد مَلُّوك

⁴⁵ وَ مَلُّوك وِلَيْد حَشَبْيَا وَ حَشَبْيَا وِلَيْد أَمَصْيَا وَ أَمَصْيَا وِلَيْد حِلْقِيَّا

⁴⁶ وَ حِلْقِيَّا وِلَيْد أَمْصِي وَ أَمْصِي وِلَيْد بَانِي وَ بَانِي وِلَيْد شَامَرْ

⁴⁷ وَ شَامَرْ وِلَيْد مَحْلِي وَ مَحْلِي وِلَيْد مُوشِي وَ مُوشِي وِلَيْد مَرَارِي وَ مَرَارِي وِلَيْد لَاوِي.

⁴⁸ وَ أَخْوَانْهُمْ مِنْ قَبِيلَةْ لَاوِي، هُمَّنْ بَسْ الْقَاعِدِينْ يِسَوُّوا كُلَّ الْخِدْمَةْ التُّخُصّ خَيْمَةْ بَيْت اللّٰهْ.

⁴⁹ هَارُونْ وَ أَوْلَادَهْ، هُمَّنْ يِقَدُّمُوا الضَّحَايَا الْمُحَرَّقِينْ فِي الْمَدْبَحْ وَ الْبَخُورْ فِي الْمُخْبَرْ وَ يِسَوُّوا كُلَّ الْخِدْمَةْ التُّخُصّ الْبَكَانْ الْمُقَدَّسْ مَرَّةْ وَاحِدْ. وَ يِسَوُّوا كَفَّارَةْ لِبَنِي إِسْرَائِيلْ حَسَبْ أَمُرْ مُوسَى عَبْد الرَّبّ.

⁵⁰ وَ دَاهُو أَسَامَيْ ذُرِّيَّةْ هَارُونْ. هَارُونْ وِلِدْ أَلِعَازَرْ وَ أَلِعَازَرْ وِلِدْ فِينْحَاسْ وَ فِينْحَاسْ وِلِدْ أَبِشُوعْ

⁵¹ وَ أَبِشُوعْ وِلِدْ بُقِي وَ بُقِي وِلِدْ عُزِّي وَ عُزِّي وِلِدْ زَرَحْيَا

⁵² وَ زَرَحْيَا وِلِدْ مَرَيُوتْ وَ مَرَيُوتْ وِلِدْ أَمَرْيَا وَ أَمَرْيَا وِلِدْ أَخِطُوبْ

⁵³ وَ أَخِطُوبْ وِلِدْ صَدُوقْ وَ صَدُوقْ وِلِدْ أَخِمَاعَصْ.

الحِلّال الأنْطوهم لقبيلة لَاوِي

⁵⁴ وَ دَاهُو الْمُدُنْ وَ الْفُرْقَانْ السَّكَنَوْا فِيهُمْ ذُرِّيَّةْ هَارُونْ الْمِنْ خَشُمْ بَيْت قَهَاتْ. وَ هُمَّنْ بَسْ الْأَوَّلَانِيِّينْ اللِّقَوْا أَرْضُهُمْ بِأَمْ عِيَيْدَاتْ.

⁵⁵ وَ أَنْطَوْهُمْ مَدِينَةْ حِبْرُونْ فِي أَرْض قَبِيلَةْ يَهُوذَا مَعَ كُلَّ بَكَانَاتْهَا هَنَا السَّرْحَةْ الْمُجَاوِرِينْهَا.

⁵⁶ وَ لَاكِنْ الزِّرَاعَةْ هَنَا الْمَدِينَةْ دِي وَ الْحِلَّالْ دَوْل أَنْطَوْهُمْ لِكَالِبْ وِلَيْد يَفُونَى.

^57-59 وَ لِذُرِّيَّةْ هَارُونْ أَنْطَوْهُمْ مُدُنْ هَنَا لُجُوءْ. وَ الْمُدُنْ دَوْل هُمَّنْ حِبْرُونْ وَ لِبْنَةْ وَ يَتِّيرْ وَ أَشْتَمُوعَةْ وَ حِلِينْ وَ دَبِيرْ وَ عَشَنْ وَ بَيْت شَمْس وَ أَيِّ مَدِينَةْ بِبَكَانَاتْهَا هَنَا السَّرْحَةْ.

⁶⁰ وَ مِنْ أَرْض قَبِيلَةْ بَنْيَامِينْ كَمَانْ، شَالَوْا قَبَعْ وَ عَلَمَاتْ وَ عَنَتُوتْ وَ أَنْطَوْهُمْ لِذُرِّيَّةْ هَارُونْ. وَ كُلَّ عَدَدْ مُدُنْهُمْ 13 مَدِينَةْ بِبَكَانَاتْهُمْ هَنَا السَّرْحَةْ وَ مُقَسَّمْ عَلَيْ حَسَبْ خُشُومْ بُيُوتْهُمْ.

⁶¹ وَ ذُرِّيَّةْ قَهَاتْ الْآخَرِينْ لِقَوْا 10 مُدُنْ عَلَيْ حَسَبْ خُشُومْ بُيُوتْهُمْ. وَ هُمَّنْ لِقَوْهُمْ بِأَمْ عِيَيْدَاتْ مِنْ أَرْض قَبِيلَةْ أَفْرَايِمْ وَ دَانْ وَ مِنْ أَرْض نُصّ قَبِيلَةْ مَنَسَّى.

⁶² وَ ذُرِّيَّةْ قِرْشُونْ لِقَوْا 13 مُدُنْ عَلَيْ حَسَبْ خُشُومْ بُيُوتْهُمْ. وَ هُمَّنْ لِقَوْهُمْ بِأَمْ عِيَيْدَاتْ مِنْ أَرْض قَبِيلَةْ يَسَّاكَرْ وَ أَشِيرْ وَ نَفْتَالِي وَ مِنْ أَرْض نُصّ قَبِيلَةْ مَنَسَّى الْفِي بَاشَانْ.

⁶³ وَ ذُرِّيَّةْ مَرَارِي لِقَوْا 12 مُدُنْ عَلَيْ حَسَبْ خُشُومْ بُيُوتْهُمْ. وَ هُمَّنْ لِقَوْهُمْ بِأَمْ عِيَيْدَاتْ مِنْ أَرْض قَبِيلَةْ رَأُوبِينْ وَ قَادْ وَ زَبُلُونْ.

⁶⁴ وَ بَنِي إِسْرَائِيلْ أَنْطَوْا كُلَّ الْمُدُنْ دَوْل وَ الْبَكَانَاتْ السَّرْحَةْ لِلَّاوِيِّينْ.

⁶⁵ وَ أَنْطَوْهُمْ الْمُدُنْ دَوْل بِأَمْ عِيَيْدَاتْ مِنْ أَرْض قَبِيلَةْ يَهُوذَا وَ شِمْعُونْ وَ بَنْيَامِينْ.

^66-69 وَ خُشُومْ بُيُوتْ ذُرِّيَّةْ قَهَاتْ الْآخَرِينْ لِقَوْا مُدُنْهُمْ بِأَمْ عِيَيْدَاتْ مِنْ أَرْض قَبِيلَةْ أَفْرَايِمْ. وَ أَنْطَوْهُمْ مُدُنْ هَنَا لُجُوءْ وَ الْمُدُنْ دَوْل شَكِيمْ الْقَاعِدَةْ فِي جِبَالْ أَفْرَايِمْ وَ قَازَرْ وَ يَقْمَعَامْ وَ بَيْت حُرُونْ وَ أَيَّلُونْ وَ قَاتْ رِمُّونْ وَ أَيِّ مَدِينَةْ بِبَكَانَاتْهَا هَنَا السَّرْحَةْ.

⁷⁰ وَ مِنْ أَرْض نُصّ قَبِيلَةْ مَنَسَّى لِقَوْا مُدُنْ عَنِيرْ وَ بِلْعَامْ وَ أَيِّ مَدِينَةْ بِبَكَانَاتْهَا هَنَا السَّرْحَةْ. وَ دَا كُلَّ كَيْ لِخُشُومْ بُيُوتْ ذُرِّيَّةْ قَهَاتْ الْآخَرِينْ.

⁷¹ وَ ذُرِّيَّةْ قِرْشُونْ عَلَيْ حَسَبْ خُشُومْ بُيُوتْهُمْ لِقَوْا مُدُنْ هَنَا لُجُوءْ مِنْ أَرْض نُصّ قَبِيلَةْ مَنَسَّى. وَ الْمُدُنْ دَوْل هُمَّنْ جَوْلَانْ فِي بَاشَانْ وَ عَشْتَرُوتْ وَ أَيِّ مَدِينَةْ بِبَكَانَاتْهَا هَنَا السَّرْحَةْ.

^72-73 وَ مِنْ أَرْض قَبِيلَةْ يَسَّاكَرْ لِقَوْا مُدُنْ. وَ الْمُدُنْ دَوْل هُمَّنْ قَدَشْ وَ دَبْرَةْ وَ رَامُوتْ وَ عَنِيمْ وَ أَيِّ مَدِينَةْ بِبَكَانَاتْهَا هَنَا السَّرْحَةْ.

^74-75 وَ مِنْ أَرْض قَبِيلَةْ أَشِيرْ لِقَوْا مُدُنْ. وَ الْمُدُنْ دَوْل هُمَّنْ مَشَالْ وَ عَبْدُونْ وَ حُقُوقْ وَ رَحُوبْ وَ أَيِّ مَدِينَةْ بِبَكَانَاتْهَا هَنَا السَّرْحَةْ.

⁷⁶ وَ مِنْ أَرْض قَبِيلَةْ نَفْتَالِي لِقَوْا مُدُنْ. وَ الْمُدُنْ دَوْل هُمَّنْ قَدَشْ فِي الْجَلِيلْ وَ حَمُّونْ وَ قِرْيَتَايِمْ وَ أَيِّ مَدِينَةْ بِبَكَانَاتْهَا هَنَا السَّرْحَةْ.

⁷⁷ وَ قَبِيلَةْ مَرَارِي الْآخَرِينْ لِقَوْا مُدُنْ مِنْ أَرْض قَبِيلَةْ زَبُلُونْ. وَ الْمُدُنْ دَوْل هُمَّنْ رِمُّونْ وَ تَابُورْ وَ أَيِّ مَدِينَةْ بِبَكَانَاتْهَا هَنَا السَّرْحَةْ.

^78-79 وَ مِنْ أَرْض قَبِيلَةْ رَأُوبِينْ صَبَاحْ لِبَحَرْ الْأُرْدُنْ مُقَابِلْ حِلَّةْ أَرِيحَا لِقَوْا مُدُنْ. وَ الْمُدُنْ دَوْل هُمَّنْ بَاصَرْ الْفِي الْكَدَادَةْ وَ يَهَاصْ وَ قَدِمُوتْ وَ مِفَعَتْ وَ أَيِّ مَدِينَةْ بِبَكَانَاتْهَا هَنَا السَّرْحَةْ.

^80-81 وَ مِنْ أَرْض قَبِيلَةْ قَادْ لِقَوْا مُدُنْ. وَ الْمُدُنْ دَوْل هُمَّنْ رَامُوتْ الْفِي قِلْعَادْ وَ مَحَنَايِمْ وَ حَشْبُونْ وَ يَعْزِيرْ وَ أَيِّ مَدِينَةْ بِبَكَانَاتْهَا هَنَا السَّرْحَةْ.