Sofonia 2 - BIBELE

Dikotlo tše di tlogo tlela ditšhaba

¹ Itlhatheng le hlathe, lena setšhaba sa bahlokahlong!

² Le dire bjale molao o sešo wa tswala, letšatši le sešo la feta wa moko. Le sešo la fihlelwa ke bogale bo tukago bja Morena, le sešo la fihlelwa ke letšatši la kgalefo ya Morena.

³ Nyakang Morena, lena babotla bohle ba lefase, lena le yago ka molao wagwe. Tsomang toko, le tsome boikokobetšo; mohlomongwe le ka efošwa mohla woo wa bogale bja Morena.

⁴ Gobane Gatsa go tlo tlogwa; Asikaloni e tlo ba marope; Asidodo ba lelekwa mosegare o monana; Ekirioni go a tomolwa.

⁵ Joo, ba ba agilego mo mešikong ya lewatle, setšhaba sa Bakereti, lena ba naga ya Kanana, le tlo tlelwa ke tše Morena a di boletšego, lena ba naga ya Bafilisita. Ke tlo le fediša, gwa se šale e a agilego moo.

⁶ Mešiko ya lewatle e tlo ba ga mafulo le didiba tša badiši le meraka ya dihuwsa.

⁷ Mešiko ya lewatle e tlo ba ya mašalela a ba gaJuda; ba tlo diša gona, bošego ba lala mo nyakong ya Asikaloni; gobane Morena Modimo wa bona o tlo ba gopola, a buša mathopša a bona.

⁸ Maroga a Moaba ke a kwele, le leepo la ba ga Amoni, ge ba roga tšhaba sa ka, ba itheta ba nyatša mellwane.

⁹ Morena wa mašaba Modimo wa Isiraele bjale o re: Ka bophelo bja ka, Moaba o tlo dirwa tša Sodoma, ba ga Amoni ba tlo dirwa tša Gomora; e tlo ba ditshehlong, moepo wa letswai, lešope la go ya go ile. Ba tlo hlakolwa ke mašalela a tšhaba sa ka; bohwa bja bona bo tlo lewa ke ba ba šetšego ba setšhaba sa ka.

¹⁰ Dilo tše di tlo ba tlela ka molato wa boikgodišo bja bona, ba gobošitše tšhaba sa Morena wa mašaba, ba itira ba bagolo ba se nyatša.

¹¹ Morena ba tlo mmona a šiiša, a fetša medimo ka moka ya lefase le; mang le mang a khunamela yena mo a lego gona, le ba dihlakehlake tša lewatle.

¹² Le lena Bakuše le tlo bolawa ke lerumo la ka.

¹³ O tlo emiša letsogo a šupa leboa, a senya Asuri, Ninife a go dira felo ga mašope, gwa oma boka lehanata.

¹⁴ Mo o lego gona go tlo ba mahutamo a mehlape le a phoofolo tša mehutahuta; le maribiši le dinoko di tlo lala dihlogong tša dikokwane tša gona; makgotlo a lla diphaong, direpoding gwa dula magukubu, ka gobane go tlo ba go thubogile mamati a matsaka.

¹⁵ Ke tšona tša motse wola wa mekgolokwane, wa go ipshina ka modula, wo pelong o bego o re: Ke nna e; ga go sa le o mongwe! -- Joo, bjale ke lešope, matšaba a dibata. Bohle ba go feta felo fao ba letša molodi, ba go šupašupa ka seatla.