NA SAME 1 - AI VOLA TABU

A Meke I. Sa tukuni ni sa kalougata na tamata yalododonu, ka sa sega ni vakakina nai valavala ca.

¹ SA kalougata na tamata sa sega ni muria lako na nodrai vakavuvuli na tamata lomaca, se tu e na nodra sala nai valavala ca, se tiko e na nodrai tikotiko na dauveivakalialiai:

² ia ka sa marau tiko e na vunau i Jiova; a sa vakananuma tiko na nona vunau e na siga kei na bogi.

³ Ena tautauvata kei na kau sa tei e na bati ni uciwai, sa vuataka na vuana e na kena yabaki, a drauna talega ena sega ni malai; ia na ka kecega sa cakava ena yaco.

⁴ Era sa sega ni vakakina na tamata lomaca, era sa tautauvata ga kei na qa ni sila sa cagina tani yani.

⁵ O koya o qo era na sega ni tu dei kina na tamata lomaca ni ra sa lewai, sei ira nai valavala ca e na nodrai vavakoso na yalododonu.

⁶ Ni sa kilako Jiova na nodrai valavala na yalododonu; ia na nodrai valavala na tamata lomaca ena rusa yani.