Tito 3:5 - Xochapa Mixteco

⁵ Si̱kaku ra yoo, ta süvi xaꞌa ndá ka chiñu ya vaꞌa i̱kan yo kua i̱kan ra saa xiꞌin yo. Xaꞌa ya kúndaꞌvi ni ini ra xíni ra yoo kua i̱kan ra saa xiꞌin yo. Ta ndi̱kata ra yoo, saa nda̱sa xa̱á ra yoo ndu̱u yo na xa̱á nuu Tachi I̱í ra.

Tito 3:5 Mawu Ofanana

San Mateo 3:11

Yeꞌe, ta síkuchi i ndóꞌo̱ xiꞌin tikuii, ya sínaꞌa ndo mií ndo nuu naꞌa ya ndi̱nama ndo kuꞌva íyo ndo. Sundi íyo inka ra vaxi sindiꞌi, ta ndee ni ra ikán nuu yeꞌe. Ra ikán ku ra sikuchi ndóꞌo̱ xiꞌin Tachi I̱í Ndioxi xiꞌin ñu̱ꞌu̱ ya xíxi. Xaꞌa ya ndee ni ra ta nda nduxan ra küvi loꞌo kundiso i.

San Lucas 1:50

Ndiꞌi saa tiempo xáa kaꞌnu ini ra xaꞌa na ivi, na káñuꞌu ñaꞌa, íkan ra ya vaꞌa xiꞌin na íyo tiempo vitin tin ndiꞌi saa ka tiempo ya vaxi kundaꞌvi ini ra kuni ra na.

San Lucas 1:54

Ku̱ndaꞌvi ini ra xi̱ni ra yo Israel xáa chiñu nuu ra. Xaꞌa ya kúndaꞌvi ini ra xíni ra yoo kua ndi̱kaꞌán ini ra xaꞌa yo.

San Lucas 1:72

Saa chi kúndaꞌvi ni ini ra xíni ra iva yo ta köo ndi̱ndoso ini ra xaꞌa tuꞌun ya i̱í ndi̱kaꞌan ra xiꞌin xii sikua yo.

San Lucas 1:78

Saa chi kúndaꞌvi ni ini Iva yo xíni ra yoo, 2 yakan ti̱ꞌvi ra seꞌe ra, ra ke̱e nuu ndivi, ta ra ikán ku ra káa tá káa nuu túvi inka kivi.

ROMANOS 11:14

Yakan ndee ni ndíkundee i káꞌan ndoso i tuꞌun ra xiꞌin ndo, chi kúni i ná ndukuiñu xiní na ñuu i kuni na ndóꞌo̱, ta saa ndiko koo na nuu Ndioxi ya sikaku ra sava na.

ROMANOS 11:6

Xaꞌa ya vaꞌa ni Ndioxi kua i̱kan ra saa xiꞌin yo, süvi xaꞌa nda iin ya vaꞌa íkan yo kua ndi̱kaxin ra yoo, xaꞌa ya kúꞌvi ni ini ra xíni ra yoo kua i̱kan ra saa xiꞌin yo. Saa chi tá tu xaꞌa ya vaꞌa íkan yo kua, ta köo ndáa yaꞌvi ya ndi̱niꞌi uun yo nuu Ndioxi, ya kúꞌvi ni ini ra xíni ra yoo, ndikuu.

ROMANOS 12:2

Ta köo ndo tá kuꞌva íyo na ñuu ivi yóꞌó, vaꞌa ka nditaxi ndiꞌi ndo mií ndo ndaꞌa ra ná ndinama ra ya xínituni ndo. Ná nduxaa kuꞌva ndíkani ini ndo. Saa kuchiñu ndo kundaa ini ndo, ta xaa súvi ndo ya kúni mií ra, ta saa kua ikan ndo ya vaꞌa, ya ndaa, ya xáa sini ndo ini ra.

ROMANOS 3:20

Ta nda iin naꞌa küchiñu nduu na naꞌa, na vaꞌa nuu Ndioxi xaꞌa ya kúni na xaa súvi na ley ra. Saa chi ya xáa nduxa na kúni na sixinu na ley ra, ta ya kúndaa ini na xaꞌa íyo kuachi na nuu va ra ku ya.

ROMANOS 3:28

Xaꞌa ya yóꞌó kua káꞌan yo, iindaa mituꞌun ya ikan yo kandixa yo Jesucristo, ya yóꞌó kua táxi ndúu yo naꞌa na vaꞌa, na köo ka kuachi kúu mií nuu Ndioxi. Süvi xaꞌa ya xáa súvi yo ley ra kua ndúu yo naꞌa, na köo ka kuachi kúu mií nuu ra.

ROMANOS 4:5

Sundi Ndioxi ta ndása vaꞌa ra naꞌa na kándixa ñaꞌa. Süvi xaꞌa ñaꞌa ya vaꞌa íkan na nuu ra kua ndása vaꞌa ra na. Vani na kúu mií kuachi ku na, ta síniꞌi uun ra ya vaꞌa nuu na, saa ndása vaꞌa ra na nuu mií ra xaꞌa ya kándixa na Jesucristo.

ROMANOS 9:11

Tá ñúꞌu ka seꞌe yá, ta kúu na kuátí, tá täꞌan ka kaku na, ta täꞌan ikan na ya vaꞌa ni ya väꞌa, ta ndi̱kaxin Ndioxi unku iin nda kuátí ikán kundikun ñaꞌa. Ta xaꞌa ya i̱kan Ndioxi saa, si̱naꞌa ra yoo süvi xaꞌa ya vaꞌa íkan naꞌa ku ya ndíkaxin Ndioxi na, xaꞌa ya chi̱tuni mií ra kua íkan ra saa.

ROMANOS 9:16

Yakan kua ná kundaa ini yo, chi süvi xaꞌa ya chíkaa ini mií naꞌa ikan na kua kúꞌvi ini ra xíni ra na, ni süvi xaꞌa ya ndíkundee ni na íkan na ndá ka ñaꞌa kua. Xaꞌa ya kúni mií Ndioxi kua íkan ra saa xiꞌin na.

ROMANOS 9:30

Ta vaꞌa ná koto yo ndá kuꞌva íyo ya káꞌan yo xaꞌa, chi naꞌa, na köo kúu judío ta ni köo ndíchikaa na ndee ya nduku na Ndioxi, ta xa nda̱sa vaꞌa ra na, ndu̱u na naꞌa na köo ka kuachi kúu mií nuu ra, xaꞌa ya ka̱ndixa na Jesucristo.

1 Corintios 6:11

Taꞌan ya väꞌa yóꞌó ku ya i̱kan sava ndo yachi. Sundi vitin ta xa ndo̱o kuachi ndo, xa ndu̱u ndo naꞌa, na i̱í, na köo ka kuachi kúu mií nuu Ndioxi. Ta xa ndi̱kuiso vaꞌa ra ndóꞌo̱ tixin ndee Tata yo Jesucristo, saa tu xiꞌin ndee Tachi I̱í mií Iva yo Ndioxi va.

Gálatas 2:16

Sundi xa xíni yo, nda iin naꞌa, küchiñu ndikitaꞌan vaꞌa xiꞌin Ndioxi xaꞌa ya xáa súvi ni na ley ra. Ndi̱saa xaꞌa ya ndáa ni ini yo xíni yo Jesucristo va kua ndíkuiso vaꞌa ra yoo. Xaꞌa ya ikán kua kándixa ni yo Jesucristo, ya ná kuchiñu yo nduu yo naꞌa, na vaꞌa, na köo ka kuachi kúu mií nuu ra. Ta süvi xaꞌa ya xáa súvi yo ley Ndioxi kua ndíkuiso mani ra yoo nuu ra, chi tá tu xaꞌa ya xáa súvi yo ley ra kua, ta nda iin yo küchiñu ndikundoo vaꞌa xiꞌin ra, ndikuu.

Efesios 2:4

Sundi xaꞌa ya vaꞌa ni ini Ndioxi xiꞌin yo, yakan ku̱ndaꞌvi ni ini ra xi̱ni ra yoo, ta saa ku̱ꞌvi ni ini ra xi̱ni ra yo.

Efesios 4:23

Ta vitin xíniñuꞌu ndo taxi ndo ná nduxaa nima ndo, ná nduxaa ya ndíkani ini ndo.

Efesios 5:26

I̱kan ra saa xiꞌin yo ya kuchiñu ra ndasa i̱í ra yoo. Ta xaꞌa ya xi̱ni soꞌo yo tuꞌun vaꞌa xaꞌa ra kua ndu̱u yo naꞌa, na i̱í nuu ra, saa chi̱chi yo xiꞌin tikuii xaꞌa ya kándixa yo ra.

Colosenses 3:10

Chi vitin ta xa ndu̱u ndo naꞌa, na xa̱á, na íin tá kuꞌva káa mií Ndioxi ra si̱kuaꞌa ndóꞌo̱ ku ra íkan saa xiꞌin ndo iin iin kivi nda ná xinu koo ndo kuni taꞌan vaꞌa ndo xiꞌin ra tá kuꞌva káa mií ra.

2 Timoteo 1:9

Mií Ndioxi ku ra si̱kaku yoo, saa ka̱na ra yoo ya nduu yo na ñuu ra, na i̱í. Ta süvi xaꞌa ya vaꞌa íkan yo kua i̱kan ra saa xiꞌin yo, xaꞌa ya kúni mií va ra kua. Chi xaꞌa ya vaꞌa ni mií Tata yo Jesucristo kua i̱kan ra saa xiꞌin yo, tá täꞌan ka xa̱á ñuu ivi yóꞌó vi kua i̱kan ra saa xiꞌin yo.

Tito 3:4

Sundi ti̱ndaa kivi ta ndi̱naꞌa Ndioxi, ra síkaku mií yo, ya ndee ni kúꞌvi ini ra xíni ra yoo, yakan i̱kan ni ra ya vaꞌa xiꞌin ndiꞌi ni kúu yo ñuu ivi yóꞌó.

HEBREOS 10:22

Xaꞌa ya ikán kua ná kuyati yo nuu Ndioxi xiꞌin ndinuꞌu nima yo, ta saa ndinuꞌu ni ini yo ná kundaa ni ini yo kuni yo ra, saa chi xa ndi̱kata ra nima yo xaꞌa ndiꞌi ya väꞌa, ta saa ndi̱kata ra ikin kuñu yo xiꞌin tikuii nduta vaꞌa ni.

HEBREOS 4:16

Yakan vaꞌa ná kuyati yo nuu ra tá ndóꞌni yo nuu tindoꞌo ta ná ku ïꞌvi yo kuyati yo nuu ra, chi ndee ni vaꞌa ra, kúndaꞌvi ni ini ra xíni ra yoo, yakan kúꞌvi ni ini ra xíni ra yoo, ta saa chindee ra yoo tá ñúꞌu yo nuu tindoꞌo, ta ná kuyati yo nuu íyo ra xáꞌnda chiñu ra.

HEBREOS 6:6

Xaꞌa ya íkan kua küvi ka ndiko koo tuku ini na, chi tá ná ikan tuku na saa, ta tá íin na xáꞌni tuku Seꞌe Ndioxi nuu cruzin va saa íin na, chi kúsiki ndaa na ra nuu ndiꞌi naꞌa.

1 Pedro 1:3

Ta ná xaa kaꞌnu yo Iva yo Ndioxi ra kúu Iva Tata yo Jesucristo, saa chi kúndaꞌvi ni ini ra xíni ra yoo, ta yakan ta̱xi ra ndi̱kaku uvi tuku yo xaꞌa ya ndi̱taku Tata yo Jesucristo tañu na ndíi, saa kua ta̱xi ra ya kúndaa teꞌe ini yo

1 Pedro 2:10

Chi xa xíni mií ndo tá yachi ta ndaꞌvi ni ndi̱xiyo ndo, tá íyo ndo ndi̱xika ndaꞌvi saa ndi̱xiyo ndo, ta vitin ndi̱kuiso vií Ndioxi ndóꞌo̱ ndu̱u ndo na ñuu mií ra. Chi yachi ta ni köo ndïkuvi kundaꞌvi ini ra kuni ra ndóꞌo̱, ta vitin ta ndiniꞌi taꞌvi ndo nuu ra kúndaꞌvi ni ini ra xíni ra ndóꞌo̱.

1 Pedro 3:21

Taꞌan tikuií ikán ku tikuií rá síkuchi naꞌa ndóꞌo̱ vitin, rá síkaku ndóꞌo̱. Ta tikuií ikán ta köo ndíkata rá ya väꞌa íyo ikin kuñu yo, sundi ndása vaꞌa rá ya xínituni yo, saa síkaku rá yoo xaꞌa ya ndi̱taku Tata yo Jesucristo tañu na ndíi.