VERSIÓN DE ENCUERTAMENTO

Kawsayqa upalla-urayllan, sonqonchispas anchata llakikun, ichaqa Diosqa mayu patapi sach'a hina kananchista munawanchis, chay sach'aqa mana ismuypichu raphinkunata urmachin. Sonqonchis llakisqa kaptinqa, manaña lloqsinanchischu hinam rikukun.

Ichaqa, Diosqa ancha khuyapayakuqmi, paypa siminqa kallpachawanchismi, hatarimunanpaq yanapawanchismi. Sonqonchista payman kichaykuspalla, chay sasachakuykunata pasarunqam. Diosmi qanwan kashan, manam sapallaykichu kashanki. Tukuy nanaynikikunatam alliyachisunki, kusikuywan junt'asunki.

Cristoq sutinpi, Santo Espirituq kallpanchasqanta suyakuykim. Dios sonqoykita kallpanchachun, kallpaykikunatapas wiñaychachun mañakuykim.

Imapaqpis ama lakikäriytsu. Tsaypa trukanqa Tayta Diosta agradëcikur lapanchöpis yanapashunaykipaq manakäriy.Tsayno manakäriptikimi Tayta Dios ali kawayta qoshunki. Paymi shonquykitapis yarpaynikitapis cuidanqa Jesucristuman yärakur mana lakikärinaykipaq. Tsaymi imanir kushishqa kawashqaykita pipis mana tantiyanqatsu.

Tayta Dios yanapaykäshuptikiqa lapan lakikuynikikunata paypa makinman kachaykäriy.

Cada junaq imalapis yarpachakunaykipaq kaykaptinqa wara junaqpaq ama yarpachakäriytsu.

Pasaypa lakishqa kaykaptïmi imaypis shakyätsimashqanki.

3 (4) Tayta Dios, mantsakurpis qammanmi yärakamü.4 (5) Promitimashqaykita cumpliq kaptikimi qamta alabä. Qamman yärakurmi pitapis mana mantsakütsu. Runakuna conträ sharkuptinpis manami lakikütsu.

Qamkunawan kaykaptïqa ama mantsakäriytsu. Diosniki kaykaptïqa ama lakikäriytsu. Kalpaykikuna kananpaqmi imaypis yanapashayki. Alawqa kaq makïwanmi imaypis jancharäshayki.

4 (5) Ruwakuptïmi Tayta Dios mayamashqa. Mantsariptïpis paymi valorta qomashqa.

<<Jawka kawaytami qamkunata kachapaykü. Ali kawaynïtami qamkunata qoykü. Noqa yanapashqäno manami pipis yanapashunkitsu. Ama lakikäriytsu ni mantsakäriytsu.

Musyantsimi ima pasaptinpis Tayta Diosta kuyaqkunapaqqa lapanpis ali kananpaq kashqanta. Paykunataqa Tayta Dios qayarqan kikin munashqanno kananpaqmi.

22 (23) Lapan lakikuynikikunatapis Tayta Diospa makinman kachaykäriy. Paymi imachöpis yanapashunkipaq. Cäsukuqkunataqa manami imaypis qonqanqatsu.

Fiyupa lakikurqa jukniraqyashqami purin. Pilapis ali shiminpa parlapaptinqa kushirkunmi.

<<Qamlaman yärakuqkunataqa ali kawapäkunanpaqmi imaypis yanapanki. Qamlapaq yarparaqkunataqa mana lakikärinanpaqmi imaypis tantiyatsinki.

Tayta Dios, imano kawashqätapis rikaykalämay. Shonqü alita o mana alita yarpashqantapis musyaykulay. Yarpashqäpis, parlashqäpis o rurashqäpis mana ali kaptinqa tantiyaykatsilämay. Qamwan imayyaqpis kawanäpaq yachaykatsilämay.

5 (6) Rabyarpis payqa rätulami rabyan. Kuyakuq kayninqa manami imaypis ushakantsu. Tsaymi tsakaypa waqarpis kushishqana wararkuntsi.

Tsaynöpis qellaylapaqqa ama wanupäkuytsu. Tsaypa trukanqa tsararashqalaykiwan contentakäriy. Tayta Dios kaynömi nin: <<Imaypis manami kacharishaykitsu ni qonqashaykitsu>>. Tsayno niykämaptintsiqa payman yärakushpantsi kushishqa kayno nishun: <<Tayta Dios yanapaykämaptinmi imatapis mana mantsakütsu. Runakuna conträ sharkuptinpis manami lakikütsu>>.

Tayta Dios noqawan kaptinmi imatapis mana mantsakütsu. Runakuna conträ sharkuptinpis manami lakikütsu.

Manami jaka shonqu kanantsipaqtsu Tayta Dios churamashqantsi, sinöqa mana mantsakuypa wilakunantsipaq, pïmaytapis kuyanantsipaq y shumaq tantiyakuykur imatapis ruranantsipaqmi.

Tayta Dios yanapaykuläshunki payman yärakur jukniki juknikipis ali kawapäkunaykipaq, Espíritu Santupa makincho kawapäkunaykipaq y nawpanman chayanaykipaq kashqanta musyar waran waran kushishqa kawapäkunaykipaq.

1 (2) Tayta Diosqa pakakunantsi törrinömi kaykan. Paymi imapitapis tsapämantsi. Ima nakaycho kaptintsipis yanapamantsimi.2 (3) Patsa fiyupa siksikyaptinpis ama mantsakushuntsu. Puntakuna lamarman talpukaptinpis ama lakikushuntsu.

<<Utikashqa y lakishqa kaqkuna, lapayki noqaman shapäkamuy. Noqami jamayta qoshayki.Noqapa yügüta matankaykiman churakäriy. Kuyapäkuq y ali shonqu kashqäta rikakamar noqapita yachakäriy. Noqapita yachakurmi jamayta taripäkunki.Noqapa yügü ankashlami. Manami sasa apaytsu>>.

Jacobpita miraq Israel runakuna, kamashuqniki Tayta Dios kaynömi nin: <<Ama mantsakäriytsu. Kikïpa kaptikimi jutikikunapa qayar qamkunata salvashqä.Hondu mayukunata tsimpaptikipis qamkunawanmi kaykäshaq. Mayjina cargashqa karpis manami apashunkipaqtsu. Nina chawpinpa pasaptikipis manami rupashunkipaqtsu. Manami qashpaylapis qashpashunkipaqtsu.

Promitimashqaykikuna imaypis shakyätsimanmi. Tsaynöpami lakishqa kaykaptïpis consulamanki.

Lapan shonquykiwan Tayta Diosman yärakuy. Yachaq kashqaykimanqa ama atiënikuytsu. Imata ruranaykipaqpis Tayta Dios munashqanno ruranaykipaq yarpachakuy. Tsayno kawaptikiqa paymi yanapashunkipaq.

Jesucristupita ali kawayta chaskikushqana kaykarqa pïmaywanpis ali kawapäkuy. Juk shonqunöla kawapäkunaykipaqmi Tayta Dios qayashushqanki. Tsaynöpis Tayta Diosta imaypis agradëcikäriy.

24 (25) Tayta Diosman yärakuqkunaqa, mana kachaypa imaypis payman yärakäriy.

Tayta Dios kuyamashqantsita mana tantiyarmi castigamänantsipaq kashqanta yarpantsi. Tayta Dios kuyamashqantsita tantiyarmi itsanqa mana castigamänantsipaq kashqanta musyar payta mana mantsantsitsu.

Jesucristo noqantsi rayku wanushqa kaptinmi gloriacho riquëzankunapita Tayta Dios qamkunatapis lapan munashqaykita kamaripäshunki.

Tsayno kaykaptinqa ¿imatanataq munashun? Tayta Dios favornintsi kaykaptinqa ¿pitaq contrantsi sharkunqa?

5 (6) Tayta Dioslami jawkala kawanäpaq yanapaman. Paylamanmi imaypis yärakü.6 (7) Paylami salvaman y imapitapis tsapäman. Pakakunä qaqa kaptinmi mana aliman ishkishaqtsu.

Tayta Diosman yärakuqkunami itsanqa kalpayuq rikakun. Paykunaqa anka päriqnöraqmi aywapäkun. Mayjina cörrirpis manami utikantsu. Mayjina aywarpis manami bëtantsu.

Tsayno kaykaptinqa mana ajayaypa alikunalata rurashun. Tsayno kawaptintsiqa Tayta Diosmi imay karpis premiuta qomäshunpaq.

Mana ali noticiata mayarpis manami mantsakuntsu. Ima kaptinpis Tayta Dioslamanmi yärakun.

<<Tsayno kaykaptinqa ama yarpachakäriytsu kayno nir: <¿Imanöraq kawashaq? ¿Imataraq mikushaq? ¿Imataraq upushaq? ¿Imataraq jatikushaq?> Manami mikuylapaq ni röpalapaq yarpachakunantsipaqtsu kaykantsi.Pishqukuna imano kawashqantapis shumaq tantiyakäriy. Paykunaqa manami murukuntsu ni cosechantsu ni pirwakuntsu. Tsayno kaykaptinpis jana patsacho kaykaq Taytaykimi mikuyta kamaripan. Tayta Diospaqqa pishqukunapitapis masmi välipäkunki.<<Mayjina yarpachakurpis ¿piraq juk kuchus maslatapis winarkunman?

9 (10) Noqa musyämi mana kachaypa yanapaykämashqaykita. Yanapamänaykipaq manakuptï conträkuna qeshpirmi aywakärinqa.

Lapan pruëba pasashushqayki wakin runakunatapis pasanmi. Probashushpaykipis Tayta Diosqa manami kachaykushunkipaqtsu. Tsaymi pruëbata awantar jutsaman mana ishkinaykipaq imaypis yanapashunki.

Manakuptïmi kayno nimarqan: <<Kuyashqaläwan qamqa contentakuy. Tsayno nakar kalpaynaq kaptikiraqmi munaynïwan yanapashayki>>. Tsayno nimaptinmi tsay nakaywan nakar kalpaynaq karpis kushikü. Kalpaynaq kaptïraqmi Jesucristo yanapaykäman.

Ima ruraytapis yarparqa yanapashunaykipaq Tayta Diosta manakuy. Tsayno manakuptikiqa yarpashqaykikuna kamakanqami.

Jirkakunapa rikachakurmi kayno yarpachakü: <<¿Maypitaraq yanapamaqnï shamunqa?>>Noqapa yanapamaqnïqa kay patsata y jana patsata kamaq Tayta Diosmi kaykan.

Wawqi panikuna, rasun kaqkunapaq, ali ruraykunapaq y ali kawaypaq imaypis yarpachakäriy. Imapis ali kaptin o alabanantsipaq kaptinqa tsaykunapaqpis yarpachakäriy.

Pasaypa lakikur ima ruraytapis mana kamäpakuptïpis mandamientuykikunaqa kushirkatsimanmi.

<<¿Manaku ishkay pishqukunata juk centimulacho rantikärin? Tsayno kaptinpis manami ni juklaylapis wanuntsu Taytayki mana munaptinqa.Aqtsaykipis paypaqqa yupashqalami kaykan.Qamkunaqa tsaytsika pishqupitapis masmi välipäkunki. Tsayno kaykaptinqa ama mantsakäriytsu>>.

<<Qamkunaqa maypa aywarpis kushishqami kawapäkunkipaq. Jirkakunapis jirkankunapis rikashushpayki kushishqami cantanqa. Lapan yörakunapis kushikushpanmi rämankunata kuyutsinqa.

1 (2) Yanapamänanpaqmi Tayta Diosta shuyarashqä. Qayakushqäta mayamarmi yanapamashqa.2 (3) Wanwanyaykaq pözuman jeqashqano kaykaptïmi salvamashqa. Marpuman jatikashqano kaykaptïmi jorqamashqa. Yapay mana jatikänäpaq rumi jananmanmi ichitsimashqa. Tsaymi mana lutskakaypa puriqnöna kawaykä.3 (4) Tsayno yanapamaptinmi mushuq alabanzata cantar Tayta Diosnintsita alabaykä. Salvamashqanta rikarmi atska runakuna kushikushpan Tayta Diosman yärakurkaykan.

Tayta Diosta shuyäkur kushi kushila kawakäriy. Imano nakarpis payman yärakäriy. Imaypis payta manakäriy.

Tsaynöpis mana mantsakuypami ali pununkipaq.

Imaypis yanapamänantsipaq kaykaptinqa kuyapäkuq Tayta Diosta mana mantsakuypa manakushun. Payta manakurqa trönuncho paywan parlaykaqnömi kaykantsi. Tayta Diosta manakuptintsiqa ima nakaycho kaptintsipis paymi kuyapämashpantsi yanapamäshun.

Tayta Dios, qamqa imaypis yanaqaykämankimi. Wanuy janächöna kaptinpis manami mantsakütsu. Tukruykiwan washämaptikimi imaypis qamman yärakamü.

Tayta Diosmi noqakunapa salvamaqnï kaykan. Tsaymi payman yärakur imatapis mana mantsakärïtsu. Tayta Diosmi imaypis valorta qoman. Paytami imaypis alabä.

Imaypis kushi kushila kawapäkuy.Imay hörapis Tayta Diosta manakäriy.Imapitapis Tayta Diosta agradëcikäriy. Jesucristupa makincho kaptikimi tsayno kawapäkunaykita Tayta Dios munan.

Kalpä ushakaptinpis y shonqü fiyupa lakikuptinpis qammi imaypis shakyätsimanki. Kikikimi herenciä imayyaqpis kaykanki.

Ali shonqu runaqa sänumi kawan. Chiki runami itsanqa qeshyalata mitsikun.

Lakikushpämi Tayta Diosta manakurqä. Mayamarmi nakaypita jorqamashqa.

¡Tayta Dioslaman imaypis yärakushun! Payqa tsapämaqnintsi qaqami imayyaqpis kaykan.

Tayta Dios kuyamantsimi kawaptintsipis, wanuptintsipis, ima pasamaptintsipis y ima pasamänantsipaq kaptinpis. Tsaymi angilkunapis, ni supaykunapis, ni ima munayniyuq kaqkunapis,ni jana patsacho kaqkunapis, ni patsa rurincho kaqkunapis, ni Tayta Dios ima kamashqankunapis paypa kuyakuyninpita mana rakimäshuntsu. Tsayno kuyamashqantsita tantiyatsimashqantsi noqantsi rayku wanunanpaq Señornintsi Jesucristuta kachamurmi.

1 (1b) Tayta Dios, qamtami lapan shonqüwan manakamü.Tayta Diosnilä, qamlamanmi yärakamü. Runakuna penqapämänanpita tsapaykalämay. Conträkuna asipämänanta ama munaykulaytsu.

¡Tayta Diosta alabaykuläshun! ¡Pasaypa munayniyuq karmi manakushqantsipita y yarpashqantsipitapis masraq yanapamantsi!

Lapan shonqunwan manakuqkunapa nawpanchömi Tayta Dios kaykan.

Sióncho lakishqa kaqkunata shumaq tantiyatsirmi shakyätsishaq. Tsaymi umanman uchpata winakunanpa trukan corönatana jatikärinqa, lütuta jatikunanpa trukan aceitiwan lushikärinqa y lakishqa kananpa trukan kushishqana cantapäkunqa. Tsayno kaptinmi Tayta Dios plantashqan kuyaylapaq encina yörano kashqanta nipäkunqa. Tsaynöpami Tayta Diosta pïmaypis alabanqa.

Musyämi qamkunacho Tayta Dios ali rurayta qalaykushqanta y Jesucristo kutimunanyaq tsay ruraykashqanta ushananpaq kashqanta.

Yätsishqäkunata chaskikuqkunami itsanqa ali kawapäkunqapaq. Paykunataqa manami ima desgraciapis pasanqatsu>>.

10 (11) Promitimashqaykita cumpliptikimi qamta alabä. Awnimashqaykino ruraptikimi qamta adorä.11 (12) Qamman yärakurmi pitapis mana mantsakütsu. Runakuna conträ sharkuptinpis manami lakikütsu.

¡Señor Jesucristupa Papänin Tayta Dios alabashqa kaykulätsun! Paymi kuyapämantsi y imaypis shakyätsimantsi.Ima nakaycho kaptintsipis shakyätsimantsi noqantsipis yärakuq mayintsikuna nakaptin shakyätsinantsipaq. Tsaymi Tayta Dios shakyätsimashqantsino wakinkunatapis shakyätsintsi.

11 (12) Lakishqa kaykaptï kushikatsimaptikimi kushishqana qatswä. Lütu röpata jatikunäpa trukanqa fiesta röpatanami jatipämashqanki.12 (13) Tsaymi salmukunata cantar alabashayki. Manami imaypis upälakushaqtsu. Qamtami imaypis agradëcikushayki.

Tayta Diosta manakurpis manami shumaqlaqa kamäpakuntsitsu pay munashqanno manakuyta. Tsayno kaptintsimi Espíritu Santu Tayta Diosta waqapaypa favornintsi ruwakun.

Jaqayashqa runapaqqa mayqan junaqpis manami alitsu kaykan. Kushishqa kawaq runapaqmi itsanqa lapan junaqpis ali kaykan.

Qammi kanki pakakunä y tsapämaqnï escüdü. Promitimashqaykimanmi imaypis yärakuykä.

<<Kushishqami kawapäkunqa lakikur waqaqkuna. Paykunataqa Tayta Dios shoqanqami.

Utikashqa runakunatapis paymi yanapan. Janjampaykachaq runakunatapis paymi kalpata qon.

Señornintsi Jesucristuman yärakur perdonashqa karmi Tayta Dioswan alina kawaykantsi.

Tayta Dios lapan promitimashqantsita imaypis cumplishqanta musyaykarqa qepaman mana kutikuypa Jesucristuman imaypis yärakushun.

11 (12) Ay vïdala vïda, ¿imanirtaq turwatä? ¿Imanirtaq lakikü? Tayta Dioslamanmi imaypis yärakushaq. Paytami imaypis alabashaq. Paymi salvamaq Tayta Diosnï.

Patsa warashqanpita patsa tsakashqanyaq nakar arushqaykipis manakaqlapaqmi kanqa. Tayta Diosmi kuyashqan runakuna punushqanyaq nistashqankunata kamaripan.

Ama yachaq tukuytsu. Tsaypa trukanqa Tayta Diosta mantsakushpayki lutankunata ama ruraytsu.

Alita ruraykaptikipis nakatsipäkushuptikiqa Tayta Diosmi yanapashunkipaq. Tsayno kaykaptinqa pitapis ama mantsakärinkitsu ni chikishuptikipis lakikärinkitsu.

Leynikikunata kuyaqkunaqa kushishqami kawapäkun. Paykunataqa manami pipis jutsaman tunitsintsu.

<<Manakuptikiqa Tayta Dios kamaripäshunkimi. Ashirqa tarinkimi. Punkuta takakuptikiqa kichapäshunkimi.

Tayta Diosniki karmi qamkunata makipita jancharaykä. Tsaymi kayno niykä: <Ama mantsakäriytsu. Qamkunata yanapashaykimi>.

Tayta Dios munashqanno kananpaq imatapis manakuptintsiqa mayamashqantsitami musyantsi.Mayamashqantsita musyarmi manakushqantsino yanapamänantsipaq kashqantapis musyantsi.

Alilata ruraq kashqanpita Tayta Diosta agradëcikäriy. Kuyapäkuyninqa manami imaypis ushakantsu.

Qamkunapa trukaykimi paykunawan noqa pelyashaq. Tsayno kaykaptinqa contraykikuna kashqan kaqman chayaykur ama atacankitsu, sinöqa imano salvashqäta rikapäkunaykipaq churakanki. Jerusaléncho y Judácho taq runakuna, ama mantsakäriytsu ni lakikäriytsu. Qamkunawan kaykaptïqa paykunata ichipänaykipaq wara aywapäkuy> >>.

Jesucristupa makincho kawaykarqa imaypis kushikäriy. Yapaymi kayno nï: ¡Kushikäriy!

6 (7) Wanunäpaqna kashqanta yarparmi Tayta Diosta manakurqä. Yanapamänanpaqmi Diosnïta ruwakurqä. Ruwakuptï templunpita patsami mayamarqan. Fiyupa lakikur manakushqätami wiyamarqan.

Manami Tayta Diospa leyninkunata cumplishqaykiman yärakurtsu salvakärinki, sinöqa kuyapäkuq Tayta Diosman yärakurmi. Tsayno karqa manami jutsa ruraypa munayninchönatsu karkaykanki.

Espíritu Santupa munaynincho kawarmi itsanqa kuyanakuntsi, kushikuntsi, jawka kawantsi, pacienciakuntsi, ali shonqu kantsi, yanapakuq kantsi, awnishqantsita cumplintsi,humildi kantsi y alilata ruranantsipaq tantiyakuntsi. Tsayno kawarqa manami ima leytapis manakaqman churaykantsitsu.

Lakikuptïpis kuyapämar kushikatsilämay. Promitimashqaykinöla yanapaykalämay.

Imapitapis alcäbula kapäkuy. Imano nakarpis Tayta Diosman yärakäriy. Imatapis mana mantsakuypa Tayta Dios munashqanno kawapäkuy.

Tayta Dios, ima ruraytapis mana kamäpakurmi yanapamänaykipaq manakushqä. Kuyapäkuq karmi yanapamashqanki.Pasaypa lakishqa kaykaptïmi imaypis shakyätsimashqanki.

Shonqun kushishqa kaptinqa qaqlanpis chipchipyanmi. Lakishqa kaptinmi itsanqa qaqlanpis jukaqyashqa kaykan.

Inti yarqamunan lädupa pärir aywakuptïpis y lamarpa jukaq kuchuncho taptïpisqamqa nawpächömi kaykanki. Maycho kaykaptïpis alawqa kaq makikiwanmi jancharaykämanki.

Imaykapitapis mas puntataqa Tayta Dios mandaykashqancho kawapäkunaykipaq y pay munashqanno kawapäkunaykipaq yarpachakäriy. Tsayno kawapäkuptikiqa imata munashqaykitapis kamaripäshunkimi.

Manakamaptinqa awnishaqmi. Lakikuptin kikïmi paykunawan kaykäshaq. Yanaparmi nakaykunapita jorqushaq.

3 (4) Tsayno nipäkuptinpis tsapämänaykipaq kikikimi escüdü kaykanki. Qammi kushikatsimaqnï kaykanki. Qammi shakyätsimaqnï kaykanki.

Tayta Diosmi tsapämantsi imapis mana pasamänantsipaq.Tayta Diosmi maypa aywaptintsipis kananpis y imaypis rikaykämantsi.

Tsaykuna pasamaptintsipis Tayta Dios kuyamaptintsimi kushishqa imaypis yärakuykantsi.

Tsayno manakäriptikimi Tayta Dios ali kawayta qoshunki. Paymi shonquykitapis yarpaynikitapis cuidanqa Jesucristuman yärakur mana lakikärinaykipaq. Tsaymi imanir kushishqa kawashqaykita pipis mana tantiyanqatsu.

19 (20) Tayta Diosnilä, ama kachaykalämaytsu. Qammi valorta qomanki. Shamur jukla salvaykalämay.

Tsaynöpis mana mantsakuypami ali pununkipaq. Fiyu runakunata elaqpita desgracia pasaptinpis qamtaqa manami pasashunkipaqtsu.Tsayno kawanaykipaqqa Tayta Diosmi imaypis yanapashunkipaq. Paymi ima nakaypitapis tsapäshunkipaq.

Ruwakushqäta mayamaptinmi Tayta Diosta pasaypa kuyä.Manakushqäta chaskimaptinmi imaypis payta manakü.

<<Qamlaman yärakuqkunataqa ali kawapäkunanpaqmi imaypis yanapanki. Qamlapaq yarparaqkunataqa mana lakikärinanpaqmi imaypis tantiyatsinki.¡Tayta Dioslaman imaypis yärakushun! Payqa tsapämaqnintsi qaqami imayyaqpis kaykan.

Nishqaykikunata yarparkurmi pulan paqaspis agradëcikü.

1 (2) Tayta Dioslami ali kawanäpaq yanapaman. Paypitami salvacionnï kaykan.2 (3) Paylami salvaman y imapitapis tsapäman. Pakakunä qaqa kaptinmi mana aliman ishkishaqtsu.

Tayta Dios, qamlamanmi yärakamü. Runakuna mana penqapämänanpaq ama kachaykalämaytsu.Alilata ruraq kashpayki salvaykalämay. Manakamushqäta mayaykalämay. Jukla salvaykalämay.Pakakunä qaqa kaykulay. Qammanmi imaypis qelikamü. Salvamänaykipaq kashqanta musyarmi yärakamü. Qammi tsapämaqnï qaqa y amparakunä törri kaykanki.

Lakikuylawannami uyutarküpis. Palabraykiwan shakyaykatsilämay.

Jesucristupa ali wilakuynin nishqannöla imaypis kawapäkuy. Tsaynöpami shamurpis mana shamurpis musyashaq nakarpis lakikurpis Jesucristo munashqanno kawarkaykashqaykita y imaypis kuyanakurkaykashqaykita. Tsaynöpis musyashaq runakuna chikishuptikipis Jesucristupa ali wilakuyninta wilakurkaykashqaykita.

Ali kawayta munarmi runaqa tukuyta yarpachakun. Tsayno kaptinpis Tayta Dios kamakätsiptinraqmi yarpashqan kamakan.

10 (11) Tayta Diosmi kayno nin: <<Amana lakikäriynatsu. Tantiyakäriy munayniyuq Tayta Dios kaykashqäta. Munaynïchömi maytsay nacionkunapis kaykan. Makïchömi intëru kay patsapis kaykan>>.

5 (6) Ay vïdala vïda, ¿imanirtaq turwatä? ¿Imanirtaq lakikü? Tayta Dioslamanmi imaypis yärakushaq. Paytami imaypis alabashaq. Paymi salvamaq Tayta Diosnï.

2 (3) Ruwakur manakamuptï aliyätsimashqankimi, Tayta Dios.

Jesucristo salvamaptintsimi Moisés qelqashqan leykunapa munaynincho kashqantsipita librina kaykantsi. Tsayno kaykaptinqa tsay leykunata cumplinaykipaq obligashuptiki ama cäsupäkuytsu.

2 (3) Tayta Diosqa tsapämaqnï qaqami kaykan. Pakakunä y salvamaqnïmi kaykan. Pay japalanmi Diosnï kaykan. Amparakunä qaqami kaykan. Paymanmi yärakü. Escüdü karmi tsapäman. Munayniyuq karmi imaypis salvaman. Payqa altunnincho pakakunä machaymi kaykan.

Noqaqa yachatsikuynikikunatami imaypis cäsukushaq.

19 (20) ¡Salvakuq Tayta Dios alabashqa kaykulätsun! Paymi waran waran yanapamantsi. Selah

Tayta Dios, jawka kawapäkunäpaq qamlami yanapamanki. Qam kamakätsiptikimi lapan rurashqäkunapis ali kaykan.

Mana ajayaypa y mana lakikuypa yärakunantsipaqmi Tayta Dios imaypis yanapaykämantsi. Tsaymi payta manakü Jesucristo kuyamashqantsino jukniki juknikipis kuyanakur kawapäkunaykipaq.

Tayta Diosta kushishqa sirviy. Tsayno kawaptikimi shonquyki munashqanta kamaripäshunkipaq.

Tayta Diosqa ali sharkatsishqa törrinömi kaykan. Paymanmi jutsaynaq runakuna amparakun.

Imapaqpis ama lakikäriytsu. Tsaypa trukanqa Tayta Diosta agradëcikur lapanchöpis yanapashunaykipaq manakäriy.

10 (12) Munashqaykino kawanäpaq ali shonquta qoykalämay, Tayta Dios. Nimashqaykita imaypis cäsukunäpaq yanapaykalämay.

Mana tantiyapäkushqantami Tayta Diospa palabranchöpis kayno qelqaraykan: <<Pipis mana rikashqanta ni mana mayashqanta ni mana yarpashqantami kuyaqninkunapaq Tayta Dios kamarishqa>>.

Wakin runakuna jutsata ruraptinpis qamkunaqa jutsata ama rurapäkuytsu. Yarpaynikikunapis nawpata kashqannöqa ama katsuntsu, sinöqa Tayta Dios munashqannöna katsun. Tsayno kawarmi tantiyapäkunki pay munashqanno kawayqa kushikuypaq kashqanta.

Noqapa yügü ankashlami. Manami sasa apaytsu>>.

Lapan shonqüwanmi Tayta Diosman yärakü. Promitimashqankunatami shuyaraykä.

Murushqan höra waqarpis cosëchata shuntarqa kushikärinqami.Murukuycho waqarpis cosëchachöqa trïgu manöjukunata marqashqa kushishqami kutipäkamunqa.

Leynikikunata cäsukunäpaq tantiyaykatsilämay. Tsawraqa lapan shonqüwanmi cumplishaq.

<<Kay patsacho riquëzata ama shuntapäkuytsu. Kay patsacho riquëzataqa puyumi ushan, runami apakun y ismurmi ushakan.Tsaypa trukanqa gloriaman riquëzata churakäriy. Gloriachöqa manami puyupis ushanqatsu, runapis apakunqatsu ni ismunqatsu.Maychömi riquëzayki kaykan tsaylamanmi shonquykipis yarparaykanqa.

5 (6) Tayta Dioslami jawkala kawanäpaq yanapaman. Paylamanmi imaypis yärakü.

Noqantsi rayku Jesucristo wanushqa kaptinmi kuyapäkuq Tayta Dios qayamashqantsi gloriacho imayyaqpis kawanantsipaq. Tsaymi kay patsacho nakaptintsipis Tayta Dios yanapamäshun jutsata mana ruranantsipaq, pay munashqanno kawanantsipaq y payman shumaq yärakunantsipaq.

30 (31) Tayta Dios munashqanno kawayqa imaypis alimi kaykan. Lapan promitishqantapis payqa cumplinmi. Payman yärakuqkunataqa escüdunömi tsapan.

Jukniki juknikipis shakyätsinakur yanapanakäriy. Tsaynöpami Jesucristo yachatsimashqantsi mandamientunta cumplirkaykanki.

1 (2) Yanapamänanpaqmi Tayta Diosta shuyarashqä. Qayakushqäta mayamarmi yanapamashqa.

Diosmanta mañakuy