Kategoriyan
BENDIMIENTOMANTA VERSIKUNA
Diospa saminchayqa wiñaypaqmi kawsayninchikman chayan, tiempollanpim chayan, manam hayk'aqpas tardechkanchu. Diosqa yachanmi ima horapipis chay mañakusqayki saminchayta qosunaykita.
Shumaq saminchaykunawanmi muyurisqa kachkanchik. Qeshyayoq kachkanchik, wasiyoq kachkanchik, mikhunayoq kachkanchik, allin yuyayoq kachkanchik, kuyakuqniyoq kachkanchik, hinaspa Dioswanmi kawsayninchikpi kachkan, chay hatun qespichiy qokuyninwanmi kusikunchik. Chaykunaqa saminchaykunam, mayninpiqa mana reparakunchikchu, ichaqa achka runakunapaqmi pisipashan. Chayrayku agradecekunanchik tiyan chaykunamanta, kusikunanchiktaqmi sapa paqarin Diospa khuyapayakuynin mosoqmanta paqarimuptin.
Diosniymi tukuy pisisqaykikunata hunt'anqa, paypa qhapaq kayninman hina, Cristo Jesuspi. Diosqa palabranpipunin riman, paymanta hamuq saminchayqa qhapaqchasuqmi, manataqmi llakita apamunmanchu. Diosqa yachanmi ima necesitasqanchikta, hinaspa paymi nanachikmanta qhawariwanchik.
Pacienciakuychik, saminchayqa chayamunqam mana suyasqayki horapi. Apu Diosniykita yupaychay, hinaptinmi t'antatawan yakuta saminchanqa. Ñoqam tukuy onqoykunata qamkunamanta karunchapusqayki (Éxodo 23:25). Diosta kasukuspa kawsay, hinaspa saminchayqa qatipakusunkim.
Tsawraqa discïpulunkunata kayno nirqan: <<Cosëcha shuntaypaq kaykaqnömi tsaytsika runakuna karkaykan Tayta Diospa wilakuyninta chaskikärinanpaq. Tsayno kaptinpis walkaqlami wilakuqkuna karkaykan.Tayta Diosta manakäriy wilakuqkunata kachananpaq>>.
Murutapis mikuytapis kamaripämaqnintsi Tayta Dios bendicionninta churaykalämutsun wakintapis kushishqala yanapanaykipaq.
Tsawraqa discïpulunkunata kayno nirqan: <<Cosëcha shuntaypaq kaykaqnömi tsaytsika runakuna karkaykan Tayta Diospa wilakuyninta chaskikärinanpaq. Tsayno kaptinpis walkaqlami wilakuqkuna karkaykan.
Musyapäkunkimi runakuna kayno nishqanta: <Murushqantsipita chusku killataraqmi cosechantsi>. Tsayno niptinpis noqaqa kaynömi nï: Rikapäkuy. Chakrakunacho mikuykuna poquraykannami. Shuntaypaqnami kaykan.
Musyashqantsinöpis walkalata muruq kaqqa walkalatami shuntan. Atskata muruq kaqqa atskatami shuntan.
Usya witsan pirwakuq runaqa tantiyakuqmi kaykan. Cosëcha witsan punukuq runami itsanqa penqaypaq kaykan.
Murushqan höra waqarpis cosëchata shuntarqa kushikärinqami.Murukuycho waqarpis cosëchachöqa trïgu manöjukunata marqashqa kushishqami kutipäkamunqa.
Kacharmi kayno nirqan: <<Cosëcha shuntaypaq kaykaqnömi tsaytsika runakuna karkaykan Tayta Diospa wilakuyninta chaskikärinanpaq. Tsayno kaptinpis walkaqlami wilakuqkuna karkaykan. Tayta Diosta manakäriy wilakuqkunata kachananpaq.
Chakracho aruqkuna, üvata cosechaqkuna, makikita choqpakurkur waqapäkuy. Trïgutapis cebädatapis manakaqlapaqmi murupäkushqanki.
Kashawan chakran qenchashqa kaykaptinpis murukushqankunata waktsakunami apakärin. Lapan imaykantapis muchuqkunami chipyaq ushakurkun.
<< <Leynïkunata y mandamientükunata cumpliptikiqatamyatapis tiempulanchömi tamyatsimushaq. Chakracho mikuykunapis y frütakunapis alimi wayunqa.
Tsayno kaykaptinqa mana ajayaypa alikunalata rurashun. Tsayno kawaptintsiqa Tayta Diosmi imay karpis premiuta qomäshunpaq.
<<Noqa kaykä üva yörami. Qamkunami rämäkuna kaykanki. Tsaymi noqawan juklaylano kawarqa ali wayuq rämano karkaykanki. Noqawan mana juklaylano kawarmi itsanqa ima ruraytapis kamäpakärinkitsu.
Tayta Dios munayniyuq kashpanmi jurar Jerusalén markata kayno nirqan: <<Chikishuqniki runakuna trïguykita apakunanta manami kachapäshaqnatsu. Nakar rurashqayki vïnuykita juk lädu runakuna upunanpaqpis manami kachapäshaqnatsu.Tsaypa trukanqa shuntashqayki mikuyta kikiki mikurmi alabamankipaq. Üvapita rurashqayki vïnutapis kikikimi sagrädu templüpa patiuncho upunkipaq>>.
Shonqulaykichöpis manami yarpachakunkitsu noqata mantsakamänaykipaq. Manami tantiyapäkunkitsu mikuyniki ali qeshpinanpaq punta kaq tamyata y qepa kaq tamyatapis noqaraq tamyatsimushqäta. Tsaynöpis manami tantiyapäkunkitsu mikuynikita shuntanaykipaq noqa usyätsishqäta.
Ballicuta matsiq kaqnami diablu kaykan. Cosëchanami juiciu final kaykan. Trïguta shuntaqkunanami angilkuna karkaykan.
Qanchis wata kaqchöqa Tayta Diosta cäsukur chakrata jamatsipäkunki. Tsay wataqa ama imatapis murupäkunkitsu ni üva yöratapis rämapankitsu.Shiwa winamuq trïgutapis ama shuntapäkunkitsu. Rämapäni üva wayushqantapis ama shuntapäkunkitsu. Tsay wataqa chakra jamakunqa.
<<Munashqäno ali kawapäkuy. Tsayno kawarqa chakrata ali muruwan muruqnömi karkaykanki. Tsaymi cosëchata shuntar kushikärishqaykino qamkunata kuyapashqäta tantiyar kushikärinki. Tsayno kaptinqa purun chakrata kichaqno shonquykita kichapämay. Höra chayamushqanami lapan shonquykiwan ashimänaykipaq. Mana utikaypa manakamay shamur salvanäyaq.
<<Tsaynöpis punta poquqta cosechashqanpita alinnin kaq aceitita, vïnuta y trïguta noqapaq primiciata apamushqankuna qampaqmi kanqa.Lapan punta poquqkunata noqapaq apamushqankunapis qampaqmi kanqa. Itsanqa tsaykunata mikunqa püru kaq ayluykikunalami.
<<Tsaypita tsaki mikuy cosëchata qalaykur Tsaki Mikuy Cosëcha fiestata rurapäkunki. <<Wata ushanancho cosëcha shuntayta usharkurna Cosëcha Ushay fiestatapis rurapäkunki.
<<Semäna fiestatapis rurapäkunki punta cosechashqayki trïguta noqa Tayta Diospaq apaykur. Tsaynöla wata ushanancho cosëchata shuntayta usharkur Cosëcha Ushay fiestatapis rurapäkunki.
<<Trïgu achushqaykicho juk manöjuta qonqaykushpaykipis shuntamunaykipaq ama kutipäkunkitsu. Tsaytaqa kachaykunki markaykicho tarkaykaq jäpa runakunapaq, waktsakunapaq y viüdakunapaq. Tsayno ruraptikimi ima arushqaykimanpis Tayta Dios bendicionninta churamunqa.
3 (2) Kuyashqayki runakunatami yanapashqanki. Kushikuytapis paykunapa shonqunmanmi churashqanki. Cosëcha witsan runakuna kushikuqnömi nawpaykicho kar kushikärinqa. Riquëzata rakipänakur kushikushqannömi kushikärinqa.
13 (4.13) Paykunapa jutsankunaqa aypämushqanami kaykan. Poquraykaq trïguta ösiwan achushqanno wanutsipäkuy. Vïnuta ruraqkuna üvata jarushqanno ushakätsiy. Juzgar castiganäpaq kaq tiempu chayamushqana kaptinqa tsayno rurapäkuy>>.
Fiyu runaqa jutsata rurashqanpitami nakanqapaq. Tsay niraq runataqa Tayta Diosmi rabyashpan ushakätsinqapaq.
Shanaptin qasaq yakuta upur yakunaq runa kushikushqannömi kachakuq runa kushikun propiu yärakuypaq kaptin.
<<Kay patsa manaraq ushakashqanyaqqa runakuna murukunqami y cosechanqami. Tsaynöpis kanqami qasaypis, shanaypis, usyapis, tamyapis, junaqpis y tsakaypis>>.
Judá runakuna, qamkunatapis castïgu shuyaraykäshunkimi. <<Kuyashqä runakunata kuyapayta munarpis
<< <Cosëchata shuntarqa chakra kuchunyaq ama shuntapäkunkitsu. Shikwashqantapis ama palapankitsu.Üvatapis ashi ashirkurqa ama palapäkunkitsu. Shikwaqkunatapis ama shuntapäkunkitsu. Tsaykunataqa kachaykunki waktsakuna y qamkunacho taq jäpa runakuna shuntakärinanpaq. Noqaqa Tayta Diosnikimi kaykä.
Trïgu poqushqanyaq tsaycho winakutsun. Cosëchachönami achuqkunata kayno nishaq: <<Puntata ballicuta shuntarkur wankupäkuy rupatsinantsipaq. Trïguta itsanqa shuntarkur taqïman churapäkuy>> > >>.
Tsaypitanami jana patsacho kaykaq templupita juk ángel yarqarkamur pukutay janancho jamaraykaqta qayakuypa kayno nirqan: <<¡Cosëcha poquraykannami! ¡Cosechanaykipaq tiempu chayamushqanami! ¡Ösikita aptakurkur cosechamunaykipaq ayway!>>
Runa mayintsiwan ali kawashqantsita rikakurmi wakin runakunapis tantiyakunqa runa mayinwan ali kawapäkunanpaq. Tsaynöpami lapantsipis Tayta Dios munashqanno kawapäkushun.
<<Soqta junaq arupäkunki. Murukuy tiempu kaptinpis y cosëcha tiempu kaptinpis lapanta kachaykur qanchis kaq junaqcho jamanki. <<Semäna fiestatapis rurapäkunki punta cosechashqayki trïguta noqa Tayta Diospaq apaykur. Tsaynöla wata ushanancho cosëchata shuntayta usharkur Cosëcha Ushay fiestatapis rurapäkunki.
Runakunanami kayno nirkaykan: <<Trïgu cosëcha chayamushqana kaptinpis y üva, hïgus y olïvu cosëcha chayamushqana kaptinpis noqantsiqa jinalami muchuycho kaykantsi>>.
Fiyu runa gänashqanqa yakunölami ushakan. Ali runa gänashqanmi itsanqa mana ushakantsu.
y murushqayki junaqla winarkamur warantilan chinyaraypa waytarpis mana wayunqatsu. Tsay junaqqa pasaypa nakar waqaptiki shonquykipis fiyupami nananqa.
Wakin kaq murunashi itsanqa ali alpaman chayarqan. Tsaycho ali winamurshi jatusaq espïgayuq karqan. Wakin espïgashi pachak (100) trïguta wayurqan, wakin espïgashi soqta chunka (60) trïguta wayurqan y wakinnashi kimsa chunka (30) trïguta wayurqan.
<<Manami qamkunatsu akramashqanki, sinöqa noqami qamkunata akrashqä. Tsayno akrashqä maypa aywarpis ali wayuq rämano kar alikunata rurapäkunaykipaq y tsay rurashqaykikuna imaypis kaykänanpaqmi. Tsayno kawaptikimi noqapa jutïcho lapan manakärishqaykita Taytä qoshunkipaq.
Tsay fiestataqa akrashqan sitiulacho qanchis junaqyaq Tayta Diosta adorar rurapäkunki. Lapanchöpis Tayta Dios bendicionta churaykämuptinqa lapan shonquykiwan kushikärinki.
Wawqi panikuna, Señor Jesucristuta kutimunanyaq mana ajayaypa shuyarpay. Chakra aruqkunapis murunanpaq tamyataraqmi shuyarpan. Cosëchata shuntananpaqpis usyataraqmi shuyarpan.
Muruta muruq runanömi qamkunata wilapashqä Jesucristuta chaskikunaykipaq. Apolusnami mururaykaqta parquqno Jesucristupa wilakuyninta masta tantiyatsishushqanki. Muruta winatsimuqnömi Tayta Dios shumaq tantiyatsishushqanki Jesucristuman yärakärinaykipaq.Manami muruq kaqtsu ni parquq kaqtsu muruta winatsimun, sinöqa Tayta Diosmi.Muruq kaqpis parquq kaqpis chakra ali wayunanpaqmi arupäkun. Tayta Diosnami muruq kaqtapis parquq kaqtapis arushqanman tupu päganqa.
<<Wakin runakunami itsanqa ali alpano kaykan. Paykunaqa Tayta Diospa wilakuyninta chaskikurmi Tayta Dios munashqanno kawapäkun. Tsaymi ali alpacho juk murulapita juk pachak (100) trïgu o soqta chunka (60) trïgu o kimsa chunka (30) trïgu wayushqanno karkaykan>>.
<<Wakin runakunami itsanqa ali alpano kaykan. Tsaymi Tayta Diospa wilakuyninta lapan shonqunwan kushishqa chaskikur Tayta Dios munashqanno kawapäkun. Ali alpacho muru winarkamur shumaq wayushqannömi imaypis kawapäkun>>.
Tsay watami Isaacqa tsaycho murukurqan. Tayta Dios bendicionninta churaptinmi shuntaytapis mana atipashqanyaq mikuynin wayurqan.
<<Ciëlupita tamyapis ni rajupis manami kashqanman kutintsu. Tsaypa trukanqa alpata ushmarmi ali wayunanpaq murushqankunata winatsimun. Tsaynöpami murupis yapay murunanpaq kaykan. Runa mikunanpaqpis mikuy kanqa. Palabräpis tamyanömi kaykan. Kachamuptïmi imaypis munashqäta ruran. Manami manakaqlapaqtsu maymanpis chayatsï.
Samaria markacho kaq jirkankunachömi üvakunata yapay plantapäkunkipaq. Wayushqantapis kushishqami palapäkunkipaq.
Tayta Diosmi kayno nin: <<Shamuq watakunacho trïgu cosëchata manaraq shuntayta ushaptinmi muruy tiempuna kanqa. Üva jaruyta manaraq ushaptinmi üva plantapakuy tiempu chayamunqa. Jirkakunapa y jirkankunapapis mayunöraqmi vïnu jichanqa.
Tsawraqa qamkunata kuyashushpayki unay ayluntsikunata promitishqan nacionman pushashunkipaq. Tsaychömi paypa bendicionninwan wamraykikunapis atska kanqa. Chakrayki shumaq wayuptinmi mikuynikipis atska kanqa. Vïnuykipis manami pishinqatsu, aceitikipis manami ushakanqatsu y wäkaykikuna, uyshaykikuna y cabraykikunapis tsaytsikamanmi miranqapaq.
Shumaq tantiyakäriy pishqukuna imano kawashqantapis. Paykunaqa manami murukuntsu ni cosechantsu ni pirwakuntsu. Tsayno kaykaptinpis Tayta Diosmi mikuyta kamaripan. Tayta Diospaqqa pishqukunapitapis masmi välipäkunki.
Wakin kaq murunashi ali alpaman chayarqan. Tsaycho ali winamurshi jatusaq espïgayuq karqan. Wakin espïgashi kimsa chunka (30) trïguta wayurqan, wakin espïgashi soqta chunka (60) trïguta wayurqan y wakinnashi pachak (100) trïguta wayurqan>>.
Tsaypitanami tinkutsiypa yapay yachatsir Jesús kayno nirqan: <<Tayta Dios mandaykashqan imano kashqantapis tinkutsiypa yachatsishayki. Juk runashi chakrancho trïguta mururqan.Muruyta usharkuptinnashi chikiqnin runa tsakaypa aywaykur trïgu murushqanman ballicuta matsiykurqan.Trïgu winamur shikshiyta qalaykuptinshi ballicupis reqikarqan.<<Tsayshi ashmayninkuna aywaykur patronninta kayno nipäkurqan: <Tayta, akraylata muruykaptikiqa ¿maypitaraq ballicu winamushqa?><<Tsayno wilaptinshi kayno nirqan: <Mayqanpis chikimaqnïmi tsaytaqa rurashqa kanqa>. <<Tsayno niptinshi ashmaykuna tapurqan: <¿Munankiku tsay ballicuta lukiramunäta?><<Niptinshi kayno nirqan: <Ama lukipäkamuytsu. Ballicuta lukirqa trïgutapis lukinkimanchari.Trïgu poqushqanyaq tsaycho winakutsun. Cosëchachönami achuqkunata kayno nishaq: <<Puntata ballicuta shuntarkur wankupäkuy rupatsinantsipaq. Trïguta itsanqa shuntarkur taqïman churapäkuy>> > >>.
Ali runa kaptikiqa Tayta Dios qamkunatapis jichay jichayta lipay lipaytami qoshunkipaq. Melqayniki juntatami melqapäshunkipaq. Runa mayikita imanöpis yanapashqaykiman tupumi qamkunatapis Tayta Dios yanapashunkipaq>>.
qamkunaqa imapis mana nakatsishuptiki kushishqami kawapäkunkipaq. Chakraykikuna kashqanchöpis atska yakumi kanqa. Ali qewa kashqanchömi wäkaykikunata bürruykikunata mitsikur kushishqa kawapäkunkipaq>>.
Tayta Diosta adorar imaykipis kashqanpita y chakraykicho punta poquqkunapita ofrendata apay.Tsayno aparqa wayikipis kichkishqanyaqmi mikuynikikunata shuntankipaq. Üvata tsaytsikata shuntaptikimi puyñuykikunapita vïnupis liwanqaraq.
Mururpis manami cosechankipaqtsu. Aceitünasta aqaptikipis lushikunaykipaq aceiti manami kanqatsu. Üvata jaruptikipis vïnuta upunaykipaq manami kanqatsu.
Sióncho taqkuna, noqaman yärakamashpayki kushikäriy. Unaynömi punta kaq tamyata y qepa kaq tamyatapis tiempulancho tamyatsimushaq.Tsaymi trïgutapis atskata shuntapäkunkipaq. Vïnupis aceitipis tsaytsikami kanqapaq.
Arukuq runapaqa mikuyninpis putsuy putsuymi kanqa. Qela runakunawan talukaq runaqa yarpayniynaqmi kaykan.
Tsawraqa tsaytsika runakuna Jesús kaqman juntakarqan. Mitsiqniynaq y oqrakashqa uyshakunano kaykaqta rikarmi Jesús kuyaparqan.Tsawraqa discïpulunkunata kayno nirqan: <<Cosëcha shuntaypaq kaykaqnömi tsaytsika runakuna karkaykan Tayta Diospa wilakuyninta chaskikärinanpaq. Tsayno kaptinpis walkaqlami wilakuqkuna karkaykan.Tayta Diosta manakäriy wilakuqkunata kachananpaq>>.
Tsaynölami jutsa ruraycho kawarqa wanur ushakäshunpaq. Espíritu Santu munashqanno kawarmi itsanqa mana ushakaypa imayyaqpis kawashun.
Qela runaqa murukuy witsan manami arukuntsu. Tsaymi cosëcha witsan mayjina ashirpis mana tarinqatsu.
Trïguta wayrananpaq jurquëtan aptashqanami kaykan. Wayrarkurnami trïguta wayinman churanqa. Punshantanami imaypis mana upiq ninaman qaykunqa>>.
Tsay witsanmi trïguta ërapita shuntashqanno Éufrates mayupita Egipto mayuyaq juk juklayla lapaykita shuntamushunkipaq.
Rasunpami kayno nï: Trïguta murur mana pampaptintsiqa manami jeqamuntsu. Pampaptintsimi itsanqa jeqamur ali wayun.
<<Soqta wata chakraykita murur wayushqanta shuntapäkunki.Qanchis wata kaqchöqa tsay chakraykita jamatsipäkunki. Tsaycho shiwa winamuptinqa kachaykunki waktsakuna shuntakunanpaq y munti uywakuna mikunanpaq. Tsayno rurapäkunki üva chakra kaptinpis y olïvu chakra kaptinpis.
Töru mana kaptinqa mikuy churakunapis jäkunmi. Töru kaptinmi itsanqa putsuy putsuy mikuy kaykan.
Tsaynölami juiciu final junaq angilkuna shamur ali runakunapita jutsa ruraq runakunata rakinqa.
Tayta Diospa palabranpis kaynömi niykan: <<Ëracho arutsir töruta ama shenqalwankitsu>>. Tsaynöpis kaynömi niykan: <<Arupakuq runata mana pägaylapaqa ama arutsinkitsu>>.
Hïgusman tinkutsirmi Jesús kayno nirqan: <<Juk runapashi üva chakrancho hïgusninpis karqan. Tsayshi wayuyninta palaq aywar juklaylatapis mana tarirqantsu.Tsayshi minkayninta kayno nirqan: <Kimsa watanami kay hïguspa wayuyninta palaq shamushqä y manami ni juklaylatapis tarishqätsu. ¡Jukla muturiy! Mana wayuykarqa ¡imapaqtaq chakrachöpis kanqa!><<Tsayno niptinshi minkaynin kayno nirqan: <Juk wata mas shuyaykushun, tayta. Chulpata winaparkur shumaq uryashaq.Tsayno ruraptïqa paqta wayunmanpis. Tsaycho mana wayuptinmi itsanqa muturinkipaq> >>.
Amïgüpa jutinchömi üva chakrapaq kayno cantashaq: Amïgüpami jirkancho ali wayuq üva chakran karqan.Rumikunata waklarkurmi shumaq corralarqan. Ali nawiyuq üva plantakunatami tsayman plantarqan. Üva chakra chawpinchönami täpananpaq törrita sharkatsirqan. Üvata palarkur jarunanpaqpis rumipitami batyata rurarqan. Amïgüqa yarparqan mishkiq üva wayunanpaq kashqantami. Nishqan kaqqa pochquq üvami wayushqa.
9 (10) Qammi kay patsata makikicho tsararaykanki. Mikuykuna wayunanpaqpis qammi tamyatsimunki. Trïgu ali wayunanpaqpis qammi yakuta pashtatsimunki. Tsaynömi chakrata noqakunapaq kamaripaykämanki.10 (11) Barbichashqan chakrakunatapis yakuwanmi parqunki. Tamyalawanmi kurpakunatapis latutsinki. Murushqäkunamanpis bendicionnikitami churamunki.11 (12) Bendicionnikita churamaptikimi watatsarkärïpis. Pukutaynikipis bendiciontami apamun.12 (13) Chunyaq jirkakunachömi qewapis loqluypa loqluykan. Puntakunapis kuyaylapaq y kushishqami kaykan.13 (14) Maytsay pampakunachöpis uyshakuna y cabrakunami tsaytsika karkaykan. Qechwa chakrakunachöpis trïgumi juntaraykan. Lapan tsaykunami pasaypa kushikushpan alabaykäshunki.
Tsaymi mikuykuna poqunanpaq kimsa killa pishiykaptin usya kananpaq kamakätsirqä. Wakin markacho tamya kananpaq y wakin markacho usya kananpaqpis noqami kamakätsirqä. Tsaymi tamya chayashqan chakrachöqa mikuykuna ali wayurqan y mana tamyashqanchönami mikuykuna tsakikäkurqan.
Tsaymi kayno nirqan: <<¡Kananpitaqa manami imaypis wayunkipaqnatsu!>> Tsayno nishqantami discïpulunkuna mayapäkurqan.
Tsay witsanmi kuyashqä runakunapa trïgu chakrankunapis purunyaptin kashalana winanqa. Tsayjina arushqanpis manakaqlapaqmi kanqa. Fiyupa rabyar tsayno castigaptïmi pasaypa penqakärinqa>>.
Wayin wayinqa ama puripäkunkitsu, sinöqa chaskishuqnikipa wayilancho patsarpäkunki. Qarashushqalaykita mikunki y upunki. Arupakuq runa päguta chaskinanpaq derëchun kashqannömi qamkunapapis qarashushqayki derëchuyki kaykan.
¡Imataq pasaykaläman! Cosechashqa chakraman yaykur üvata y hïgusta ashiq runanömi kaykä. Chakracho imatapis mana tarir mikanaykaq runa lakikushqannömi lakikü.
29 (28) <<Ama qonqapäkunkitsu cosëchaykipita y vïnu rurashqaykipita noqapaq primiciata apamunaykipaq. <<Qechpa tsurikita apamunaykipa trukanqa noqapaq ofrendata apapäkamunki.
<<Juk talentu qellayta chaskiq ashmayninshi itsanqa kayno nirqan: <Noqa musyämi mana kuyapäkuq kashqaykita, tayta. Qamqa mana murushqaykipitami cosechanki. Mana uryashqaykipitami shuntanki.Tsayno kaptikimi mantsakur qellaynikita pampaykurqä. Kä qellayniki, tayta. Kashqalantami apamushqä>.<<Niptinnashi patronnin kayno nirqan: <¡Qamqa mana yärakuypaq qela ashmaymi kanki! Mana murushqäpita cosechashqäta musyaykar y mana uryashqäpita shuntashqäta musyaykarqa
Ushakätsiptinmi imaypis mana plantashqano, imaypis mana murushqano y imaypis mana sapitsashqano elqakäkun. Tayta Dios pükariptinqa qewa wanukäkuqnömi paykuna wanupäkun. Oqshata wayra apaptin elqaqnömi lapan elqakanqa.
Tsay cosëchacho aruqkunami runakuna mana ushakaq kawayta tarinanpaq arupäkunqa. Tsayno arushqanpita Tayta Diosmi päganqa. Tsaymi muruqpis y cosëchata shuntaqpis kushikärinqa. << <Juk murushqantaqa juknami cosechan> nipäkushqanqa rasun kaqmi kaykan.Tsaynölami qamkunatapis kachashqä juk murushqanta cosechamunaykipaq. Tsaymi wakinkuna nakar murushqanta qamkunana shuntamunkipaq>>.
o noqantsipaqku? Tsayno qelqaraykan noqantsipaqmi. Töruwan arupakuqpis trïgu wirupakuqpis paylayta chaskinan raykumi arupakun.
Tayta Diosmi tiemputa kamakätsin yurinantsipaqpis y wanunantsipaqpis. Tiemputa kamakätsin murukunantsipaq y cosechanantsipaq.
Lapanta mandaq Tayta Dios kaynömi nin: <<Jerusaléncho quëdaq kaq runakunataqa contrankuna kuchu kuchumi ashipäkunqami. Üvata palar yörancho yaparir yaparir ashiqnömi prësu tsarinanpaq ashipäkunqa>>.
<<Israel runakunata kayno niy: <Qoykunäpaq kaykaq nacionman chayaykur murushqaykita cosechar punta poquqpita juk inuyta cüraman apapäkamunki. Tsay apapäkamushqaykiqa primiciami kanqa.
Qamqa mana churashqaykipitami shuntanki y mana murushqaykipitami cosechanki. Pasaypa fiyu kashqaykita musyarmi mantsakushpä churaykurqä>.<<Tsayshi patronnin kayno nirqan: <¡Qamqa mana yärakuypaq ashmaymi kanki! Kikikipa shimilaykimi condenaykäshunki. Fiyu kashqäta musyaykar, mana churashqäpita shuntashqäta musyaykar y mana murushqäpita cosechashqätapis musyaykarqa¿imanirtaq qellaynïta banculamanpis mana churarqaykitsu kutimur wawantinta shuntanäpaq?>
Mana pägaypa arutsishqaykipitami minkaynikikuna Tayta Diosta waqaparkaykan. Paykuna waqapashqanta lapanta mandaq Tayta Dios musyaykanmi.
<<Tsaymi kayno nï: Pasaypa rabyarmi kay templuta ushakätsishaq. Nina bunyaypa bunyar imatapis ushashqannömi runakunatapis, uywakunatapis, yörakunatapis y mikuykunatapis chipyaq ushakätsishaq>>.
Tsaypitanami Ezequíasta Isaías kayno nirqan: <<Nishqäkuna rasunpa kashqanta musyanaykipaq kanan wilashayki ima pasananpaq kaqtapis. Kay wata y watanpis shiwalatami mikupäkunkipaq. Juknin kaq watami itsanqa murupäkunkipaq y cosechapäkunkipaq. Tsaynölami üvakunata plantapäkunkipaq y cosechapäkunkipaq.
Waktsakunata yanaparqa Tayta Diosta prestaqnölami qoykun. Tsayno yanapaqtaqa Tayta Diosmi kutitsin.
Rasunpami kayno nï: Discïpulü kashqaykipita pipis juk pucillu yakulatapis makyashushpaykiqa premiutami chaskinqa>>.
<<Tayta Dios mandaykashqanqa chakracho qellay pamparaqmanmi tinkun. Juk runashi chakracho tsaytsika qellay pamparaykaqta tarirqan. Tsay qellayta tariykurshi kashqalanman pampaykurqan. Nirkurshi lapan imaykantapis rantikuykur tsay qellay pamparaykaq chakrata kushishqa rantirqan.
Mandashqan nacioncho trïgu shumaq wayuykulätsun. Intëru jirkakunachöpis kichkiyparaq kaykulätsun. Líbanuchönöraq loqyuypa loqyur winaykulätsun. Runakunapis jachakunanöraq atskaman mirapäkutsun.
Tsayno niptinmi Jesús kayno nirqan: <<Kananpitaqa qellaynikitapis qepikitapis apapäkunki. Espädayki mana kaptinqa punchuykita rantikuykur rantipäkuy.
<<Qoykushunaykipaq kaykaq nacionman chayaptiki pirwaykikunamanpis y lapan arushqaykikunamanpis Tayta Diosmi bendicionninta churamunqa.
Tsaynöpis manami musyantsitsu punta muruy o qepa muruy mas ali wayunanpaq kashqanta. Capazchari ishkanpis ali wayunqa. Tsayno kaptinqa puntatapis y qepatapis murukushun.
<<Tayta Dios mandaykashqan imano kashqantapis kanan tantiyatsishayki. Juk runashi üva chakrancho arutsinanpaq tuta tutala minkay ashiq aywarqan.Minkayta tariykurshi juk jornalta pägananpaq parlarkur üva chakranman arunanpaq kacharqan.<<Tsaypita tuta jamay hörano pläzapa yapay aywarshi runakunata tarirqan aruyniynaqta.Tsayshi kayno nirqan: <Qamkunapis üva chakräman aruq aywapäkuy. Manami dembalditsu arupäkunki>. Tsayno niptinshi paykunapis aywapäkurqan.<<Pulan junaqpis y malway hörapis yapayshi minkay ashiq aywarqan. Tariykurshi wakin kaqtanöla chakranman kacharqan.<<Tsaypita minkay yarqunanpaq juk hörano pishiykaptinshi yapay aywar runakunata tarirqan aruyniynaq kaykaqta. Tsayshi kayno nirqan: <¿Imanirtaq qoyati imatapis mana ruraypa karkaykanki?><<Tsayno niptinshi kayno nipäkurqan: <Manami pipis minkakärimashqatsu, tayta>. <<Tsayshi kayno nirqan: <Qamkunapis chakräman aruq aywapäkuy>.<<Patsa tsakaykaptinnashi capatazninta kayno nirqan: <Aruqkunata qayaykur lapanta juk jornalta pägapäkuy. Tardiraq yaykuqkunata puntata päganki y tutapita aruqkunataqa qepata päganki>.Tsay nishqannölashi qepata aruq yaykuqkunata juk jornal complëtuta pägarqan.Tsayta rikarshi tutapita aruqkunaqa shapäkamurqan mas atskata chaskinanpaq kashqanta yarpar. Tsayno yarparpis juk jornallatashi paykunapis chaskipäkurqan.Tsayshi chakrayuqta reclamapäkurqankayno nir: <Qepa yaykamuqkuna juk hörala arurkaykaptinqa ¿imanirtaq tsayjina shanaycho arurkaykaptï paykunatanöla pägarkaykämanki?><<Tsayno niptinshi arutsikuq runa kayno nirqan: <Amïgu, parlashqantsinömi pägaykä. Manami pitapis engañaykätsu.Päguykikunata chaskirkaykarnaqa aywakäriyna. Kikï munarmi qepa yaykamuqkunatapis qamkunatano pägaykä.Qamkunaqa ¿ima cuentayuqtaq kanki aykata pägakuptïpis? ¿Ali runa kashqäpitaku rabyapäkunki?> >>Tsayno wilaparkurmi Jesús kayno nirqan: <<Tsaynölami qepa kaqkuna puntacho kanqa. Punta kaqkunanami qepacho kanqa. [Atskaqta qayarpis walkaqlatami Tayta Dios akranqa]>>.
Murunantsipaqqa manami yaparir yaparir barbichalartsu kakuntsi. Tsaynöpis manami kurpata takar qewankunata tapshilartsu kakuntsi.Tsaypa trukanqa inöjutapis, comïnustapis, trïgutapis, cebädatapis y avënatapis murunantsipaq kaqman juklami matsintsi.
<<Noqata adoramashpayki cada watacho kimsa kuti fiestata rurar adorapäkamanki.<<Levadüraynaq Tantata Mikupäkunan fiestata rurapäkunki. Nishqänöla tsay fiestacho levadüraynaq tantata qanchis junaq mikupäkunki. Abib killacho Egiptupita yarqamushqa karmi tsay killacho fiestata rurapäkunki. Pipis noqata adoramänanpaq shamurqa jinaylaqa ama shamunqatsu. <<Tsaypita tsaki mikuy cosëchata qalaykur Tsaki Mikuy Cosëcha fiestata rurapäkunki. <<Wata ushanancho cosëcha shuntayta usharkurna Cosëcha Ushay fiestatapis rurapäkunki.
<< <Qoykunäpaq kaq nacionman chayashpayki plantashqayki yörakunapa wayuyninta kimsa wata ama mikupäkunkitsu.Chusku wata kaqchöqa Tayta Diosta agradëcikur lapan wayushqanta paypaq apapäkamunki.Pitsqa wata kaqchönami itsanqa wayuyninta mikupäkunki. Tsayno rurapäkuptikiraqmi plantashqayki frütakuna mas wayunqa. Noqaqa Tayta Diosnikimi kaykä.
Chakrata kicharkurnami üvata plantapäkun. Cosecharpis atskatami shuntapäkun.Tayta Diospa bendicionninwanmi atskaq karkaykan. Uywankunapis atskamanmi mirarkaykan.