۲تسالونئکلی‌لره 1 - کتاب مقدس به زبان آذربایجانی جنوبی - گویشی

¹ پولوس، سئلوانوس و تئموتاعوسدان، آتامیز تاری و ربّئمئز عئسا مسئحده اولان تسالونئکلئلرئن کئلئساسینا:

² آتا تاری و رب عئسا مسئحدن سئزه فیض و سالاماتلیق اولسون.

شوکور اله‌مک و دوعا

³ قارداشلار، بئز گرک سئزئن اوچون لایئق اولان بئر شکئلده دائم تارییا شوکور اله‌یک، چونکی ائمانیز داها چوخ آرتیر و بئربئرئزه اولان محبّتئز داها دا چوخ بؤیویور.

⁴ بونا گؤره بئز اؤزوموز، تارینین کئلئسالاریندا سئزئن ائمانیزدان اؤتری، دوشدویوز بوتون عذابلار و ذئلّتلرئزئن قاباغینداکی تحمّوله گؤره، سئزه فخر اله‌ یئرئک.

⁵ بو، تارینین صالح حؤکمونون علامتی‌ دئر. اله کی، سئز تارینین پادشاهلیغینا لایئق ساییلاسیز کی، اونون اوچون ده عذاب چکئرسئز.

⁶ چونکی تارینین یانیندا عدالت بودور کی، سئزه ذئلّت چکدئرنلره، ذئلّت چکدئرسئن

⁷ و ذئلّت چکن سئزلره، بئز ائنن بئرلئکده راحاتلیق یتئرسئن، او زامان کی، رب عئسا بوتون قودرتلی ملکلری ائنن اود آلووو ائچئنده گؤیدن ظاهئر اولاجاق

⁸ و تارینی تانیمایان و ربّئمئز عئسانین ائنجئلئندن ائطاعت اله‌مه‌ینلره جزا وره‌جک.

⁹ اولار ربّئن حوضوروندان و اونون قودرتئنئن شؤوکتئندن محروم قالیب، ابدی هلاکت ائنن جزالاناجاقلار.

¹⁰ بو او گونده باش وره‌جک کی، مسئح اؤز موقدّسلرئنده عئزّت قازانماق و بوتون ائمانلی‌لاری حیرته گتئرمک اوچون گلئر-چونکی سئز بئزئم وردئیئمئز شهادته ائناندیز.

¹¹ بونا گؤره بئز دائم سئزئن اوچون دوعا اله‌یئرئک کی، تاریمیز، سئزی اولوندوغوز دعوته لایئق سایسین و اؤز قودرتی ائنن، هر یاخشی قصد و هر عمل کی سئزئن ائمانیزدان جوشور یرئنه یتئرسئن.

¹² اِله کی، تاریمیز و ربّئمئز عئسا مسئحئن فیضئنه گؤره، ربّئمئز عئسانین آدی سئزده عئزّتلنسئن و سئز ده اوندا عئزّتلنه‌سئز.