Tito 3:10 - Xochapa Mixteco

¹⁰ Tá ndá mií na ñani yo, na veꞌe ñuꞌu, kúni taꞌvi taꞌan na ñani yo, ta vaꞌa kaꞌan un xiꞌin na iin án uvi ichí ná ïkan ka na saa. Tá tu köo xíin na xikuiin na ya íkan na saa, ta vaꞌa tava un na ná kana koo na veꞌe ñuꞌu.

Tito 3:10 Mawu Ofanana

ROMANOS 16:17

Ñani yo xiꞌin kuꞌva yo, xíkan ni i ya mani nuu ndo, kundaa ni ndo mií ndo nuu naꞌa, na táꞌvi naꞌa veꞌe ñuꞌu. Kuenta ni koo ndo xiꞌin na, saa chi köo íyo yuꞌu na xiꞌin ya si̱naꞌa nde ndóꞌo̱, ta kúni na ndi̱kasi na nuu ndo ya ná kändixa ndo tuꞌun vaꞌa xaꞌa Jesucristo. Kuxika ndo nuu na ñaa, kütaꞌan ndo xiꞌin na.

1 Corintios 11:19

Ta ¿án xaꞌa ya íkan ndo saa kua kúni ndo sinaꞌa ndo mií ndo unku ndo ndixa ndaa ni ndíkun Tata yo Jesucristo, túvi ndo? ¡Ta süvi saa íyo ya!

2 Corintios 13:2

Chi tá ndi̱xaꞌan i xi̱to i ndóꞌo̱ ichí uvi saa kua ndi̱kaꞌan i xiꞌin ndo xaꞌa naꞌa, na kuakiꞌvi ndá ka kuachi, ta saa ndi̱kaꞌan i xiꞌin ndiꞌi ndo ya koo ndaku ini ndo xiꞌin na íkan saa. Ta vitin íyo xíka ni i nuu ndo, ta saa káꞌan tuku va i xiꞌin ndo vitin: “Tá tu köo kúni ndo sindoꞌo i ndóꞌo̱ xaꞌa kuachi ndo, ta vaꞌa sindoo ndo ya väꞌa íkan ndo”.

Gálatas 5:12

Ta naꞌa, na síndaꞌvi ndóꞌo̱ ya ndikunuu tuni Ndioxi ndóꞌo̱, ta ¡án vaꞌa ka ná kaꞌnda vaꞌa va na mií na, nduu capo va na, káchi yeꞌe!

Gálatas 5:20

saa tu na káñuꞌu ni ndioxi ya siki, xiꞌin na xíka nuu na tási, saa tu na kúndasi nuu xíni taꞌan va na, xiꞌin na káni taꞌan xiꞌin taꞌan, saa tu na xáa kuiñu taꞌan, xiꞌin ya ndee ni sáa íni na xíni taꞌan na, xiꞌin ya íyo na kuachi xiꞌin taꞌan na, tin ya táva na kuachi xiꞌin taꞌan na, saa táꞌvi taꞌan na,

2 Tesalonicenses 3:14

Tá tu ndá na íkan saa, köo xíin na xaa súvi na ya káꞌan nde xiꞌin ndo nuu tutu yóꞌó, ta kiꞌin vaꞌa ndo kuenta unku na, saa kuxika ndo nuu na ñaa, kütaꞌan ka ndo xiꞌin na ya ná kukaꞌan nuu na.

2 Tesalonicenses 3:6

Ñani yo xiꞌin kuva yo, tixin ndee Tata yo Jesucristo ya kúu mií nde kua xáꞌnda chiñu nde nuu ndo ya ná kuxika ndo nuu na ñani yo xiꞌin kuꞌva yo, na köo xíin xaa chiñu, chi ndiꞌi na íkan saa ta köo xáa súvi na ya si̱naꞌa nde ndóꞌo̱.

2 Timoteo 3:5

Ta kaꞌan na ya káñuꞌu ni na Ndioxi, sundi kuꞌva íkan na, ta ndínaꞌa na mií na ya köo ndinuꞌu ini na ndíkun na ra. Ta yóꞌo̱, ta vaꞌa kuxika un nuu na ñaa. Kütaꞌan un xiꞌin na.

2 Pedro 2:1

Tá kuiya xinaꞌa ta ndi̱xiyo nda vata, nda ndi̱kaꞌan ndoso tuꞌun yuꞌu Ndioxi tañu na ñuu Ndioxi, ta saa koo tu nda tañu ndóꞌo̱ va. Ta ni kündaa ini ndo ndá kuꞌva xáa nda nama nda tuꞌun Ndioxi ya sínaꞌa nda ndóꞌo̱, nda ndikuaa tu nda Tata yo Jesucristo va, ra ki̱xi ndi̱xiꞌi xaꞌa nda ya si̱kaku ñaꞌa ra. Xaꞌa ya íkan nda saa ta kama ni sindiꞌi nda xaꞌa mií va nda.

2 Juan 1:10

Tá ndá na xáa nuu ndo, ta köo sínaꞌa na ndóꞌo̱ tá kuꞌva si̱naꞌa nde ndóꞌo̱ xaꞌa Tata yo Jesucristo, ta ndïkuiso ndo na koo na veꞌe ndo xaꞌa ya köo vaꞌa sínaꞌa na, ta ni käꞌan ndo xiꞌin na yaꞌa na koo na xiꞌin ndo.