Tito 3:11 - Xochapa Mixteco

¹¹ Ta xa ndi̱kaꞌan i xiꞌin un, xíni mií un ndiꞌi na íkan saa, ta köo íyo vaꞌa ka ini na, na xa ndi̱ka̱va ini va ku na, saa íyo kuachi na, táxi ya kuachi xaꞌa na nuu Ndioxi.

Tito 3:11 Mawu Ofanana

San Lucas 19:22

Saa ndi̱kuiin mií ra rey ikán ndi̱kaꞌan ra: “Süvi moso vaꞌa ku yóꞌo̱. Suvi xiꞌin tuꞌun ya ndi̱kaꞌan un ñaa sikuiso kuachi i yóꞌo̱. Tá tu xíni un ndee ni ini i, ndíkuiso i ñaꞌa nuu köo ndi̱chiꞌi i káchi un,

San Lucas 7:30

Sundi nda sínaꞌa ley ya ta̱a ra Moisés xiꞌin nda fariseo, ta ku̱ndasi nda ya vaꞌa ku̱ni Ndioxi ikan ra xiꞌin nda, chi köo ndi̱xiin nda kuꞌun nda kuchi nda nuu ra Juan ―káchi Jesús xiꞌin na.

San Juan 3:18

’Ta ndiꞌi na kándixa Seꞌe Ndioxi ta küꞌun na nuu ndoꞌo ni na, sundi na köo xíin kandixa Seꞌe ra ta xa chi̱tuni Ndioxi ndiꞌi xaꞌa na, chi xïin na kandixa na kivi Seꞌe Ndioxi, ra iindaa mituꞌun nuu ra.

Los Hechos 13:46

Saa xa̱á ra Pablo xiꞌin ra Bernabé káꞌan nda, ndinuꞌu ini nda káꞌan nda, káchi nda saa: ―Xiꞌna ndóꞌo̱ ku ndo xíniñuꞌu kuni soꞌo tuꞌun Ndioxi, chi ndo judío ku ndo, sundi ndóꞌo̱ ta köo xíin ndo ndikiꞌin ndo ya, saa chi ndíkani ini ndo ni köo ndáa yaꞌvi ndo kutaku ndo ndiꞌi saa kivi xiꞌin Ndioxi, káꞌan ndo. Ta vaꞌa va chi vitin ndituꞌun nde xiꞌin na köo kúu judío.

Los Hechos 15:24

Ku̱ndaa ini nde xaꞌa sava nda taꞌan nde ndóo ñuu Jerusalén yóꞌó ya ndi̱xaꞌan nda kéꞌe nda ndóꞌo̱, sáka nda ini ndo, káꞌan nda xiꞌin ndo ya xíniñuꞌu ndo ndikunuu tuni Ndioxi ndóꞌo̱, ta xaa súvi ndo ley ya ta̱a ra Moisés, káchi nda xiꞌin ndo. Ta kúni nde kundaa ini ndo, chi ndeꞌe ta köo ndi̱taxi nde ichí ndaꞌa nda xaa nda kaꞌan nda xiꞌin ndo.

Los Hechos 23:25

Saa ta̱a ra iin tutu nuu káꞌan ra xiꞌin ra, káchi ra saa:

ROMANOS 3:19

Xa xíni mií yo ndiꞌi ya káꞌan ley Ndioxi ya ta̱a na xinaꞌa, ta káꞌan ya xaꞌa mií yo ya ndi̱ndoo ya ndaꞌa yo, yakan köo ka ya taa nuu yo. Ta̱xi Ndioxi ley ikán ndaꞌa xii sikua yo na judío, ya ná kundaa ini ndiꞌi naꞌa ya ndíso yo kuachi nuu Ndioxi.

2 Timoteo 2:14

Ndiꞌi saa kivi sindikaꞌán un ini na ñani yo nuu Ndioxi ya ná käni taꞌan na, ná käꞌan kuachi na xaꞌa ndá ka ñaꞌa ya köo ndáa yaꞌvi. Chi ya íkan na saa ta síndiꞌi xaꞌa na naꞌa, na sikan xíni soꞌo tuꞌun xaꞌa Tata yo.

Tito 1:11

Ta nda íkan saa ta síndiꞌi xaꞌa nda naꞌa, ínii veꞌe síndiꞌi xaꞌa nda xiꞌin tuꞌun ya sínaꞌa nda na, ta saa ndátun nda chaꞌvi naꞌa nda xaꞌa ya väꞌa sínaꞌa nda na. Ta ndiꞌi nda íkan saa, ta vaꞌa ndikasi un yuꞌu nda, täxi un sinaꞌa ka nda naꞌa xaꞌa ya íkan nda saa.

Tito 1:14

Ta ná küni soꞌo na kuento yata ya ndítuꞌun mií na judío, ni ná täa tu soꞌo na ya síkuaꞌa ini mií na káꞌan na, na ñaa ku naꞌa, na síndoo ichí Ndioxi ya ndaa.

HEBREOS 10:26

Saa chi tá tu xa kúndaa teꞌe ini yo xaꞌa ya ndaa, ta íkan ka yo ya väꞌa, ta ndaꞌvi ni va mií yo, saa chi köo ka inka ñaꞌa soko Jesucristo ya xaa kaꞌnu ini Ndioxi xaꞌa kuachi yo.