Kategoriyan
DIOSMANTA VERSISIKUNA
Diosmi qampa kamaqniyki, hark'ayniyki, kawsachiqniyki. Tukuy atiyniyoqmi, khuyapayakuqmi, pampachanaykuqmi, allinmi. Paypa siminwanmi reqsinaykipaq, kawsayniykipi munasqa kanki, sumaq plantam qampaq ruwarqan. Tukuy imatapas yachanmi manaraq pasaranña, Diosqa yachallanmi. Diosqa mana tukukuq kuyakuym. Ñoqam Tayta Diosniyki, paña makinwan hark'aykusuqniyki, ama manchakuychu, noqa yanapaykusqayki, ninmi (Isaías 41:13). Ahinami Diosqa wiñaypaq ñoqanchiswan kashan, payman asuykunallapuni, Diosmi tukuy ima kamaqnin, kawsachiqnin, Churinta Jesucristotakama kay pachata qespichiqnin.
Tsay qelqaraykaq leykunataqa imaypis ama qonqankitsu. Tsaypa trukanqa paqasta junaqta yarpachakunki lapanta cumplinaykipaq. Tsayno cumpliptikimi lapan rurashqaykipis ali kanqapaq.
Pipapis jaqan karqa pägapäkuy. Jaqata päganaykipaq yarpachakushqaykinöla kuyanakunaykipaqpis yarpachakäriy. Runa mayintsita kuyarqa Tayta Diospa lapan leyninkunatami cumpliykantsi.
Jukniki juknikipis shakyätsinakur yanapanakäriy. Tsaynöpami Jesucristo yachatsimashqantsi mandamientunta cumplirkaykanki.
Kushishqami kawan Tayta Dios munashqanno kawaq runaqa. Tsay runaqa lutan yätsikuykunata manami chaskipantsu. Wakin runakuna jutsata ruraptinpis payqa manami jutsata rurantsu. Lutankunata parlaptinpis payqa manami lutanta parlantsu.Tsaypa trukanqa Tayta Diospa leyninkunata kushishqami cäsukun. Tsakaypapis junaqpapis tsay leykunalatami yarparaykan.
7 (8) Tayta Diospa leyninkunaqa kikin Diospita karmi imaypis mushuq kawayman churamantsi. Tayta Diospa palabranqa yärakuypaq karmi yachayta qomantsi.
Tsaymi leyninkunata musyaqkunatapis y mana musyaqkunatapis jutsata rurashqanpita Tayta Dios ushakätsinqa. Leyninkunata musyaqkunataqa tsay leykuna nishqanman tupumi juzganqa.
Moisésta Tayta Dios kayno nirqan: <<Jirka puntaman witsarkamur shuyämay. Tsaychömi läja rumicho qelqashqä leykunata y mandamientukunata entregashaykipaq. Tsaytami Israel runakunata yachatsinkipaq>>.
Diospa leyninkuna manaraq kaptinpis runakuna jutsata rurarqanmi. Jutsata rurarpis jutsayuq kashqantaqa manami musyapäkurqantsu.
Manami manakaqmantsu Tayta Dios kuyapämashqantsita churaykä. Wakin runakuna nishqanno leykunata cumpliptintsiraq Tayta Dios salvamaptintsiqa Jesucristo wanushqanpis manakaqlapaqmi kanman karqan.
Kanan mä wilapäkamay. ¿Qamkunaqa Moisés qelqashqan leykunata cumplirku o Jesucristupa wilakuyninta mayar payman yärakurku Espíritu Santuta chaskikärishqanki?
Tayta Diosmi kayno nirqan:<<Noqaqa Tayta Diosnikimi kaykä. Egiptucho ashmay kashqaykipitami jorqamushqä.<<Juk dioskunamanqa ama yärakunkitsu.<<Ima ïdulutapis ama rurankitsu jana patsacho kaykaq niraqta, kay patsacho kaykaq niraqta ni lamar rurincho kaykaq niraqtapis.Tsaykunamanqa ama qonqurpakunkitsu ni adorankitsu. Noqalami [munayniyuq] Tayta Diosniki kaykä. Noqalata adoramänaykitami munä. Tsaymi mana cäsukamar ïdulukunata adoraqkunataqa castigashaq kikinta, tsurinta, wilkanta y wilkanpa tsurintapis.Noqata kuyamar mandamientükunata cumpliqkunatami itsanqa waranqa (1,000) generación kashqanyaq kuyapar yanapashaq. <<Tayta Diosnikipa jutinta lutalaqa ama joqarinkitsu. Jutinta lutala joqariq kaqtaqa castiganqami.<<Jamay junaq sagrädu kashqanta ama qonqankitsu.Semänacho soqta junaq arushpayki lapan ruranaykipaq kaqkunata ruranki.Qanchis kaq junaqchöqa Tayta Diosnikita adorashpayki ama arunkitsu. Tsaynöpis ama arutsinkitsu tsurikikunata olqutapis warmitapis, ashmaynikikunata olqutapis warmitapis, uywaykikunata ni nacionnikicho jäpa runakunatapis.Tayta Diospis jana patsata, kay patsata, lamarta y lapan imaykatapis soqta junaq kamarkurmi qanchis kaq junaqcho jamarqan. Tsayno jamashqanpitami tsay junaqta bendicionninta churashpan sagrädu junaq kananpaq nirqan. <<Mamaykita y taytaykita respitanki. Tsaynöpami Tayta Diosniki qoykushunaykipaq kaq nacioncho atska wata kawankipaq. <<Runa mayikita ama wanutsinkitsu. <<Majaykita ama jarukunkitsu. <<Ama suwakunkitsu. <<Manakaqtaqa pitapis ama tumpankitsu. <<Runa mayikipa wayinta ama munapankitsu. Tsaynöpis ama munapankitsu warminta, olqu ashmayninta, warmi ashmayninta, törunta, bürrunta ni imaykankunatapis>>.
Kuyapäkuq Tayta Diosman yärakur salvacionta chaskiykarqa ¿jutsata ruralartsuraq kawapäkushun? ¡Manami!
Kanan junaqmi qamkunata niykä Tayta Diosta kuyar y munashqanno kawar lapan mandamientunkunata, estatütunkunata y yachatsikuyninkunata cäsukur kawapäkunaykipaq. Tsayno kawarqa Tayta Dios qoykushunaykipaq kaykaq nacionman yaykuptiki bendicionnintami churamunqa atskaman mirapäkunaykipaq y ali kawapäkunaykipaq.
Diospa leynincho kaynömi niykan: <<Kikiki kuyakushqaykino runa mayikita kuyapäkunki>>. Tsay nishqanta cäsukurqa lapan leyninkunatami cumplirkaykanki.
<<Tayta Diosta kuyanki lapan shonquykiwan, lapan voluntänikiwan y lapan kalpaykiwan. <<Kanan junaq wilashqä leykunata shonquykicho imaypis yarparanki.Mana qonqaypa wamraykikunata yachatsipäkunki wayikichöpis, nänikunachöpis, manaraq punurpis y punushqaykipita sharkurpis.
Espíritu Santupa munaynincho kawarmi itsanqa kuyanakuntsi, kushikuntsi, jawka kawantsi, pacienciakuntsi, ali shonqu kantsi, yanapakuq kantsi, awnishqantsita cumplintsi,humildi kantsi y alilata ruranantsipaq tantiyakuntsi. Tsayno kawarqa manami ima leytapis manakaqman churaykantsitsu.
Tayta Diospa leyninkunata cumplishqanwanqa manami pipis jutsankunapita perdonashqatsu kanqa. Tayta Diospa leyninkunaqa manami salvamänantsipaqtsu kaykan, sinöqa jutsayuq kashqantsita tantiyatsimänantsipaqmi.
Tsayno niptinmi puntapita Moisés kutiykur Tayta Dios nishqankunata y leyninkunatapis runakunata wilarqan. Tsaymi lapan kayno nipäkurqan: <<Lapantami cumplipäkushaq Tayta Dios nishqankunataqa>>.
Tayta Diospa leyninkunata mana cäsukuq runataqa manakushqantapis Tayta Dios manami chaskinqatsu.
Tayta Diosqa leyninkunata musyatsimashqantsi jutsayuq kashqantsita tantiyakunantsipaqmi. Jutsayuq kaykaptintsipis Tayta Dios kuyapäkuq karmi lapan jutsantsikunata perdonaykämantsi.Runakuna jutsata rurashqanpita wanurkaykaptinpis Tayta Dios kuyapämashpantsimi Señornintsi Jesucristo wanushqanpita perdonamantsi nawpancho imayyaqpis kawanantsipaq.
Kushishqami kawarkaykan Tayta Dios munashqanno kawaq runakuna. Paykunami Tayta Diospa leyninkunata cumplipäkun.Kushishqami kawarkaykan Tayta Dios ordenashqankunata cumpliqkuna. Paykunami lapan shonqunwan payta ashipäkun.
<<Kanan junaq tantiyaykätsishqä mandamientukunata cumplir Tayta Diosta wiyakuptikiqa maytsay nacioncho taq runakunata yanapashqanpitapis masmi yanapashunkipaq.
Leyninkunataqa Moiséswanmi Tayta Dios wilakatsirqan. Kuyapäkuyninta y rasunpa kaq wilakuynintami itsanqa Jesucristuwan tantiyatsimashqantsi.
<<Kuyashqä runakuna, shumaq mayapäkamay. Israel runakuna, shumaq tantiyakäriy. Leynïkunata maytsaychömi wilakärinqa. Yachatsikuynïta chaskikurmi intëru markakunacho atskichönöna kawapäkunqa.
Tsayno kaptinpis ama yarpäshuntsu Diospa leyninkuna mana ali kashqanta. Diospa leyninkunaqa alimi kaykan. Tsay leykunata mana yacharqa manami musyämantsu karqan jutsa ima kashqantapis. Tsay leykunacho kaynömi niykan: <<Runa mayikipa imaykankunatapis ama munapankitsu>>. Tsayno mana niptinqa manami musyämantsu karqan jukpa imantapis munapashqä jutsa kashqanta.
Tsurinta rïcu runa ashmayninpa makinman churashqannömi noqantsitapis tsay leykunapa munayninman Tayta Dios churamarqantsi. Tsayno churamarqantsi Jesucristo shamuptin payman yärakur salvakunantsipaqmi.Wamra shaksharkur ashmaqninpa makincho manana kashqannömi Jesucristuman yärakur Moisés qelqashqan leykunapa munayninchönatsu kaykantsi.
<<Ama yarpapäkuytsu Moisés qelqashqan leykunata y profëtakuna qelqashqankunata manakaqman churanäpaq shamushqäta. Manami manakaqman churanäpaqtsu shamushqä, sinöqa paykuna qelqashqankuna noqacho cumplikänanpaqmi.Rasunpami kayno nï: Jana patsapis ni kay patsapis manaraq ushakaptinqa manami ni juk letralapis Diospa leyninpita elqanqatsu. Tsaycho qelqaraqkuna lapanmi cumplikanqa.
7 (8) Tayta Diospa leyninkunaqa kikin Diospita karmi imaypis mushuq kawayman churamantsi. Tayta Diospa palabranqa yärakuypaq karmi yachayta qomantsi.8 (9) Tayta Diospa yachatsikuyninkunaqa ali karmi shonquntsita kushikatsin. Tayta Diospa mandamientunkunaqa püru karmi shakyätsimantsi. 9 (10) Tayta Diosta mantsakunantsipaq tantiyatsimashqantsikunaqa limpiu karmi imaypis mana ushakantsu. Tayta Dios nishqankunaqa rasun kaq karmi pay munashqanno kaykan.10 (11) Alinnin qoripitapis mas munapaypaqmi kaykan. Abëjapa mishkinpitapis masmi mishkin. 11 (12) Leynikikunawanmi sirviqnikita tantiyatsinki jutsata mana rurananpaq. Nishqaykikunata cumplirqa bendicionnikitami chaskinqa.
Tsaypita mastapis Moisés kayno nirqan: <<Israel runakuna, kanan wilashayki Tayta Dios imata munashqantapis. Payqa munan payta mantsakur munashqanno kawapäkunaykita. Tsaynölami munan lapan shonquykiwan y voluntänikiwan payta kuyar sirvipäkunaykitay kanan junaq yachatsishqä mandamientunkunata y estatütunkunata imaypis cäsukärinaykita. Tsaynöpami ali kawapäkunkipaq.
Tayta Diosta reqishqantsita musyantsi mandamientunkunata cumplirmi.Mayqantsipis Tayta Diosta reqishqantsita niykarpis mandamientunkunata mana cäsukurqa manami rasun kaqtatsu parlantsi, sinöqa lulakuykantsimi.
Manami Tayta Diospa leyninkunata cumplishqaykiman yärakurtsu salvakärinki, sinöqa kuyapäkuq Tayta Diosman yärakurmi. Tsayno karqa manami jutsa ruraypa munayninchönatsu karkaykanki.
Tsay junaqkuna pasarkuptinmi Israel runakunawan pactuta rurashaq. Tsayno rurarmi leynïkunata yarpayninkunaman churashaq. Shonqunkunamanmi leynïkunata qelqashaq. Paykunapa Diosninmi kashaq. Paykunanami kuyashqä runakuna kanqa. Noqa Tayta Diosmi tsayno nï.
Tsayno kaptinpis Tayta Diospa leyninkuna y mandamientunkunaqa rasunpa alimi y sagrädumi kaykan.
Espíritu Santu tantiyatsishushqaykita cäsukurqa manami leykunapa munayninchönatsu karkaykanki.
Tsawraqa Jesús kayno nirqan: << <Tayta Diosta kuyanki lapan shonquykiwan, lapan voluntänikiwan y lapan yarpaynikiwan>.Kay mandamientumi lapan mandamientupitapis mas cäsukunantsipaq kaykan.Tsaynölami jukaq mandamientupis kayno niykan: <Kikiki kuyakushqaykino runa mayikita kuyanki>.Tsay ishkan mandamientuta cumplirqa Moisés qelqashqan lapan mandamientukunata y profëtakuna wilakushqantapis cumplirkaykankimi>>.
Pipapis jaqan karqa pägapäkuy. Jaqata päganaykipaq yarpachakushqaykinöla kuyanakunaykipaqpis yarpachakäriy. Runa mayintsita kuyarqa Tayta Diospa lapan leyninkunatami cumpliykantsi.Tsay leykunacho kayno nirmi qelqaraykan: <<Majaykita ama jarukunkitsu. Runa mayikita ama wanutsinkitsu. Ama suwakunkitsu. [Manakaqtaqa pitapis ama tumpankitsu.] Runa mayikipa imaykankunatapis ama munapankitsu>>. <<Kikiki kuyakushqaykino runa mayikita kuyanki>> nishqan mandamientuta cumplirqa lapan mandamientukunatapis cumpliykantsimi.Runa mayintsita kuyarqa manami contran sharkuntsitsu. Tsaynöpami Tayta Diospa lapan leyninkunata cumpliykantsi.
Tayta Diospa palabranchöpis kaynömi qelqaraykan: <<Noqaqa santumi kä. Qamkunapis santu kapäkuy>>.
Tayta Diospa wilakuyninta mana qonqaypa cäsukurmi itsanqa espëjucho rikakur qaqlan imano kashqanta mana qonqaqno kaykan. Tsayno kawaqtaqa Tayta Dios imachöpis yanapanqami.
Moisés qelqashqan leykunata cumplishqanpita salvashqa kashqanta yarpaqkunaqa lapanpis maldicionädumi kaykan. Tayta Diospa palabranchöpis kaynömi qelqaraykan: <<Qelqaraykaq leykunata lapanta mana cumpliq kaqqa maldicionashqami kanqa>>.
Leynikikunata kuyaqkunaqa kushishqami kawapäkun. Paykunataqa manami pipis jutsaman tunitsintsu.
Kushishqami kawan Tayta Dios munashqanno kawaq runaqa. Tsay runaqa lutan yätsikuykunata manami chaskipantsu. Wakin runakuna jutsata ruraptinpis payqa manami jutsata rurantsu. Lutankunata parlaptinpis payqa manami lutanta parlantsu.Tsaypa trukanqa Tayta Diospa leyninkunata kushishqami cäsukun. Tsakaypapis junaqpapis tsay leykunalatami yarparaykan.Tsay runaqa kaykan mayu kuchuncho plantashqa yöranömi, tiempun chayamuptin ali wayuq yöranömi, y raprankuna mana qarwashtaypa loqluypa loqluykaqnömi. Lapan rurashqankunapis alimi yarqapan.
<<Wakin runakuna lutanta ruraptinpis qamkunaqa ama rurapäkunkitsu. Testïgu karqa rasuntanöraq wakin rimaptinpis qamkunaqa rasun kaqlata rimanki.
<< <Runa mayiki mana alita rurashuptikipis qamkunaqa mana alita ama rurapäkunkitsu ni nanaparankitsu. Tsaypa trukanqa kikiki kuyakushqaykino runa mayikita kuyapäkunki. Noqaqa Tayta Diosmi kaykä.
Leykunata mana cäsukuq runaqa fiyu runatami alaban. Leykunata cumpliq runami itsanqa fiyu runata mana chaskipantsu.
Diospa wilakuyninta mana cäsukurqa runakuna mana alimi kawapäkun. Tayta Diospa leyninkunata cäsukurmi itsanqa ali kawapäkun.
Moisés qelqashqan leykunaqa manami mushuq pactunötsu kaykan, sinöqa mushuq pactupa lantuyninnölami. Tsaymi tsay leykuna nishqanno cada wata uywakunata altarcho rupatsipäkuptinpis runakunapa shonqunkunaqa Tayta Dios munashqannötsu karqan.
<<Tayta Diospa leyninkuna y profëtakuna qelqashqankunaqa Bautizaq Juan wilakushqanyaqmi karqan. Kananqa Tayta Dios mandaykashqan chayamushqantanami wilakuykä. Tsaymi atska runakuna imaykanöpapis tsay mandashqanman yaykuyta munarkaykan.
Jutsa ruraypa munaynincho kaptintsimi Tayta Diospa leyninkuna mana salvamarqantsitsu. Tsayno kaptinmi Tsurin Jesucristuta Tayta Dios kachamurqan noqantsino runa kananpaq. Paymi sacrificiupaq apapäkushqan uywano noqantsi rayku wanurqan. Tsaynöpami Tayta Dios salvamashqantsi jutsa ruraypa munaynincho kashqantsipita.Salvamashpantsimi leyninkunata cumpliqtanöna Tayta Dios chaskimantsi. Tsaymi jutsata rurar kawanantsipa trukanqa Espíritu Santu tantiyatsimashqantsinöna kawaykantsi.
Kanan yachatsishqä estatütukunata y mandamientukunata cumplirqa qampis y tsurikikunapis Tayta Dios qoykushunaykipaq kaykaq nacioncho imayyaqpis alimi kawapäkunkipaq>>.
<<Pipis kay mandamientukunata juklaylatapis mana cäsukur y wakin runatapis mana cäsukunanpaq shimita jatiparqa Tayta Dios mandaykashqancho manami ima premiutapis chaskinqatsu. Lapan kay mandamientukunata cäsukur y wakin runatapis cäsukunanpaq yachatsirmi itsanqa premiuta chaskinqa.
Tsaynölami Moisés qelqashqan leykunata mana cäsukuq runakunawan juntakar paykuna kawashqanno kawaykä. Tsayno kawaykä paykunapis Jesucristuta chaskikunanpaqmi. Paykunawan juntakar Moisés qelqashqan leykunata mana cumplirpis jutsata mana ruraypami Jesucristo munashqanno kawaykä.
Musyantsimi Tayta Dios imano perdonamashqantsita. Manami Moisés qelqashqan leykunata cumpliptintsitsu perdonamantsi, sinöqa Jesucristuman yärakuptintsimi. Tsaymi Jesucristuman yärakuykantsi Tayta Dios perdonamänantsipaq. Tsay leykunaman yärakushqanpitaqa manami pitapis Tayta Dios salvantsu>>.
Manami leyninkunata musyashqalanpitatsu Tayta Dios pitapis salvanqa, sinöqa leyninkunata cäsukushqanpitami.
Mayqanpis <<Tayta Diospa lapan leyninkunata cumplïmi>> nirkaykashqancho juk mandamientulatapis mana cumplirqa lapanta mana cumpliqnömi karkaykan.
<<Rey kananpaq churapäkuptin kay yachatsishqä leykunata liyinanpaq levita cürakuna tsararashqan röllupita juk rölluman copiatsinqa.Tsay leykunatami reyqa wanunanyaq waran waran liyinqa. Tsaynöpami Tayta Diosta mantsakuyta yachakur lapan leyninkunata y estatütunkunata cäsukunqapaq.Tsaynöpis marka mayinkunata manami manakaqman churanqatsu y ley nishqankunatapis manami qonqanqatsu. Tsayno karqa kikinpis, tsurinkunapis y tsurinkunapita miraqkunapis Israel nacioncho imaypis reymi kanqapaq.
Tayta Dios, ordenashqaykikunatami waran waran cäsukuykä. Penqaymanqa ama kachaykalämaytsu.
Yarpachakushqäta qamta wilaptïmi mayamar yanapamashqanki. Estatütuykikunata yachaykatsilämay.
Tsayno niptinmi Jesús kayno nirqan: <<Qamkunapis ¿imanirtaq Tayta Diospa mandamientunta cumplinaykipa trukan costumbrikikunalata rurarkaykanki?
Tsay leykunata cäsukur pipis salvakuyta munarqa Jesucristupita y Tayta Diospa kuyakuyninpitapis witikärishqami.
Tsaymi Tayta Diosnintsi nimarqantsi payta mantsakur lapan estatütunkunata cäsukunantsipaq. Tsaynöpami kananyaq waran waran ali kawayta qoykämantsi.
Jesucristuman yärakuylapa salvacionta tariykarqa ¿Diospa leyninkunata manakaqmantsuraq churaykantsi? Manami manakaqmantsu churaykantsi, sinöqa Jesucristuman yärakuptintsimi tsay leykunata cumpliqtano Tayta Dios chaskimantsi.
Tsaynölami leyninkunata mana cumplir Tayta Diospa jaqan kar castigashqa kanantsipaq karqantsi. Kananmi itsanqa Jesucristo cruzcho wanuptin Tayta Diospa jaqan kantsinatsu, sinöqa lapan jutsantsipita perdonashqanami kaykantsi.
Musyantsimi Tayta Dios munashqanno kawananpaq yachatsiptintsiqa leyninkuna ali kashqanta.
Mandaqnin nishqanta mana cäsukurqa castigashqami kanqa. Mandaqnin nishqanta cäsukurmi itsanqa premiuta chaskinqa.
Salvakuq karmi Tayta Dios munan kuyashqan runakuna leyninkunata shumaq yachakur cäsukunanta.
<<Imanömi runa mayiki ali rikashunaykita munanki, tsaynöla qamkunapis runa mayikita ali rikapäkunki. Tsayno kawanantsipaqmi Moisés qelqashqancho y profëtakuna qelqashqanchöpis niykan.
Paykunaqa musyanmi tsayno kawaqkuna wanutsishqa kananpaq Tayta Dios nishqanta. Tsayta musyaykarpis mana mantsakuypami jutsata rurapäkun. Tsaynölami wakinkunapis lutanta ruraptin kushikärin.
<<Kanan junaq tantiyaykätsishqä mandamientukunata cumplir Tayta Diosta wiyakuptikiqa maytsay nacioncho taq runakunata yanapashqanpitapis masmi yanapashunkipaq.Tsaynöpis nishushqaykikunata wiyakuptikiqa Tayta Diosmi bendicionninta imaypis qamkunaman churamunqapaq.
Tsayno kaptinqa ¿imapaqtaq tsay leykuna kaykan? Tsay leykunata Moisésta entregarqan runakuna jutsayuq kashqanta tantiyakärinanpaqmi. Tsaynöpis tsay leykuna karqan Jesucristo shamushqanyaqlami. Paymi kaykan Abrahamta Tayta Dios promitishqan runa. Tsaynöpis Tayta Dios leyninkunata angilkunawanmi Moisésta entregatsirqan. Moisésnami tsay leykunata runakunata yachatsirqan.
Diospa Espïritunwan supaykunata qarquptïmi Tayta Dios mandaykashqan qamkunaman chayamushqanta musyapäkunki>>.
Mana Israel runakuna Diospa leyninkunata mana musyarpis alita rurarqa tsay leykunata musyaqnömi kaykan.Jutsata rurar lakikuptin y alita rurar kushikuptinmi musyantsi runakunapa shonquncho Diospa leyninkuna qelqaraykashqanta.
Tayta Diospa palabran kaynömi niykan: <<Kikiki kuyakushqaykino runa mayikita kuyanki>>. Tsay leyta rasunpa cumplirqa alitami ruraykantsi.
Tayta Diospa kuyakuyninmi itsanqa mana ushakaq kaykan. Payta mantsakuqkunataqa imaypis kuyanmi. Paykunapa tsurinkunapaq y wilkankunapaqpis alikunalatami ruran. Tsaynölami yanapan rurashqan pactuta cumpliqkunata y mandamientunkunata cäsukuqkunata.
¡Tayta Diospa leyninkuna y yachatsikuyninkuna imata nishqantapis yarpapäkuy! Runakuna nishushqaykiman Tayta Dios nishqankuna mana tinkuptinmi musyapäkunkipaq tsay nishuqnikikuna imatapis mana tantiyaq karkaykashqanta.
Pïmaywanpis kuyanakur ali kawapäkuy. Tsaynöpis jutsata mana ruraypa Tayta Dios munashqanno kawapäkuy. Jutsata rurar kawaqkunaqa manami pipis Tayta Diospa nawpanman chayanqatsu.
Qamkunacho taq jäpa runakuna señalakushqannöla Pascua mikuyta mikunanpaq jinan nacioncho yuriqkunapis señalakärinqa>>.
Lapan kay tantiyatsishqankunata qelqarkurmi Moisés aptaparqan Pactu Babulta apaq Leví cürakunata y mayor runakunata.Aptaparkurmi paykunata kayno nirqan: <<Cada qanchis wata jaqakunata perdonanan wata chayamuptin Ramäda fiestachoTayta Dios akrashqan sitiuman Israel runakuna juntakanqa. Tsaycho lapanpis mayapäkunanpaq kay leykunata liyipanki.Tsaychömi olqukunapis, warmikunapis, wamrakunapis y qamkunacho taq jäpa runakunapis juntakanqa liyipashqaykita mayar Tayta Diosnintsita mantsakuyta yachakärinanpaq y kay leykunacho lapan nishqankunata cäsukur kawapäkunanpaq.Tsaynöpami tsurikikunapis yachakärinqa Tayta Diosta imaypis mantsakunanpaq. Jordán mayuta tsimparir chaskipäkunaykipaq kaykaq nacioncho tashpayki imaypis tsayno liyipanki>>.
Jesucristo shamushqana kaptin manami Diospa leyninkunata cumplirtsu perdonashqa kaykantsi, sinöqa Jesucristuman yärakurmi. Payman yärakuq kaqtaqa lapantami Tayta Dios perdonan.
Tayta Diosmi kayno nin: <<Walkalanami pishiykan shuntanäpaq. Salvashpämi musyatsishayki munayniyuq kashqäta. Tsayno kaykaptinqa ali kaqlata rurapäkuy. Munashqänöna imaypis kawapäkuy.
Yachatsishqäkunata ama qonqankitsu, hïju. Mandamientükunata mana qonqaypa yarparanki.Yarpararqa atska watami kushishqa kawankipaq.
Wamrankunata kuyashqantsita musyantsi Tayta Diosta kuyar mandamientunkunata cumplirmi.Tayta Diosta kuyarqa mandamientunkunata cumplintsimi. Mandamientunkunaqa manami sasatsu kaykan.
Imanöpis kawaykashqätami yarpachakushqä. Tsaymi tantiyakushqä ordenashqaykikuna nishqanno kawanäpaq.
Tayta Dios mandaykashqancho kawayqa manami munashqantsita mikunantsipaqtsu ni upunantsipaqtsu kaykan, sinöqa alilata ruranantsipaq, pïmaywanpis ali kawanantsipaq y Espíritu Santu yanapamaptintsi kushishqa kawanantsipaqmi.
8 (9) Tayta Diospa yachatsikuyninkunaqa ali karmi shonquntsita kushikatsin. Tayta Diospa mandamientunkunaqa püru karmi shakyätsimantsi.
Wawqi panikuna, Tayta Dios qayashushqanki librina kapäkunaykipaqmi. Librina karpis jutsata ama rurapäkuytsu, sinöqa jukniki juknikipis kuyanakur yanapanakäriy.
Ordenashqaykikunata ruranäpaq yarpaykatsilämay. Ama kachapaykamaytsu suwakuypa rïcuyänätaqa.
Jirkakuna kuyuptinpis y jirkankuna siksikyaptinpis qamtaqa imaypis kuyapäshaykimi. Imaypis alila kawanaykipaq pactu rurashqantsita cumplishaqmi>>. Kuyapäshuqniki Tayta Diosmi tsayno nin.
Jesucristupa ali wilakuyninta imaypis yarparay. Tsay wilakuyninta shumaq tantiyakuykur yachatsinakäriy y cäsukunaykipaq shakyätsinakäriy. Salmukunata, himnukunata y cörukunata cantar Tayta Diosta lapan shonquykiwan agradëcikur alabapäkuy.Imata rurarpis y imata parlarpis Señor Jesucristupa jutincho rurapäkunki y parlapäkunki. Jesucristo salvashushqaykipita Tayta Diosta imaypis agradëcikäriy.
Lapan autoridäkunata Tayta Dios churashqa kaykaptinqa paykunata cäsukäriy.Autoridäkunata pipis mana cäsukurqa Tayta Diostapis manami cäsukuykantsu. Autoridäkunata mana cäsukuq kaqtaqa Tayta Diosmi juzganqa.
Qamkuna nirkaykanki munashqaykita ruranaykipaq librina karkaykashqaykitami. Tsayno kaptinpis manami lapantatsu rurapäkunkiman. Manami jutsata rurar kawanantsipaqtsu libri kaykantsi, sinöqa Tayta Dios munashqanno kawanantsipaqmi.
Tayta Diospa palabran kawaq karmi munayniyuq kaykan. Ishkan waqtanpa ali afilashqa espädapitapis mas mikuq karmi shonquntsimanpis, yarpaynintsimanpis y toqshuntsimanpis chayan imano kashqantsitapis tantiyatsimänantsipaq.
Imaykapitapis mas puntataqa Tayta Dios mandaykashqancho kawapäkunaykipaq y pay munashqanno kawapäkunaykipaq yarpachakäriy. Tsayno kawapäkuptikiqa imata munashqaykitapis kamaripäshunkimi.
Riquëzakunata tarir kushikushqäpitapis masmi kushikü ordenashqaykikuna nishqanno kawashpä.
Kay lapan yachatsikuyta mayar tantiyakunki Tayta Diosta mantsakur mandamientunkunata cumplinaykipaq. Tsaypaqmi kay patsacho runa kawan.Tayta Diosqa imanöpis kawashqantsiman tupumi juzgamäshun. Pakaylapa rurashqantsipitapis juzgamäshunpaqmi.
Moisés qelqashqan leykunapa munaynincho kayta munarqa ¿pay qelqashqankuna imata nishqantapis tantiyapäkunkiku?Tsaychömi niykan Abraham ishkay tsuriyuq kashqanta. Jukaq tsurin karqan ashmaynincho y jukaq tsurinnami karqan legïtimu warmincho.Ashmaynincho kaq tsurinqa manami Tayta Dios promitishqan kaq tsurintsu karqan. Legïtimu warmincho kaq tsurinmi itsanqa Tayta Dios promitishqan karqan.Tsay warmikunata ishkay pactuman tinkutsiypami tantiyatsishayki. Abrahampa ashmaynin Agarqa Sinaí jirkanömi kaykan. Sinaí jirkachömi Israel runakunawan Tayta Dios pactuta rurar leyninkunata entregarqan. Tsaymi pipis tsay leykunapa munaynincho kar ashmayno kaykan.
Nawpa kaq pactu kashqan witsanmi runakunata Tayta Dios tantiyatsirqan Sagrädu Tolduta imano rurananpaq kashqanta y tsaycho payta imano adorananpaq kashqantapis.Tsaymi Sagrädu Tolduta rurarqan ishkay cuartuyuqta. Punta kaq cuartuchömi karqan candelabru, Tayta Diospaq churashqan tanta y tanta churakuna mësapis. Tsay cuartupa jutinmi karqan Lugar Santu.
Mamanta y taytanta manana yanapananpaq yachatsirqa Tayta Diospa palabranta manakaqmanmi churarkaykanki.
Qamkunami itsanqa kaykanki Tayta Dios akrashqan runakuna, payta sirviq cürakuna, kuyashqan santa nación runakuna y paypa makincho kaykaq runakuna. Paymi tsakäpakushqano kawarkaykaptiki atsikyaqman jorqushushqanki kuyakuq kashqanta pïmaytapis wilapänaykipaq.
Lapan runakuna jutsayuq karmi Tayta Diospa nawpanman chayayta kamäpakärintsu.Tsayno kaykashqapis Jesucristo rantimaptintsimi Tayta Dios kuyapäkuq kashpan perdonamantsi.