Tito 3:9 - Xochapa Mixteco

⁹ Ta küni soꞌo un ya ndítuꞌun kuachi na ñani yo xaꞌa ñaꞌa ya köo ndáa yaꞌvi ndítuꞌun na xaꞌa xií síkua na. Vaꞌa kuxika un nuu ya ñaa, xiꞌin ya kánitaꞌan na xaꞌa, ta káꞌan kuachi na xaꞌa ley ya ta̱a ra Moisés, chi ya ñaa ta köo chíndee ya nda iin naꞌa.

Tito 3:9 Mawu Ofanana

1 Corintios 13:2

Tá tu vaꞌa ni káꞌan i tuꞌun yuꞌu Ndioxi, ni vaꞌa ni kúndaa tu ini i xiꞌin ndiꞌi ni kúu ya íyo sěꞌe, ni ndíchi ni káa i, ni kándixa ni i Ndioxi ya kuni soꞌo ra kaꞌan i xiꞌin ra ndinama ra iku kuꞌun ya inka ñaꞌñu, sundi tá tu köo ya kúꞌvi ini táxi Ndioxi íyo nima i, ya kuꞌvi ini i kuni i inka naꞌa, ta ni köo ndáa yaꞌvi mií vi i.

1 Corintios 8:1

Ta vitin káꞌan i xiꞌin ndo xaꞌa ñaꞌa ya ndi̱ndakan tuꞌun ndo yeꞌe xaꞌa, án vaꞌa kuxi ndo ya, án küvi kuxi ndo ñaꞌa ya sóko naꞌa nuu naꞌna ndioxi ya ndíi. Ta vaꞌa ná kaꞌan i xiꞌin ndo ya ndixa kua xíni ni ndiꞌi yo. Sundi tá ndíkani ini yo ya ndee ni xíni yo nuu inka naꞌa kua ndúu yo naꞌa, na kútaa ni ini. Ta ya ndixa ni ka ndáa yaꞌvi ku ya kúꞌvi ni ini yo xíni yo inka naꞌa, chi xiꞌin ya kúꞌvi ini yo xíni yo na, ta táxi yo ndee ndaꞌa na ya kundikun ni ka na ichí Ndioxi.

1 Timoteo 4:7

Ta küni soꞌo un kuento vata, ya köo ndáa yaꞌvi ndítuꞌun naꞌa. Ya vaꞌa ni kua xaꞌa ni un ndee kuu un iin taa, ra vaꞌa ni xáa súvi ya kúni Ndioxi.

2 Timoteo 2:14

Ndiꞌi saa kivi sindikaꞌán un ini na ñani yo nuu Ndioxi ya ná käni taꞌan na, ná käꞌan kuachi na xaꞌa ndá ka ñaꞌa ya köo ndáa yaꞌvi. Chi ya íkan na saa ta síndiꞌi xaꞌa na naꞌa, na sikan xíni soꞌo tuꞌun xaꞌa Tata yo.

2 Timoteo 2:16

Ta vaꞌa kuxika un nuu naꞌa, na káꞌan tuꞌun kíꞌvi ya köo ndáa yaꞌvi. Chi naꞌa, na káꞌan saa, ta iin iin kivi ndúndee ka ya väꞌa káꞌan na, saa kúxika vaꞌa ka na nuu Iva yo Ndioxi.

2 Timoteo 2:23

Ta küni soꞌo un ndá ka tuꞌun kíꞌvi ya káꞌan kuachi naꞌa xaꞌa, ya köo ndáa yaꞌvi káni taꞌan na xaꞌa. Saa chi ya ñaa, ta ya síkani taꞌan naꞌa va kua.

Tito 1:14

Ta ná küni soꞌo na kuento yata ya ndítuꞌun mií na judío, ni ná täa tu soꞌo na ya síkuaꞌa ini mií na káꞌan na, na ñaa ku naꞌa, na síndoo ichí Ndioxi ya ndaa.

Santiago 4:1

Ñani yo, ¿mií chí káku kuachi xiꞌin ndo ya xáa ndo káni taꞌan ndo, túvi ndo? Ndiꞌi ya väꞌa, ya kútoo ni ndo ikan ndo, ta chí nima mií va ndo kána ya väꞌa, ya ñaa kua síkani taꞌan ndóꞌo̱.