Tito 3:14 - Xochapa Mixteco

¹⁴ Saa nda ñani yo xiꞌin ná kuꞌva yo, ná sikuaꞌá na ikan ni na ya vaꞌa, ta ná chindee taꞌan ná xiꞌin naꞌa, na kúmani ñaꞌa nuu. Ta saa kua nduu na naꞌa, na ndáa yaꞌvi ni, na xáa chiñu ni.

Tito 3:14 Mawu Ofanana

San Mateo 21:19

Saa xi̱ni ra iin itun higo ndíchi nu yati yuꞌu ichí, ñaa ku̱yati ra nuu ndíchi nu, ni köo kuiꞌi ndi̱niꞌi ra ndaꞌa nu, ndá iku mií íyo ndaꞌa nu. Saa ndi̱kaꞌan ra xiꞌin nu, káchi ra: ―Nda iin ka kuiꞌi käna ndaꞌa un kivi vaxi ―káchi ra xiꞌin nu. Saa ndikun ndi̱ndichi itun higo ikán.

San Mateo 7:19

Tá kúu ndiꞌi itun köo kúun kuiꞌi vaꞌa ndaꞌa, ta taꞌnda nu. Ta saa kuꞌun nu kee nu nuu ñu̱ꞌu̱ koko nu.

San Juan 15:16

Ta süvi mií ndo ndi̱kaxin yeꞌe, mií i ndi̱kaxin ndóꞌo̱. Ta ndi̱kaxin i ndóꞌo̱ ya ná ikan ndo nina ya vaꞌa. Tá íin itun kuiꞌi kána kuaꞌa ni ñaꞌa ndaꞌa saa ná koo ndo. Ndiꞌi saa ichí koo ndo tá íin kuiꞌi vaꞌa ni kúun. Tá íkan ndo saa ta vaꞌa nduku ndo ndiꞌi ya kúmani nuu ndo nuu Iva i. Ta tixin kivi yeꞌe taxi ra ya ndúku ndo nuu ra ndaꞌa ndo.

San Juan 15:8

Tá xáa toꞌo ni ndo Iva i tá íkan ni ndo ya vaꞌa, ta saa kua ndúu ndo na ítaꞌan xiꞌin i.

Los Hechos 18:3

Ñaa ndi̱ndoo ra ndi̱xiyo ra xiꞌin na chi iin kachi xáa chiñu na xiꞌin taꞌan na chi taꞌan chiñu íkan ra kua íkan tu mií va na, síkuaꞌa na veꞌe mantiado.

Los Hechos 20:35

Taꞌan ya xi̱ni ndo i̱kan i kua xíniñuꞌu ndo ikan ndo, ya kuchiñu ndo chindee ndo inka na köo kúndee ini xaa chiñu. Ndi̱kaꞌán ndo ya ndi̱kaꞌan Tata yo Jesús, káchi ra saa: “Vaꞌa ni ka kée na táxi ñaꞌa ndaꞌa inka na, süvi ka vi na ndíkiꞌin ya”, káchi Tata yo ―káchi ra Pablo xiꞌin na.

ROMANOS 12:13

Saa koo ndúvi ndo ya chindee ndo na ndaꞌvi veꞌe ñuꞌu, na ñuu Ndioxi. Ta ndikuiso vaꞌa ndo naꞌa, na xáa veꞌe ndo, án ñuu yati vaxi na, án ñuu xika vaxi na, ta ndikuiso ndo na. Saa taxi ndo kuxi na, ta taxi ndo nuu kusun na.

ROMANOS 15:28

Tá ná sindiꞌi nditaꞌvi i xuꞌun xiꞌin na taꞌan yo, na ndóo ñuu Jerusalén, saa yaꞌa i ñuu Roma koto i ndóꞌo̱. Sindiꞌi ikán saa kee i kuꞌun i chí ñuu España.

Efesios 4:28

Ndiꞌi naꞌa, na ku̱too sikuiꞌna, ta ná sïkuiꞌna ka na. Vaꞌa ná xaa chiñu na xiꞌin ndaꞌa na, ta saa koo ñaꞌa nuu na chindee taꞌan na xiꞌin na ndaꞌvi, na köo ñaꞌa nuu.

Filipenses 1:11

Saa kua ikan ni ndo ya vaꞌa, ya ndaa nuu ra, ta tixin mií Tata yo Jesucristo kua ikan ndo saa, ta saa kua kaꞌan vaꞌa ni naꞌa xaꞌa Ndioxi, ta ndikunuu vaꞌa ni ya toꞌo ra.

Filipenses 4:16

Saa tu tá ndi̱xiyo i ñuu Tesalónica, ta suvi ndóꞌo̱ ku ndo chi̱ndee ni yeꞌe, chikaa ni ndo ndee xiꞌin i ta süvi iindaa ichí ndi̱kan ndo saa xiꞌin i.

Filipenses 4:17

Süvi ya káꞌan i ya yóꞌó xiꞌin ndo ta kúni i chindee ndo yeꞌe, chi yeꞌe ya kúni i kua ná niꞌi ni ka ndo ya vaꞌa nuu Ndioxi xaꞌa ya vaꞌa ni ini ndo, tái ni ndo.

Colosenses 1:10

Ta saa kua vaꞌa kuchiñu ndo ikan ndo tá kuꞌva kúni mií Tata yo Jesucristo, chi saa kua xaa kaꞌnu ni ndo ra xiꞌin ndiꞌi ni kúu ñaꞌa vaꞌa íkan ndo nuu ra, koo ndo tá kuꞌva íyo naꞌa, na ndíkun Tata yo Jesucristo. Ta saa kua vaꞌa kuaꞌnu ka ndo xiꞌin ya ndíchi xaꞌa mií ra.

1 Tesalonicenses 2:9

Xa ñúꞌu vaꞌa ini mií ndo ndá kuꞌva xa̱a chiñu ni nde tá ndi̱xiyo nde xiꞌin ndo, nduvi niuu xa̱a chiñu ni nde ya ka̱na xuꞌun kuniñuꞌu nde sata nde ñaꞌa kuxi nde. Ta köo ndi̱sindiꞌi nde ini nda iin ndo ya chindee ndo ndeꞌe xaꞌa ya káꞌan ndoso nde tuꞌun vaꞌa xaꞌa Iva yo Ndioxi xiꞌin ndo.

2 Tesalonicenses 3:8

Ni köo ñaꞌa nda iin ndo ndi̱xixi uun nde, ndiꞌi saa ichí xa̱a chiñu ni nde. Nduvi niuun xa̱a chiñu ni nde saa xi̱taku nde, ta nda loꞌo köo ndi̱sindiꞌi nde ini ndo ya nduku nde ñaꞌa nuu ndo kuxi nde án ya xíniñuꞌu nde.

Tito 2:8

Vívií kaꞌan un xiꞌin na sinaꞌa un na ya ná nïꞌi na tuꞌun väꞌa taxi na kuachi xaꞌa un. Tá ikan un saa, ta nda naꞌa, na köo xíin kundikun ichí Tata yo Jesucristo, ta kukaꞌan nuu na kuni na yóꞌo̱, nïꞌi na ndá ka ñaꞌa kaꞌan väꞌa na xaꞌa yo.

Tito 3:8

Ñani yo, tuꞌun ya káꞌan i xiꞌin un yóꞌó, ta ya ndaa ni kua, yakan ndinuꞌu ni ini un sinaꞌa un ya, ya ná kundaa ini na taꞌan yo na kándixa Ndioxi ikan na ya vaꞌa, chi ya yóꞌó kua ndee ni vaꞌa, chíndee ni ya ndiꞌi na ñuu ivi.

2 Pedro 1:8

Tá tu íkan ndo ndiꞌi ya káꞌan i xaꞌa xiꞌin ndo yóꞌó iin iin kivi, saa kua nduu ndo naꞌa, na íkan chiñu ya ndee ni ndáa yaꞌvi, ta ya ñaa kua káꞌan vaꞌa ni xaꞌa ndo, ya xíni ni ndo Tata yo Jesucristo.