ዘኍል 33 - አዲሱ መደበኛ ትርጒም

እስራኤላውያን ከግብጽ እስከ ሞዓብ ሲጓዙ የሰፈሩባቸው ቦታዎች

¹ እስራኤላውያን በየነገዳቸው ተከፋፍለው በሙሴና በአሮን መሪነት ከግብጽ ወጥተው፣ በጕዞ ላይ ሳሉ የሰፈሩባቸው ቦታዎች እነዚህ ናቸው፤

² ሙሴም በጕዟቸው ላይ ሳሉ የሰፈሩባቸውን ቦታዎች በእግዚአብሔር ትእዛዝ መዘገበ፤ በየቦታው እየሰፈሩ ያደረጉት ጕዞም ይህ ነው፦

³ እስራኤላውያን በመጀመሪያው ወር በዐሥራ ዐምስተኛውም ቀን በፋሲካ ማግስት ከራምሴ ተነሡ፤ ግብጻውያን ሁሉ እያዩአቸውም በልበ ሙሉነት ተጓዙ።

⁴ በዚህ ጊዜ ግብጻውያን እግዚአብሔር ከመካከላቸው የገደለባቸውን በኵሮቻቸውን ይቀብሩ ነበር፤ እግዚአብሔር በግብጽ አማልክት ላይ ፈርዶ ነበርና።

⁵ እስራኤላውያን ከራምሴ ተነሥተው በሱኮት ሰፈሩ።

⁶ ከሱኮትም ተነሥተው በምድረ በዳው ዳርቻ በምትገኘው በኤታም ሰፈሩ።

⁷ ከኤታም ተነሥተው ከበኣልዛፎን በስተምሥራቅ ወዳለችው ወደ ፊሀሒሮት በመመለስ በሚግዶል አጠገብ ሰፈሩ።

⁸ ከፊሃሒሮት ተነሥተው በባሕሩ ውስጥ በማለፍ ወደ ምድረ በዳው ሄዱ፤ ከዚያም በኤታም ምድረ በዳ ሦስት ቀን ተጕዘው በማራ ሰፈሩ።

⁹ ከማራ ተነሥተው ዐሥራ ሁለት የውሃ ምንጮችና ሰባ የተምር ዛፎች ወደ ነበሩበት ወደ ኤሊም መጥተው በዚያ ሰፈሩ።

¹⁰ ከኤሊም ተነሥተው በቀይ ባሕር አጠገብ ሰፈሩ።

¹¹ ከቀይ ባሕር ተነሥተው በሲና ምድረ በዳ ሰፈሩ።

¹² ከሲና ምድረ በዳ ተነሥተው በራፍቃ ሰፈሩ።

¹³ ከራፍቃ ተነሥተው በኤሉስ ሰፈሩ።

¹⁴ ከኤሉስ ተነሥተው በራፊዲም ሰፈሩ፤ በዚያም ሕዝቡ የሚጠጣው ውሃ አልነበረም።

¹⁵ ከራፊዲም ተነሥተው በሲና ምድረ በዳ ሰፈሩ።

¹⁶ ከሲና ምድረ በዳ ተነሥተው በቂብሮት ሃታአባ ሰፈሩ።

¹⁷ ከቂብሮት ሃታአባ ተነሥተው በሐጼሮት ሰፈሩ።

¹⁸ ከሐጼሮት ተነሥተው በሪትማ ሰፈሩ።

¹⁹ ከሪትማ ተነሥተው በሬሞን ዘፋሬስ ሰፈሩ።

²⁰ ከሬሞን ዘፋሬስ ተነሥተው በልብና ሰፈሩ።

²¹ ከልብና ተነሥተው በሪሳ ሰፈሩ።

²² ከሪሳ ተነሥተው በቀሄላታ ሰፈሩ።

²³ ከቀሄላታ ተነሥተው በሻፍር ተራራ ሰፈሩ።

²⁴ ከሻፍር ተራራ ተነሥተው በሐራዳ ሰፈሩ።

²⁵ ከሐራዳ ተነሥተው በማቅሄሎት ሰፈሩ።

²⁶ ከማቅሄሎት ተነሥተው በታሐት ሰፈሩ።

²⁷ ከታሐት ተነሥተው በታራ ሰፈሩ።

²⁸ ከታራ ተነሥተው በሚትቃ ሰፈሩ።

²⁹ ከሚትቃ ተነሥተው በሐሽሞና ሰፈሩ።

³⁰ ከሐሽሞና ተነሥተው በምሴሮት ሰፈሩ።

³¹ ከምሴሮት ተነሥተው በብኔያዕቃን ሰፈሩ።

³² ከብኔያዕቃን ተነሥተው በሖርሃጊድጋድ ሰፈሩ።

³³ ከሖርሃጊድጋድም ተነሥተው በዮጥባታ ሰፈሩ።

³⁴ ከዮጥባታ ተነሥተው በዔብሮና ሰፈሩ።

³⁵ ከዔብሮና ተነሥተው በዔጽዮንጋብር ሰፈሩ።

³⁶ ከዔጽዮንጋብር ተነሥተው በጺን ምድረ በዳ ባለችው በቃዴስ ሰፈሩ።

³⁷ ከቃዴስ ተነሥተው በኤዶም ዳርቻ ባለው በሖር ተራራ ሰፈሩ።

³⁸ በእግዚአብሔር ትእዛዝ ካህኑ አሮን ወደ ሖር ተራራ ወጣ፤ እዚያም እስራኤላውያን ከግብጽ በወጡ በአርባኛው ዓመት፣ በዐምስተኛው ወር፣ ከወሩም በመጀመሪያው ቀን ሞተ።

³⁹ አሮን በሖር ተራራ ላይ ሲሞት፣ ዕድሜው መቶ ሃያ ሦስት ዓመት ነበር።

⁴⁰ በከነዓን በምትገኘው በኔጌብ የሚኖረው ከነዓናዊው የዓራድ ንጉሥ፣ የእስራኤላውያንን መምጣት ሰማ።

⁴¹ እነርሱም ከሖር ተራራ ተነሥተው በሴልሞና ሰፈሩ።

⁴² ከሴልሞና ተነሥተው በፋኖን ሰፈሩ።

⁴³ ከፋኖን ተነሥተው በአቦት ሰፈሩ።

⁴⁴ ከአቦት ተነሥተው በሞዓብ ዳርቻ በምትገኘው በዒዮዓባሪም ሰፈሩ።

⁴⁵ ከጋይም ተነሥተው በዲቦንጋድ ሰፈሩ።

⁴⁶ ከዲቦንጋድ ተነሥተው በዓልሞን ዲብላታይም ሰፈሩ።

⁴⁷ ከዓልሞን ዲብላታይም ተነሥተው በናባው አጠገብ በሚገኙት በዓባሪም ተራሮች ላይ ሰፈሩ።

⁴⁸ ከዓባሪም ተራሮች ተነሥተው ከኢያሪኮ ማዶ በዮርዳኖስ ወንዝ አጠገብ ባለው በሞዓብ ሜዳ ላይ ሰፈሩ።

⁴⁹ እዚያም በዮርዳኖስ ወንዝ አጠገብ በሞዓብ ሜዳ ከቤትየሺሞት እስከ አቤልስጢም ባለው ስፍራ ሰፈሩ።

⁵⁰ ከኢያሪኮ ማዶ በዮርዳኖስ አጠገብ ባለው በሞዓብ ሜዳ፣ እግዚአብሔር ሙሴን እንዲህ አለው፤

⁵¹ “እስራኤላውያንን ተናገራቸው፤ እንዲህም በላቸው፤ ‘ወደ ከነዓን ለመግባት ዮርዳኖስን ስትሻገሩ፣

⁵² የምድሪቱን ነዋሪዎች በሙሉ ከፊታችሁ አሳድዳችሁ አስወጧቸው፤ የተቀረጹ ምስሎቻቸውንና ቀልጠው የተሠሩ ጣዖቶቻቸውን በሙሉ አጥፉ፤ እንዲሁም በኰረብታ ላይ የተሠሩትን መስገጃዎቻቸውን ሁሉ አፈራርሱ።

⁵³ ምድሪቱን ርስት አድርጌ ሰጥቻችኋለሁና ውረሷት፤ ኑሩባትም።

⁵⁴ ምድሪቱንም በየጐሣዎቻችሁ በዕጣ ተከፋፈሉ። ከፍ ያለ ቍጥር ላለው ሰፋ ያለውን፣ ዝቅተኛ ቍጥር ላለው ደግሞ አነስተኛውን ስጡ፤ ምንም ይሁን ምን በዕጣ የወጣላቸው፣ የየራሳቸው ርስት ይሆናል። አከፋፈሉም በየአባቶቻችሁ ነገዶች አንጻር ይሁን።

⁵⁵ “ ‘የምድሪቱን ነዋሪዎች አሳድዳችሁ ሳታስወጧቸው ብትቀሩ ግን፣ እንዲኖሩ የተዋችኋቸው ሰዎች ለዐይናችሁ ስንጥር፣ ለጐናችሁም እሾኽ ይሆኑባችኋል፤ በምትኖሩበትም ምድር ችግር ይፈጥሩባችኋል።

⁵⁶ እኔም በእነርሱ ላይ ለማድረግ ያሰብሁትን በእናንተ ላይ አደርግባችኋለሁ።’ ”