Nemaya 1 - Bibilia Buk na Ŋun nagon koti luŋu a

Nemaya kwakwaddu ŋun i kulya ti Yerusalema

¹ Kilo a kulyaesi ti Nemaya ŋurolo Kakalia. I yapa Kisilewa lo kiŋa tomerya murek na gwoŋdi Aretasaseta a mor nu, i diŋit na gwoŋdi nan Susa i pirit nago na titiyu na,

² a Kanani lele lo luŋasirik kwe, se ko kulye ŋutu ti Yuda lo ’duröki. A nan pipije lepeŋat ko kulya ti pitono ti Yudayaki logon a ko joŋa i to ’dupien kulo, ko i kulya ti Yerusalema koti.

³ A lepeŋat waddi adi, Pitono ti ŋutu logon a ko joŋa i to ’dupien lo gwon i modoria na Yuda yu kulu gwon i yöyöŋesi jore ko i lawe; koti a gorom na Yerusalema nagon a mariŋ iŋge turöki kak, a kotumiton kanyit iŋge nokan ko kimaŋ.

⁴ A gwe sona nagon nan aje yiŋga kilo kulyaesi nu, a nan si ’dakine kak a gwine gwien, a nan gwe ko durwe ko kulye perok; a nan miŋdye miŋdya a kwakwaddi i komor na ŋun lo ki.

⁵ A nan momo ’yi adi, Pon MATAT ŋun lo ki, do ŋun duma lo kukujonorikin, logon ’debba tomoret inot ko nyaŋu inot nagon ti ’duddyo kwöŋ i ŋutu logon nyanyar do ko tiju saresi kulok kilo;

⁶ boŋo ti swo kulok yiŋge yiŋga, ko ti konyen kulok meddi meddya, anyen do bubulo yiŋga kwaset lio nan kölipönit ilot logon nan soŋinana a mo ’yi konut i komor ko tuparan ko tukwaje, kogwon kulya ti kölipönök kulok logon a ŋutu ti Yisaraele. Nan tuggo toronjin kaŋ yi ŋutu ti Yisaraele nagon yi a konakin do arabat kune, iŋkoi nan ko kotumit na baba a toroŋdya.

⁷ Yi a konakiŋdya do ŋo narok parik, yi a ko ’debba jujuwesi ko saresi lo wuro kode luŋa kulya na ’duŋ do kune nagon do a sarakin köliponit ilot Mose.

⁸ Boŋo yeyene yeye kulyaet logon do a sarakin koliponit ilot Mose adi, Ko ta a lauŋdya nan a nan mo toreaddi ta kaŋo i kiden na nutu ti jurön;

⁹ ama ko ta a yitwe bot köyo ni, a ’debbi saresi kwe a kone kon se, ma ’di ködyo ŋutu kasu a toreki i swötön liŋ ti kak, nyena a nan mo pepenuŋdye se nyu a mo joŋgi se i pirit nagon nan a wulun anyen karin kwe gwolor yu.

¹⁰ Kilo a kölipönök kulök ko a ŋutu kulök logon do a lwökuŋdyö ko riŋit inot duma ko könin ilot iŋgo.

¹¹ Pon MATAT, böŋö ti swö kulök yiŋge kwasesi kwe nan kölipönit ilot, ko momolesi ti kölipönök kulök logon nyanyar twöju karin kunök kulo; nan momo ’yu do, tiŋdi nan kölipönit ilot komor na ’but i lo lor, tiki nan i ryeju na ’busan ko lo ŋuto i komor.