Kategoriyan
Ofertakunapaq versikuna
Qoykunaqa Diosman qoykukuyninchikta sumaqta qhawaykunanchik. Diosman qosqanchikqa tukuy imamanta aswan allin kanan, sonqonchikmanta lloqsimuspa. Kusisqallawan qonanchik, imaraykuchus Diosqa ancha askhata qowarqanchikña, manaña merecespapas chaypas. Askhata bendeciwaranchisña.
Sobrapakuqllata qospaqa, yachasunkichismi kawsaypas chayna generoso kanqa qanwan. Kikin munasqaykikupaqjina qoyku, mana obligasqa jinachu nitaq kutichipuwasqaykikunaraykuchu. Mana alabakusqaykikunaraykuchu nitaq jatunchakuspachu qoyku. Paña makiykikuna ruwasqanta lloq'e makiykikuna mana yachananchu.
Señor Diosninchikqa kusikuywan qoqkunata munakun, payqa sonqonchikta reqsinmi. Sapinanchik sonqonpi tanteasqanman jina qochun, mana llakikuspa, mana obligasqachu, imaraykuchus Diosqa kusikuywan qoqta munakun. (2 Corintios 9:7) Qoykukuyninchikqa Diospa ñawpaqenpi yupaychay jinan, pay qowasqanchikmanta huk partecita kutichipuspa. Diosqa askhata, mana mikuspa qowanchik.
Sonqomanta qospaqa, Diospa bendicionninkunata chaskinapaq punkukunata kicharin. Aswan askhata qospaqa, aswan askhatataq chaskinki.
pukutaycho turmanyuyta rikakätsimushaq. Tsay turmanyuymi imaypis señal kanqa kay patsawan pactuta rurashqäta yarpänäpaq.Tsaymi patsa jananpa pukutay shamuptin turmanyuyta rikakätsimushaq.Tsay turmanyuyta rikarmi yarpäshaq qamkunawan y kay patsacho lapan casta uywakunawan pactuta rurashqäta. Tsaymi kay patsata yakuwan imaypis mana ushakätsishaqnatsu.
Tsay junaqmi Abramwan pactuta rurar Tayta Dios kayno nirqan: <<Kay tashqayki partita qampita miraqkunatami qoykushaq. Lindërunmi kanqa Egipto mayupita Éufrates jatun mayuyaq.
<<Kay pactuqa manami qamlapaqtsu kanqa, sinöqa tsurikikunapaq, wilkaykikunapaq, wilkaykikunapa tsurinkunapaq y paykunapita mas miraqkunapaqwanmi. Kay pactutaqa imayyaqpis cumplishaqmi. Qampa Diosniki kashqänömi qampita miraqkunapapis Diosnin kashaq.Qorpanöla taykashqayki Canaáncho kaq markakunatami qoykushayki. Tsaynölami qampita miraqkunata qoykushaq imayyaqpis tsaycho tänanpaq. Qampita miraqkunapa Diosninmi imayyaqpis kaykäshaq>>.
<< <Tsaymi nishqäkunata cäsukamar qamkunawan pactu rurashqäta cumpliptikiqa wakin runakunapitapis mas qamkunata kuyashayki. Intëru kay patsacho taq runakunata noqa kamashqa karpis qamkunatami mas kuyashayki.Qamkunataqa nacionninpami churashayki sirvimaq cürakunano kanaykipaq. Tsaymi santu kar noqalatana sirvipäkamankipaq>. Tsayno nishqäta Israel runakunata wilanki>>.
Tsaypitanami Pactu Libruta runakunata liyiparqan. Tsayta mayarmi kayno nipäkurqan: <<Tayta Dios nishqankunataqa lapantami cumplipäkushaq>>.Tsayno awnipäkuptinmi Moisésqa matikunaman chaskishqan yawarta runakunapa jananman tsaqtsupar kayno nirqan: <<Kay yawarqa noqantsiwan Tayta Dios pactuta rurashqan yawarmi kaykan. Mandamientunkunata y leyninkunata qomashpantsimi noqantsiwan pactuta ruraykan>>.
<< <Pactuta rurar promitishqänölami atskaman mirapäkunaykipaq bendicionnïta churamushaq.Atska wata mikunaykipaqmi maran trïgupis aypanqa. Tsayraq cosechashqaykitapis trïgu churakunaykita jäkatsirraqmi churapäkunkipaq.<< <Qamkunawanmi imaypis täshaqpaq. Manami imaypis kachashaykipaqtsu.Maypa aywaptikipis qamkunawanmi kaykäshaq. Noqami qamkunapa Diosniki imaypis kashaq. Qamkunami kuyashqä runakuna kankipaq.
Tsayno kaykaptinqa shumaq tantiyakäriy Tayta Dios rasunpa Dios kashqanta. Payta kuyar mandamientunkunata cumpliqkunataqa imaypis kuyanqami. Tsaynölami pactu rurashqanta cumplir waranqa (1,000) generación kashqanyaq yanapanqa.
Yapaymi qamkunata kayno nï: Manami cäsukuq kashqaykipitatsu tsay nacionta Tayta Dios qoykushunkipaq, sinöqa tsaycho taq runakuna jutsasapa kashqanpitami. Tsaynöpami cumplinqa unay ayluntsikunata promitishqanta.
9 (8) Tsayno kaykaptinqa Tayta Dios pactu rurashqanta mana qonqaypa cumplipäkunki. Cumplipäkuptikiqa ima rurashqaykikunapis alimi kanqapaq.
<<Qamkunata tantiyatsishqänami ali kawapäkunaykipaq kaqta y mana ali kawapäkunaykipaq kaqtapis. Kanan shumaq yarpachakäriy mayqantapis akrapäkunaykipaq.Kanan junaqmi qamkunata niykä Tayta Diosta kuyar y munashqanno kawar lapan mandamientunkunata, estatütunkunata y yachatsikuyninkunata cäsukur kawapäkunaykipaq. Tsayno kawarqa Tayta Dios qoykushunaykipaq kaykaq nacionman yaykuptiki bendicionnintami churamunqa atskaman mirapäkunaykipaq y ali kawapäkunaykipaq.
Pactu rurashqanta manami imaypis qonqantsu. Waranqa (1,000) generación pasaptinpis yarparaykanmi.Tsay pactuta Abrahamwanmi rurarqan. Jurashpanmi Isaactapis promitirqan. Imaypis cumplinanpaqmi Jacobta y paypita miraq Israel runakunatapis promitirqan.
Jirkakuna kuyuptinpis y jirkankuna siksikyaptinpis qamtaqa imaypis kuyapäshaykimi. Imaypis alila kawanaykipaq pactu rurashqantsita cumplishaqmi>>. Kuyapäshuqniki Tayta Diosmi tsayno nin.
Tayta Diosmi kayno nin: <<Alita rurar kawaq runata kuyämi. Suwakuqkunata y mana ali ruraqkunatami itsanqa chikï. Tsaymi ali kawapäkunaykipaq yanapashayki. Qamkunawanmi pactuta rurashaq imayyaqpis yanapanäpaq.
Tayta Diosmi kayno nin: <<Junaqkuna chayaykämunnami Israel runakunawan y Judá runakunawan mushuq pactuta ruranäpaq. Tsay pactuqa manami unay aylunkunata Egiptupita jorqamur rurashqä pactunötsu kanqa. Warminta runa kuyashqanno kuyaykaptïmi unay aylunkunaqa tsay pactuta mana cumplishqatsu. Noqa Tayta Diosmi tsayno nï.<<Tsay junaqkuna pasarkuptinmi Israel runakunawan pactuta rurashaq. Tsayno rurarmi leynïkunata yarpayninkunaman churashaq. Shonqunkunamanmi leynïkunata qelqashaq. Paykunapa Diosninmi kashaq. Paykunanami kuyashqä runakuna kanqa. Noqa Tayta Diosmi tsayno nï.<<Tsay witsanqa waktsapis rïcupis lapanmi reqipäkamanqa. Tsaymi runa mayinta ni wawqinta pipis mana yätsinqatsu reqimänanpaq. Paykunapa lapan jutsankunatapis perdonashaqmi. Ima jutsata rurashqantapis manami yarparäshaqnatsu. Noqa Tayta Diosmi tsayno nï>>.
<< <Kuyashqä runakunawanmi pactuta rurashaq imaypis yanapaptï jawka kawapäkunanpaq. Israel nacionpita mikukuq uywakunata elqätsishaqmi. Tsaymi jäkuq jirkakunachöpis muntikunachöpis mana mantsakuypa punukärinqa.
<< <Nirkurmi mushuq shonquta y mushuq espïrituta qamkunaman churamushaq. Mana cäsukuq rumi shonquykitapis cäsukuq ali shonqumanmi tikratsishaq.Yanapashunaykipaqmi Espïritüta qamkunaman kachamushaq. Tsaynöpami leynïkunata y yachatsishqäkunata cumplir kawapäkunkipaq.
<<Leví trïbu runakunawan pactuta rurarmi promitirqä yanapaptï ali kawapäkunanpaq. Paykunami promitimarqan imaypis mantsakamänanpaq. Tsaymi promitishqänöla yanaparqä y paykunapis mantsakamar respitapäkamarqan.
Kay vïnuqa Tayta Dios [mushuq] pactuta rurananpaq jichashqä yawarnïmi. Atska runakuna jutsankunapita perdonashqa kananpaqmi yawarnïta jichar wanushaq.
Tsaynölami mikuyta usharkur vïnuyuq väsuta aptarkur kayno nirqan: <<Kay vïnuqa yawarnïmi kaykan. Qamkuna rayku wanur yawarnïta jichaptïmi Tayta Dios mushuq pactuta ruranqa.
Jesucristumi itsanqa kay patsacho kaq cürakuna Tayta Diosta sirvishqanpitapis mas ali sirviykan. Tsaynölami favornintsi rurashqan mushuq pactupis nawpa kaq pactupita mas ali kaykan. Tsay mushuq pactuchömi mas ali kaqkunata Tayta Dios promitimantsi.Nawpa kaq pactucho imapis mana pishiptinqa manami juk pactuta Tayta Dios ruranmantsu karqan.
Tsaymi Jesucristo garantiantsi kaykan Tayta Dios mushuq pactuta cumplinanpaq. Paymi wanurqan nawpa kaq pactuta mana cumplishqantsipita perdonashqa kanantsipaq. Tsaynöpami lapanpis Tayta Dios qayashqan kaqkunaqa promitishqan herenciata chaskipäkunqa.
<<Tsay junaqkuna pasarkuptinmi paykunawan pactuta rurashaq. Tsayno rurarmi leynïkunata shonqunkunaman churashaq. Yarpayninkunamanpis leynïkunata qelqashaq. Noqa Tayta Diosmi tsayno nï. Paykuna ima jutsata rurashqantapis manami yarparäshaqnatsu>>.
Juk junaqmi Abramta Tayta Dios kayno nirqan: <<Markaykita y ayluykita kachaykur aywakuy rikatsinäpaq kaq partiman. <<Qampita miraqkunatami ali rikashaq tsaytsikaman mirar jatun nación rikakunanpaq. Bendicionnïta qoptïmi pïmaypis respitashunkipaq. Qampitami wakin runakunapis bendicionnïta chaskinqapaq.Bendisishuqnikikunataqa bendiciontami qoshaq. Maldicionashuqnikikunataqa maldicionashaqmi. Qam kaynikipami kay patsacho lapan casta runakunapis bendicionnïta chaskipäkunqa>>.
Abram isqun chunka isqun (99) watayuq kaykaptinmi Tayta Dios yuriparkur kayno nirqan: <<Noqami kaykä El-Shaddai. Nishqäkunata cäsukur jutsata mana ruraypa imaypis kaway.Qamwan pactuta rurashqäta cumplishaqmi. Tsaymi qampita miraqkuna atskaman mirapäkunanpaq bendicionnïta churashaq>>.
<<Tayta Diosmi kayno nin: <Nishqäta cäsukamarmi juklayla kuyay tsurikitapis mana ñëgamashqankitsu. Tsaymi kikïpa jutïcho jurar kayno nï:Rasunpami bendicionnïta qoykushaykipaq. Tsaynöpis qampita miraqkunatami yanapashaq atskaman mirapäkunanpaq. Jana patsacho qoylarkunanömi y lamar kuchuncho aquyshakunanömi yupayta mana atipaypaq kanqa. Paykunaqa chikiqninkunatapis lapantami vincipäkunqapaq.Qampita miraqpitami kay patsacho pïmay runakunapis bendicionnïta chaskipäkunqapaq. Tsayno kanqa nishqäta cäsukamashqaykipitami> >>.
Tsaypitami Moisésta Tayta Dios kayno nirqan: <<Nishqä leykunata kanan qelqay. Tsay leykunachömi qelqaranqa qamwan y Israel mayikikunawanpis pactu rurashqä>>.Imatapis mana mikuypa mana upuypami Moisésqa tsaycho Tayta Dioswan kaykarqan chusku chunka (40) junaq chusku chunka (40) paqas. Tsaychömi läjakunaman qelqarqan Israel runakunawan Tayta Dios pactu rurashqanta. Tsay qelqashqankunaqa chunka mandamientukunami kaykan.
<<Tayta Diosnintsimi Horeb puntacho noqantsiwan pactuta rurarqan.Manami unay ayluntsikunawantsu tsay pactuta rurarqan, sinöqa noqantsiwanmi.
34 (35) Paywan pactu rurashqäta manami imaypis qonqashaqtsu. Lapan promitishqätami cumplishaq.
Tsay pactuta Abrahamwanmi rurarqan. Jurashpanmi Isaactapis promitirqan. Imaypis cumplinanpaqmi Jacobta y paypita miraq Israel runakunatapis promitirqan.
Tayta Dios, qamlami Diosnï kaykanki. Pipis mana rurashqanta rurashqaykipitami jutikita joqarir imaypis alabashayki. Unaypita patsa promitishqaykita imaypis cumplinkimi.
Tsayno yarpaptintsipis noqantsi mana cäsukuq kashqantsipitami tuksishqa karqan. Jutsata rurashqantsipitami wanutsishqa karqan. Tayta Dioswan ali kawayta tarinantsipaqmi castigashqa karqan. Yawarlana ushashqa karmi aliyätsimashqantsi.
<< <Paykunawanmi jawka kawananpaq pactuta rurashaq. Tsay pactu rurashqäqa manami imaypis ushakanqatsu. Atskaman mirananpaqmi kamakätsishaq. Imaypis paykunawan kanäpaqmi templütapis paykuna tashqancho ruratsishaq.
<<Ama yarpapäkuytsu Moisés qelqashqan leykunata y profëtakuna qelqashqankunata manakaqman churanäpaq shamushqäta. Manami manakaqman churanäpaqtsu shamushqä, sinöqa paykuna qelqashqankuna noqacho cumplikänanpaqmi.Rasunpami kayno nï: Jana patsapis ni kay patsapis manaraq ushakaptinqa manami ni juk letralapis Diospa leyninpita elqanqatsu. Tsaycho qelqaraqkuna lapanmi cumplikanqa.
Manami leykunata cumplishqanpitatsu Abrahamta y paypita miraqkunatapis Tayta Dios promitirqan kay patsata qoykunanpaq, sinöqa Tayta Diosman yärakushqanpitami.
Wawqi panikuna, kananqa runakuna rurashqan testamentuman tinkutsiypami tantiyatsishayki. Musyashqantsinöpis testamentuta rurar firmaptinqa manami pipis manakaqman churannatsu ni imatapis tsayman yapantsu. Tsaynölami Tayta Dios promitishqanpis kaykan.Pay promitishqanqa Abrahampaq y paypita miraqpaqmi kaykan. Manami Abrahampita lapan miraqkunapaq kashqantatsu Tayta Dios nirqan, sinöqa paypita miraq juklaylapaq kashqantami. Tsayno nir Jesucristupaqmi parlarqan.
Tsaynöpis Jesucristuta chaskikur Abrahampita miraqnami kaykantsi. Tsaynöpami Abrahamta Tayta Dios promitishqanta noqantsipis chaskintsi.
Tayta Diospa kuyakuyninmi itsanqa mana ushakaq kaykan. Payta mantsakuqkunataqa imaypis kuyanmi. Paykunapa tsurinkunapaq y wilkankunapaqpis alikunalatami ruran.
Tayta Diosmi kayno nin: <<Eunucu runapis jamay junaqkunata respitaptin, munashqäno kawaptin y pactu rurashqäta cumpliptinqawayïcho imaypis tänanpaqmi chaskishaq. Paypa jutinta churapashqäqa tsuriyuq kashqanpitapis mas alimi kanqa. Paypa jutinta imaypis manami qonqapäkunqatsu.
<<Tsay junaq cada wata mana qonqaypa noqa Tayta Diosta adoramar jatun fiestata rurapäkunki. Tsay nishqäkunaqa imayyaqpis leymi kanqa qamkunapaq y qamkunapita miraqkunapaqpis.
Moisés tsayno niptinmi Tayta Dios kayno nirqan: <<Manakamashqaykita awnirmi pactuta rurashun. May nacionchöpis y may markachöpis mana rikapäkushqan milagrukunatami qamkunapa nawpaykicho rurashaq. Espantaypaq rurashqä milagrukunata rikarmi wakin nación runakunapis musyanqa qamkunata yanapashqäta.
<<Tayta Dios rurashqan pactuta mana qonqaypa cumplipäkunki. Ïduluta mana rurapäkunaykipaq Tayta Dios niykaptinqa ima ïdulutapis ama rurapäkunkitsu.Tayta Diosqa munan pay japalanta sirvinantsitami. Mana cäsukuqkunataqa nina rupar ushashqannömi ushakätsinqa.
Tsaypita mastapis Moisés kayno nirqan: <<Kay leykunata cäsukur cumpliptikiqa unay ayluntsikunata kuyapar pactu rurashqantami Tayta Dios imaypis cumplinqa.Tsawraqa qamkunata kuyashushpayki unay ayluntsikunata promitishqan nacionman pushashunkipaq. Tsaychömi paypa bendicionninwan wamraykikunapis atska kanqa. Chakrayki shumaq wayuptinmi mikuynikipis atska kanqa. Vïnuykipis manami pishinqatsu, aceitikipis manami ushakanqatsu y wäkaykikuna, uyshaykikuna y cabraykikunapis tsaytsikamanmi miranqapaq.
<<Mandamientunkunata cumplir pay munashqanno kawaptikiqa promitishushqaykinölami Tayta Dios kuyashqan santu runakuna imaypis kankipaq.Pay kuyashqan runakuna kashqaykita musyarmi maytsay nacioncho taq runakunapis mantsakärishunkipaq.
Rurashqan pactuta y mandamientunkunata cumpliqkunataqa kuyapanmi. Promitishqannöla mana kachaypami yanapan.
Sirviqninta Tayta Dios kaynömi nin: <<Kuyapashqä hörami manakamashqaykita mayashqä. Salvanäpaq kaq junaqmi qamta salvashqä. Noqami imaypis tsapäshayki. Runakunawan pactuta ruranäpaqmi churashayki. Tsaynöpami Israel nacionta unay kashqanmannöna kutitsinkipaq. Kacharishqa chakrakunatapis duëñunkunatami kutitsinkipaq.
<<Tsay junaqkuna pasarkuptinmi Israel runakunawan pactuta rurashaq. Tsayno rurarmi leynïkunata yarpayninkunaman churashaq. Shonqunkunamanmi leynïkunata qelqashaq. Paykunapa Diosninmi kashaq. Paykunanami kuyashqä runakuna kanqa. Noqa Tayta Diosmi tsayno nï.
Tsayno castigarpis jipash kashqayki witsan pactu rurashqantsita manami qonqashaqtsu. Tsaymi imayyaqpis alina kawanantsipaq yapay pactuta rurashun.
Israel runakunata ¿Tayta Dios kachariykushqatsuraq? ¡Manami! Noqapis Abraham aylu kar Benjamín trïbupita Israel runami kaykä.Israel runakunata Tayta Dios manami kachaykushqatsu. Paykunataqa unaypita patsami akrashqa kuyashqan runakuna kananpaq. ¿Manaku musyapäkunki Tayta Diospa palabran Elíaspita imata nishqantapis? Israel mayinkunapaq lakikushpan Tayta Diosta manakur Elías kayno nirqan:
Tsayno nir jurashqa kaptinmi Tayta Dios mushuq pactuta cumplinanpaq Jesús garantiantsi kaykan. Mushuq pactuqa mas alimi kaykan Israel runakunawan punta kaq rurashqan pactupitapis.
Itsanqa nawpa kaq pactuta runakuna cumpliyta mana kamäpakuptinmi Tayta Dios kayno nirqan: <<Chayamuq junaqkunachömi Israel runakunawan y Judá runakunawan mushuq pactuta rurashaq.Tsay pactuqa manami unay aylunkunata Egiptupita jorqamur rurashqä pactunötsu kanqa. Unay aylunkuna tsay pactuta mana cumpliptinmi paykunata cäsupashqänatsu. Noqa Tayta Diosmi tsayno nï.Tsay junaqkuna pasarkuptinmi Israel runakunawan pactuta rurashaq. Tsayno rurarmi leynïkunata yarpayninkunaman churashaq. Shonqunkunamanmi leynïkunata qelqashaq. Paykunapa Diosninmi kashaq. Paykunanami kuyashqä runakuna kanqa. Noqa Tayta Diosmi tsayno nï.
Abrahampita y rey Davidpita miraq Jesucristupa unay aylunkuna kaynömi karqan:Abrahampa tsurinmi karqan Isaac. Isaacpa tsurinmi karqan Jacob. Jacobpa tsurinmi karqan Judá y wawqinkunapis.Judápa tsurinkunami karqan Fares y Zara. Paykunapa mamanmi karqan Tamar. Farespa tsurinmi karqan Esrom. Esrompa tsurinmi karqan Aram.Arampa tsurinmi karqan Aminadab. Aminadabpa tsurinmi karqan Naasón. Naasónpa tsurinmi karqan Salmón.Salmónpa tsurinmi karqan Booz. Boozpa mamanmi karqan Rahab. Boozpa tsurinmi karqan Obed. Obedpa mamanmi karqan Rut. Obedpa tsurinmi karqan Isaí. Isaípa tsurinmi karqan rey David. Rey Davidpa tsurinmi karqan Salomón. Salomónpa mamanmi karqan Uríaspa viüdan.Salomónpa tsurinmi karqan Roboam. Roboampa tsurinmi karqan Abías. Abíaspa tsurinmi karqan Asa.Asapa tsurinmi karqan Josafat. Josafatpa tsurinmi karqan Joram. Jorampa tsurinmi karqan Uzías.Uzíaspa tsurinmi karqan Jotam. Jotampa tsurinmi karqan Acaz. Acazpa tsurinmi karqan Ezequías.Ezequíaspa tsurinmi karqan Manasés. Manaséspa tsurinmi karqan Amón. Amónpa tsurinmi karqan Josías.Josíaspa tsurinmi karqan Jeconías y wawqinkunapis. Jeconías kawashqan witsanmi Israel runakunata Babilonia soldädukuna nacionninman prësu apakärirqan. Tsaychönami Jeconíaspa tsurin Salatiel yurirqan. Salatielpa tsurinmi karqan Zorobabel.Zorobabelpa tsurinmi karqan Abiud. Abiudpa tsurinmi karqan Eliaquim. Eliaquimpa tsurinmi karqan Azor.Azorpa tsurinmi karqan Sadoc. Sadocpa tsurinmi karqan Aquim. Aquimpa tsurinmi karqan Eliud.Eliudpa tsurinmi karqan Eleazar. Eleazarpa tsurinmi karqan Matán. Matánpa tsurinmi karqan Jacob.Jacobpa tsurinmi karqan Maríapa runan José. Maríapa wawanmi karqan Jesús. Paymi karqan Tayta Dios kachamushqan Cristo.Abraham kawashqan witsanpita David yurishqanyaq chunka chusku generacionmi karqan. Tsaynölami David kawashqan witsanpita Israel runakunata Babiloniaman apakärishqan witsanyaq chunka chusku generación karqan. Tsaynölami Babiloniaman apakärishqan witsanpita Jesucristo yurishqanyaqpis chunka chusku generación karqan.
<<Unay ayluntsikunata kuyaparmi sagrädu pactuta cumplinqa.Jurashpanmi unay ayluntsi Abrahamta promitirqan
Profëtakuna wilakushqan promësakunaqa noqantsi chaskikunantsipaqmi kaykan. Tsaynöpis unay ayluntsikunawan Tayta Dios pactu rurashqanpis noqantsipaqmi kaykan. Tsay pactuta rurarmi Abrahamta Tayta Dios kayno nirqan: <Qampita miraqpitami kay patsacho pïmay runakunapis bendicionta chaskipäkunqa>.
Israel runakunataqa Tayta Dios akrarqan wamrankuna kananpaqmi. Munayniyuq kashqantapis paykunatami musyatsirqan. Paykunawan pactuta rurarmi leyninkunatapis entregarqan. Imano adorananpaqpis yachatsirqanmi. Promitishqankunapis paykunapaqmi kaykan.Paykunaqa Abrahampita, Isaacpita y Jacobpita miraqkunami karkaykan. Jesucristupis Israel aylupitami yurirqan. ¡Payqa lapanpaq munayniyuq Diosmi kaykan! ¡Imayyaqpis alabashqa kaykulätsun! Amén.
Jesucristuta kachamurmi Tayta Dios lapan promitishqankunata cumpliykan. Tsaymi Jesucristuman yärakur Tayta Diosta alabashpantsi <<¡Amén!>> nintsi.
Moisés qelqashqan leykunata cumplishqanpita salvashqa kashqanta yarpaqkunaqa lapanpis maldicionädumi kaykan. Tayta Diospa palabranchöpis kaynömi qelqaraykan: <<Qelqaraykaq leykunata lapanta mana cumpliq kaqqa maldicionashqami kanqa>>. Tsayno kaykaptinqa Moisés qelqashqan leykunawanqa manami mayqanpis salvakunqatsu. Tsaypa trukanqa Tayta Diospa palabrancho kaynömi niykan: <<Munashqäno kawaq runaqa noqaman yärakamarmi kawanqa>>. Moisés qelqashqan leykunaqa manami Diosman yärakur salvakunantsipaqtsu niykan, sinöqa kaynömi niykan: <<Leynïkunata cumpliq kaq runaqa lapantami cumplinman>>. Itsanqa tsay leykunata cumpliyta mana kamäpakurmi maldicionädu karqantsi. Tsaymi noqantsipa trukantsi maldicionädu runano wanur Jesucristo salvamashqantsi. Tayta Diospa palabranchöpis kaynömi qelqaraykan: <<Pï runapa ayanpis qerucho warkaraptin maldicionashqami kanqa>>. Jesucristupis tsayno wanurqan Abrahamta Tayta Dios promitishqan bendicionta mana Israel runakunapis chaskikärinanpaqmi. Tsaymi Jesucristuman yärakur Tayta Dios promitishqan Espíritu Santuta chaskikuntsi.
Nawpa kaq pactu kashqan witsanmi runakunata Tayta Dios tantiyatsirqan Sagrädu Tolduta imano rurananpaq kashqanta y tsaycho payta imano adorananpaq kashqantapis.
Lugar Santïsimuman mandaq cürala yaykuptinmi Espíritu Santu tantiyatsimantsi Sagrädu Toldu kashqanyaqqa Tayta Diospa nawpanman mana chayanantsipaq kashqanta. Tsayno kaptinqa shumaq tantiyakushun: Tsaki mikuy ofrendakunata y uywakunata altarcho cürakuna rupatsiptinpis manami tsaykunawanqa runakuna perdonashqatsu kaykan.
Tayta Dios promitishushqaykinölami kuyashqan runakuna kapäkushqaykita kanan junaq nishushqanki. Tsayno kaykaptinqa lapan mandamientunkunata cumplipäkuy.
Jacobpita miraqkunatami palabranta musyatsirqan. Israel runakunatami estatütunkunata y nishqankunata musyatsirqan. Tsaynöqa wakin nacionkunata manami musyatsirqantsu. Paykunaqa manami imaypis Tayta Dios nishqankunata musyashqatsu. ¡Aleluya!
Tsaynöpis Tayta Diosta rikarqan escalëra puntancho ichiraykaqta. Paymi kayno nirqan: <<Noqami kaykä awkiluyki Abraham y papäniki Isaac yärakushqan Tayta Dios. Kanan punuykashqayki pampataqa qamta y qampita miraqkunatami qoykushaykipaq.Qampita miraqkunami polvunöraq yupaytapis mana atipaypaq kanqapaq. Tsurikikuna mirashpanmi maytsaypapis mashtakanqapaq. Qampita y tsurikikunapita miraqkunapitami lapan nación runakunapis bendicionnïta chaskinqapaq.Noqa imaypis qamwanmi kaykäshaq. Maypa aywaptikipis noqami rikashaykipaq. Maypitapis kay partimanmi kutitsimushaykipaq. Mana qonqaypami qamta lapan promitishqäkunata cumplishaqpaq>>.
Tsayno niptinmi Tayta Dios kayno nirqan: <<Manami Ismaelpaqtsu niykä, sinöqa warmiki Saracho yurinanpaq kaq tsurikipaqmi. Tsay tsurikipa jutinmi kanqa Isaac. Pactu rurashqäqa Isaacpaq y paypita miraqkunapaqmi imayyaqpis kanqa.
<<Bendicionta chaskir ali kawapäkunaykipaq kaqta o maldicionashqa kar mana ali kawapäkunaykipaq kaqta kanan junaq akrapäkuy. Kanan akrapäkushqaykitaqa jana patsapis y kay patsapis testïgumi kaykan. Tsayno kaykaptinqa qamkuna y qamkunapita miraqkunapis ali kawapäkunaykipaq kaqta akrapäkuy.Tayta Diosta kuyar pay nishqankunata cäsukäriy. Payta cäsukurqa alimi kawapäkunkipaq. Tsaynöpami Abrahamta, Isaacta y Jacobta promitishqan nacioncho tashpayki atska wata kawapäkunkipaq>>.
Lindëruykita respitatsiptinmi jawkala tarkaykanki. Mikuyniki atska kananpaqmi bendicionninta churamun.
Tsaypa trukanqa Judá trïbu runakuna tashqan partitanami akrarqan. Tsaychömi kuyashqan Sión jirkanta akrarqan templunta sharkatsipänanpaq.Templunta sharkatsirmi jana patsayaq altu kananpaq sharkatsirqan. Kay patsano mana ushakaq kananpaqmi sharkatsirqan.
Tayta Diosmi kayno nin: <<Paykunawan pactuta rurarmi kayno nishaq: <Espïritümi qamkunawan imaypis kaykanqa. Kay pactutami imaypis qamkuna yarparanki. Manami imaypis qonqankipaqtsu. Tsurikikunapis wilkaykikunapis manami qonqanqatsu> >>.
Noqami paykunapa Diosnin kashaq. Sirvimaqnï Davidmi paykunapa mandaqnin rey kanqa. Noqa Tayta Diosmi tsayno nï.
Noqa kaynömi nï: Taytä mandashqancho qamkunawan mushuq vïnuta upunantsiyaq manami vïnuta yapay upushaqnatsu>>.
<<Israel runakunata kuyaq Tayta Dios alabashqa kaykulätsun. Payqa salvamänantsipaqmi shamushqa.Sirviqnin Davidpa aylunpita munayniyuq salvamaqnintsi yurinanpaqnami kaykan.
Tayta Diosnintsi promitishqan Espíritu Santuqa qamkunapaq, tsurikikunapaq y maytsaycho taptinpis lapan qayashqan runakunapaqmi kaykan>>.
Tsaymi Israel runatapis y mana Israel runatapis yärakuptinqa Tayta Dios perdonan. Lapantsipapis japalan Diosnintsi karmi manakuq kaqtaqa pïmaytapis salvan.Tayta Diosmi palabrancho kayno niykan: <<Noqata manakamaq kaqtaqa pïmaytapis salvashaqmi>>.
Qamkunami itsanqa kaykanki Tayta Dios akrashqan runakuna, payta sirviq cürakuna, kuyashqan santa nación runakuna y paypa makincho kaykaq runakuna. Paymi tsakäpakushqano kawarkaykaptiki atsikyaqman jorqushushqanki kuyakuq kashqanta pïmaytapis wilapänaykipaq.
Kay pactuta cumplirmi imaypis diluviuwan mana ushakätsishaqnatsu kay patsata, runakunata ni ima kawaqkunatapis. Kanan kashqan diluviunöqa manami imaypis kanqatsu.
<<Pactu rurashqäta cumplirmi churashayki atska nación runakunapa taytan kanaykipaq.Kananpitaqa manami Abramnatsu jutiki kanqa, sinöqa Abrahamnami. Tsayno jutiki kanqa atska nación runakunapa taytan kanaykipaq churashqa kaptïmi.
<<Pascua fiestata ruranaykipaq nishqätaqa imaypis mana qonqaypa rurapäkunki. Qamkunapita miraqkunapis tsaynöla imayyaqpis rurapäkunqa.
Tayta Diosmi jana patsata, kay patsata, lamarta y lapan tsaycho kaqkunatapis kamashqa. Nishqantaqa imaypis cumplinmi.
Kikin salvakunanpa trukanqa jutsayuq runanömi wanurqan. Runakuna rayku wanurmi paykunata perdonanäpaq manakamarqan. Tsaymi payta churashaq mas respitashqa kananpaq. Guërracho vinciqkuna imaykatapis chaskishqannömi paypis premiuta chaskinqapaq>>.
<<Noqa Tayta Diosmi kayno nï: Tsakaywan y junaqwan pactu rurashqäta cumplirmi intita imaypis jeqatsimü y jeqatsï. Tsay pactuta imaypis cumplishqänömisirvimaqnï Davidwan pactu rurashqätapis cumplishaq. Cumpliptïmi paypita miraqkuna imaypis rey kanqa. Tsaynölami imaypis cumplishaq levitakunawan y cürakunawan pactuta rurashqäta. Paykunawanmi pactuta rurarqä imaypis sirvimänanpaq.
Mushuq shonquta y mushuq espïritutami qamkunaman churamushaq. Rumi shonquykita jorqurirmi ali shonqutana qoykushayki.
Tsaymi leyninkunata cumplishqantsipitatsu Tayta Dios promitimashqantsi salvacionta chaskintsi, sinöqa payman yärakushqantsipitami. Tsaynöpami Israel runa kaptintsipis mana Israel runa kaptintsipis Abrahamno yärakuptintsiqa Tayta Dios kuyapämashpantsi salvamantsi. Abraham yärakushqanno Tayta Diosman yärakurqa Abrahampa aylunmi kaykantsi.
Wawqi panikuna, kananqa runakuna rurashqan testamentuman tinkutsiypami tantiyatsishayki. Musyashqantsinöpis testamentuta rurar firmaptinqa manami pipis manakaqman churannatsu ni imatapis tsayman yapantsu. Tsaynölami Tayta Dios promitishqanpis kaykan.
Promitishqan tiempu chayamuptinnami Tayta Dios Tsurinta kachamurqan. Paymi noqantsino yurishqa kar tsay leykunapa munaynincho karqan.Tsayno karqan leykunapa munaynincho kashqantsipita salvamänantsipaqmi. Tsaynöpami paypa wamrankunana kanantsipaq legitikamashqantsi.
<<Ama yarpapäkuytsu Moisés qelqashqan leykunata y profëtakuna qelqashqankunata manakaqman churanäpaq shamushqäta. Manami manakaqman churanäpaqtsu shamushqä, sinöqa paykuna qelqashqankuna noqacho cumplikänanpaqmi.
<<Tsay junaqkuna pasarkuptinmi paykunawan pactuta rurashaq. Tsayno rurarmi leynïkunata shonqunkunaman churashaq. Yarpayninkunamanpis leynïkunata qelqashaq. Noqa Tayta Diosmi tsayno nï.
Tsaypitami Moisésta Tayta Dios kayno nirqan: <<Nishqä leykunata kanan qelqay. Tsay leykunachömi qelqaranqa qamwan y Israel mayikikunawanpis pactu rurashqä>>.
Unay ayluntsikunata kuyarmi akramashpantsi munayninwan Egipto runakunapa makinpita jorqamashqantsi.Qamkunapita mas kalpasapa runakunatapis paymi ushakätsirqan nacionninkuna qamkunapaqna kananpaq.
30 (31) Yachatsishqäta paykuna qonqaykuptinqa, nishqäta mana cäsukuptinqa,31 (32) leynïkunata mana cumpliptinqa y mandamientükunata mana wiyakuptinqa32 (33) wiruypami castigashaq. Jutsata rurashqanpitami astashaq.
Imaypis kuyamashqankimi, Tayta Dios. Kuyamashqaykita ama qonqaykulaytsu.Mözu kaykar jutsata rurashqäta ama yarpaykulaytsu. Kuyapäkuq kaykarqa yarparkalämanki, Tayta Dios.
Tsaypitanami lapan Israel runakunapis salvakärinqa. Tayta Diospa palabranchöpis kaynömi qelqaraykan: <<Salvakuqmi Siónpita shamunqa. Jacobpita miraqkunatami tantiyatsinqa jutsankunata kacharinanpaq. Jutsa rurashqanta perdonarmi paykunawan pactuta rurashaq>>.
Abrahampa warmin Saranami Tayta Dios rurashqan mushuq pactuno kaykan. Tsay pactuta Tayta Dios cumplir salvamaptintsimi noqantsipa markantsi jana patsacho kaq Jerusalén kanqa.
Egipto runakunapa qechpa tsurinkunatami wanutsirqan. Kuyapäkuyninqa manami imaypis ushakantsu.Israel runakunata Egiptupitami jorqamurqan. Kuyapäkuyninqa manami imaypis ushakantsu.Paykunata jorqamurqan mantsariypaq kaqkunata rurarmi. Kuyapäkuyninqa manami imaypis ushakantsu.
<<Sirvimaqnï imano kashqantapis tantiyakäriy. Paytami akrashqä. Paytami kuyä. Paypitami fiyupa kushikü. Espïritütami payman kachamushaq. Paymi maytsay nación runakuna munashqäno kawananpaq wilakunqa.
Unay ayluykikuna kawashqannömi qamkunapis jutsata rurar kawapäkurqayki. Tsayno karkaykaptiki manami qellaywantsu ni qoriwantsu Tayta Dios rantishushqanki,sinöqa Jesucristupa yawarninwanmi. Sänu carnishta sacrificiupaq pishtaptin yawarninta jichashqannömi Jesucristupis noqantsi rayku yawarninta jichashqa.
Tsayno kaykaptinqa ¿imatanataq munashun? Tayta Dios favornintsi kaykaptinqa ¿pitaq contrantsi sharkunqa?
Libri kananpaqmi kuyashqan runakunata Tayta Dios jorqamurqan. Imayyaqpis yanapananpaqmi paykunawan pactuta rurarqan. Paypa jutinqa santu y mantsakuypaqmi kaykan.
Tsayno nakanantami Tayta Dios munarqan. Consagratsina sacrificiuno wanuptinmi miraqninkuna tsaytsika kanqa. Nirkurqa atska watami kawanqa. Pay kayninpami Tayta Dios munashqanno lapanpis kamakanqa.Nakashqan alipaq kashqanta rikarmi kushikunqa. Tayta Dios kaynömi nin: <<Payqa jutsaynaq sirvimaqnïmi kaykan. Wanurmi atskaqta perdonanqa. Jutsa rurashqankunata paymi apakunqa.
Tayta Diospa palabrancho imata nishqantapis yachakäriy. Tsaychöqa kaynömi niykan: <Sacrificiuta rupatsishqaykipitapis mas munä kuyapäkuq kanaykitami>. Noqa manami jutsaynaq runakunamantsu shamushqä, sinöqa [jutsankunata kacharinanpaq] jutsasapa runakunamanmi>>.
27 (28) May nacionpita karpis Tayta Diosmanmi yärakärinqa. Mayqan aylupita karpis nawpanman qonqurpakuykurmi adorapäkunqa.
Señornintsi Jesucristuman yärakur perdonashqa karmi Tayta Dioswan alina kawaykantsi.Jesucristuman yärakuptintsimi Tayta Dios kuyapämashpantsi perdonamantsi. Tsaymi kushikuntsi gloriaman pushamänantsipaq kashqanta musyar.
Pactu rurashqanta manami imaypis qonqantsu. Waranqa (1,000) generación pasaptinpis yarparaykanmi.
Tayta Dios, qamqa ali shonqu y kuyapäkuqmi kaykanki. Juklaqa manami rabyakunkitsu. Kuyapäkuq y rasun kaqlata rimaqmi kaykanki.
Imaypis ama qonqankitsu kuyakuq kayta y rasun kaqlata rimayta. Mana qonqanaykipaq kunkaykiman tsaykunata walqakuy. Imaypis yarparänaykipaq shonquykiman qelqay.Tsaynöpami Tayta Diospis y runakunapis ali rikashunkipaq.
Sirviqninta Tayta Dios kaynömi nin: <<Kuyapashqä hörami manakamashqaykita mayashqä. Salvanäpaq kaq junaqmi qamta salvashqä. Noqami imaypis tsapäshayki. Runakunawan pactuta ruranäpaqmi churashayki. Tsaynöpami Israel nacionta unay kashqanmannöna kutitsinkipaq. Kacharishqa chakrakunatapis duëñunkunatami kutitsinkipaq.<<Tsaymi prësu kaykaqkunatapis yarqapäkunanpaq ninkipaq. Tsakäpakushqano kaykaqkunatapis atsikyaqman yarqapäkunanpaq ninkipaq. Paykunaqa uyshänömi kanqa. May nänipa aywaptinpis alimi rikashaq. Tsaki jirkakunapa pasaptinpis atskami qewa kanqa.
Unay ayluykikunata qoykushqä nacionchömi täpäkunki. Qamkunami kuyashqä runakuna kankipaq. Noqanami qamkunapa Diosniki kashaq.
Tayta Diosqa alilata ruraqmi. Kuyapäkuyninqa manami imaypis ushakantsu. Awnishqantaqa imaypis cumplinmi.
Tsayno kaykaptinqa mana ajayaypa alikunalata rurashun. Tsayno kawaptintsiqa Tayta Diosmi imay karpis premiuta qomäshunpaq.
Espantaypaq rurashqankunata imaypis yarparäshun. Tayta Diosqa ali shonqu y kuyapäkuqmi kaykan.
Chunyaq jirkakunachöpis noqami yakuta pashtatsimushaq. Tsaki pampakunapapis mayunöraq yaku aywananpaqmi kamakätsishaq. Qamkunapita miraqkunamanmi Espïritüta kachamushaq. Paykunami bendicionnïta chaskipäkunqa.
5 (6) Rabyarpis payqa rätulami rabyan. Kuyakuq kayninqa manami imaypis ushakantsu. Tsaymi tsakaypa waqarpis kushishqana wararkuntsi.
<<Manakuptikiqa Tayta Dios kamaripäshunkimi. Ashirqa tarinkimi. Punkuta takakuptikiqa kichapäshunkimi.Manakuq kaqqa chaskinmi. Ashiq kaqqa tarinmi. Punkuta takakuq kaqtaqa kichapanmi.
Noqa manami penqakütsu Tayta Diospa ali wilakuyninta wilakur. Tsay wilakuyqa Tayta Diospa poderninmi kaykan lapan chaskikuqkunata salvananpaq. Puntataqa Israel runakunatami musyatsirqan y tsaypitanami mana Israel runakunatapis musyatsirqan.Ali wilakuyninchömi Tayta Dios tantiyatsimantsi jutsantsikunata perdonamashqantsita. Tsayno perdonamantsi payman yärakuptintsimi. Palabranchöpis kaynömi qelqaraykan: <<Munashqäno kawaq runaqa noqaman yärakamarmi kawanqa>>.
Promitishqaykitaqa imaypis cumplinkimi. Kay patsatapis mana kuyukuq kananpaqmi kamashqanki.
Jana patsacho taq y imayyaqpis kawaq santu Tayta Diosmi kayno nin: <<Noqaqa jana sagrädu patsachömi tä. Tsaynöpis jutsata rurashqanpita lakikuqkunawanmi kaykä. Paykunata yanaparmi shakyätsishaq.
7 (8) Tayta Diospa leyninkunaqa kikin Diospita karmi imaypis mushuq kawayman churamantsi. Tayta Diospa palabranqa yärakuypaq karmi yachayta qomantsi.8 (9) Tayta Diospa yachatsikuyninkunaqa ali karmi shonquntsita kushikatsin. Tayta Diospa mandamientunkunaqa püru karmi shakyätsimantsi. 9 (10) Tayta Diosta mantsakunantsipaq tantiyatsimashqantsikunaqa limpiu karmi imaypis mana ushakantsu. Tayta Dios nishqankunaqa rasun kaq karmi pay munashqanno kaykan.10 (11) Alinnin qoripitapis mas munapaypaqmi kaykan. Abëjapa mishkinpitapis masmi mishkin.
Imaykapitapis mas puntataqa Tayta Dios mandaykashqancho kawapäkunaykipaq y pay munashqanno kawapäkunaykipaq yarpachakäriy. Tsayno kawapäkuptikiqa imata munashqaykitapis kamaripäshunkimi.
Tayta Diostami qamkunapaq manakuykä. Paymi ali kawayta qomantsi. Señor Jesucristutapis kawaritsimushqami. Uyshankunatapis shumaqmi mitsin. Yawarninta jicharmi imaypis mana ushakaq pactuta noqantsiwan rurashqa.Jesucristupa jutinchömi payta manakärï imaypis yanapaykushunaykipaq. Munashqanta rurapäkunaykipaq ali kaqkunata kamaripaykuläshunki. Payqa imayyaqpis alabashqa kaykulätsun. [Amén.]
Mandamientuykikunata kuyämi. Tsaykunata cäsukurmi shonqü kushikun.Mandamientuykikunata kuyarmi kushishqa chaskikü. Estatütuykikunata cumplinäpaqmi imaypis yarpachakü.
Qamman y palabraykimanqa manami imapis tinkuntsu. Tsaymi santu templuyki lädupa qonqurpakuykur alabashayki. Kuyapäkuq kashqaykipita y promitishqaykita cumpliq kashqaykipitami alabashayki.
Qamkunawan kaykaptïqa ama mantsakäriytsu. Diosniki kaykaptïqa ama lakikäriytsu. Kalpaykikuna kananpaqmi imaypis yanapashayki. Alawqa kaq makïwanmi imaypis jancharäshayki.
Tayta Dios rurashqanta rikaq shapäkamuy. Favornintsi sharkur mantsariypaq rurashqanta rikapäkuy.
Tsaypita aywakurmi Jesús rikarqan Mateo jutiyuq runa impuestuta cobrar jamaraykaqta. Tsawraqa kayno nirqan: <<Qatirämay>>. Tsayno niptinmi Jesúswan Mateo aywakurqan.Tsaypitanami Jesústa Mateo qayatsirqan wayincho mikunanpaq. Tsaychömi impuestu cobraq runakuna y jutsasapa runakunapis Jesúswan y discïpulunkunawan mikupäkurqan.
34 (35) Paywan pactu rurashqäta manami imaypis qonqashaqtsu. Lapan promitishqätami cumplishaq.35 (36) Kikïmi Davidta promitishqä. Promitishqätaqa lapantami cumplishaq.
Tayta Dios, tsakaykunapapis qamlatami yarparä. Imaykanöpapis leynikikuna nishqantami cäsukushaq.
Jesucristuta Israel runakuna mana chaskikuptinpis ama yarpäshuntsu Tayta Dios promitirkur mana cumpliykashqanta. Manami lapan Israel runakunatsu Tayta Dios promitishqankunata chaskipäkunqa.
Kuyashqan runakunata Tayta Dios kaynömi nin: <<Qamkunaqa testïgükunami karkaykanki. Akrashqä sirvimaqnïkunami karkaykanki. Qamkunata akrashqä reqimänaykipaq, yärakamänaykipaq y japalä Dios kashqäta musyapäkunaykipaqmi. Imaypitapis noqalami Dios kä. Noqapita mas juk Diosqa manami kantsu.
Paykunawan pactu rurashqaykitami yarparqayki. Pasaypa kuyakuq kashpaykimi manana castigarqaykinatsu.
3 (4) Kuyamashqaykimi mas ali kaykan kawashqäpitapis. Tsaymi lapan shonqüwan imaypis alabashayki.
Manami janan shonqulatsu yärakurqan, sinöqa agradëcikurmi promitishqanman lapan shonqunwan yärakurqan.
Tayta Dios, noqapaq yarpashqaykita imaypis cumplinkimi. Qamqa imaypis kuyamankimi. Tsayno kaykarqa ama kachaykalämaytsu.
Tayta Diostami lapan shonqüwan alabashaq. Tayta Dios, lapanpaq munayniyuqmi kaykanki. Qamqa atsikyaypa atsikyaykaq röpashqanömi kaykanki.Chipchipyaynikiwanmi röpawan tsapakuqno tsapakunki. Jatun säbanastanömi jana patsatapis mashtamushqanki. Jana patsacho kaykaq yaku jananchömi wayikitapis sharkatsishqanki. Pukutaytapis guërra carrëtaykimanmi tikratsinki. Wayra jananchömi maypapis aywanki. Wayrapis wilakuqnikimi kaykan. Bunyaypa bunyar rataykaq ninapis sirvishuqnikimi kaykan. Cimientuta ruraykurmi patsatapis jamatsishqanki. Jamatsishqaykipitaqa manami imaypis kuyukuntsu.
Espíritu Santupa munaynincho kawarmi itsanqa kuyanakuntsi, kushikuntsi, jawka kawantsi, pacienciakuntsi, ali shonqu kantsi, yanapakuq kantsi, awnishqantsita cumplintsi,humildi kantsi y alilata ruranantsipaq tantiyakuntsi. Tsayno kawarqa manami ima leytapis manakaqman churaykantsitsu.