2Samweli 1 - Amashiwi Aba Lesa

¹ Lomba ili afwile Saulu, pakubwela Dafidi ukufuma kukwipayalwa kwaŵaAmaleci, lomba kale aikala Dafidi insiku siŵili kuSikalaji;

² paliŵele ati pakasuŵa kaŵusitatu, kuŵona umwalalume waliisile ukufuma kucisasa kuli Saulu nefyakufwala fyakwe ifipandacile neloŵa pamutwi wakwe. Peŋka pakweŵa ati afika kuli Dafidi aliwilile pansi nekulukulamba.

³ Peŋka Dafidi walilaŵile kuli ye ati, Wafuma kulipi? Naye walilaŵile kuli ye ati, Ndipulucile kucisasa caŵalsilaeii.

⁴ Kumfwa Dafidi ati, Mbeceŵo ico caliŵele syani? Ndukukukombetela ati umbule. Naye nekwasuka ati, Aŵantu ŵaliŵutucile ukufuma kuŋkondo, kaŵili aŵantu aŵenji ŵaliwile ŵafwa; nakaŵili Saulu naJonafani umwana wakwe naŵo ŵalifwile.

⁵ Peŋka Dafidi walilaŵile kumusaŋkwa uyo uwamuŵulile ati, Uliisi syani ati Saulu naJonafani umwana wakwe ŵalifwile?

⁶ Naye umusaŋkwa uwamuŵulile nekweŵa ati, Pakulukuli lukoso neŵo palupili lwaGilibowa, kuŵona Saulu nekweyamina pefumo lyakwe; lomba kansi iŋgolofwana neŵapali ŵakafwalo ŵalukumulondelela.

⁷ Naye pakulola panuma walimbwene nekunjita. Naneŵo ati, Nineŵo ŋkuno.

⁸ Naye nekulaŵila kuli neŵo ati, Niwenani? Naneŵo nekumwasuka ati, Neŵo ninemuAmaleci.

⁹ Kumfwa naye ati, Ndukukukombetela ati wime muceni canji, unjipaye, pakuti insoni isikulu syanjikata, pakuti umweo wanji ucili muli neŵo uŵuluŵulu.

¹⁰ Fyopele'fyo kanjima muceni cakwe, kamwipaya, pakuti naliisiŵile icine ati ye tekwisiŵa ukwikala nemweo pakuwa ye pansi: kaŵili kambula iciluŋgu icali mumutwi wakwe, nemuŋkoŋka uwali mukuŵoko kwakwe, nekufileta kuno kuli ŵasikulu ŵanji.

¹¹ Peŋka Dafidi nekwikata nefyakufwala fyakwe, nekufipandala; fyopele' fyo kaŵili nekucita aŵantu ŵonse aŵo ali naŵo:

¹² naŵo nekulukulila nemisowa neminsosi, nekukana nefyakulya ukufika iciŋgulo, pakuti pali Saulu, napakuti pali Jonafani umwana wakwe, napakuti paŵantu ŵaŵaYawe, napakuti pacikoto cakwe Isilaeli; pakuti ŵaliwile kumpoko.

¹³ Naye Dafidi nekulaŵila kumusaŋkwa uwamuŵulile, ati, Mbawafuma kulipi? Naye nekwasuka ati, Neŵo ninemwana wamwensu umuAmaleci.

¹⁴ Naye Dafidi nekulaŵila kuli ye ati, Mbasyani tawatinine ukutambiko'kuŵoko koŵe mukumwipaya usufisiwe kuli ŵaYawe?

¹⁵ Peŋka Dafidi walimwitile umbi umusaŋka, nekulaŵila ati, Palamina, umuŵucile. Naye nekumupama ati afwe.

¹⁶ Kumfwa Dafidi ati, Imilopa yoŵe iŵe pamutwi woŵe; pakuti akanwa koŵe kakusimicila, ati, Nalimwipeye usufisiwe kuli ŵaYawe.

¹⁷ Lomba Dafidi nekuŵalilila Saulu naJonafani umwana wakwe nemusowa uyu;

¹⁸ naye nekuŵaŵula ati ŋgawaŵasambisye aŵana ŵakwe Juda ulwimbo lwaŵuta; kansi lulilembelwe mwibuku lyakwe Yasyali.

¹⁹ MweIsilaeli, uŵuleme bwenu ŵuliipailwe pamipunda yenu isuntucile! Kansi aŵamakosa ŵaliwile!

²⁰ Tekuŵule'fyo muGati, Tekufitulisya mumiseŵo iyamuAsikelono; Ŵeŋgasemba aŵana ŵaŵaFilisiti aŵanakasi, Ŵeŋgaaŋga aŵana aŵanakasi ŵaŵakuŵulo'kusilimuka.

²¹ Mwemapili akuGilibowa, Ŋgakuŵule ukwisa pali mweŵo neli cime, Neli nimfula, neli maŵala amilambu: Pakuti apo paliposelwe ukuŵipile Iŋgawo yawamakosa, Iŋgaŵo yakwe Saulu, itayasufisiwe amafuta.

²² Kumilopa yaŵepailwe nakumafuta aŵamakosa, Uŵuta bwakwe Jonafani tabwaalucile, Kaŵili impoko yakwe Saulu tayabwelele ukwalukoso.

²³ Saulu na Ionafani ŵaliweme neŵulombe pamyeo yaŵo. Kaŵili pamfwa yaŵo taŵalekene; Ŵali neluŵilo ulwakucila napanoŋga, Ŵali nemakosa akucila napaŋkalamu.

²⁴ Mweŵana ŵakwe Isilaeli aŵanakasi' mumulile Saulu neminsosi, Uwamufwicileni bwino iŋguŵo isikasicile, Uwaŵicile pafyakufwala fyenu amataŋgalo egolide.

²⁵ Kansi aŵamakosa ŵaliwile pakati paŋkondo! Jonafani aliipailwe pamipunda yoŵe isuntucilwe.

²⁶ Ndikatasiwe pakuti pali weŵo wemukwasu Jonafani: Walitemucilwe ukwakuti kuli neŵo: Uŵutemwe ŵoŵe ubwakuli neŵo bwakukaŋkamana, Ubwakucila napakutemwa kwaŵanakasi.

²⁷ Kansi aŵamakosa ŵaliwile, Nemata akuŋkondo nao nekonalwa!