Tito 3:3 - Xochapa Mixteco

³ Chi saa ndi̱xiyo yo yachi tá täꞌan ndikundikun yo ichí Tata yo Jesucristo: kíꞌvi ni ndi̱xiyo ini yo, ikú ni ndi̱xiyo yo, tá íin yo nda̱ñuꞌu saa ndi̱xiyo yo nuu Ndioxi, ta xi̱nuꞌni yo ndaꞌa ndiꞌi kuachi ya ku̱too ni ikin kuñu yo ikan ya, kuaꞌa ni nuu ya väꞌa i̱kan yo, saa kûni ni ini yo xi̱ni yo naꞌa. Ta ndiꞌi naꞌa ndi̱saa ini xi̱ni yoo, ta saa tu yoo va, ndi̱saa ni ini yo xi̱ni yo na.

Tito 3:3 Mawu Ofanana

San Mateo 21:29

Ñaa ndi̱kuiin seꞌe ra, káꞌan ra: “Küꞌun i”, káchi ra. Saa kunaꞌa vaꞌa loꞌo, ta ndi̱nama xiní seꞌe ra, ta ndi̱xaꞌan ra xa̱a chiñu ra.

San Lucas 21:8

Ta saa ndi̱kuiin Jesús, káchi ra saa: ―Kuenta ni koo ndo ya ná sïndaꞌvi naꞌa ndóꞌo̱. Saa chi kixi sava taa sindaꞌvi nda ndóꞌo̱, kaꞌan nda xiꞌin ndo, nda ikán ku nda ti̱ꞌvi Ndioxi vaxi sikaku na ñuu ivi yóꞌó, kachi nda. Ta saa kaꞌan tu nda, xa yati ni ti̱ndaa tiempo, kachi nda xiꞌin ndo. Ta kündikun ndo nda.

San Juan 8:34

Saa ndi̱kaꞌan Jesús xiꞌin na, káchi ra saa: ―Ya ndaa kua káꞌan i xiꞌin ndo, tá kúu ndiꞌi na kuakiꞌvi kuachi, ta tá íin na núꞌni ndaa saa íin na ndaꞌa ya.

ROMANOS 11:30

Saa ndóꞌo̱, yachi ta köo ndi̱xiin ndo kandixa ndo Ndioxi. Ta vitin ndi̱niꞌi ndo ya vaꞌa nuu ra, ku̱ndaꞌvi ini ra xi̱ni ra ndóꞌo̱, xaꞌa ya köo ndi̱xiin na judío kandixa na ra.

ROMANOS 6:12

Täxi ndo kaꞌnda chiñu kuachi ndo nuu ikin kuñu ndo, ta ni xäa súvi ndo ya väꞌa ya kútoo ni ya ikan ya, chi ya ndíꞌi xaꞌa va ku ikin kuñu ndo.

ROMANOS 6:17

Ndixaꞌvi ni Ndioxi vani ndee ni ndee xi̱ndoꞌni ndo ndaꞌa kuachi, ta ndinuꞌu ni ini ndo ka̱ndixa ndo tuꞌun ya ndi̱kani na nuu ndo tá si̱naꞌa na ndóꞌo̱.

ROMANOS 6:22

Ta vitin ta xa ndi̱saña ndo ndaꞌa kuachi nuu xi̱ñuꞌu ndo. Xa ta̱xi ndo mií ndo xáa chiñu ndo nuu Ndioxi, saa ndu̱u ndo naꞌa na i̱í nuu ra, ta xaꞌa ya ñaa kua ndi̱niꞌi ndo nuu ra ya koo ndo xiꞌin ra ndiꞌi saa kivi ya vaxi.

ROMANOS 6:6

Saa chi tá ndi̱xiꞌi Jesucristo ndaꞌa cruzin, ta nda tá íin mií yo ndi̱xiꞌi saa ndi̱xiyo yo xiꞌin ra ndaꞌa nu. Ndaꞌa nu ikán ku nuu ndi̱ꞌi xaꞌa ya yata, ya ku̱u mií yo, ya ndee ni si̱keꞌe ini yo ikan yo ya väꞌa nuu Ndioxi.

2 Corintios 12:20

Ta yeꞌe, ta ndíꞌi ni va ini i tá ná xaa i koto i ndóꞌo̱, chi sana ndïtaꞌan i ndóꞌo̱ tá kuꞌva ndíkani ini i nditaꞌan i ndóꞌo̱, án sana ndïtaꞌan tu ndóꞌo̱ va yeꞌe tá kuꞌva ndíkani ini ndo nditaꞌan ndo yeꞌe. Saa ndíꞌi ni ini i xiꞌin ndo chi sava ndo ta án sana kánitaꞌan va ndo, ta sava tu ndo án sana kûní tu ini ndo xíni taꞌan va ndo, ta sava tu ndo án sana sáa ini ndo xíni taꞌan va ndo, ta sava tu ndo án sana ta̱ꞌvi taꞌan va ndo, saa tu sava ndo án káꞌan kini ndo xiꞌin taꞌan va ndo, sava tu ndo án sana kánaꞌa ndo xaꞌa taꞌan va ndo, ta sava tu ndo án ndee ni kútai ini ndo nuu taꞌan va ndo, saa tu sava ndo án sana ndu̱u iku ni ini va ndo xiꞌin taꞌan ndo.

Gálatas 6:3

Tá ndá ndóꞌo̱ ndíkani ini ya ndee ni ndáa yaꞌvi ndo túvi ndo, ta síndaꞌvi ndo mií va ndo, chi süvi ya ndixa kua.

Colosenses 1:21

Sundi tá yachi ta ndi̱xiyo xíka ni ndo nuu Ndioxi, ndi̱saa ni ini ndo xi̱ni ndo ra xaꞌa ya köo vaꞌa ndíkani ini ndo, saa i̱kan ni ndo ya väꞌa nuu ra. Sundi vitin ta xa ndi̱kitaꞌan mani ndo xiꞌin ra

Colosenses 3:7

Taꞌan ya ikán kua ndee ni i̱kan ndo tá yachi, tá ndi̱xika ndo suvi ichí väꞌa ikán.

2 Timoteo 3:13

Ta naꞌa, na íkan ya väꞌa xiꞌin nda síndaꞌvi naꞌa, ta iin iin kivi ndúkuaꞌa ka ya väꞌa íkan na, saa síndaꞌvi ka na naꞌa, ta saa síndaꞌvi tu naꞌa mií va nda.

2 Timoteo 3:6

Ta taꞌan nda káꞌan yo xaꞌa yóꞌó ku nda kuakiꞌvi tá veꞌe, tá veꞌe ná ñaꞌa, ná vita ni ini ta síndaꞌvi nda ná xiꞌin tuꞌun káꞌan nda. Ta ná ikán ku ná ndee ni ndíso kuachi xaꞌa ya íkan ná nuu ndiꞌi ya väꞌa ya xáꞌnda chiñu nuu ikin kuñu ná.

Tito 1:16

Káꞌan na xíni na Ndioxi sundi ndiꞌi ñaꞌa väꞌa íkan na ta ndínaꞌa na mií na ya köo xíni na ra, ta ndíkuaa va na ra, saa kúndasi nuu na xíni na naꞌa, ta köo xíin na xaa súvi na ya kúni Ndioxi, ta nda iin ñaꞌa vaꞌa küchiñu na ikan na.

Tito 2:12

Xaꞌa ya kúꞌvi ni ini Ndioxi xíni ra yoo kua sínaꞌa ra nuu yo ya xíniñuꞌu yo sindoo yo ndiꞌi taꞌan ya väꞌa íyo ñuu ivi yóꞌó, ta ná ndïkani ini yo ikan yo ndá ka ya väꞌa, saa ná koo káxin ni ini yo, ta ndaa ni ná koo ini yo, i̱í ná koo yo nuu ra.

Santiago 1:26

Tá ndá ndóꞌo̱ ndíkani ini ndee ni vaꞌa kándixa ndo Ndioxi, ta köo ndi̱xita ndo mií ndo nuu ya väꞌa káꞌan ndo, ta síndaꞌvi ndo mií va ndo, chi süvi ya ndaa kua káꞌan ndo ndíkun ndo Ndioxi.

1 Pedro 1:14

Yachi ta köo ndi̱kundaa ini ndo xaꞌa tuꞌun ra, yakan ke̱ꞌe ndo ya väꞌa nuu ra, sundi vitin ta ndu̱u ndo seꞌe ra, na xáa súvi ni ya kúni ra, yakan köo xíniñuꞌu ka ndo koo ndo tá kuꞌva ndi̱xiyo ndo yachi.

El Apocalipsis 12:9

Ta tatun ya íyo xiꞌin Ndioxi ta̱va ya kiti koó nǎꞌa xiꞌin ndiꞌi tachi nduvaꞌa ya íyo xiꞌin ri. Ta̱va ya ri ki̱ꞌin ñaꞌa ya si̱koyo ya nda nuu ñuꞌú. Ta kiti ko̱ó nǎꞌa ikán ku ko̱ó yata ni, ta inka kivi ri kua Satanás án kiti Timiaꞌan. Ta suvi mií ri ku ri síndaꞌvi ndiꞌi ni kúu na ñuu ivi.

El Apocalipsis 13:14

Saa si̱ndaꞌvi ri uvi ikán ndiꞌi na ndóo ñuu ivi yóꞌó xiꞌin yatuꞌun íkan ri. Ta xiꞌin yuꞌu mií kiti núnu̱ú ikán kua íkan kiti uvi ikán yatuꞌun nuu naꞌa. Saa xa̱ꞌnda chiñu kiti uvi ikán chiñu nuu naꞌa ya sikuaꞌa na naꞌna kiti núnu̱ú, ri ìyo ni ndi̱taꞌnda xiní xiꞌin i̱chi ta ndi̱taku tuku ri.

El Apocalipsis 18:2

Ta ndixa loꞌo ndee ndi̱kaꞌan ya, káchi ya saa: ―¡Xa ndi̱kava ñuu chee ni ya Babilonia, ta ndi̱ꞌi xaꞌa ya! Vitin ndu̱u ya iin ñuu nuu íyo kiti nǎꞌa saa ndu̱u ya veꞌe nuu ndíkitaꞌan ndiꞌi tachi nduvaꞌa, ta ndu̱u ya chiꞌyo ndiꞌi nuu kiti ri ndáchi, ta kiti ndáchi ikán ku kiti kini ni, chi yáxi ri ndisaa ñaꞌa ya kini án ya táꞌi.