Galatia 1 - Bibilia Buk na Ŋun nagon koti luŋu a

Romesi

¹ Nan Paulo a luyökie. Ŋutu a ko wuluŋdyo nan, koti ŋutu a ko yokijo nan, ama Ŋun Monye lo yokijo nan ko Yesu Kristo i mugun, logon nye a toŋiju i twan lo.

² Nan se ko luŋasirik liŋ lo yubbo lo gwon ko nan i pirit na geleŋ kulo, roman ko ta lo momora a kanisajin Galatia yu kulu adi,

³ Ti ’busan ko taliŋ na po ko Ŋun Baba likaŋ na po ko Matat likaŋ Yesu Kristo na gwe ko ta.

⁴ Ŋilo Yesu a tiŋöju mugun nanyit kogwon toronjin kaŋ anyen lwökuŋdyö yi kaŋo i na diŋit naron na, gwoso na ’deggi Ŋun Baba likaŋ na.

⁵ Ti nye bulani bula ŋupi ŋupi. Amin.

Lele lore lo ’but ’bayin

⁶ Nana soŋu kogwon ta aje kölökiŋdyö Ŋun ’de ’de kijek logon aje luŋgu ta ko ’busan na nyaŋu na Kristo lo, a ta Iöpukoddi i lele lore.

⁷ ’Diri lele lore lo ’but ’bayin, ama kulye ŋutu kata logon dyadya ’yu ta, logon ’de ’dekan tukwoloŋgu Loŋe Lo ’but lo Kristo.

⁸ Ama ko kodyo yi kode malaikatat lo po ki yu kodyo a tokukiŋdyo ta lore lo ’but leŋe ŋilo logon yi aje tokukin ta lo, a ti Ŋun lomi lom lepeŋ.

⁹ Nan soŋinana nyoŋu jambu ŋo nagon yi koju a kulyari a kokwe kune, adi ko lele ŋuto tokukiŋdyo ta lore lo ’but logon a leŋe ŋilo logon ta aje wu lo, a ti Ŋun lomi lom lepeŋ.

¹⁰ Kine kulya ŋona meta kasu adi nan ga ’yu nyara ko ŋutu, kode nan ga ’yu nyara ko Ŋun? Nan ŋona ga ’yu tulyoŋgu ŋutu le? A ko kodyo nan nyuŋ ga ’yu tulyoŋgu nutu, a nan kodyo tine gwon a ’dupiet lo Kristo.

Paulo nyonyoggu luŋu nanyit i gwon a luyökie

¹¹ Luŋasirik, nan kodyo ’de ’dekan ta deden ’bura adi Loŋe Lo ’but logon nan a tokukin ta lo ti gwon a lo nutu.

¹² Nan a ko wu nye ko nutu, lele nuto a ko todinikin nan, ama Yesu Kristo ko mugun nanyit lo kwekiŋdya nan nilo lone.

¹³ Kogwon ta aje yin gwilinit lio lo ’beron i keri lo Yudayaki, adi nan a yöyöngu kanisa na Ŋun bia parik, a ga ’yi koŋu lepeŋat.

¹⁴ A nan inge puputuru nerot i keriat ti Yudayaki Iwolwon ber kwe jore ti jur likaŋ, kogwon nan lwölwöngu i tiddya na keriat ti merenyejin kan.

¹⁵ Ama Ŋun koju a gelun nan na gwoŋdi nan ko yangö i pele nu, a nye inge lungu nan ko ’busan na nyaŋu nanyit. A nagon nye aje yeyeju

¹⁶ kwekiŋdya nan Ŋuro lonyit, anyen nan bönö tokujo kulya kanyit i kiden na nutu ti juron nu, a nan gwe a ko pija lele nuto ko no nagon nan kodyo kökon kune.

¹⁷ A nan gwe a ko tu ma ’di Yerusalema i meddya na luyökie logon a lunu a kokwe na lunuri nan nu. Ama a nan iti i jur lo Arabi, a nan koti yitwene Damaseke.

¹⁸ Nyena i mukök na kinajin musala, a nan iti Yerusalema i ’yö ’yu na Kepa, a nan inge monuŋdyo ko lepeŋ yu ko perok puök wot mukanat.

¹⁹ Ama a nan gwe a ko met lele lo luyökie, ake nan meddya Yakobo luŋaser Matat likaŋ.

²⁰ Nan a milyeju ko Ŋun i komor adi ’diri ’diri no liŋ nagon nan aje wurokin ta kine a gwak, nan ’bayin a ’burönit.

²¹ A kirut nan iti i juron ti Suria ko ti Kilikia.

²² a nutu ti Kristo lo momora a kanisajin Yudaya kulu nyuŋ gwe a ko met nan a lo komor.

²³ A se tun yinge i jama adi, Kasasanyanit likaŋ lo ’beron lo soŋinana tokuje kulya ti na yupet nagon nye koju ga ’yu köŋu na.

²⁴ a se inge pupurja Ŋun kogwon kulya kwe.