Kategoriyan
Jesusmanta versisikuna
Jesusqa qespichiqniki, qanrayku cruzpi wañupuq. Payqa Diospa khuyasqan Churinmi, payraykun qespikuni, wiñay kawsayniyoqtaqmi kanchis. Jesusqa Reyninchis Reykunam, Señorninchis Señormi. Payqa huchanchiskunarayku ñak'aripurqan, sapa p'unchay payman ashuykunaykita munan, payta reqsinaykita, paywan parlanaykitawan. Jesusqa aswan qaylla amigon kayta munan. Anchatam kuyawanchis, chaymi qespikunanchispaq wañunanpaq tantearuran.
Lucas 19:10 ninmi: “Runaq Churinqa chinkasqa kaqkunata mask'aykuspa qespichinanpaqmi hamurqan.” Jesusllawantaqmi qespikuyta, wiñay kawsayta tarinchis, kay pachapi esclavo kaymanta kacharichisqa kanchis.
Hechos 4:12 ninmi: “Manam pipas qespichiqninchis kanchu, hanaq pachapiqa manam huk sutiyu qespichiq kanchu.”
Ama shinkapäkuytsu. Shinkaq runaqa lutankunatami ruran. Tsaypa trukanqa Espíritu Santupa munaynincho kawapäkuy.
Tsayno kaykaptinqa kawashqaykiyaq mikuyta kushishqa mikunki y vïnuta kushishqa upunki. Tsayno rurashqaykiqa Tayta Diospaq alimi kaykan.
Quësuta y cabrapa lëchintapis kamariparqanmi. Basán particho wera carnikunata, uyshakunata y chïvukunatapis kamariparqanmi. Bendicionninta churaptinmi alinnin trïguta mikupäkurqan. Alinnin üvapita rurashqa vïnutapis upupäkurqan.
Purun chakrata kicharkurmi Noéqa üvakunata plantarqan.Tsaypitanami üva poqurkuptin vïnuta upyarkur Noé shinkarqan. Shinkarkurnami qarapächula toldun rurincho jitaraykarqan.
Tsaynölami ali ruraykuna y lutan ruraykuna imano kashqantapis musyanäpaq mana tantiyakuq runano vïnuta upyarqä. Tsayno upyarqä ali o mana ali kashqantapis tantiyanäpaqmi.
Tsawraqa Salem markapa mandaqnin rey Melquisedecpis tsayman chayaykurmi Abramta qararqan tantata y vïnuta. Melquisedecqa poderniyuq Tayta Diosta sirviq cürami karqan.
Pacha nanaywan tsaynöla qeshyarqa yakulata upunaykipa trukanqa vïnuta ichiklata upurkunki.
Tsayno niptinmi Isaac kayno nirqan: <<Jacobtanami nishqä munaynincho tsararäshunaykipaq y qampita miraqkunapis paypa munaynincho kananpaq y trïgunpis üvanpis atska kananpaq. Kanan ¿ima bendicionlataraq qamta qoykushaykipis, hïju?>>
Punta kaq carnishpa aytsanta altarcho rupatsishpayki ishkay kïlu alinnin harinata juk litru olïvupita rurashqa aceitiwan pichuykur rupatsipäkunki. Tsay jananman winapanki juk litru vïnuta.
Mikurkaykashqanchömi Esterta rey Asuero kayno nirqan: <<Manakamashqaykitaqa imatapis kamaripäshaykimi. Hasta pulan mandashqä nacionkunata mandayta munaptikipis awnishaykimi>>.
<<Kikikipis ni tsurikikunapis Tinkunantsi Tolduman yaykunaykipaq kaykarqa vïnuta ni ima shinkatsikuqtapis ama upupäkunkitsu. Shinkashqa yaykurqa wanunkipaqmi. Tsay nishqäkunaqa imayyaqpis leymi kanqa qamkunapaq y qamkunapita miraqkunapaqpis.
Babiloniapa mandaqnin rey Belsasar fiestata rurarmi waranqa (1,000) mandäshiqkunata qayatsirqan juntu mikupäkunanpaq. Tsaychömi paykunawan vïnuta upupäkurqan shinkashqanyaq.
Tsaynöpis chusku kïlu pulan harinatapis aceitiwan tsapurkur apapäkamunki. Tsayqa tsaki mikuy ofrendami kanqa altarcho rupatsinanpaq. Tsay rupatsishqanpa ali asyayninta mayarmi Tayta Dios kushikunqa. Juk litru vïnutapis apapäkamunki altarman winapänanpaq.
Vïnuta upyashpanmi qoripita, qellaypita, broncipita, fiërrupita, qerupita y rumipita rurashqa diosninkunata alabapäkurqan.
manami vïnuta ni ima shinkatsikuqtapis upunqatsu. Tsaynöpis manami upunqatsu üvapita rurashqa vinagrita ni üvapa yakuntapis. Manami üvata ni päsastapis mikunqatsu.
Tsaymi jana patsacho kaykaq Tayta Diosta rabyanätsir templuncho manijashqan väsukunata jorqatsimushqanki. Tsaykunawanmi vïnuta upyashqanki kikikipis, mandäshishuqnikikunapis, warmikikunapis y concubïnaykikunapis. Nirkurmi alabashqanki qoripita, qellaypita, broncipita, fiërrupita, qerupita y rumipita rurashqa dioskunata. Tsay dioskunaqa manami rikantsu ni mayantsu ni imatapis musyantsu. Munayniyuq Tayta Diostami itsanqa mana alabashqankitsu. Payta rabyanätsishqanki paypita lapanta chaskiykarpis. Paymi rey kanaykipaqpis churashushqanki.
Tsaychöna rantipäkunki munashqaykita wäkata karpis, uyshata karpis, cabrata karpis, vïnuta karpis, o aswata karpis. Nirkurqa Tayta Diospa nawpancho ayluykikunawan kushikushpayki mikupäkunki.
Prenda kachapäshushqayki röpata qeshtaykurmi altarkuna nawpancho punurkaykanki. Tsaynöpis manakaqpita multata pägatsishqayki qellaywanmi vïnuta rantirkur juk dioskunata adorapäkushqayki capillakunacho upyarkaykanki.
Jatusaq väsukunawanraqmi vïnutapis upyarkaykanki. Alinnin perfümikunataraqmi winakurkaykanki. Qamkunata manami imapis qokushunkitsu Israel nación ushakänanpaq kaptinpis.
Uywakunapaq qewatapis winatsimunki. Mikuyta shuntananpaq runa murushqantapis winatsimunki.Tsaynölami vïnuta kamaripanki upur kushikunanpaq, aceitita kamaripanki qaqlanman lushikuptin chipchipyänanpaq y mikuyta kamaripanki kalpan kananpaq.
Karu nacioncho kashqanpitami kuyashqä Israel runakunata kutitsimushaq. Kutiykamurmi juchushqa markakunata altsarkur tsaycho täpäkunqapaq. Yapay plantashqan üvapitami vïnutapis upupäkunqa. Murushqankuna ali wayuptinmi mikuyninpis tsaytsika kanqa.
Tsaynölami vïnuta kamaripanki upur kushikunanpaq, aceitita kamaripanki qaqlanman lushikuptin chipchipyänanpaq y mikuyta kamaripanki kalpan kananpaq.
Vïnuta upyarkurqa pitapis achäquitami ashipan. Shinkashqa runaqa piwanpis pelyanmi. Tsay runaqa mana tantiyakuq karmi lutanta ruran.
Tayta Diosta adorar imaykipis kashqanpita y chakraykicho punta poquqkunapita ofrendata apay.Tsayno aparqa wayikipis kichkishqanyaqmi mikuynikikunata shuntankipaq. Üvata tsaytsikata shuntaptikimi puyñuykikunapita vïnupis liwanqaraq.
Yärakuq mayintsi [lakikunanpaq] o qepaman kutikunanpaq kaptinqa aytsatapis ama mikupäkuytsu ni vïnutapis ama upupäkuytsu. Tsaynöla imapis jutsa kashqanta yarpaptinqa ama rurapäkuytsu.
Nirkurnashi uywakunata pishtarkur ali alilata yanukurqan. Tsaynöshi ali vïnuta rurarkur mikuytapis mësaman sirvirqan.
<< <Tsaynöpis cada carnishta apamur jananman juk litru vïnuta yapapäkunki aytsaman winanaykipaq.
Tsawraqa qamkunata kuyashushpayki unay ayluntsikunata promitishqan nacionman pushashunkipaq. Tsaychömi paypa bendicionninwan wamraykikunapis atska kanqa. Chakrayki shumaq wayuptinmi mikuynikipis atska kanqa. Vïnuykipis manami pishinqatsu, aceitikipis manami ushakanqatsu y wäkaykikuna, uyshaykikuna y cabraykikunapis tsaytsikamanmi miranqapaq.
Paykunaqa karkaykan upyalaman churakashqa runakunami. Shinkatsikuqkunata talu talurkur upyarmi imaypis tsayno puripäkun.Väsucho vïnu pukaypa pukaykar munapaypaq kaptinpis ama upyankitsu. Mishkila ultaptikipisculebrapa venënunnömi nanätsishunkipaq.Shinkakurkurqa tsakäpakushqanömi rikapakur purinkipaq. Tsaynöpis manakaqkunata rimarmi purinkipaq.Umaykipis pasaypami jirurunqapaq. Büqui chawpincho ichiraykaq qeru puntanman witsaptiki umayki jiruruqnömi kankipaq.Tsaymi kayno ninkipaq: <<Maqamaptinpis manami nanayta mayashqätsu. Astamaptinpis manami nanätsikushqätsu. Rikcharkamurqa uma jampiqraqmi aywashaq>>.
Tsaycho asqaq jachawan talushqa vïnuta uputsiyta munapäkuptinpis yawarkur manami upuyta munarqantsu.
Tsaynöpis tantiyakushqä arushqantsipita mikur y upur kushishqa kawanantsita Tayta Dios munashqanta.
18 (4.18) Tsay witsanmi jirkakunacho y jirkankunacho vïnupis y lëchipis yakunöraq tsaytsika kanqa. Judá nacioncho raqrakunapapis mana tsakiypami yaku aywanqa. Templü rurinpita yaku pashtamurmi Sitim Pampatapis ushmanqa.
Kaychömi qelqaraykan profëta tukuqkunapaq Jeremías wilakushqan. Pasaypami lakikuykä. Tulükunapis pasaypami siksikyan. Tayta Dios nishqanta musyarmi pasaypa mantsakar shinkashqano rikakü.
Tsaynölami mikuyta usharkur vïnuyuq väsuta aptarkur kayno nirqan: <<Kay vïnuqa yawarnïmi kaykan. Qamkuna rayku wanur yawarnïta jichaptïmi Tayta Dios mushuq pactuta ruranqa.
Tayta Dios kaynömi nin: <<Yakunaqkuna, yakuta upunaykipaq lapayki shapäkamuy. Mikuyta rantinaykipaq qellayniki mana kaptinpis mikuq shapäkamuy. Vïnuta y lëchita mana pägaypa apanaykipaq shapäkamuy.
Tsayno niptin papänin kayno nirqan: <<Tsarimushqayki uywapa aytsanta qaraykalämay, hïju. Mikurkurnami bendicionnïta qoshaykipaq>>. Tsaymi mikuyta y vïnuta Jacob qaraptin Isaac mikurqan y upurqan.
Kutiykamurmi Sión jirkanman witsarkur kushishqa cantapäkunqa. Bendicionnïta churamuptïmi mikuypis, vïnupis, aceitipis, uyshapis y wäkapis tsaytsika kanqa. Tashqan parti parquna huertano kaptinmi imapis mana pishinqanatsu.
Itsanqa pay nishqanta cäsukunaykipa trukanqa fiestata rurarmi wäkakunapa y uyshakunapa aytsanta mikur y vïnuta upyar kushikärirqayki. Tsaymi kayno nipäkurqayki: <<Kawashqantsiyaq mikushun upushun. Wanurqa pachantsitami apashun>>.
Sión jirkanchömi lapanta mandaq Tayta Dios maytsay nación runakunapaq fiestata ruranqa. Tsay fiestachömi kanqa ali mikuy y ali vïnupis. Maypis mikukuypaqmi mikuypis kanqa y maypis upukuypaqmi vïnupis kanqa.
Tsaynöpis manami pipis tsayraq rurashqa vïnuta makwa urpuman winantsu. Winaptinqa vïnu poqur pakiriykunqami. Tsawraqa vïnupis jichanqami y urpupis ushakanqami. Tsaymi tsayraq rurashqa vïnuta sänu urpuman winantsi. Tsayno ruraptintsiqa vïnupis manami jichanqatsu ni urpupis ushakanqatsu>>.
Fiestalacho, upyalacho y perfümilacho imaykantapis ushaq runaqa manami imaypis rïcuyanqatsu.
Noqa kaynömi nï: Taytä mandashqancho qamkunawan mushuq vïnuta upunantsiyaq manami vïnuta yapay upushaqnatsu>>.
Tsaynöpis manami pipis tsayraq rurashqa vïnuta makwa urpuman winantsu. Winaptinqa vïnu poqur pakiriykunqami. Tsawraqa vïnupis jichanqami y urpupis ushakanqami. Tsaymi tsayraq rurashqa vïnuta sänu urpuman winantsi>>.
6 (5) Mikunantsipaq tanta mana kaptinpis y upunantsipaq vïnu ni aswa mana kaptinpis Tayta Dios maná nishqan mikuytami kamaripämarqantsi. Tsayno rurarqan Tayta Diosnintsi kashqanta tantiyakur payta cäsukunantsipaqmi.
Rasunpami kayno nï: Tayta Dios mandaykashqancho mushuq vïnuta upunäyaq manami vïnuta yapay upushaqnatsu>>.
<<Tsaynöpis manami pipis tsayraq rurashqa vïnuta makwa urpuman winantsu. Winaptinqa vïnu poqur pakiriykunqami. Tsawraqa vïnupis jichanqami y urpupis ushakanqami.Tsaymi tsayraq rurashqa vïnuta sänu urpuman winantsi. [Tsayno ruraptintsiqa vïnupis manami jichanqatsu ni urpupis ushakanqatsu.]
Runapa Tsurin mikuptin y upuptinmi kayno nirkaykanki: <¡Kay runaqa mikular upularmi purikun! ¡Impuestu cobraqkunapa y jutsasapa runakunapa yanasanmi!>
Noqa kaynömi nï: Tayta Dios mandaykashqan chayamunanyaq manami vïnuta yapay upushaqnatsu>>.
Tsaypita kimsa junaqtanami casaray fiesta karqan Galileacho kaykaq Caná markacho. Tsay fiestachömi Jesúspa mamanpis kaykarqan.Tsaymanmi Jesústapis discïpulunkunatawan qayatsirqan.Fiesta manaraq ushakaptinmi vïnu ushakäkurqan. Tsawraqa Jesústa maman kayno nirqan: <<Vïnu ushakäkushqanami>>.Tsayno niptinmi Jesús kayno nirqan: <<Mamay, ¿imanirtaq tsayno niykämanki? Manaraqmi hörä chayamunraqtsu>>.Jesúspa mamannami sirvientikunata kayno nirqan: <<Jesús nishushqaykita lapanta rurapäkuy>>.Tsaychömi rumipita rurashqa soqta urpukuna karqan. Tsay urpukunamanmi yakuta winapäkuq costumbrin kashqanno purificakunanpaq. Tsay urpukunaman pachak (100) litrunömi yaku yaykuq.Tsawraqa sirvientikunata Jesús kayno nirqan: <<Tsay urpukunaman yakuta juntaqpaq winapäkuy>>. Tsaymi yakuta winarqan juntashqanyaq.Juntarkuptinnami Jesús kayno nirqan: <<Ichiklata chaqarkur apapäkuy mayor sirvienti yawananpaq>>. Tsayno niptinmi Jesús nishqannöla chaqarkur apaparqan.Mayor sirvienti yawarkurmi tantiyarqan ali kaq vïnu kashqanta. Itsanqa manami musyarqantsu maypita apashqantapis. Yanapaq kaq sirvientikunalami musyarqan maypita kashqantapis. Yawarkurnami casaraq mözuta qayaykurkayno nirqan: <<Wakin runakunaqa fiesta qalaykunalanchömi alinnin kaq vïnuta sirvitsin. Umatarkuptinnami sheqi kaqlatana sirvitsin. Tsayno kaptinpis qamqa fiesta ushananchöraq mas alinnin kaq vïnuta sirviykätsinki>>.Tsaynömi Galileacho kaykaq Caná markacho punta kaq milagruta Jesús rurarqan. Munayniyuq kashqanta rikarmi discïpulunkuna payman yärakärirqan.
Santa Cënacho vïnuta upuykarqa supaykunapaq jichapashqan vïnutapis manami upupäkunkimantsu. Tsaynöpis Santa Cënacho tantata mikuykar supaykunapaq churashqan mikuytapis manami mikupäkunkimantsu.
Tsaynölami mikuyta usharkur vïnuyuq väsuta aptarkur kayno nirqan: <<Kay vïnuqa Tayta Dios mushuq pactuta rurananpaq jichashqä yawarnïmi. Kay vïnuta upur imaypis yarpapäkamanki>>.
Jesucristo yanapaykuläshunki imaypis alilata rurapäkunaykipaq. Lapanpis kaykutsun Tayta Dios alabashqa kananpaq.
Chakwankunatapis yachatsinki Tayta Dios munashqanno shumaq kawapäkunanpaq, pitapis mana tumpapäkunanpaq y upyalaman mana churakashqa kapäkunanpaq. Tsaypa trukanqa wakintapis yachatsipäkutsun ali kawapäkunanpaq.
Noqantsipa altarnintsiqa manami Sagrädu Tolducho kaykaq altarnötsu kaykan. Altarnintsipita mikuptintsipis Sagrädu Tolducho Tayta Diosta sirviq cürakunaqa manami tsaypita mikunanpaq derëchun kantsu.
Lutan yarpashqankunata ruraqkunaqa [majanta jarukärin,] fornicación jutsata rurapäkun, melanaypaq kaqkunata rurapäkun, shanaripakur jutsata rurapäkun,ïdulukunata adorapäkun, runa mayinta brüjutsipäkun, runa mayinta chikipäkun, rimanakärin, cëlanakärin, imalapitapis rabyakärin, nanaparänakun, qarqunakärin, jaqayätsinakun,envidiösu kapäkun, [runa mayinta wanutsipäkun,] upyalaman churakan, shinkakurkur lutankunata rurapäkun y tsaynölami ima jutsatapis rurapäkun. Nawpata nishqänölami kananpis kayno nï: Tsayno kawaqkunaqa Tayta Dios mandaykashqanman manami chayanqatsu.
Tayta Dios, kikikimi herenciä kaykanki. Qammi bendicionta imaypis churamunki. Lapan pasamänanpaq kaqkunatapis qamqa musyankimi.
8 (9) Tayta Diosmi castïgun winaraykaq cöpata aptaraykan. Cöpa juntami paypa rabyaynin kaykan. Maytsaycho taq fiyu runakunata castigarmi tsay cöpata ushananyaq uputsinqa.
Salvamashqanpitami Tayta Diosta imaypis agradëcikushaq. Jutinta joqarirmi payta alabashaq.
Chikimaqnïkuna rikakunanpaqmi bendicionnikita churamunki. Umäman aceitita winapämaqnömi kushishqa chaskimanki. Bendicionnikita lipay lipayta chaskirmi pasaypa kushikü.
Tsaypitanami punukashqano kaykashqanpita tantiyakurir kuyashqan runakunata Tayta Dios yapay yanaparqan. Vïnuta upyakurkur valorta tsariq runanömicontrankunata vincir qatikacharqan. Tsaynöpami tsay contrankuna imayyaqpis penqaycho kanqa.
3 (5) Noqakunata nakaymanmi churaykamashqanki. Castigamaptikimi vïnuta upyashqa runano upatakashqa karkaykä.
12 (13) Pïmaypis wasäta rimalarmi puripäkun. Shinkashqa runakunapis penqakatsimänan kashqami cantapäman.
Vïnutapis ni ima shinkatsikuqtapis ama upyaytsu. Tsaykuna katsun lakishqa y jaqayashqa kaq runakuna upyakunanpaq.Waktsa kashqanta y lakikuykashqanta qonqananpaq tsaykunata upukutsun.
Üva plantakunatapis ranchami ushanqa. Vïnupis manami kanqanatsu. Nawpata kushishqa kawaqkunapis lakishqanami kawapäkunqa.
Mikuyta rantinaykipa trukan ¿imanirtaq qellaynikita manakaqkunacho usharkaykanki? ¿Imanirtaq arupakur gänashqaykita lutankunacho usharkaykanki? Shumaq mayapäkamay. Cäsukamarqa ali mikuytami taripäkunkipaq. Ali alilata mikur kushishqami kawapäkunkipaq.
Chayaykatsirmi tinäja y väsukuna junta vïnuta apaykur Recab aylu runakunata kayno nir churaparqä: <<Kay vïnuta upurkulay, taytakuna>>.Tsayno sirviptïmi kayno nipäkamarqan: <<Noqakunaqa manami vïnuta upupäkütsu. Unay aylükuna Recabpa tsurin Jonadabmi yätsirqan paypita miraqkuna vïnuta imaypis mana upupäkunanpaq.
<< <Imaykayuqpis kaptikimi Damasco runakunapis Helbónpita apamushqan vïnuta y Saharpita apamushqan milwata rantikushuq kanki.
Upyalaman churakashqa kaq runakuna, tantiyakäriy. Shinkashqaykipita kachakarkur waqapäkuy. Chukluskuna üvata ushaptin upyanaykipaq vïnupis manami kannatsu.
Wakinkunaqa lulakärishpan kaynömi nipäkun: <Tayta Diosmi bendicionta churamunqa vïnupis y ima shinkatsikuqpis atska kananpaq>. Tsayno nir wilakuptinmi profëtayki kananpaq kushishqa chaskiparkaykanki>>.
Efraín runakunaqa ali chölulantaqmi kapäkunqa. Vïnuta upurkur kushikuqnömi kushishqa kawapäkunqa. Kushishqa kaykaqta rikarmi tsurinkunapis kushikärinqa. Yanapashqäpita kushikurmi alabapäkamanqa.
Runapa Tsurin mikuptin y upuptinmi kayno nipäkun: <¡Kay runaqa mikular upularmi purikun! ¡Impuestu cobraqkunapa y jutsasapa runakunapa yanasanmi!> Tsayno nipäkuptinpis discïpulükuna Tayta Dios munashqanno kawaptinmi Juanta y noqata Tayta Dios kachamashqan tantiyakaykan>>.
Tsaynölami vïnuyuq väsuta aptarkur Tayta Diosta yusulpalä nirqan. Nirkurnami discïpulunkunata makyar kayno nirqan: <<Lapayki kaypita upupäkuy.
Tsaynölami vïnuyuq väsutapis aptarkur Tayta Diosta yusulpalä nirqan. Nirkurnami discïpulunkunata makyaptin lapan upupäkurqan.
<<Tayta Dios munashqannömi tsuriki kawanqa. Payqa manami vïnuta ni ima shinkatsikuqtapis upunqatsu. Mamanpa pachancho kashqanpita patsami Espíritu Santupa munaynincho kanqa.
Tsayshi aceitiwan y vïnuwan jampirkur träpukunawan wataparqan. Nirkurnashi bürrunman muntarkatsir patsakuna wayiman apaykur shumaq jampirqan.
Wawqi panikuna, musyämi ali shonqu kapäkushqaykita, Tayta Diospa wilakuyninta yachakärishqaykita y wakintapis tantiyatsinaykipaq yachaq kapäkushqaykita.
Santa Cënata upunaykipaq juntakarshi wakinnikiqa ali mikuyta apaykur mikurkaykanki. Wakinnikishi mikanarkaykanki. Wakinnikinashi shinkashqaykiyaq upyarkaykanki.Tsayno rurarqa Tayta Dios salvashqan kaqkunata manakaqman churarkaykanki y waktsa kaqkunata penqaymanmi churarkaykanki. ¿Imanirtaq wayilaykicho mana mikupäkunkitsu y upupäkunkitsu? Tsayno rurarqa mana alitami rurarkaykanki.
Noqantsi Santa Cënapaq juntakar bendición cöpapita upushpantsi ¿manaku yarpantsi Jesucristo noqantsi rayku yawarninta jichashqanta? Tsaynöpis tantata pakipänakur mikushpantsi ¿manaku yarpantsi Tayta Dios salvamänantsipaq Jesucristo cruzcho wanushqanta?
Imano nipäkamaptinpis noqakunaqa Jesucristo kuyamashqantsita tantiyarmi wanuy kaway payta sirvipäkü. Tsayno sirvipäkü Jesucristo lapantsi rayku wanushqanta musyarmi. Noqantsi rayku wanuptinmi lapantsipis jutsa ruraypaq wanushqanöna kaykantsi.
Jesucristupana karmi unay kawaynintsita cruzcho wanutsishqantsina. Tsaymi jutsa ruraykuna yarpaynintsiman shamuptinpis mana chaskipantsinatsu.
Jesucristupa makincho karqa alimi kawapäkuntsi. Pay kuyamaptintsimi kushishqa kawaykantsi. Espíritu Santupis noqantsiwanmi imaypis kaykan. Tayta Diosmi tantiyaykätsimantsi wamayänakur y kuyapänakur kawanantsipaq.Tsayno kaykaptinqa juk shonqunöla imaypis kuyanakur kawapäkuy. Tsayno kuyanakushqaykita musyarmi pasaypa kushikushaq.
Jesucristupa ali wilakuyninta imaypis yarparay. Tsay wilakuyninta shumaq tantiyakuykur yachatsinakäriy y cäsukunaykipaq shakyätsinakäriy. Salmukunata, himnukunata y cörukunata cantar Tayta Diosta lapan shonquykiwan agradëcikur alabapäkuy.
Tsayno kaykaptinqa wakin runakuna punukashqa kashqannöqa ama kashuntsu, sinöqa mayaq mayaqla Jesucristuta shuyarpaykäshun.Tsakäpakushqano kaqkunaqa punukashqano y shinkashqano karmi Jesucristo kutimunanpaq kashqanta mana tantiyapäkuntsu.Noqantsiqa atsikyaqchöna kashpantsi shumaq tantiyakushun, Tayta Diosman yärakushun y piwanpis kuyanakushun. Tsayno kawarqa chalëcuntsi jatishqanömi kaykantsi. Tayta Dios salvamashqantsita shumaq tantiyarqa cascuntsi jatishqanömi kaykantsi.
Qamkunaqa mikuyta mikuqnöna kapäkunkiman. Tsayno karqa ali kaqta y mana ali kaqta tantiyarmi Tayta Dios munashqanno kawapäkunkiman.
Lakishqa karqa Tayta Diosta manakäriy. Kushishqa karpis Tayta Diosta agradëcikur alabapäkuy.Mayqaykipis qeshyar imarqa mayor wawqikunata qayatsinki Tayta Diosta manakunanpaq. Paykunami Jesucristupa jutincho aceitita umaykiman winaparkushushpayki aliyänaykipaq Tayta Diosta manakärinqa.
Nawpataqa wakin runakunano jutsata rurarmi mana penqakuypa warmipis olqupis jukwan jukwan purikärirqayki, tukuy niraq jutsatami rurapäkurqayki, upyalaman churakashqami kawapäkurqayki y ïdulukunatami adorapäkurqayki. Kananqa tsayno ama kawapäkuynatsu.
Wakinkunata nakatsishqanpitami kikinkunapis nakapäkunqa. Pïmaypa nawpanchömi manakaqkunata rurapäkurpis mana penqakuypa jeqchikachan. Qamkuna mikunaykipaq juntakashqaykichöpis lutankunata parlarmi kushikärin.
12 (13) Tayta Dios, qam munashqaykino kawaq runakunamanmi bendicionnikita churamunki. Paykunata kuyashpaykimi escüduno kaykanki.
Tsaymi ali wayuq chakrakunacho kushikuypis mana kanqanatsu. Üva chakrakunachöpis manami cantanqanatsu. Üva jarukuna batyakunachöpis mananami vïnupaq üvata jarunqanatsu. Manami kushikur qaparpanqanatsu.
Manami jirkankunacho ïdulukunata adoraqkuna mikuyta rurashqanmanpis witipantsu. Israel runakuna yärakushqan ïdulukunamanpis manami yärakuntsu. Manami runa mayinpa warminwan kakuntsu. Manami killa qeshyanwan kaykaptinqa warmintapis yatapantsu.
Tayta Diosmi kayno nin: <<Shamuq watakunacho trïgu cosëchata manaraq shuntayta ushaptinmi muruy tiempuna kanqa. Üva jaruyta manaraq ushaptinmi üva plantapakuy tiempu chayamunqa. Jirkakunapa y jirkankunapapis mayunöraqmi vïnu jichanqa.
Mururpis manami cosechankipaqtsu. Aceitünasta aqaptikipis lushikunaykipaq aceiti manami kanqatsu. Üvata jaruptikipis vïnuta upunaykipaq manami kanqatsu.
<<Kushishqami kawapäkunqa mikanaypanöraq y yakunaypanöraq Tayta Dios munashqanno kawayta munaqkuna. Paykunataqa Tayta Diosmi yanapanqa.
Qamkunachöqa manami tsayno kanmantsu. Mayqaykipis mandaq kayta munarqa ashmaynöla runa mayikita yanapay.Ali rikashqa kayta munarqa pïmaypaqpis esclävunöla kapäkuy.
Nirkur wayinman pushaq fariseutapis Jesús kayno nirqan: <<Mikupäkunaykipaq pitapis qayatsirqa ama qayatsinkitsu kuyanakushqalaykitaqa, wawqilaykitaqa, aylulaykitaqa ni rïcu kaq vecïnulaykitaqa. Paykunalata qayatsiptikiqa tumaykita kutitsishunkipaqmi.Tsaypa trukanqa qayatsinki waktsakunata, ushukunata, weqrukunata y qaprakunata.Paykuna mana kutitsishuptikipis ali ruraq runakuna kawarimushqan junaqmi Tayta Dios kutitsishunkipaq>>.
kayno nirqan: <<Wakin runakunaqa fiesta qalaykunalanchömi alinnin kaq vïnuta sirvitsin. Umatarkuptinnami sheqi kaqlatana sirvitsin. Tsayno kaptinpis qamqa fiesta ushananchöraq mas alinnin kaq vïnuta sirviykätsinki>>.
Qamkuna nirkaykanki munashqaykita ruranaykipaq librina karkaykashqaykitami. Tsayno kaptinpis manami lapantatsu rurapäkunkiman. Manami jutsata rurar kawanantsipaqtsu libri kaykantsi, sinöqa Tayta Dios munashqanno kawanantsipaqmi.
Wawqi panikuna, rasun kaqkunapaq, ali ruraykunapaq y ali kawaypaq imaypis yarpachakäriy. Imapis ali kaptin o alabanantsipaq kaptinqa tsaykunapaqpis yarpachakäriy.
Qellaylapaq wanuqkunaqa imayka jutsatami rurapäkun. Wakin wawqi panikunapis rïcuyaylapaq yarpachakurmi Jesucristuman mana yärakärinnatsu. Nirkurmi cuchilluwan tuksikuqnöraq fiyupa nakapäkun.
Tayta Diosta sirviq kaykarqa y wawqi panikunata rikaq kaykarqa mayor wawqikuna katsun pïmaypitapis mana jamurpashqa, mana runa tukuq, imapitapis mana rabyakuq, mana upyaq, mana pelyaq y imatapis mana chaskipakuq.
Lutan yachatsikuqkuna yachatsishqanta ama chaskipaytsu. Manami paykuna nishqannötsu reqishqa mikuykunalata mikur Tayta Dios munashqanno kawantsi, sinöqa Tayta Dios yanapamaptintsimi.
¡Mana cäsukuq jutsasapa runakuna! ¿Manaku musyapäkunki mana alikunata rurar Tayta Diospa contran kapäkushqaykita? Pipis mana alita rurarqa Tayta Diospa contranmi karkaykan.
Alilata ruraq runaqa jawkalami kawakun. Mana alita ruraq runami itsanqa elaqpita ushakanqa.
Mikuyqa saksaq mikunantsipaqmi kaykan. Vïnuqa kushikunantsipaqmi kaykan. Qellayqa imachöpis gastanantsipaqmi kaykan.
Tayta Dios mandaykashqancho kawayqa manami munashqantsita mikunantsipaqtsu ni upunantsipaqtsu kaykan, sinöqa alilata ruranantsipaq, pïmaywanpis ali kawanantsipaq y Espíritu Santu yanapamaptintsi kushishqa kawanantsipaqmi.